អ្នកជំនាញ ៖ «យើងនាំគ្នាទិញផលិតផលក្នុងស្រុកយើង ដើម្បីស្រុកយើងរុងរឿង»

ភ្នំពេញ ៖ ការគាំទ្រនូវផលិតផលក្នុងស្រុកគឺបានរួមចំណែកយ៉ាងសំខាន់ក្នុងការជួយជំរុញឱ្យកំណើនសេដ្ឋកិច្ចជាតិ ក៏ដូចជាលើកកម្ពស់កម្រិតជីវភាពគ្រួសារ​របស់ប្រជាជនខ្មែរមានការភាពរីកចម្រើនរុងរឿងយ៉ាងប្រសើរ ខណៈដែលទាំងគុណភាព ទាំងអនាម័យ និងគុណតម្លៃនៃផលិតផលភាគច្រើនមានលទ្ធភាព​គ្រប់គ្រាន់​ក្នុងការប្រកួតប្រជែងនៅលើទីផ្សារមិនចាញ់ផលិតផលដែលនាំចូលមកពីក្រៅប្រទេសនោះឡើយ។

អនុប្រធានសភាពាណិជ្ជកម្មកម្ពុជា លោកឧកញ៉ា លឹម ហេង បានមានប្រសាសន៍ប្រាប់ AMS ថា ការគាំទ្រនូវរាល់ផលិតខ្មែរដែលជាផលិតផលក្នុងស្រុក គឺជា​ការរួមចំណែកយ៉ាងសំខាន់នៅក្នុងការជួយទ្រទ្រង់នូវកំណើនសេដ្ឋកិច្ចជាតិបានយ៉ាងល្អប្រសើរ ហើយវាក៏ជាចលនាជាតិនិយមផងដែរ។

លោកឧកញ៉ាបន្តថា៖

“ចាប់តាំងពីដើមឆ្នាំ2020 កន្លងមកនេះយើងឃើញថា ការគាំទ្រនូវរាល់ផលិតផលខ្មែរដែលជាផលិតផលក្នុងស្រុកនេះ ការគាំទ្រមាន​ការ​កើន​ឡើងគួរឱ្យកត់សម្គាល់ ដែលក្នុងនោះរាប់ទាំងផលិតផលសម្រាប់ប្រើប្រាស់ប្រចាំថ្ងៃ ក៏ដូចជាផលិតផលផ្នែកចំណីអាហារផងដែរ។ យើងទទួលស្គាល់ថា កាលពីមុនផលិតផលក្នុងស្រុកភាគច្រើនដែលជាការផលិតដោយសហគ្រាស់ធុនតូច និងមធ្យម នៅតាម​មូលដ្ឋាន​មិន​សូវទទួលបានការគាំទ្រពីប្រជាជនខ្មែរនោះទេ។ ប៉ុន្តែបច្ចុប្បន្ននិន្នាការបានផ្លាស់ប្ដូរ បន្ទាប់ពីសិប្បករ សហគ្រិនដែលជាអ្នកផលិតបានយក​ចិត្ត​ទុក​ដាក់ក្នុងបង្កើនគុណភាព អនាម័យ និងការវេចខ្ចប់បានល្អជាងមុន ហើយអ្វីដែលសំខាន់គឺអនាម័យ និងគុណភាពអាចប្រ​កួតប្រជែងជាមួយបណ្តា​ផលិតផល​មួយចំនួនដែលនាំចូលមកពីក្រៅស្រុកបាន”

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា
លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា

លោកឧកញ៉ា លឹម ហេង បានមានប្រសាសន៍សង្កត់ធ្ងន់ថា នៅពេលដែលប្រជាជនខ្មែរមានការគាំទ្រទៅលើរាល់ផលិតផលក្នុងស្រុងរបស់ខ្មែរ មានន័យថា ប្រជាជនខ្មែរកំពុងតែមានការចូលរួមយ៉ាងសកម្មជាមួយរាជរដ្ឋាភិបាលកម្ពុជាក្នុងការជំរុញ និងលើកកម្ពស់កំណើនសេដ្ឋកិច្ចឱ្យមានកាន់តែមានភាពរឹងមាំ។ មានន័យថា ប្រជាជនខ្មែរជួយសង្គមជាតិខ្មែរ។

លោកឧកញ៉ា ឃាង ពុទ្ធី អនុប្រធានសភាមុខរបរ និងមីក្រូសហគ្រាសកម្ពុជា បានមានប្រសាសន៍ឱ្យដឹងផងដែរថា លោកទទួលស្គាល់ថាកាល​ពីពេល​កន្លង​ទៅ​ការប្រកួត​ប្រជែងរវាងការផលិត និងវេចខ្ចប់របស់សហគ្រាសក្នុងស្រុកនៅមានកម្រិតបើប្រៀបធៀបជាមួយនឹងផលិតផលក្រៅស្រុក ប៉ុន្តែបច្ចុប្បន្ន ដោយ​សារការវិឌ្ឍផ្នែកចំណេះដឹង បច្ចេកទេសដែលបានសិក្សា​ និងចម្លងពីបណ្តាក្រុមហ៊ុនបរទេស ពេលនេះមានការប្រែប្រួល និងល្អប្រសើរច្រើនដែលអាចទទួល​យកបាន។

លោកឧកញ៉ាបញ្ជាក់ថា៖ នៅពេលដែលបងប្អូនប្រជាជនខ្មែរគាំទ្រផលិតផលរបស់ខ្មែរ ដែលជាផលិតផលនៅក្នុងស្រុកវាគឺជាការបង្កើននូវកម្លាំងចិត្តដល់អ្នកផ​លិត ដែលក្នុងនោះរាប់ទាំងអ្នកផលិតនៅក្នុងវិស័យឧស្សាហកម្ម កសិឧស្សាហកម្ម ផ្នែកកសិកម្មនៃការដាំដុះដូចជាបន្លែ ផ្លែឈើ និងការចិញ្ចឹមសត្វជា​ដើម។ នៅពេលដែលមានការគាំទ្រ មានតម្រូវការទីផ្សារខ្ពស់ ពួកគាត់នឹងកាន់តែមានកម្លាំងចិត្ត មានទំនុកចិត្តខ្ពស់ក្នុងការផលិតប្រកបដោយគុណភាពដើម្បីផ្គត់ផ្គង់​ទីផ្សារក្នុងស្រុក និងអាចឈានទៅដល់ការនាំចេញទៅកាន់ទីផ្សារក្រៅស្រុកបន្ថែមទៀត»។

លោកឧកញ៉ា ឃាង ពុទ្ធី បានមានប្រសាសន៍ប្រាប់បន្ថែមថា៖

“បើប្រជាជនខ្មែរភាគច្រើនចូលរួមគាំទ្រនោះផលិតផលខ្មែរនឹងមានតមុំ្ល។ ខ្ញុំលើក​ឧទាហរណ៍​ជាក់ស្ដែងថា ផ្លែស្វាយដែលកំពុងជួបកង្វះទីផ្សារនៅពេលបច្ចុប្បន្នរហូតមានកសិករខ្លះបង្ខំចិត្តចាក់ចោល ប៉ុន្តែបើមានការគាំទ្រទៅលើផលិតផលផ្លៃស្វាយ​កែច្នៃ ក្រោយការបណ្តាក់ទុនវិនិយោគទៅលើផ្លែស្វាយ ដូចជាទឹកផ្លែស្វាយ ដំណាប់ស្វាយ ឬផលិតផលស្វាយដទៃទៀត ខ្ញុំគិតថា កសិករលែងចាក់ចោល​ផ្លែ​ស្វាយ​ទៀតហើយ ព្រោះផ្លែស្វាយមានតម្លៃ”

លោកឧកញ៉ា ឃាង ពុទ្ធី អនុប្រធានសភាមុខរបរ និងមីក្រូសហគ្រាសកម្ពុជា

លោកឧកញ៉ាបញ្ជាក់ថា នៅពេលដែលបងប្អូនប្រជាពលរដ្ឋខ្មែរមានការគាំទ្រផលិតផលក្នុងស្រុក​គឺបានផ្តល់ផលចំណេញ​ជា​ច្រើន​ក្នុង​ពេល​តែមួយ ដូចជាបាន​ចូលរួម​ក្នុង​ការ​បង្កើនលើកកម្ពស់ និងធ្វើពិពិធកម្មការផលិតក្នុងស្រុក ផ្តល់ចំណូលដល់ប្រទេសជាតិតាមរយៈការបង់​ពន្ធរបស់​អ្នក​ផលិត និងអ្នកលក់នៅ​លើទីផ្សារ បានផ្តល់ការងារជូនប្រជាពលរដ្ឋក្នុងស្រុកកាត់បន្ថយចំណាកស្រុក​ ជាពិសេសអាចចូលរួមកាត់បន្ថយការនាំចូលពីក្រៅស្រុក ដែលធ្វើឱ្យទីផ្សារ​ផលិតផលក្នុងស្រុកមានភាពទូលំទូលាយថែមទៀត៕

លោកឧកញ៉ា ឃាង ពុទ្ធី អនុប្រធានសភាមុខរបរ និងមីក្រូសហគ្រាសកម្ពុជា

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកអនុម័តឥណទាន ៤០លានដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជា

ព្រឹត្តិការណ៍, ហិរញ្ញវត្ថុ

• 24/05/2024

ធនាគារពិភពលោក បានអនុម័តឥណទានចំនួន ៤០លាន ដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជាដើម្បីរកការងារបានកាន់តែល្អប្រសើរ ។

ស្វែងយល់ពីការបែងចែកប្រភេទក្រុមហ៊ុនដែលមានអាជីវកម្មបរិយាប័ន្ននៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។

ឧបនាយករដ្ឋមន្ត្រី ស៊ុន ចាន់ថុល ពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនមន្ត្រីជាន់ខ្ពស់របស់វៀតណាម

ព្រឹត្តិការណ៍, អចលនទ្រព្យ

• 24/05/2024

ឧបនាយករដ្ឋមន្ត្រី ស៊ុន ចាន់ថុល បានពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនដល់ឧបនាយករដ្ឋមន្ត្រីនៃប្រទេសវៀតណាម ។

អ្នកនាំពាក្យ​ក្រសួងសាធារណការ​ បញ្ជាក់ពីកាលបរិច្ឆេទនៃការ​បើ​ក​ការដ្ឋានគម្រោងព្រែកជីកហ្វូណន​តេជោ​

ព្រឹត្តិការណ៍, អចលនទ្រព្យ

• 24/05/2024

គម្រោងព្រែកជីក​ហ្វូណនតេជោ​នៅមិនទាន់​បានកំណត់​កាលបរិច្ឆេទបើ​ក​ការដ្ឋាន​សាងសង់​នៅឡើយទេ ខណៈបណ្ដាញសង្គម​មួយចំនួន​ផ្សព្វផ្សាយដោយគ្មានប្រភពច្បាស់លាស់ថា ​នឹងចាប់ផ្ដើម​នៅខែ​ក្រោយ​

កសិករដាំដំណាំម្រះ កំពុងរីករាយជាមួយកំណើនទិន្នផលរបស់ខ្លួន ខណៈដែលតម្រូវការទីផ្សារមានភាពទូលាយ

ជំនួញ, ព្រឹត្តិការណ៍

• 24/05/2024

ដោយសារម្រះមានទីផ្សារល្អ កសិករដាំម្រះកាន់តែអាចពង្រីកការដាំដុះដើម្បីទទួលបានទិន្នផលច្រើនផ្គត់ផ្គង់តាមតម្រូវការ

តម្លៃប្រេងបានបន្តឡើងថ្លៃជាង ៨០ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 24/05/2024

តម្លៃប្រេងឆៅម៉ាក Brent ឡើងថ្លៃ ០,៨៨ ភាគរយ ឬ ៨២,៦២ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ឡើងថ្លៃ ០,៩៣ ភាគរយ ឬ ៧៨,២៩ ដុល្លារក្នុងមួយបារ៉ែល

អ្នកឧកញ៉ា គិត ម៉េង ជំរុញ និងលើកទឹកចិត្តវិនិយោគិនចិនបណ្តាក់ទុនវិនិយោគបន្ថែមទៀតនៅកម្ពុជា

ព្រឹត្តិការណ៍, សេដ្ឋកិច្ច

• 24/05/2024

សភាពាណិជ្ជកម្មកម្ពុជា និងសហព័ន្ធឧស្សាហកម្ម និងពាណិជ្ជកម្មនៃសាធារណរដ្ឋប្រជាមានិតចិនជជែកគ្នាពីការវិនិយោគ និងជំរុញការបណ្តាក់ទុនបន្ថែមនៅកម្ពុជា

Pronaca អនុវត្តគំរូអាជីកម្មបរិយាបន្នដែលបង្កើតឱកាសទីផ្សារដល់កសិករ ដើម្បីឲ្យពួកគេរួចផុតពីជីវភាពក្រីក្រ

ជំនួញ, ធុរកិច្ចបរិយាបន្ន, ព្រឹត្តិការណ៍

• 24/05/2024

Pronaca ផ្តល់ជំនួយផ្នែកហិរញ្ញវត្ថុដលកសិករសម្រាប់ទិញគ្រាប់ពូជ ជី និងការផ្គត់ផ្គង់កសិកម្មផ្សេងទៀតដែលមានការបញ្ជាក់ក្នុងតម្លៃសមរម្យ និងផ្តល់ជំនួយបច្ចេកទេសក្នុងការលើកកម្ពស់ផលិតភាពដំណាំប្រកបគុណភាព និងនិរន្តរភាព

តុវិនិយោគកសិ-ចំណីអាហារជួយពង្រឹង និងពង្រីកមូលដ្ឋានវិស័យកសិកម្ម និងកសិ-ឧស្សាហកម្មនៅកម្ពុជាឱ្យកាន់តែរឹងមាំ និងមានភាពធន់

ព្រឹត្តិការណ៍, សេដ្ឋកិច្ច

• 24/05/2024

តុវិនិយោគកសិ-ចំណីអាហារ នឹងជួយពង្រឹង និង ពង្រីកមូលដ្ឋានវិស័យកសិកម្ម និង កសិ-ឧស្សាហកម្មនៅកម្ពុជាឱ្យកាន់តែរឹងមាំ និង មានភាពធន់ ។

Mustard Tree ផ្តល់់ឱកាសដល់ជនពិការ និងអ្នកអសមត្ថភាពដែលចូលចិត្តបង្ហាញភាពច្នៃប្រតិដ្ឋតាមរយៈសិប្បកម្មកែច្នៃ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

មានទីតាំងនៅក្នុងប្រទេសសិង្ហបុរី បច្ចុប្បន្នអាជីវកម្ម Mustard Tree កំពុងដើរតួជាសហគ្រាសសង្គមជាមួយនឹងបេសកកម្មដែលលើសពីការងារសិប្បកម្មមានលក់នូវផលិតផលកែច្នៃដ៏ស្រស់ស្អាត