អ្នកសេដ្ឋកិច្ច និយាយពីផលប៉ះពាល់ និងសារប្រយោជន៍នៃបំរាមគោចរនៅទូទាំងរាជធានីភ្នំពេញ

ភ្នំពេញ ៖ មានការលើកឡើងផ្សេងៗពីគ្នាជាច្រើនពាក់ព័ន្ធទៅនឹងការដាក់បំរាមគោចររយៈពេល14ថ្ងៃនៅទូទាំងរាជធានីភ្នំពេញ ដោយក្នុងនោះមានទាំង​ការ​លើកឡើង​​ពីផលប៉ះពាល់ដល់ប្រយោជន៍សាធារណៈជនមួយចំនួនដែលជាអាជីវករលក់ដូរពេលរាត្រី ក៏ដូចជាការលើកឡើងពីគុណប្រយោជន៍នៃការដាក់​បំរាម​នេះ​ផង​ដែរ​។

សម្រាប់តែការទិញ-លក់បន្លែផ្លែឈើពេលយប់ចាប់ពីម៉ោង8យប់ដល់ម៉ោង5ភ្លឺ រយៈពេល2សប្តាហ៍នៅទីផ្សារដើមគរ ត្រូវបានប្រធានផ្សារអះអាងថា​នៅតែ​បន្ត​មានសកម្មភាពធម្មតា មិនមានការប្រែប្រួលអ្វីនោះទេ ពោលគឺនៅរក្សាការលក់ដូរដូចធម្មតា ដោយគណៈកម្មការ ផ្សារបាន និងកំពុងបំពេញការងារ​យ៉ាង​មមាញឹក​ក្នុងការបំពេញឯកសារ និងកាតសំគាល់ខ្លួនជូនទៅបងប្អូនកម្មករ អាជីវករលក់ដូរទាំងនេះ ដើម្បីឱ្យពួកគាត់ មានសិទ្ធិអាចធ្វើដំណើរចេញចូល​រាជធានីភ្នំពេញដោយមិនមានការឃាឃាំង និងពិន័យពីអាជ្ញាធរមានសមត្ថកិច្ច ។

លោក គៀង ចក់ ប្រធានគណៈកម្មការផ្សារដើមគរបានបញ្ជាក់ឱ្យដឹងនៅថ្ងៃទី2 ខែមេសា នេះថា ៖

“ចំពោះផ្សារដើគរគឺ មិនមានការបិទការលក់ដូរ ឬ ផ្គត់ផ្គង់បន្លែផ្លែឈើនោះទេ។ ចំពោះកម្មករ អាជីវករ អ្នកលក់ដូរ កម្មករអនាម័យនៅពេលយប់ ខាងគណៈកម្មការផ្សារបាន នឹងកំពុងរៀបចំធ្វើកាតសម្គាល់ ខ្លួនជូនពួកគាត់ហើយដើម្បីឱ្យពួកគាត់បានមកបំពេញការងារ និងប្រកប អាជីវកម្មដោយមិនមានការឃាត់ពីអាជ្ញាធរមានសមត្ថកិច្ច”

ទិដ្ឋភាពលក់ដូរនៅក្នុងផ្សារបន្លែនាទីក្រុងភ្នំពេញ

លោក អ៊ូ ចន្ថា ដែលជាអាជីវករលក់មីឆា នៅមុខផ្សារអូឫស្សីបាននិយាយបែបត្អូញត្អែរថា ការសម្រេចដាក់ចេញនូវបំរាមបិតការធ្វើចរាចរនៅ​ពេលយប់​របស់​រដ្ឋបាលរាជធានីភ្នំពេញបានធ្វើឱ្យប៉ះពាល់ដល់ការរកទទួលទានរបស់ប្រជាពលរដ្ឋដែប្រមុខរបរនៅពេលយប់យ៉ាងខ្លាំង។

លោកបញ្ជាក់ថា «ជាទូទៅខ្ញុំបើកលក់ចាប់ពីម៉ោង6ល្ងាច ហើយទម្រាំរៀបចំកន្លែងរួចរាល់អាចម៉ោងជិត7យប់ ហើយមិនទាន់បានមួយម៉ោងស្រួលបួល​ផង​ដល់​ម៉ោង8ដែលជាពេលវេលាត្រូវបិទចរាចរណ៍ ផ្អាកការធ្វើដំណើរតាមផ្លូវ​។ សាលាក្រុងឱ្យលក់ដោយការវេចខ្ចប់បាន ប៉ុន្តែបើមិនអនុញ្ញាតឱ្យមានការ​ធ្វើ​ចរាចរណ៍ផង តើមានអ្នកណាគេមកទិញ? វាខុសប្លែកពីអ្នកលក់បន្លែបោះដុំពេលយប់នៅផ្សារដើមគរ ដែលអតិថិជនរបស់ពួកគេភាគច្រើនជាអាជីវករធំៗ ដែល​ជាឈ្មួញទិញយកទៅលក់បន្តតាមផ្សារនានា ឬតាមបណ្តាខេត្ត ដែលមានលិខិតបញ្ជាក់ពីផ្សារ ប៉ុន្តែសម្រាប់អ្នកទិញមីឆា បាយឆា គ្មានលិខិតធ្វើដំណើរ ឬលិខិតដឹកជញ្ជូនដូចគេនោះទេ»។

ប្រធានសមាគមសេដ្ឋកិច្ចឯករាជ្យក្រៅប្រព័ន្ធ លោក វ៉ន ពៅ បានមានប្រសាសន៍ថា លោកគាំទ្រទៅនឹងការសម្រេចផ្អាកការធ្វើចរាចរណ៍ពេលយប់ ឬហាម​មិន​ឱ្យមានការជួបជុំដើម្បីទប់ស្កាត់ការរីករាលដាលនៃជំងឺឆ្លង ប៉ុន្តែគួរពិនិត្យលើការពន្យាពេលត្រឹមម៉ោង9 ឬ10យប់ ដើម្បីទុកពេលឱ្យអាជីវករ ឬអ្នករត់កងបី​អាច​រកចំណូលសម្រាប់ទំនុកបម្រុងគ្រួសារបានខ្លះ។

លោកបានបន្តថា «មានអាជីវករមួយចំនួនបានសំណូមពរមកដែរថា សុំឱ្យជួយសម្របសម្រួលខ្លះ ព្រោះពួកគាត់រកស៊ីបានតែពេលយប់ ដូចជាលក់មីឆា បាយឆា ទឹកក្រឡុក ហើយអ្នកខ្លះរត់ម៉ូតូកង់បីជាដើម លុះពេលបំរាមបិតការធ្វើដំណើរលឿនពេក ដូចបិទឆ្នាំងបាយពួកគាត់។ ពួកគាត់បានស្នើសុំរដ្ឋាភិបាល​ជួយ​ពន្យាពេលវេលាបន្តិច ឬអាចត្រឹមម៉ោង10យប់ ដើម្បីពួកគាត់អាចរកចំណូលពីការលក់បានខ្លះ»។

អ្នកវិភាគសេដ្ឋកិច្ច និងជានាយក​នៃ​មជ្ឈមណ្ឌល​សិក្សា​គោលនយោបាយ លោក ចាន់ សុផល បានលើកឡើងថា​ វិធានការនេះល្អ សម្រាប់ទប់ស្កាត់កូវីដ19 ប៉ុន្តែបើមើលក្នុងរយៈពេលខ្លី នាំឱ្យមនុស្សពិបាករកស៊ី ធ្វើឱ្យមានភាពតានតឹងមួយរយៈ តែប្រសិនបើវិធានការនេះ មានប្រសិទ្ធភាពក្នុងការកាត់បន្ថយការឆ្លងរីករាលដាលពីព្រឹត្តិការណ៍សហគមន៍20កុម្ភៈ នោះមានន័យថា ល្អសម្រាប់រយៈពេលវែងទៅមុខទៀត គឺថាអាចមានការបើកទូលាយឡើងវិញ នោះដំណើរការសេដ្ឋកិច្ចនឹងងើបឡើងវិញ៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ហ្វីលីពីន បន្ថែមលុយជាង២០០លានដុល្លារពីលើកុងត្រាចាស់ជាង៣០០លានដុល្លារ ដើម្បីទិញមីស៊ីលពីឥណ្ឌា

ព្រឹត្តិការណ៍, សេដ្ឋកិច្ច

• 14/02/2025

ប្រទេសឥណ្ឌាគឺជាអ្នកនាំចូលអាវុធច្រើនជាងគេបំផុតលើពិភពលោក ប៉ុន្តែក៏កំពុងព្យាយាមក្នុងការបង្កើនការនាំចេញសព្វាវុធដែលផលិតបាននៅក្នុងស្រុករបស់ខ្លួនផងដែរ

ប្រាក់កម្ចីពីគ្រឹះស្ថានមីក្រូហិរញ្ញវត្ថុ គឺជាដើមទុនដ៏សំខាន់ក្នុងការជួយលើកកម្ពស់ជីភាពប្រជាពលរដ្ឋ

ជំនួញ, ព្រឹត្តិការណ៍

• 14/02/2025

ដើមទុនពីគ្រឹះស្ថានមីក្រូហិរញ្ញវត្ថុបានជួយលើកកម្ពស់ជីភាពប្រជាពលរដ្ឋឱ្យប្រសើរឡើងតាមរយៈការជំរុញឱ្យមានលទ្ធភាពពង្រីកមុខរបររកស៊ីក្រោយពីទទួលបានកម្ចីពីគ្រឹះស្ថានមីក្រូហិរញ្ញវត្ថុ

ចំការម្រេច សុធី បើកទទួលទេសចរ ដើម្បីបង្ហាញពីដំណើរការផលិតម្រេចល្អបំផុតនៅលើពិភពលោក

ជំនួញ, ព្រឹត្តិការណ៍

• 14/02/2025

ផលិតផលម្រេចបានចាប់កំណើតនៅក្នុងខេត្តកែប ប្រមាណជាជាង១០០ឆ្នាំមកហើយ ពោលគឺតាំងពី​ខេត្តកែបមិនទាន់បំបែកចេញពីខេត្តកំពត

កម្ពុជា និងហ្វីលីពីន សហការគ្នាស៊ើបអង្កេតលើការងារបច្ចេកទេសឆ្លងដែន

ព្រឹត្តិការណ៍, សេដ្ឋកិច្ច

• 14/02/2025

គណៈកម្មាធិការប្រកួតប្រជែងកម្ពុជា និង ហ្វីលីពីន ចុះ MoU សហការគ្នាលើការស៊ើបអង្កេត និង ការងារបច្ចេកទេសឆ្លងដែន ដើម្បីសម្របសម្រួល និងការស៊ើបអង្កេតរួមគ្នា

កម្ពុជា-ហ្វីលីពីន ពង្រឹងកិច្ចសហប្រតិបត្តិការលើវិស័យកសិកម្មឱ្យមានភាពរីកចម្រើន រួមចំណែកលើកកម្ពស់សេដ្ឋកិច្ច

ព្រឹត្តិការណ៍, សេដ្ឋកិច្ច

• 14/02/2025

កម្ពុជា-ហ្វីលីពីន ពង្រឹងកិច្ចសហប្រតិបត្តិការលើវិស័យកសិកម្មឱ្យមានភាពរីកចម្រើន រួមចំណែកលើកកម្ពស់សេដ្ឋកិច្ចប្រទេសទាំង២

Nissan និង Honda សម្រេចចិត្តបញ្ចប់កិច្ចព្រមព្រៀងធ្វើការរួមបញ្ចូលគ្នា

ព្រឹត្តិការណ៍, អាជីវកម្មថ្មី និងនវានុវត្ត

• 14/02/2025

កាលពីថ្ងៃព្រហស្បតិ៍ ក្រុមហ៊ុន Nissan បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនទាំងពីរ Nissan និង Honda រួមជាមួយនឹងដៃគូមួយទៀត Mitsubishi Motors បានយល់ព្រមបញ្ចប់អនុស្សរណៈនៃការយោគយល់គ្នា

គណៈកម្មាធិការទី៩ រដ្ឋសភា ស្វែងយល់បន្ថែមពីវិស័យវិទ្យាសាស្ត្រ បច្ចេកវិទ្យា និងនវានុវត្តន៍ នៅមន្ទីរពិសោធន៍ និងវិទ្យាស្ថានជាតិ

ព្រឹត្តិការណ៍, អាជីវកម្មថ្មី និងនវានុវត្ត

• 14/02/2025

គណៈកម្មាធិការទី៩ រដ្ឋសភា ទស្សនកិច្ចមន្ទីរពិសោធន៍ និងវិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីស្វែងយល់បន្ថែមពីវិស័យវិទ្យាសាស្ត្រ បច្ចេកវិទ្យា និងនវានុវត្តន៍

តម្លៃប្រេងធ្លាក់ចុះជាង ២ ភាគរយ បន្ទាប់ពីប្រធានាធិបតីសហរដ្ឋអាម៉េរិកជំរុញឲ្យមានកិច្ចពិភាក្សាការទូតរវាងរុស្ស៊ី និងអ៊ុយក្រែន

ព្រឹត្តិការណ៍, សេដ្ឋកិច្ច

• 14/02/2025

ថ្មីៗនេះ តម្លៃប្រេងឆៅម៉ាក Brent ធ្លាក់ចុះ ២,៣៦ ភាគរយ ឬ ៧៥,១៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ធ្លាក់ចុះ ២,៦៦ ភាគរយ ឬ ៧១,៣៧ ដុល្លារក្នុងមួយបារ៉ែល

រដ្ឋ​បាលខេត្ត​មណ្ឌលគីរី ប្ដេជ្ញា​ក្នុងការ​បញ្ចប់ការវាស់​វែង និង​ចុះបញ្ជី​ដីធ្លីទៅតាម​ការ​គ្រោងទុក​របស់​ក្រសួង​

ព្រឹត្តិការណ៍, អចលនទ្រព្យ

• 14/02/2025

ការងារ​ចុះបញ្ជីដីធ្លី​​នៅក្នុង​ខេត្ត​មណ្ឌល​គិរី​​នៅសល់តិច​តួច ហើយរដ្ឋបាល​ខេត្ត​មណ្ឌល​គីរី​នឹង​ខិតខំធ្វើ​យ៉ាង​ណា​ឱ្យការងារ​នេះ​បានបញ្ចប់​រួច​រាល់​ទៅតាម​ផែនការ​របស់​ក្រសួង​រៀបចំដែន​ដី នគរូបណីយកម្ម ​និង​សំណង់

ក្រសួងរៀបចំដែនដី បានធ្វើបទបង្ហាញជូនគណៈកម្មាការទី៩ នៃព្រឹទ្ធសភា នូវផែនទីឯកភាពការងាររបស់ក្រសួង

ព្រឹត្តិការណ៍, អចលនទ្រព្យ

• 13/02/2025

ថ្នាក់ដឹកនាំក្រសួងរៀបចំដែនដី នគរូបនីយកម្ម និងសំណង់ នាព្រឹកថ្ងៃទី១៣ ខែកុម្ភៈ ឆ្នាំ២០២៥ នៅទីស្តីការក្រសួង បានធ្វើបទបង្ហាញជូនគណៈកម្មាការទី៩ នៃព្រឹទ្ធសភា ដែលដឹកនាំដោយឯកឧត្តម អ៊ុំ សារឹទ្ធ នូវផែនទីឯកភាពការងាររបស់ក្រសួង