ព្រឹត្តិការណ៍សហគមន៍ ២០កុម្ភៈ និងការប្រែប្រួលទីផ្សារលក់រាយបែបប្រពៃណី

ទោះបីជាការឆ្លងជំងឺកូវីដនៃព្រឹត្តិការណ៍សហគមន៍២០កុម្ភៈ បានចាប់ផ្តើមរីករាលដាលពីមួយថ្ងៃទៅមួយថ្ងៃ ធ្វើឱ្យអារម្មណ៍នៃភាពភ័យខ្លាចក្នុងការឆ្លងជំងឺមានកំណើនក្នុងខេត្តក្រុងមួយចំនួនក្តី ក៏ស្ថានភាពនៃតម្លៃម្ហូបអាហារប្រចាំថ្ងៃរបស់មេផ្ទះមួយចំនួន ពុំមានអ្វីប្រែប្រួលជាដុំកំភួនទេ ប៉ុន្តែអ្វីដែលជាការកត់សម្គាល់នោះគឺចំនួននៃអ្នកមកកាន់ទីផ្សារមានការថយចុះ ។

បើតាមការសាកសួរទៅកាន់អ្នកលក់រាយតាមទីផ្សារបែបប្រពៃណីក្នុងក្រុងភ្នំពេញមួយចំនួន ពួកគាត់បានបញ្ជាក់ថា កាលដែលអ្នកទិញមិនមកកាន់ទីផ្សារដូចពីមុន មកពីមានព័ត៌មានពីការឆ្លងកូវីដចុងក្រោយនេះមានការកើនឡើង និងមានការបិទនូវកន្លែងមួយចំនួនទៀតជាបន្តបន្ទាប់ ដែលខុសប្លែកពីអ្នកលក់ប្រចាំថ្ងៃនៅតែបន្តការលក់ដូរជាធម្មតា គ្រាន់តែតម្លៃមុខទំនិញខ្លះឡើងថ្លៃបន្តិចបន្តួច ដូចជាតម្លៃ សាច់ជ្រូក សាច់គោតិចតួច និងបន្លែមួយចំនួនទៀត។

ស្ត្រីជាអាជីវករលក់បន្លែម្នាក់នៅផ្សារទួលគោក ឈ្មោះ ស្រីអូន បានប្រាប់ថា៖

“តម្លៃបន្លែបង្ការមួយចំនួន ខ្ញុំមិនបានលក់ឡើងថ្លៃទេ តែសម្រាប់អ្នកលក់ដទៃទៀត អាចលក់ឡើងថ្លៃ ខ្ញុំមិនបានដឹងដែរ។ ខ្ញុំនៅតែលក់ប្រចាំថ្ងៃ ហើយក៏មិនបានឡើងថ្លៃអីទេ អ្នកទិញគេរអ៊ូគ្រប់គ្នាហ្នឹង ថាសាច់មាន់ និងសាច់ជ្រូកឡើងថ្លៃ”

ទិដ្ឋភាពប្រជាជនទៅផ្សារមួយនៅក្នុងក្រុងភ្នំពេញ

អ្នកនាងបន្តថា ៖

“ពេលដែលមានព័ត៌មានពីការឆ្លងកូវីដមក ក្នុងរយៈពេល3-4ថ្ងៃចុងក្រោយ អ្នកទិញហាក់ដូចជារយាលមកផ្សារ ព្រោះមកពីមូលហេតុភ័យខ្លាច។ សូម្បីតែអ្នកលក់កាហ្វេនៅក្បែរកន្លែងខ្ញុំលក់នេះក៏រអ៊ូបាត់ម៉ូយមិនឃើញមកទិញកាហ្វេដែរ ព្រោះម្នាក់ៗសុទ្ធតែភ័យខ្លាចឆ្លងជំងឺ។ ខ្ញុំក៏ខ្លាចដែរ ប៉ុន្តែបើមិនមកលក់ទេ ខ្លាចគ្មានចំណូលផ្គត់ផ្គង់ការហូបចុកក្នុងគ្រួសារ”

ដោយឡែក អ្នកលក់គុយទាវ ហាងឈ្មោះរ៉ៃ RAI នៅម្តុំផ្សារតាប៉ាងបានប្រាប់ AMS ថា ៖

“សាច់គោមានការឡើងថ្លៃ សាច់ជ្រូកក៏មានការឡើងថ្លៃតិចតួចដែរ ប៉ុន្តែខ្ញុំមិនសូវចាប់អារម្មណ៍ទេ ព្រោះខ្ញុំគិតថាប្រហែលជាអាចឡើងមួយរយៈប៉ុណ្ណោះ ហើយអាចនឹងចុះថ្លៃទៅវិញ ពេលកូវីដស្ងប់ស្ងាត់បន្តិច។ ខ្ញុំគ្រាន់តែច្នៃសាច់ ទៅជាចានពិសេសសម្រាប់អតិថិជន ដែលមកហូបប៉ុណ្ណោះ ។ ខ្ញុំសង្ឃឹមថាស្ថានការណ៍នេះនឹងស្ងប់ស្ងាត់បាត់ទៅវិញក្នុងរយៈពេលឆាប់ៗ បើមិនដូច្នោះទេ ស្ថានភាពសេដ្ឋកិច្ចនឹងជួបភាពលំបាកកាន់តែខ្លាំងជាមិនខាន”

លោក ម៉េត មាសភក្តី អ្នកនាំពាក្យសាលារាជធានី បានប្រាប់ AMS ថា សម្រាប់ទីផ្សារនៅក្នុងរាជធានី ក្នុងស្ថានភាពកូវីដ យើងប្រាកដជាដឹងថាមានការថមថយខ្លះនៃចំនួនអ្នកមកកាន់ទីផ្សារ និងអ្នកលក់ដែលជាអាជីវករ ដោយសារពួកគាត់គិតគូរពីសុវត្ថិភាព។
លោកបានបន្តថា ៖

“ប្រសិនណាគាត់គិតថា មិនមានអ្វីចាំបាច់ទេ គាត់មិនចេញពីផ្ទះទេ។ សម្រាប់អ្នកមកកាន់ទីផ្សារ មួយចំនួនពេលគាត់មកផ្សារម្តងៗ គឺគាត់ទិញទុកសម្រាប់ច្រើនថ្ងៃ ជៀសវាងការឡើងផ្សាររាល់ថ្ងៃ។ ចំពោះវិធានការការពារកូវីដនៅតែបន្ត (ការអនុវត្តបានធ្វើតាំងពីចាប់ផ្តើមកូវីដមក) គណៈកម្មការផ្សារបានអនុវត្តនូវវិធានការជាច្រើនដើម្បីបង្ការទប់ស្កាត់នូវការរីករាលដាលនៃជំងឺកូវីដ-19″។

វិធានការសំខាន់ៗ និងចាំបាច់ធ្វើនៅតាមទីប្រជុំ និងតាមទីផ្សាររួមមានដូចជា ការបាញ់ថ្នាំសម្លាប់មេរោគនៅក្នុងផ្សារក្នុង១ខែម្តង ដាក់អាកុល លាងដៃ រក្សាគម្លាតសុវត្ថិភាពឱ្យបងប្អូនប្រជាពលរដ្ឋ អាជីវករពាក់ម៉ាស់ឱ្យបានគ្រប់គ្នា ជាមួយនឹងការដាក់ឱ្យប្រើប្រាស់ប្រព័ន្ធ QR Code ទប់ស្កាត់កូវីដ StopCovid នៅតាមគោលដៅ នៅតាមច្រកសំខាន់ៗនៃផ្សារទាំងអស់ ព្រោះជាបណ្តុំនៃការចរាចរនៃប្រជាពលរដ្ឋប្រចាំថ្ងៃ ។ សំខាន់នោះយើងមិនទាន់មានគោលការណ៍ណែនាំពីរាជរដ្ឋាភិបាលឱ្យបិទទីផ្សារនោះទេ៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់