លាឈប់ពីការងារក្រុមហ៊ុនមានសម្ពាធ មកធ្វើការចិញ្ចឹមរុយដែលមានប្រូតេអ៊ីន ទទួលបានចំណូលស្ទើរមិនគួរឱ្យជឿ

អ្នករាល់គ្នាតែងយល់ថាវាជាសត្វកខ្វក់ តែលោកអ្នកមិនដឹងទេថា រុយអាចពងមកជាដង្កូវដែលមានប្រូតេអ៊ីនសម្រាប់ចញ្ចឹមសត្វបានយ៉ាងប្រសើរ។

លោក សៅ សែនសំណាង ជាគ្រូបង្គោល និងម្ចាស់កសិដ្ឋានចញ្ចឹមរុយ BSF( Black Soldier Fly) មួយកន្លែងនៅទីក្រុងភ្នំពេញ ធ្លាប់ជាអតីតបុគ្គលិកជាន់ខ្ពស់នៃក្រុមហ៊ុនឯកជនដ៏ធំប្រចាំនៅកម្ពុជា បានលើកឡើងថា ការបម្រើការងារនៅក្រុមហ៊ុនស្លៀកពាក់ស្អាត អាចទទួលបានចំណូលថេរប្រចាំខែ ប៉ុន្តែសម្ពាធការងារក៏ច្រើន។ ដោយសារការយល់ឃើញដូច្នេះ លោកក៏បានសម្រេចចិត្តមកប្រកបអាជីពថ្មីដោយការចញ្ចឹមសត្វតាមចំណង់ចំណូលចិត្តវិញ ដូចជាមាន់ ទា ត្រី និងចង្រិត ហើយចុងក្រោយគឺការចិញ្ចឹមរុយយកពងដែលកំពុងមានទីផ្សារនាពេលបច្ចុប្បន្ន។

គ្រូបង្គោលរូបនេះបានបន្តថា គាត់ឃើញខ្មែរមានបង្រៀនដែរ តែពុំមានពូជទេ ដូច្នេះលោកក៏បានទៅសិក្សានៅប្រទេសវៀតណាម និងម៉ាឡេស៊ី។ ជាលទ្ធផល លោកទទួលបានវិធីសាស្រ្តក្នុងការចញ្ចឹមរុយ ដែលជាចំណីធ្វើឱ្យសត្វទទួលផលលឿន ឆាប់ធំ សុខភាពល្អ ។ លើសពីនេះ វាជួយដល់បរិស្ថាន ពោលគឺការបែងចែក និងប្រើប្រាស់កាកសំណល់ឱ្យមានប្រយោជន៍ និងកាកសំណល់ដូចជារុយដែលងាប់ និងដង្កូវដែលសកហើយអាចធ្វើជាជីកំប៉ុសបានទៀតផង។

ដោយឡែកអ្វីដែលគាត់ផ្ដោតលើនោះគឺចំណីសត្វ ដែលគេអាចយក BSF នេះទៅធ្វើជាចំណីត្រី មាន់ ទា កង្កែប អណ្ដើក កន្ធាយ បង្កង ជាដើមទៅតាមបច្ចេកទេសផ្សេងៗ។ ចំណែកឯអាយុដែលត្រូវប្រមូលផលគឺកំឡុងពេល១៤ថ្ងៃ ព្រោះចន្លោះពេលនេះវាមានប្រូតេអ៊ីនច្រើន បើទុកយូរ ដង្កូវនឹងមានព៌ណខ្មៅ ហើយបាត់បង់ ប្រូតេអ៊ីន។ អាយុកាលរបស់សត្វរុយ វាមានរយៈពេលប្រមាណ៤៥ថ្ងៃ ហើយវានឹងងាប់នៅពេលពងអស់ ខណៈដែលដង្កូវអាចរស់យូរជាង ព្រោះវាអាចបន្សាំខ្លួនបាន។

អ្នកជំនាញចិញ្ចឹមរុយរូបនេះបានបញ្ជាក់ថា៖ «ខ្ញុំយល់ថាវាជារបរដែលចំណេញច្រើនទាក់ទងទៅនឹងការចិញ្ចឹមសត្វ ហើយខ្ញុំក៏បានពង្រីករហូតមកដល់ធំដូចបច្ចុប្បន្ននេះ។ បើមានការបញ្ជាទិញច្រើន យើងអាចផលិតបានក្នុង១ខែពី ៣០ ទៅ ១០០តោន ឯទិន្នផលពងយើងអាចផលិតបាន២-៣គីឡូលក្រាមក្នុងមួយថ្ងៃដែលមិនមែនជាបញ្ហាអីទេ ព្រោះការដែលសំខាន់បំផុតគឺការផលិតពងរុយនេះហើយ»។

ការចាប់ផ្ដើមរបស់ម្ចាស់កសិដ្ឋានរូបនេះកាលពីឆ្នាំ២០១៩ ដោយត្រូវចំណាយថ្លៃចាយវាយភាគច្រើនទៅលើកម្មករប្រមាណជា២០០០ដុល្លា ហើយត្រូវចំណាយពេលយូរក្នុងការទាញយកផលពីធម្មជាតិ។ លោកបានចំណាយពេលសិក្សាប្រមាណ១ឆ្នាំ ហើយក៏បានចាប់ដៃជាមួយបងប្រុស និងសិស្សរបស់លោកម្នាក់ទៀតក្នុងការបើកកសិដ្ឋាននេះឡើង។

បច្ចុប្បន្ន អ្នកដែលមករៀនបន្តពីរបៀបចញ្ចឹមរុយនេះធ្វើការចំណាយតែ២០០ ទៅ៣០០ដុល្លាគឺ អាចធ្វើបានដោយខ្លួនឯង ដោយអាចទិញពូជមកពីប្រទេសជិតខាង។យ៉ាងណាមិញ ផលលំបាករបស់លោក សំណាង មិនសូវជាមានប៉ុន្មាននោះទេ ដោយសារកសិដ្ឋានរបស់លោកស្ថិតនៅទីប្រជុំជនដែលអាចងាយស្រួលរកចំណីដង្កូវ។ ទោះជាយ៉ាងណាលោកក៏មានក្ដីបារម្ភចំពោះកសិករដែលបានមករៀន ដោយសារបញ្ហាចម្បងនោះគឺចំណីរបស់ដង្កូវ រួមមានកាកសំណល់ផ្ទះបាយ ភោជនីយដ្ឋាន បន្លែផ្លែឈើខូចៗ កាកស្រាបៀរជាដើម ដែលសុទ្ធសឹងត្រូវការច្នៃបន្ថែមទៀត។ ក្រៅពីនេះ ការធ្វើចំណីអាចច្នៃបានច្រើនដូចជា ស្លឹកដំឡូងមី ដើមចេក ត្រកួន ល្ហុង អាស្រ័យលើការច្នៃ។

គួរបញ្ជាក់ផងដែរថា សិស្សដែលមករៀនជាមួយលោក សំណាង បច្ចុប្បន្នមានប្រមាណជាង៣០០ នាក់ ក្នុងនោះប្រមាណជា១០០ ទៅ២០០នាក់ជាម្ចាស់កសិដ្ឋាន និងអាចទទួលបានផលពីការអនុវត្តជាជំហានៗ។ចំពោះការបង្រៀន ១វគ្គ៧០ ដុល្លា ហើយផ្ដល់ជូនពងរុយ១ខាំ ដោយការក្នុងមួយសប្ដាហ៍បង្រៀនតែថ្ងៃអាទិត្យតែប៉ុណ្ណោះ ហើយសិក្ខាអាចភ្ជាប់ទំនាក់ទំនង ឬសួរសំណួរតាមរយៈ Telegram បាន ឬអាចទាក់ទងទៅកាន់ផេកហ្វេសប៊ុក កសិដ្ឋានចញ្ចឹមរុយ BSF Farm បាន៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងផ្នែកហិរញ្ញវត្ថុ មានភាពចាំបាច់បំផុតសម្រាប់មនុស្សគ្រប់រូប ជាពិសេសអាចជួយជំរុញកំណើនដល់សេដ្ឋកិច្ចជាតិ

ព្រឹត្តិការណ៍, ហិរញ្ញវត្ថុ

• 07/02/2025

ចំណេះដឹងហិរញ្ញវត្ថុរបស់ប្រជាពលរដ្ឋ គឺជាកត្តាចាំបាច់មួយក្នុង​កា​រជំរុញកំណើនសេដ្ឋកិច្ច និងសង្គម ម្លោះហើយការផ្ដោតការយកចិត្តទុកដាក់លើការលើកកម្ពស់ ចំណេះដឹងផ្នែកហិរញ្ញវត្ថុរបស់ប្រជាជន គឺជាការងារអាទិភាពមួយ

ឧបនាយករដ្ឋមន្ត្រី សាយ សំអាល់ ៖ ការកសាងបញ្ជាការដ្ឋានកងរាជអាវុធហត្ថខេត្តតាកែវ ជាការពូនជ្រុំ និងកសាងបន្តនូវស្មារតី ៧ មករា

ព្រឹត្តិការណ៍, អចលនទ្រព្យ

• 07/02/2025

ថ្នា្កក់ដឹកនាំក្រសួងរៀបចំដែនដី នគរូបនីយកម្ម និងសំណង់ ចាត់ទុកការកសាងបញ្ជាការដ្ឋានកងរាជអាវុធហត្ថខេត្តតាកែវថាជាការពូនជ្រុំនិងកសាងបន្តនូវស្មារតី ៧ មករា រក្សាបាននូវសុខសុវត្ថិភាព សន្តិភាព និងភាពសុខដុមរមនាសម្រាប់ប្រទេសជាតិ និងប្រជាជន

កូនខ្មែរមានសត្ថភាពផលិតគ្រឿងសំអាង និងមានការគាំទ្រច្រើននៅលើទីផ្សារ

ជំនួញ, ព្រឹត្តិការណ៍

• 07/02/2025

ដោយមើលឃើញសក្តានុពល និងភាពងាយស្រួលក្នុងការស្វែងរកវត្ថុធាតុដើមដ៏សំបូរបែប កូនខ្មែរមួយរូបបានខិតខំរិះរកគំនិតកែច្នៃរុក្ខជាតិធ្វើជាគ្រឿងសំអាង ហើយដាក់លក់នៅលើទីផ្សារក្នុងស្រុក

កម្ពុជាលើកទឹកចិត្តអង្គការស្បៀង និងកសិកម្មនៃអង្គការសហប្រជាជាតិ ជួយដល់សហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 07/02/2025

កម្ពុជាលើកទឹកចិត្តអង្គការFAOជួយដល់សហគមន៍កសិកម្មទំនើបដែលជួយកាត់បន្ថយថ្លៃដើមផលិត មានប្រសិទ្ធភាពសេដ្ឋកិច្ច និង មាននិរន្តរភាព

ក្រុមហ៊ុន​ផលិត​រថយន្ត​​របស់ចិន BYD សម្រេចបោះទុន​បង្កើត​រោងចក្រ​ផ្គុំ​ និងដំឡើ​ង​នៅ​ខេត្តព្រះសីហនុ

ព្រឹត្តិការណ៍, សេដ្ឋកិច្ច

• 07/02/2025

ទី​បំផុ ក្រុមហ៊ុន​ផលិត​រថយន្តអគ្គិសនី​របស់ចិន បាន​សម្រេច​បោះទុនវិនិយោគបង្កើត​រោងចក្រ​ដំឡើង​រថយន្តអគ្គិសនី​នៅកម្ពុជា​ហើយ​

វិថីតេជោសន្តិភាពឆ្នេរអង្កោល កំពុងលើកសម្រស់ខេត្តកែបឱ្យកាន់តែស្រស់ស្អាត និងទាក់ទាញទេសចរ

ព្រឹត្តិការណ៍, អចលនទ្រព្យ

• 07/02/2025

«វិថីតេជោសន្តិភាពឆ្នេរអង្កោល» ជាសមិទ្ធផលឆ្លងសម័យកាល ពោល​ត្រូវបានសាង​សង់​ឡើង​ក្នុងពេលសម្តេច​តេជោជានាយករដ្ឋមន្ត្រី ហើយសម្រេចក្នុងពេលសម្តេចមហាបវរធិបតីជានាយក​រដ្ឋមន្ត្រី។

ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរ និងបន្លែផ្លែឈើ ជំរុញផលិតកម្មក្នុងស្រុក

ព្រឹត្តិការណ៍, សេដ្ឋកិច្ច

• 07/02/2025

ក្រសួងពាណិជ្ជកម្ម នឹងរៀបចំពិព័រណ៍ផលិតផលខ្មែរនិង បន្លែផ្លែឈើ ក្នុងគោលបំណងជំរុញផលិតកម្មក្នុងស្រុក គាំទ្រផលិតផលខ្មែរ និងផ្គូផ្គងពាណិជ្ជកម្មរវាងអ្នកផលិត និងអ្នកទិញ

តម្លៃមាសបន្តឡើងថ្លៃខ្ពស់ ១តម្លឹង ៣ ៤៤១ ដុល្លារអាម៉េរិក ដោយសារភាពតានតឹងផ្នែកពាណិជ្ជកម្មរបស់ប្រទេសមហាអំណាច

ព្រឹត្តិការណ៍, សេដ្ឋកិច្ច

• 07/02/2025

តម្លៃមាសឡើងថ្លៃ ១ ភាគរយ ឬ ២ ៨៥៨ ដុល្លារអាម៉េរិកក្នុងមួយអោន (នៅលើទីផ្សារកម្ពុជា មាសមួយតម្លឹងមានតម្លៃ ៣ ៤៤១ ដុល្លារអាម៉េរិក និង មួយជីមានតម្លៃ ៣៤៤ ដុល្លារអាម៉េរិក)។ អ្នកវិភាគព្យាករណ៍ថា តម្លៃអាចឡើងថ្លៃដល់ ២ ៩០០ ដុល្លារអាម៉េរិកក្នុងមួយអោននាពេលឆាប់ៗនេះ

គិតត្រឹមឆ្នាំ២០២៤ កម្ពុជា​មានអ្នក​ប្រើទូរសព្ទចល័ត​ចំនួន ២០,៦លាន ខណៈអ្នកប្រើប្រាស់សេវាអ៊ីនធើណេត​មានចំនួន ១៩​លាន​

ព្រឹត្តិការណ៍, សេដ្ឋកិច្ច

• 07/02/2025

គិតត្រឹម​ចុងឆ្នាំ២០២៤ ទូទាំង​ប្រទេស​កម្ពុជា​មាន​អ្នកប្រើប្រាស់ទូរសព្ទចល័ត​ចំនួន ​២០​លាន ​៦សែន ដែល​មានន័យ​ថា មនុស្ស​ម្នាក់អាច​មានទូរសព្ទ ២គ្រឿង​ និងខ្លះ​ ៣គ្រឿង

សុវត្ថិភាពទិន្នន័យ គឺជាមូលដ្ឋានគ្រឹះយ៉ាងសំខាន់នៅក្នុងបច្ចេកវិទ្យាព័ត៌មាន

ព្រឹត្តិការណ៍, អាជីវកម្មថ្មី និងនវានុវត្ត

• 07/02/2025

ផ្អែកតាមមជ្ឈមណ្ឌលកម្ពុជា 4.0 បានបញ្ជាក់ថា សុវត្ថិភាពទិន្នន័យ គឺជាដំណើរការនៃការការពារព័ត៌មានឌីជីថលពីការលួច ឬការចូលប្រើប្រាស់ដោយគ្មានការអនុញ្ញាត