ក្នុងអំឡុងពេលកូវីដ វិស័យសំណង់ នៅតែមានសកម្មភាព ប៉ុន្តែជួបបញ្ហាខ្លះ

ភ្នំពេញ ៖ ស្ថាន​ភាព​នៃ​វិស័យ​សំណង់​នៅ​ក្នុង​ប្រទេស​កម្ពុជា មិន​មាន​ការ​ថយ​ចុះ​នោះទេ បើទោះ​ជា​សេដ្ឋកិច្ច​ពិភព​លោក​ប្រឈម​នឹងការធ្លាក់ចុះយ៉ាងខ្លាំងដោយ​សារ​តែ​មេរោគ Covid-19ក៏​ដោយ​។​

លោកបណ្ឌិត តេង រិទ្ធី ស្ថាបនិក និងជានាយកក្រុមហ៊ុន R’ Investment Group បានប្រាប់ AMS ថា​ថ្វី​ដ្បិត​តែវិស័យ​សំណង់មានដំណើរ​ការពិតមែន ប៉ុន្តែក៏ជួបការលំបាកខ្លះដែរ​ក្នុងសម័យកូវីដនេះ ខណៈ​ដែល​គម្រោងដែលបន្តមានសកម្មភាពភាគច្រើនជាគម្រោងប្សល់ទុកតាំងពីឆ្នាំចាស់ ហើយគម្រោងថ្មីជា​ប្រភេទគម្រោងបណ្តុំលំនៅដ្ឋាន ឬបុរី ដែលនៅបន្តមានតម្រូវការក្នុងស្រុក។

លោកបណ្ឌិត តេង រិទ្ធី បានមានប្រសាសន៍ថា៖

“វិស័យសំណង់នៅក្នុងដំណាក់កាលកូវីដនេះ គ្រាន់តែមានបញ្ហាក្នុងការប្រតិបត្តិ និងការគ្រប់គ្រងបន្តិចបន្តួច ក្រោមវិធានការរបស់​ក្រសួង​សុខា​ភិ​បាល និងរាជរដ្ឋាភិបាលក្នុងការអនុវត្តដែល​យើងត្រូវអនុវត្តដោយខ្លួនឯងផ្ទាល់ផង ​និងត្រូវដាក់ឱ្យ​អនុវត្ត​ដល់កម្មករ និយោជិតផងដែរ។ សម្រាប់កម្មករជាទូទៅ នឹងនៅក្រុមហ៊ុនខ្ញុំ កម្មករបាន​ដំណើរការជាធម្មតា​ តែយើងក៏បានជំរុញគាត់វាស់កម្តៅ ពាក់ម៉ាសរាល់ពេលចូលមកធ្វើការ តាមវិធានការរបស់ក្រសួងសុខាភិបាលដើម្បីរក្សាសុខភាព​”

លោកបណ្ឌិតបានបន្ថែមថា​៖

ទី1យើងត្រូវតាមដានគាត់ សុំកុំឱ្យគាត់ដើរទៅក្រៅ កុំឱ្យ​ឆ្លង​តំបន់ ​យើង​បានគាំពារគាត់តាំងពីមុនផ្ដើមមានកូវីដក្នុងសហគមន៍20កុម្ភៈមក​ម៉្លេះ។ អ្វីដែលយើងបានបន្ថែមទៅ​លើ​វិធាន​ការ ដែល​មានរហូតមកនោះ គឺការផ្តល់ជំនឿចិត្ត និងការលើកទឹកចិត្តដោយផ្តល់នូវម្ហូប​អាហារ​បន្ថែម​​ដល់ពួកគាត់ ដើម្បីកុំឱ្យគាត់ទៅឆ្ងាយ។ ​

ទី2 គឺបញ្ហាដែលកន្លែងមួយចំនួនត្រូវបិទទ្វារ ក៏ធ្វើឱ្យមាន​ការលំបាកដែរ។​ តែបញ្ហានេះយើងអាច​ធ្វើការបានខ្លះដែរ តាមរយៈការប្រើបញ្ជាទិញតាមអនឡាញ ទាក់ទងនឹងការដឹកជញ្ជូន យើងអាច​ទាក់​ទង​​​តាមតេឡេក្រាម ឬទូរស័ព្ទ​ជាដើម។

លោកបានប្រាប់ឱ្យដឹងថា បញ្ហាលំបាកមួយទៀតនោះគឺពាក់ព័ន្ធនឹងបញ្ហាផ្លូវចិត្តសម្រាប់កម្មករ  ដែលមនុស្សម្នាក់ៗ មានក្ដី​បារ​ម្ភពីបញ្ហាការឆ្លងនៃជំងឺ ប៉ុន្តែភាគច្រើនត្រូវបានដោះស្រាយភាពលំបាក ដោយការបង្ហាញពីលក្ខន្តិកៈល្អៗដែល​អាចទទួលយកបាន។

​សម្រាប់ការងាររបស់កម្មករ​មិនបានផ្លាស់ប្ដូរវេន​នោះទេ ព្រោះកិច្ចការសំណង់​នៅដដែល មិនមានការធ្វើការក្នុងទីតាំងចង្អៀតនោះទេ​ ឬក៏ជាទីតាំងតូច​ដែល​នាំឱ្យលំបាករក្សាគម្លាត​ដូចនៅក្នុង​រោង​ចក្រនោះទេ។​

លោកបណ្ឌិត តេង រិទ្ធី បានបញ្ជាក់ទៀតថា ផលលំបាកដែលមាននៅក្នុងការគ្រប់គ្រងសុវត្ថិភាពកម្មករនៅក្នុងដំណាក់កាលនេះ គឺកម្មករថ្មីដែលមកពីតាមបណ្តាខេត្ត ដែលតម្រូវឱ្យមានការធ្វើចត្តាលីស័ករយៈពេល14ថ្ងៃ ដែលចំណុចនេះជាបញ្ហាដែលម្ចាស់ទទួលគម្រោងសាងសង់មិនអាចទទួលយកកម្មករដែលមកពីតាមខេត្តឱ្យចូលបម្រើការងារនៅក្នុងការដ្ឋាននោះទេ៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកអនុម័តឥណទាន ៤០លានដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជា

ព្រឹត្តិការណ៍, ហិរញ្ញវត្ថុ

• 24/05/2024

ធនាគារពិភពលោក បានអនុម័តឥណទានចំនួន ៤០លាន ដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជាដើម្បីរកការងារបានកាន់តែល្អប្រសើរ ។

ស្វែងយល់ពីការបែងចែកប្រភេទក្រុមហ៊ុនដែលមានអាជីវកម្មបរិយាប័ន្ននៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។

ឧបនាយករដ្ឋមន្ត្រី ស៊ុន ចាន់ថុល ពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនមន្ត្រីជាន់ខ្ពស់របស់វៀតណាម

ព្រឹត្តិការណ៍, អចលនទ្រព្យ

• 24/05/2024

ឧបនាយករដ្ឋមន្ត្រី ស៊ុន ចាន់ថុល បានពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនដល់ឧបនាយករដ្ឋមន្ត្រីនៃប្រទេសវៀតណាម ។

អ្នកនាំពាក្យ​ក្រសួងសាធារណការ​ បញ្ជាក់ពីកាលបរិច្ឆេទនៃការ​បើ​ក​ការដ្ឋានគម្រោងព្រែកជីកហ្វូណន​តេជោ​

ព្រឹត្តិការណ៍, អចលនទ្រព្យ

• 24/05/2024

គម្រោងព្រែកជីក​ហ្វូណនតេជោ​នៅមិនទាន់​បានកំណត់​កាលបរិច្ឆេទបើ​ក​ការដ្ឋាន​សាងសង់​នៅឡើយទេ ខណៈបណ្ដាញសង្គម​មួយចំនួន​ផ្សព្វផ្សាយដោយគ្មានប្រភពច្បាស់លាស់ថា ​នឹងចាប់ផ្ដើម​នៅខែ​ក្រោយ​

កសិករដាំដំណាំម្រះ កំពុងរីករាយជាមួយកំណើនទិន្នផលរបស់ខ្លួន ខណៈដែលតម្រូវការទីផ្សារមានភាពទូលាយ

ជំនួញ, ព្រឹត្តិការណ៍

• 24/05/2024

ដោយសារម្រះមានទីផ្សារល្អ កសិករដាំម្រះកាន់តែអាចពង្រីកការដាំដុះដើម្បីទទួលបានទិន្នផលច្រើនផ្គត់ផ្គង់តាមតម្រូវការ

តម្លៃប្រេងបានបន្តឡើងថ្លៃជាង ៨០ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 24/05/2024

តម្លៃប្រេងឆៅម៉ាក Brent ឡើងថ្លៃ ០,៨៨ ភាគរយ ឬ ៨២,៦២ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ឡើងថ្លៃ ០,៩៣ ភាគរយ ឬ ៧៨,២៩ ដុល្លារក្នុងមួយបារ៉ែល

អ្នកឧកញ៉ា គិត ម៉េង ជំរុញ និងលើកទឹកចិត្តវិនិយោគិនចិនបណ្តាក់ទុនវិនិយោគបន្ថែមទៀតនៅកម្ពុជា

ព្រឹត្តិការណ៍, សេដ្ឋកិច្ច

• 24/05/2024

សភាពាណិជ្ជកម្មកម្ពុជា និងសហព័ន្ធឧស្សាហកម្ម និងពាណិជ្ជកម្មនៃសាធារណរដ្ឋប្រជាមានិតចិនជជែកគ្នាពីការវិនិយោគ និងជំរុញការបណ្តាក់ទុនបន្ថែមនៅកម្ពុជា

Pronaca អនុវត្តគំរូអាជីកម្មបរិយាបន្នដែលបង្កើតឱកាសទីផ្សារដល់កសិករ ដើម្បីឲ្យពួកគេរួចផុតពីជីវភាពក្រីក្រ

ជំនួញ, ធុរកិច្ចបរិយាបន្ន, ព្រឹត្តិការណ៍

• 24/05/2024

Pronaca ផ្តល់ជំនួយផ្នែកហិរញ្ញវត្ថុដលកសិករសម្រាប់ទិញគ្រាប់ពូជ ជី និងការផ្គត់ផ្គង់កសិកម្មផ្សេងទៀតដែលមានការបញ្ជាក់ក្នុងតម្លៃសមរម្យ និងផ្តល់ជំនួយបច្ចេកទេសក្នុងការលើកកម្ពស់ផលិតភាពដំណាំប្រកបគុណភាព និងនិរន្តរភាព

តុវិនិយោគកសិ-ចំណីអាហារជួយពង្រឹង និងពង្រីកមូលដ្ឋានវិស័យកសិកម្ម និងកសិ-ឧស្សាហកម្មនៅកម្ពុជាឱ្យកាន់តែរឹងមាំ និងមានភាពធន់

ព្រឹត្តិការណ៍, សេដ្ឋកិច្ច

• 24/05/2024

តុវិនិយោគកសិ-ចំណីអាហារ នឹងជួយពង្រឹង និង ពង្រីកមូលដ្ឋានវិស័យកសិកម្ម និង កសិ-ឧស្សាហកម្មនៅកម្ពុជាឱ្យកាន់តែរឹងមាំ និង មានភាពធន់ ។

Mustard Tree ផ្តល់់ឱកាសដល់ជនពិការ និងអ្នកអសមត្ថភាពដែលចូលចិត្តបង្ហាញភាពច្នៃប្រតិដ្ឋតាមរយៈសិប្បកម្មកែច្នៃ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

មានទីតាំងនៅក្នុងប្រទេសសិង្ហបុរី បច្ចុប្បន្នអាជីវកម្ម Mustard Tree កំពុងដើរតួជាសហគ្រាសសង្គមជាមួយនឹងបេសកកម្មដែលលើសពីការងារសិប្បកម្មមានលក់នូវផលិតផលកែច្នៃដ៏ស្រស់ស្អាត