Eat Right Restaurant ផ្គត់ផ្គង់អាហារប្រចាំថ្ងៃនៅបន្តដំណើរការក្នុងរូបរាងថ្មីនៅសម័យកូវីដ-19

ភ្នំពេញ ៖ ស្ថិតនៅក្នុងបរិបទនៃសម័យកូវីដដែលកំពុងទាញទម្លាក់នូវអាជីវកម្មនានាឱ្យជួបហានិភ័យ និងឈានទៅរកភាពក្ស័យធុននោះ តម្រូវឱ្យ​ម្ចាស់អាជីវកម្មផ្លាស់ប្ដូរឥរិយាបទរបស់ខ្លួន ក៏ដូចជាការផ្តល់សេវាកម្មនានាដោយពឹងផ្អែកទៅលើបច្ចេកវិទ្យាជាចម្បង​បន្ថែមពីលើ​សេវាកម្មដែលមានស្រាប់ ដើម្បីអាចទប់លំនឹងអាជីវកម្មបាន។ 

សម្រាប់តែវិស័យម្ហូបអាហារនៅកម្ពុជាកំពុងតែរីកដុះដាលដូចផ្សិតស្ទើរទូទាំងប្រផ្ទៃប្រទេស ពិសេសអាជីវកម្មខ្នាតតូច និងមធ្យមដែលស្ថិត​នៅក្នុងវិស័យ SMEs ក៏ប៉ុន្តែអ្វីដែលជាបញ្ហារាំងស្ទះនៅក្នុងដំណើរការអាជីវកម្មទាំងនេះ គឺការរីករាលនៃជំងឺកូវីដ-19 នាពេលបច្ចុប្បន្ន។

លោក ម៉េង ចំរើន នាយកគ្រប់គ្រងអាហារដ្ឋាន Eat Right ដែលទើបចាប់ដំណើរការបានរយៈពេលជាង1ឆ្នាំ ស្ថិតនៅតំបន់ទួលគោក ទល់មុខសាកលវិទ្យាល័យ Western បានប្រាប់ AMS ថា បច្ចុប្បន្ននេះ ជាដំណោះស្រាយ លោកបានបង្វែរគោលដៅលក់ពីការ​ផ្គត់ផ្គង់​នៅ​ក្នុង​អាហារដ្ឋាន ទៅជាការវិចខ្ចប់ និងដឹកជញ្ជូនដល់ទីកន្លែងអតិថិជន រួមជាមួយនឹងការធ្វើជាអាហារកញ្ចប់ដាក់លក់នៅតាម Mart ជាដើម ដើម្បីបង្កើនការលក់ និងទប់លំនឹងនៅក្នុងស្ថានភាពប្រឈមនេះ។

លោកថា ៖

“មកដល់ពេលនេះបើយើងមិនមានដំណោះស្រាយទេ យើងអាចនឹងបិទទ្វារ តែក្នុងនាមយើងជាអ្នករកស៊ី យើងត្រូវគិតពីដំណោះ​ស្រាយ​ដើម្បីឱ្យអាជីវកម្មរបស់យើងនៅគង់វង្ស។ អ៊ីចឹងយើងមិនអាចបើកហាងដោយរំពឹងលើភ្ញៀវចូលញ៉ាំបាននោះទេ តែដើម្បីនិរន្តរភាព​យើង​ត្រូវប្ដូរទម្រង់នៃការលក់ ការផលិត និងចែកចាយអាហាររបស់យើង ដោយប្រែពី Eat Right Restaurant  ទៅជា Eat Right Factory វិញ។ ការផ្លាស់ប្ដូរនេះមានន័យថា​ Eat Right នឹងក្លាយទៅជាកន្លែងរៀបចំចម្អិន និងផ្គត់ផ្គង់អាហារប្រភេទកញ្ចប់ សម្រាប់​ចែក​ចាយ​ផ្ទាល់ដោយការដឹកជញ្ជូនដល់អតិថិជន ក៏ដូចជាចែកចាយនៅតាម Martផ្សេងៗ ដោយការវិចខ្ចប់ និងរក្សាទុកបានយូរ”

អាហារដ្ឋាន Eat Right Restaurant  ឬ Eat Right Factory ត្រូវបានបង្កើតឡើងក្រោមកិច្ចសហការជាដៃគូរក្រុមមនុស្ស 3នាក់ កាលពី​ឆ្នាំ2019 ដោយមានវត្តមានរបស់លោក ម៉េង ចំរើន ផងដែរ។ លោក ម៉េង ចំរើន បានបញ្ជាក់ថា ពួកគាត់ទាំងអស់គ្នាមិនមែនជាអ្នក​ជំនាញ​ខាង​ផ្នែកចំណីអាហារនោះទេ ប៉ុន្តែពួកគាត់សិក្សា និងស្វែងយល់ពីបទពិសោធអ្នកដែលធ្លាប់ឆ្លងកាត់នៅក្នុងអាជីវកម្មមួយនេះ ជាមួយនឹង​ការ​បង្កើត​ឱ្យមានប្រព័ន្ធគ្រប់គ្រងថ្មី និងច្បាស់លាស់មួយ។ 

ម្ចាស់អាជីវកម្មរូបនេះបានប្រាប់ AMS ទៀតថា មូលហេតុដែលលោកបើកអាជីវកម្មមួយនេះ ដំបូងឡើយលោកគ្រាន់តែចង់បើក​លក់​អាហារ​ខ្ចប់​ដែលអតិថិជនអាចកម្មង់ទៅញ៉ាំតាមផ្ទះ ឬក៏ទទួលធ្វើនៅតាមកម្មវិធីផ្សេងៗប៉ុណ្ណោះ។ ប៉ុន្តែក្រោយមកដោយបាន​មើលឃើញពី​ទីតាំង​មាន​សក្ដានុពលស្ថិតនៅទល់មុខសាកលវិទ្យាល័យ Western ដែលអាចទាក់ទាញអតិថិជនជាសិស្ស និងបុគ្គលិកបម្រើការងារនៅស្ថាប័ន​ឯកជននានាដែលនៅក្បែរទីតាំងស្រាប់ ក៏បានសម្រេចពង្រីកបើកជាហាងអាហារផ្ទាល់តែម្ដង និងដំណើរការនៅអំឡុងខែមិថុនា ឆ្នាំ2020។

ការបើកហាងនេះពួកគាត់បានប្រើដើមទុនដែលការចំណាយភាគច្រើនទាក់ទងទៅនឹងការរចនាម៉ូដហាង​នៅ​ផ្នែក​ខាងក្នុង។ ហាងរបស់លោកមានលក់ជាម្ហូបអាហារ 3ពេល អាហារសម្រន់ និងរួមភេសជ្ជៈជាច្រើនមុខផងដែរ។ អាហារគ្រប់​ប្រភេទ​នៅទីនេះ មានតម្លៃសមរម្យ និងយកចិត្តទុកដាក់ខ្ពស់ទៅលើរសជាតិ គុណភាព និងអនាម័យ ដូចដែលពាក្យឃ្លាមួយប្រចាំហាងថា to live is to eat right មានន័យថា ដើម្បីរស់នៅយើងត្រូវញ៉ាំឱ្យបានត្រឹមត្រូវ។ 

លោកក៏បានប្រាប់ដែរថា ហាងរបស់លោកមានបុគ្គលិកខ្ទង់១០នាក់ ហើយត្រូវចំណាយប្រចាំខែដែលតម្រូវការចាំបាច់។ រយៈចន្លោះខែមករា និងកុម្ភៈនេះការលក់របស់ហាងមួយនេះហាក់មានការកើន​ឡើងលើស​ពីការរំពឹងទុកដោយទទួលបានចំណូលពីភ្ញៀវមកហាងផ្ទាល់មានប្រមាណ250-300​ ដុល្លារ នៅមានចំណូលពីការវេចខ្ចប់ និងការជួល Office ផ្សេងទៀត។ 

ចំពោះអ្នកដែលមានបំណងចង់បើកអាជីវកម្មថ្មី លោក ម៉េង ចំរើន បានផ្តល់ជាទស្សនទានថា ក្រៅពីថវិកាដែលជាដើមទុនដំបូង ផែនការ​អាជីវកម្មច្បាស់លាស់គឺមានភាពចាំចាប់បំផុត និងមិនអាចខ្វះបាន។ បន្ថែមពីនេះ ត្រូវមានក្រុមការងារល្អ មានការគ្រប់គ្រងចរន្តសាច់ប្រាក់​នៅក្នុងដំណើរប្រតិបត្តិការប្រចាំថ្ងៃត្រឹមត្រូវ រួមជាមួយនឹងការសិក្សាស្វែងយល់បន្ថែមពីបរិបទទីផ្សារ ភាពខ្លាំងរបស់ដៃគូប្រកួតប្រជែង ហើយ​នឹងការបណ្តុះបណ្តាលជំនាញបន្ថែមទៅដល់បុគ្គលិកទាំងផ្នែកបដិសណ្ឋារកិច្ច ជំនាញផងដែរ។ 

ជាចុងក្រោយ លោក ម៉េង ចំរើន ក៏សូមថ្លែងអំណរគុណដល់អតិថិជនដែលបានគាំទ្រនាពេលកន្លងមកក៏ដូចជាពេលបច្ចុប្បន្ន និងសូមឱ្យបងប្អូនប្រជាពលរដ្ឋចូលរួមថែរក្សាសុខភាព ទប់ស្កាត់ការរីករាលដាលនៃជំងឺកូវីដ-19 ទាំងអស់គ្នា៕ 

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

គម្រោងលើកកម្ពស់គុណភាពផ្លូវជាតិលេខ៤៨ ស្រែអំបិល-កោះកុង សម្រេចបាន ៥២.១២ %

ព្រឹត្តិការណ៍, អចលនទ្រព្យ

• 18/04/2024

បច្ចុប្បន្ននេះគម្រោងលើកកម្រិតគុណភាពផ្លូវជាតិលេខ៤៨(ស្រែអំបិល-កោះកុង)សម្រេចបានលទ្ធផល ៥២.១២% ហើយក្រសួងបានប្តេជ្ញាសម្រេចឱ្យបាន ៦០% នៅខែមិថុនា ។

World Bank ៖ បំណុល និងជម្លោះជាវិបត្តិសកលរយៈពេលខ្លី ប៉ុន្តែភាពក្រីក្រ ជាវិបត្តិធ្ងន់ធ្ងររយៈពេលវែង

ព្រឹត្តិការណ៍, សេដ្ឋកិច្ច

• 18/04/2024

វិបត្តិសកលទាំងអស់គឺមានការជាប់ទាក់ទងគ្នាយ៉ាងខ្លាំង រាប់ចាប់តាំងពីបញ្ហាបម្រែបម្រួលអាកាសធាតុ, បញ្ហាបំណុល, បញ្ហាវិបត្តិស្បៀងអាហារ ទៅដល់ការពន្លឿននៃការរៀបចំប្រព័ន្ធខ្យល់អាកាស

អាកាសយានដ្ឋានអន្តរជាតិខេត្តព្រះសីហនុ សម្តែងរបាំត្រុដិ និងឆៃយ៉ាំ ទទួលស្វាគមន៍ទេសចរ

ព្រឹត្តិការណ៍, សេដ្ឋកិច្ច

• 18/04/2024

អាកាសយានដ្ឋានអន្តរជាតិខេត្តព្រះសីហនុ បានរៀបចំការសម្តែងរបាំត្រុដិ និងឆៃយ៉ាំ ដើម្បីទទួលស្វាគមន៍ទេសចរបរទេសក្នុងឱកាសសង្រ្កាន្តឆ្នាំថ្មីប្រពៃណីជាតិ

រដ្ឋមន្ត្រីក្រសួង​រៀបចំដែន​ដី ជំរុញឱ្យ​រៀបចំ​ទីក្រុង​ដើម្បី​សុខុមាលភាពពលរដ្ឋ​

ព្រឹត្តិការណ៍, អចលនទ្រព្យ

• 18/04/2024

រដ្ឋមន្ត្រីក្រសួង​រៀបចំដែនដី នគរូបនីយកម្ម និងសំណង់​ បាន​ជំរុញឱ្យក្រសួង និងស្ថាប័ន​ពាក់ព័ន្ធ​រៀបចំទីក្រុង​ដោយផ្ដោត​លើ​សុខុមាលភាព​ពលរដ្ឋ​

Dytech Limited ជួយបង្កើនចំណូលសហគមន៍នៅប្រទេសហ្សំប៊ីពីការផលិតទឹកឃ្មុំ និងការពារជីវៈចម្រុះ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 18/04/2024

Dytech Limited បានធ្វើការជាមួយសហគមន៍នៅក្នុងតំបន់ដីសើមក្នុងការផលិតទឹកឃ្មុំ ដើម្បីឲ្យអ្នកភូមិចៀសឆ្ងាយពីការកាប់ដើមឈើ និងសកម្មភាពបរបាញ់ ដែលនាំឱ្យប៉ះពាល់ដល់ជីវៈចម្រុះ

អត្រាអតិផរណានៅកម្ពុជារំពឹងថានឹងបន្តក្នុងកម្រិតទាប និងមានស្ថិរភាព

ព្រឹត្តិការណ៍, ហិរញ្ញវត្ថុ

• 18/04/2024

អត្រាអតិផរណានៅកម្ពុជា ត្រូវបានព្យាករថានឹងបន្តថមថយនៅក្នុងរង្វង់ ២,០% នៅក្នុងរយៈពេល ២ ឆ្នាំខាងមុខ ស្របពេលកំណើនសេដ្ឋកិច្ចមានសម្ទុះវិជ្ជមានប្រសើរ

ត្រីមាស​ទី​១ ​ឆ្នាំ​២​០​២​៤​ កម្ពុជាទទួលបានចំណូលជិត ១០០លានដុល្លារពីការនាំចេញ​កង់​

ព្រឹត្តិការណ៍, សេដ្ឋកិច្ច

• 18/04/2024

របាយការណ៍អគ្គនាយកដ្ឋានគយនិងរដ្ឋាករបានឱ្យដឹងថាអំឡុងខែមករាដល់ខែមីនាកម្ពុជាបាននាំចេញកង់រួមទាំងកង់អគ្គិសនីដែលមានតម្លៃ ៩៦,៩ លានដុល្លារអាមេរិក

ទីផ្សារក្រមាខេត្តតាកែវ នៅតែមានប្រជាប្រិយភាព និងមានតម្រូវការទីផ្សារ

ជំនួញ, ព្រឹត្តិការណ៍

• 18/04/2024

បច្ចុប្បន្ន ទីផ្សារក្រមាក៏នៅតែមានដំណើរការ ព្រោះក្រៅពីការប្រើប្រាស់ ក្រមាក៏ជាអំណោយដ៏មានអត្ថន័យសម្រាប់ជូនដល់មនុស្សជាទីស្រឡាញ់ក្នុងឱកាសនានាផងដែរ។

ក្រុមហ៊ុនអ្នកឧកញ៉ា គិត ម៉េង ទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿងពីប្រទេសជប៉ុន

ព្រឹត្តិការណ៍, សេដ្ឋកិច្ច

• 18/04/2024

ក្រុមហ៊ុនរបស់អ្នកឧកញ៉ា គិត ម៉េង បានទិញក្បាលម៉ាស៊ីនរថភ្លើងល្បឿនលឿនចំនួន ១១គ្រឿង ពីប្រទេសជប៉ុន ដើម្បីអភិវឌ្ឍវិស័យរថភ្លើងនៅកម្ពុជា ។

ប្រជាពលរដ្ឋ​ខ្មែរ​​រីករាយ​នឹង​ពិធី​បុណ្យចូលឆ្នាំ​ថ្មី​ប្រពៃណី​ជាតិប្រកបដោយស្នាមញញឹម

ព្រឹត្តិការណ៍, សេដ្ឋកិច្ច

• 18/04/2024

ប្រជាពលរដ្ឋខ្មែរបានប្រារព្ធពិធីបុណ្យចូលឆ្នាំថ្មីប្រពៃណីជាតិក្នុងបរិយាកាសសាមគ្គីភាព រំភើប និងសប្បាយរីករាយ ជាមួយនឹងស្នាមញញឹម