តម្លៃម៉ាសហាក់នៅទ្រឹងបន្ទាប់ពីការផ្ទុះជំងឺកូវីដ-19 ម្ដងហើយម្ដងទៀត

ភ្នំពេញ ៖ គេនៅចាំបានថា ព្រឹត្តិការណ៍នៃការរីករាលដាលនៃជំងឺផ្លូវដង្ហើមកូវីដ-19កាលពីចុងត្រីមាសទី1 ឆ្នាំ2020កន្លងទៅ បានធ្វើឱ្យអាជីវកម្មលក់​ម៉ាស់ទទួលបានផលចំណេញយ៉ាងគំហុក។ ដោយឡែកនៅក្នុងព្រឹត្តិការណ៍ទី៣នៃឆ្លងក្នុងសហគមន៍ដែលកំពុងកើតមាននៅកម្ពុជា អាជីវកម្មមួយនេះ​ហាក់មិនសូវផុសផុលដូចឆ្នាំមុននោះទេ ហើយតម្លៃក៏សូវមានឡើងថ្លៃខ្លាំងនោះដែរ ខណៈដែលមានរោងចក្រមិនតិចជាង10នោះទេដែលកំពុងដំណើរ​ការផលិតនៅក្នុងប្រទេសកម្ពុជា។

លោក មិន សារុន ជាអាជីវករលក់ដូរនៅផ្សារស្រុកអង្គស្នួល ខេត្តកណ្ដាលបានមានប្រសាសន៍ថា តម្លៃម៉ាស់នៅខណៈពេលនេះពុំសូវមានការប្រែប្រួលខ្លាំងទេ ដោយតម្លៃទិញចូលចន្លោះ4,500រៀល ទៅ 5,000រៀល ក្នុង1ប្រអប់ ដែលក្នុង1ប្រអប់មាន 50ម៉ាស់ ហើយលក់ចេញវិញបានតម្លៃប្រមាណ 8,000-10,000រៀលក្នុង1ប្រអប់។ ដោយឡែកការលក់រាយវិញលោកលក់បានម៉ាស់1តម្លៃ 500រៀល ឬក៏ម៉ាស់10ក្នុងតម្លៃ 2500រៀល។ 

លោកក៏បានបញ្ជាក់ទៀតថា តម្លៃនេះអាចមានទាបជាងនេះទៀត អាស្រ័យទៅតាមប្រភេទម៉ាស់ដែលគេទទួលពីម៉ូយយកមកលក់បន្ត។ តម្លៃម៉ាស់មិនខ្ពស់ដូចកាលពីផ្ទុះជំងឺកូវីដលើកដំបូងទេដែល១ប្រអប់មានតម្លៃរហូតដល់ 60,000រៀល ហើយអាចលក់រាយម៉ាស់1 ក្នុងតម្លៃ1,000រៀល ឬខ្ពស់ជាងនេះ ហើយការលក់មានការកើនខ្លាំងដែលគាត់រកម៉ាស់មកលក់ស្ទើរពុំបានទៀតផង។ ប៉ុន្តែបច្ចុប្បន្ននេះ ដ្បិតតែម៉ាស់ពុំមានតម្លៃថ្លៃខ្លាំង និងលក់ដាច់ដូចកាលពីប៉ុន្មានខែមុនក៏ដោយ តែការលក់របស់គាត់នៅមានដំណើរការជារឿយៗដោយក្នុង 1ខែគាត់លក់អស់ជាមធ្យម 10ប្រអប់ខ្ទង់ប្រមាណ 500ម៉ាស់។ ​ 

ដូចគ្នានេះដែរ អ្នកនាង យឿន បុប្ផា ជាបុគ្គលិកនៃគ្រឹះស្ថានមីក្រូហិរញ្ញវត្ថុមួយកន្លែងនៅរាជធានីភ្នំពេញបានប្រាប់ឱ្យដឹងផងដែរថា៖« តម្លៃម៉ាស់នៅលើទីផ្សារបច្ចុប្បន្នត្រឹម 2-3ដុល្លារក្នុង1ប្រអប់នេះ គឺវាសមរម្យដែលយើងអ្នកធ្វើការ ឬអ្នកធ្វើការរោងចក្រអាចទិញប្រើបានដោយមិនចំណាយខ្លាំងទៅលើម៉ាស់ហ្នឹង»។

ស្រដៀងគ្នានេះ កញ្ញា ថូ លាងឆេង ជានិស្សិតឱសថសាស្រ្តបានប្រាប់ផងដែរទៀតថា តម្លៃម៉ាស់1ប្រអប់ត្រឹម 2-3ដុល្លារនេះវាល្មមសម្រាប់ទិញយកមកប្រើ ព្រោះអាជីពជាពេទ្យត្រូវការប្រើម៉ាស់ជាប្រចាំ។ កញ្ញាបានបន្ថែមទៀតថា តម្លៃនេះវាប្រហាក់ប្រហែលទៅនឹងតម្លៃម៉ាស់កាលពីមិនទាន់មានការរីករាលដាលជំងឺកូវីដក្នុងសហគមន៍ ខុសត្រង់ថាវាគ្មានម៉ាស់ច្រកថង់3000រៀលដូចមុនទៀតនោះទេ។

គួរបញ្ជាក់ដែរថា តម្លៃម៉ាស់នាពេលនេះហាក់មានភាពសមល្មមដែលបងប្អូនប្រជាពលរដ្ឋខ្មែរអាចធ្វើការជាវយកមកប្រើប្រាស់ដោយសប្បាយចិត្ត ដើម្បីការពារសសុវត្ថិភាព និងសុខភាព បង្ការខ្លួនឱ្យឆ្ងាយពីការឆ្លងរាលដាលនៃជំងឺផ្លូវដង្ហើមដ៏កាចសាហាវមួយនេះ និងបានឆក់យកជីវិតប្រជាជនខ្មែរចំនួន៤នាក់រួចទៅហើយ គិតត្រឹមព្រឹកថ្ងៃទី23 ខែមីនា ឆ្នាំ2021។ សូមចូលរួមអនុវត្តតាមវិធានការការពាររបស់ក្រសួងសុខាភិបាលទាំងអស់គ្នា ជាពិសេស ប្រកាន់ខ្ជាប់ 3កុំ 3ការពារ ជានិច្ច ដើម្បីសុខសុវត្ថិភាពខ្លួនអ្នក គ្រួសារ និងប្រទេសជាតិរបស់អ្នក៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

តម្រូវការ​​ប្រើប្រាស់​ដីធ្លី​តាមបណ្ដោយផ្លូវ​ក្រវាត់ក្រុងទី​៣ រំពឹង​មានកំណើន​ខ្ពស់​នាពេលឆាប់ៗ

ព្រឹត្តិការណ៍, អចលនទ្រព្យ

• 23/05/2024

ដីធ្លី​តាមបណ្ដោយផ្លូវ​ក្រវាត់ក្រុងទី​៣ រំពឹង​ថានឹង​មានតម្រូវការ​ខ្ពស់​នាពេលឆាប់ៗនេះ ស្រប​នឹង​បច្ចុប្បន្ននេះ​មានអាជីវកម្មលេច​រូបរាង​ជាបណ្ដើរៗ

អៀរឡង់ ផ្តល់ថវិកា៨០ម៉ឺនអឺរ៉ូ សម្រាប់គម្រោង“ភាពធន់នឹងអាកាសធាតុសម្រាប់ទាំងអស់គ្នា”នៅកម្ពុជា

ព្រឹត្តិការណ៍, សេដ្ឋកិច្ច

• 23/05/2024

ប្រទេសអៀរឡង់ បានផ្តល់ថវិកា ៨០ម៉ឺនអឺរ៉ូ សម្រាប់គម្រោង “ភាពធន់នឹងអាកាសធាតុសម្រាប់អ្នកទាំងអស់គ្នា»នៅប្រទេស​កម្ពុជា នាឆ្នាំ២០២៤

ក្រុមហ៊ុនធំមួយរបស់ចិន​ ចង់ទិញគ្រាប់ស្វាយចន្ទីក្រៀម ​២០ ម៉ឺនតោន​ពីកម្ពុជានៅឆ្នាំ២០២៥​

ព្រឹត្តិការណ៍, សេដ្ឋកិច្ច

• 23/05/2024

ក្រុមហ៊ុនចិនដែលមានមូលដ្ឋាននៅខេត្តគ័រងស៊ី​ ចរចាទិញគ្រាប់ស្វាយចន្ទីក្រៀមពីកម្ពុជាចំនួន ២០ ម៉ឺនតោនសម្រាប់​ឆ្នាំ២០២៥ ដើម្បីផ្គត់ផ្គង់នៅក្នុងខេត្តគ័រងស៊ី

ធនាគារជាតិនៃកម្ពុជា ព្យាករណ៍ពីកំណើនសេដ្ឋកិច្ចមានសុខភាពល្អរឹងមាំនៅឆ្នាំ២០២៤

ព្រឹត្តិការណ៍, សេដ្ឋកិច្ច

• 23/05/2024

ធនាគារជាតិនៃកម្ពុជាបានចេញរបាយការណ៍ដោយបានធ្វើការព្យាករថា ផលិតផលក្នុងស្រុកសរុប (GDP)របស់កម្ពុជាត្រូវបានគេរំពឹងថាមានកំណើន៦ភាគរយ ក្នុងឆ្នាំ២០២៤

ទីក្រុងចំនួន ៤ នេះកំពុងអភិវឌ្ឍន៍ និងប្រើប្រាស់បញ្ញាសិប្បនិម្មិត AI ជំនាន់ថ្មីប្រកបដោយភាពច្នៃប្រតិដ្ឋ

ព្រឹត្តិការណ៍, អាជីវកម្មថ្មី និងនវានុវត្ត

• 23/05/2024

បញ្ញាសិប្បនិម្មិត AI កំពុងត្រូវបានប្រើប្រាស់នៅក្នុងទីក្រុងជាច្រើន ហើយទីក្រុងខ្លះបានប្រើប្រាស់វាចាប់តាំងពីដំណើរការជំនាន់ដំបូងបង្អស់របស់ AI មកម្ល៉េះ

ការអនុវត្តកសិកម្មចម្រុះតាមបច្ចេកទេស អាចជួយឱ្យកសិករចំណេញទាំងសុខភាព លើកកម្ពស់ជីវភាពមិនបាច់ធ្វើចំណាកស្រុក

ជំនួញ, ព្រឹត្តិការណ៍

• 23/05/2024

ការអនុវត្តកសិកម្មចម្រុះសមស្របតាមបច្ចេកទេសអាចជួយដល់កសិករឱ្យទទួលបានកសិផលធម្មជាតិ មិនប៉ះពាល់សុខភាព និងលក់កសិផលទៅលើទីផ្សារទទួលបានចំណូល

ចិនត្រៀមខ្លួនជាស្រេច បន្តជួយគាំទ្រកម្ពុជាទាំងការអភិវឌ្ឍហេដ្ឋារចនាសម្ព័ន្ធរូបវន្ត និងធនធានមនុស្ស

ព្រឹត្តិការណ៍, សេដ្ឋកិច្ច

• 23/05/2024

កម្ពូជា-ចិន ឯកភាពគ្នាថា វិស័យហេដ្ឋារចនាសម្ព័ន្ធដឹកជញ្ជូន និងឡូជីស្ទិក គឺជាកម្លាំងចលករដ៏សំខាន់ដើម្បីជំរុញការអភិវឌ្ឍសេដ្ឋកិច្ច និងសង្គម

អ្នកជំនាញ ៖ ការមានលទ្ធភាពសុំកម្ចីពីធនាគារបាន គឺជារឿងល្អ

ព្រឹត្តិការណ៍, ហិរញ្ញវត្ថុ

• 23/05/2024

សម្រាប់អ្នកជំនាញ ការជាប់បំណុលទាំងអស់មិនប្រាកដថាអាក្រក់នោះទេ ផ្ទុយទៅវិញ វាគឺជារឿងល្អ ដែលបុគ្គលម្នាក់អាចមានលទ្ធភាពស្នើសុំកម្ចីពីធនាគារបាន...

រដ្ឋមន្ត្រីឧស្សាហកម្មណែនាំសហគ្រិនស្ត្រីរៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន

ព្រឹត្តិការណ៍, សេដ្ឋកិច្ច

• 23/05/2024

រដ្ឋមន្ត្រីឧស្សាហកម្មបានណែនាំសហគ្រិនស្ត្រី រៀបចំអាជីវកម្មចូលក្នុងប្រព័ន្ធ ដើម្បីបង្កើនលទ្ធភាពទទួលបានទុន ហិរញ្ញវត្ថុ និងឱកាសអភិវឌ្ឍន៍ជំនាញ

Uglyfood គំនិតអាជីវកម្មថ្មីដើម្បីដោះស្រាយបញ្ហាកាកសំណល់អាហារ និងជំរុញនិរន្តរភាពប្រព័ន្ធផ្គត់ផ្គង់ម្ហូបអាហារ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 23/05/2024

Uglyfood មិនត្រឹមតែព្យាយាមរកទីផ្សារដើម្បីលក់ផលិតផលបន្លែ ផ្លែឈើ ដែលខ្វះស្តង់ដារប៉ុណ្ណោះទេ ថែមទាំងបានប្រើប្រាស់បច្ចេកវិទ្យាដើម្បីធ្វើការច្នៃប្រតិដ្ឋទៀតផង