បរទេស៖ យោងតាមរបាយការណ៍ទ្រព្យសម្បត្តិពិភពលោកចុងក្រោយមួយកាលពីសប្តាហ៍កន្លងទៅដែលធ្វើឡើងដោយ Knight Frank បានបង្ហាញថាចំនួននៃអ្នកដែលមានទ្រព្យសម្បត្តិច្រើនខ្លាំងនៅទូទាំងសកលលោក ឬ Ultra High Net Worth Individuals (UHNWI) កាលពីឆ្នាំកន្លងទៅមានការកើនឡើងរហូតទៅដល់ 2.4 ភាគរយ ពោលគឺសរុបរហូតទៅដល់ 520,000 នាក់។

នៅក្នុងនោះចំនួន UHNWI ដែលបានកើនឡើងនៅក្នុងទ្វីបអាស៊ីគឺមានចំនួនប្រមាណជា 12 ភាគរយនៃចំនួនសរុបក្នុងរយៈពេលត្រឹមតែ 12 ខែដូចគ្នានេះហើយតាមការវិភាគរបស់អ្នកជំនាញបានរំពឹងទុកថាចំនួននេះនឹងកើនទៅដល់ 24 ភាគរយនៅក្នុងឆ្នាំ 2025 ខាងមុខ ឬកើនឡើងដល់ទៅ 17 ភាគរយធៀបទៅនឹងកាលពីមួយទសវត្សមុន។

ក្នុងឆ្នាំ 2025 ដូចគ្នាគេរំពឹងទុកថាក្រុមសេដ្ឋី UHNWI របស់ចិននឹងមានការកើនឡើងក្នុងអត្រាដល់ទៅ 246 ភាគរយនាំមុខគេលើលោកចំពោះតួលេខនេះខណៈដែលកន្លងមកនេះចំនួនសេដ្ឋី ឬអ្នកមានទ្រព្យសម្បត្តិច្រើននៅអាមេរិកឡាទីនមានអត្រាធ្លាក់ចុះ 14 ភាគរយនៅមជ្ឈឹមបូព៍ាធ្លាក់ចុះ 10 ភាគរយនិងក្នុងប្រទេសរុស្សីក៏មានអត្រាធ្លាក់ចុះ 21 ភាគរយផងដែរ។

ទោះបីជាមានការធ្លាក់ចុះក្តី ប៉ុន្តែចំនួននៃការកើនឡើងរបស់ក្រុមសេដ្ឋី UHNWI បានធ្វើឲ្យតម្លៃផ្ទះបែបប្រណិតនៅទូទាំងសកលលោកមានការកើនឡើងខ្លាំង។ របាយការណ៍ដែលត្រូវបានចេញផ្សាយដោយវេបសាយ Edge Prop របស់សិង្ហបុរីបានបង្ហាញថាទីតាំងយ៉ាងហោចណាស់ 100 កន្លែងនៅជុំវិញពិភពលោកត្រូវបានគេមើលឃើញថាជាកន្លែងពេញនិយមបំផុតសម្រាប់ក្រុមមនុស្ស UHNWI ដើម្បីជ្រើសរើសក្នុងការស្នាក់នៅ និងចាយលុយរបស់ពួកគេ។ កូវីដពិតជាបានធ្វើឲ្យគោលដៅមួយចំនួនបានបិទពិតមែន ប៉ុន្តែ Knight Frank ជឿជាក់ថាការបិទបណ្តោះអាសន្ននេះនឹងអាចត្រឡប់មករកសភាពធម្មតាវិញដដែលចំពោះ UNHWI ។

ប្រភពដដែលបានសរសេរថាទីក្រុងឡូង និងញូវយ៉កគឺនៅតែជាគោលដៅធំបំផុតសម្រាប់ពួកគេខណៈដែលទីក្រុងប៉ារីសប្រទេសបារាំងស្ថិតនៅក្នុងចំណាត់ថ្នាក់លេខរៀងទី 3 ហើយតូក្យូរបស់ជប៉ុននៅក្នុងចំណាត់ថ្នាក់លេខរៀងទី 4 ឋណៈដែកហុងកុងស្ថិតនៅលេខរៀងទី 5។ របាយការណ៍ដដែលក៏បានអះអាងទៀតថានៅពេលអនាគតបញ្ហាបច្ចេកវិទ្យា និងច្នៃប្រឌិតបែបវិទ្យាសាស្ត្រនឹងក្លាយទៅជាកត្តាសំខាន់ដើម្បីទាក់ទាញក្រុមសេដ្ឋី UHNWI។

របាយការណ៍របស់ Knight Frank ដែលធ្វើឡើងដើម្បីវិភាគទៅលើទំនោរនៃការប្រើប្រាស់អចលនទ្រព្យអន្តរជាតិនោះបានរកឃើញថាទីផ្សារអចលនទ្រព្យជាពិសេសតម្លៃផ្ទះប្រណិតដែលក្រុម UHNWI និយមរស់នៅនោះគឺមានការកើនឡើងប្រមាណជា 1.9 ភាគរយកាលពីឆ្នាំ 2020 នៅគ្រប់តំបន់គោលដៅកំពូលទាំង 100ពោលគឺមានអត្រាខ្ពស់ជាងការកើនឡើងតម្លៃកាលពីឆ្នាំ 2019 ដែលមានត្រឹមតែ 1.8 ភាគរយ។

លោក Victoria Garrett ប្រធានផ្នែកអចលនទ្រព្យរបស់ Knight Frank ទទួលបន្ទុកតំបន់អាស៊ីប៉ាស៊ីហ្វិកបានបញ្ជាក់ថានៅក្នុងតំបន់អាស៊ីប៉ាស៊ីហ្វិកតម្លៃផ្ទះប្រណិតនៅតែបន្តកើនឡើងតម្លៃខ្លាំងដូចគ្នាទោះបីជាកំពុងស្ថិតនៅក្នុងបញ្ហាកូវីដក្តីដោយក្នុងនោះ 14 ក្នុងចំណោមទីតាំងគោលដៅទាំង 23 គឺបានហក់ឡើងខ្លាំងកាលពីឆ្នាំ 2020 ហើយវាក៏ដោយសារតែអត្រាការប្រាក់នៃការខ្ចីលុយមានកម្រិតទាបនិងជាពិសេសគឺទំនុកចិត្តជាវិជ្ជមានទៅលើការវិវត្តន៍នៃវ៉ាក់សាំងការពារកូវីដផងដែរ៕

កម្មវិធីពិសេសរបស់ AMS ECONOMY

• មើលទាំងអស់ ➧

S2:E4

ដំណោះស្រាយ និងអន្តរាគមន៍ ការលួចតាមប្រព័ន្ឋអនឡាញ

S2:E3

ការធ្វេសប្រហែស

S2:E2

តើកម្ចីទាំងអស់សុទ្ធតែមិនល្អ

S2:E1

វិធីសាស្រ្តនៃការបង់រំលស់

S1:E20

គ្រោះថ្នាក់នៃការបង្ហាញអត្តសញ្ញាណ និងលេខគណនីធនាគារជាសាធារណៈ

S1:E19

គ្រោះថ្នាក់នៃការប្រើប្រាស់ Fintech ជាមួយ Wifi សាធារណៈ

S1:E18

ការបោកប្រាស់កម្ចីតាមប្រព័ន្ធអនឡាញ (SCAM)

S1:E17

កម្ចីអ្នកចងការ និងសេវាហិរញ្ញវត្ថុផ្លូវការ

S1:E16

កម្ចីមិនត្រូវការទ្រព្យធានា

S1:E15

សុវត្តិភាពកាត

S1:E14

ឱកាស និងហានិភ័យនៃការបង់រំលោះ

S1:E13

គ្រឹះស្ថានហិរញ្ញវត្ថុ និងទ្រព្យបញ្ចាំ

S1:E12

អត្ថប្រយោជន៍នៃធានារ៉ាប់រង

S1:E11

តួនាទីរបស់គ្រឹះស្ថានធនាគារ និងគ្រឹះស្ថានមីក្រូហិរញ្ញវត្ថុ