សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ អ្នកជំនាញសេដ្ឋកិច្ចបានបង្ហាញថា តម្លៃប្រេងឆៅនៅលើទីផ្សារអន្តរជាតិហក់ឡើងវិញជាបន្តបន្ទាប់ គឺមកពីចង្វាក់ផលិតកម្មបានដំណើរការវិញហើយ។ នៅពេលណាតម្លៃប្រេងសាំងឡើងថ្លៃ គេអាចវាយតម្លៃបានថា កំណើនសេដ្ឋកិច្ចពិភពលោកនឹងចាប់ផ្តើមកើនឡើងវិញជាបណ្តើរៗ។
លោក យក់ ចំរើនឬទ្ធិ អ្នកសេដ្ឋកិច្ច និងជាអគ្គនាយកនៃក្រុមហ៊ុន ហ្វតតេ បានប្រាប់ AMS ថា តម្លៃប្រេងលក់រាយនៅកម្ពុជាឡើងថ្លៃនៅពេលនេះ គឺមានជាប់ទាក់ទងទៅនឹងតម្លៃប្រេងឆៅនៅលើទីផ្សារអន្តរជាតិដែលហក់ឡើងខ្ពស់។ សំណួរសួរថា តើហេតុអ្វីបានជាទីផ្សារប្រេងឥន្ធនៈអន្តរជាតិហក់ឡើង?
លោក យក់ ចំរើនឬទ្ធិ បានមានប្រសាសន៍ថា៖«តម្លៃប្រេងធ្លាក់ថ្លៃ ឬឡើងថ្លៃ គឺអាស្រ័យផ្អែកទៅលើទីផ្សារអន្តរជាតិ ពីព្រោះប្រទេសយើងមិនមែនជាអ្នកផលិតប្រេងទេ អ្វីៗទាំងអស់ យើងមិនអាចកំណត់តម្លៃបានទេ គឹអាស្រ័យលើទីផ្សារអន្តរជាតិ បើតម្លៃទីផ្សារអន្តរជាតិឡើង តម្លៃប្រេងសាំងលក់រាយវាក៏ឡើងថ្លៃដែរ»។
លោក ចំរើនឬទ្ធិ បន្តថា «ការបញ្ជាទិញប្រេងពីខាងក្រៅរបស់កម្ពុជាមកក្នុងតម្លៃថ្លៃ ដូច្នេះតម្លៃលក់រាយទៅវិញក៏ឡើងថ្លៃទៅតាមនោះដែរ ។ អ៊ីចឹងយើងមានការលំបាកក្នុងការកំណត់តម្លៃខ្លួនយើងណាស់ ព្រោះប្រទេសយើងមិនមែនជាប្រទេសដែលផលិតប្រេងនោះទេ។ យើងបូមប្រេងបានតិចតួច និងមិនទាន់មានរោងចក្រចម្រាញ់ប្រេងទេ»។
លោកកត់សម្គាល់ថា ប្រជាពលរដ្ឋនៅយល់ច្រឡំថា ប្រទេសយើងមានប្រេង ប៉ុន្តែប្រេងដែលយើងមានគឺស្ថិតក្នុងខ្នាតតូចប៉ុណ្ណោះ ដូច្នេះហេតុផលផ្សេងទៀតដែលនាំឱ្យប្រេងឆៅលើទីផ្សារអន្តរជាតិឡើងថ្លៃនោះគឺដោយសារតម្រូវការប្រើប្រាស់ប្រេងឆៅពីសំណាក់សហរដ្ឋអាមេរិក និងចិន ក្នុងការគាស់រំលើងឱ្យមានកំណើនសេដ្ឋកិច្ចឡើងវិញ។
លោកបានបញ្ជាក់ថា ក្រសួងពាណិជ្ចកម្ម ដែលធ្វើតារាងបញ្ជាក់តម្លៃប្រេងឥន្ធនៈលក់រាយនៅកម្ពុជាត្រូវបានធ្វើឡើងចំនួន 2 ដង ក្នុង1ខែ ដោយនៅក្នុងខែនីមួយៗ ក្រសួងពាណិជ្ជកម្មមិនមែនជាអ្នកកំណត់តម្លៃប្រេងឥន្ធនៈនោះទេ គឺគ្រាន់តែជាអ្នកស្រង់តម្លៃឡើងចុះទៅតាមតម្លៃប្រេងនៅលើទីផ្សារអន្តរជាតិមកគណនាប៉ុណ្ណោះ។
យោងតាមសេចក្តីជូនដំណឹងរបស់ក្រសួងពាណិជ្ជកម្មបង្ហាញថា តម្លៃប្រេងលក់រាយនៅកម្ពុជាចាប់ពីថ្ងៃទី 16ដល់31 ខែមីនា ឆ្នាំ2021 គឺសម្រាប់ប្រេងសាំងធម្មតា (EA92) 3,700 រៀលក្នុង1លីត្រ ហើយសម្រាប់ប្រេងម៉ាស៊ូត 3,350 រៀលក្នុង1 លីត្រ ។
អ្នកលក់ប្រេងឥន្ធនៈនៅតាមស្ថានីយ៍នៃក្រុមហ៊ុនមួយចំនួន នៅរាជធានីភ្នំពេញ បានឱ្យដឹងថា ស្ថានីយ៍ទាំងអស់តែងតែអនុវត្តតម្លៃលក់រាយតាមការណែនាំរបស់ក្រសួងពាណិជ្ជកម្មគឺសាំងស៊ូពែរមានតម្លៃ 4,200 រៀលក្នុង1លីត្រ សាំងធម្មតា 3,700រៀលក្នុង1លីត្រ និងប្រេងម៉ាស៊ូត 3,350រៀលក្នុង1លីត្រ។
លោក ចំរើនឬទ្ធិ បានលើកឡើងថា ពាក់ព័ន្ធទៅនឹងកិច្ចអន្តរាគមន៍ទៅលើតម្លៃប្រេងដែលបន្តឡើងកាន់ខ្ពស់នោះ រដ្ឋាភិបាលអាចមានលទ្ធភាពធ្វើបាន ប៉ុន្តែមិនធំដុំនោះទេ ពោលអាចបានត្រឹមជួយសម្រួលបញ្ចុះតម្លៃប្រេងតាមរយៈការបញ្ចុះភាគរយនៃការយកពន្ធលើការនាំចូលប្រេងតិចតួច ម៉្យាងទៀតបើពឹងផ្អែកទៅលើចំណូលពីការបូមប្រងរបស់កម្ពុជានាពេលបច្ចុប្បន្ននៅមានកម្រិតយើងតិចតួចណាស់មិនទាន់អាចចាក់ចូលទៅក្នុងចំណូលសេដ្ឋកិច្ចជាតិបានច្រើននៅឡើយ៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ស្ថាបនិក Nvidia អះអាងថា ចិននឹងមិនប្រើប្រាស់បច្ចេកវិទ្យា Nvidia ក្នុងវិស័យយោធាឡើយ
ព្រឹត្តិការណ៍, អាជីវកម្មថ្មី និងនវានុវត្ត
• 16/07/2025
ប្រធានប្រតិបត្តិក្រុមហ៊ុន Nvidia លោក Jensen Huang បានចេញមុខបញ្ជាក់យ៉ាងច្បាស់ថា រដ្ឋាភិបាលចិន នឹងមិនប្រើបច្ចេកវិទ្យា AI ទាំងឡាយណាដែលជាផលិតផលរបស់ក្រុមហ៊ុន Nvidia នៅក្នុងវិស័យយោធារបស់ខ្លួននោះទេ
ក្រសួងឧស្សាហកម្ម និងក្រុមហ៊ុន Huawei សហការគ្នាជំរុញការស្រាវជ្រាវ និងអភិវឌ្ឍន៍បញ្ញាសិប្បនិម្មិត AI
ព្រឹត្តិការណ៍, អាជីវកម្មថ្មី និងនវានុវត្ត
• 16/07/2025
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និង នវានុវត្តន៍ និងក្រុមហ៊ុន Huawei បានសហការគ្នាក្នុងកិច្ចជំរុញការស្រាវជ្រាវ និងអភិវឌ្ឍន៍បញ្ញាសិប្បនិម្មិត AI នៅកម្ពុជា
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content