បរិបទកូវីដ-19 ប្រព័ន្ធបាគងកំពុងទទួលបានការគាំទ្រក្នុងសេវាកម្មហិរញ្ញវត្ថុ

ភ្នំពេញ ៖ អ្នកប្រតិបត្តិករនៃសេវាកម្មមីក្រូហិរញ្ញវត្ថុ និងធនាគារ បាននឹងកំពុងទទួលស្គាល់ថា ប្រព័ន្ធបា​គងកំពុងទទួលបានការគាំទ្រក្នុងសេវាកម្មហិរញ្ញវត្ថុក្នុង​ប្រទេសកម្ពុជា​ ខណៈដែលមានការព្រួយបារម្ភទៅនឹងការចម្លងនៃជំងឺរាត​ត្បាតកូវីដ-19 អាចឆ្លងមេរោគតាមការទូទាត់សាច់ប្រាក់ដោយផ្ទាល់។

លោក កាំង តុងងី ប្រធានផ្នែកទំនាក់ទំនងសមាគមមីក្រូហិរញ្ញវត្ថុនៅកម្ពុជាបានថ្លែងប្រាប់​AMS ឱ្យដឹងថា ដោយសារបាគងជាប្រព័ន្ធទូទាត់ប្រាក់ដែលមានភ្ជាប់​ជាមួយបណ្តាធនាគារ និងគ្រឹះស្ថានហិរញ្ញវត្ថុជាច្រើន អតិថិជនអាចមានភាពងាយស្រួលក្នុងការផ្ទេរ ឬទូទាត់សាច់ប្រាក់បានប្រព័ន្ធអេឡិចត្រូនិកយ៉ាងងាយស្រួល។ 

លោកថាបច្ចុប្បន្ន គ្រឹះស្ថានមីក្រូហិរញ្ញវត្ថុមានសរុបប្រមាណជា 80 តែអ្នកដែលមានអាជ្ញា​បណ្ណទទួល​ប្រាក់​​បញ្ញើមានតែចំនួន 6 ទេ ដែលមានសកម្មភាពខ្លាំង​រួមមានប្រាសាក់ អេអឹមខេ LOLC ជាដើម តែ​ពួក​គាត់កាន់កាប់អតិថិជនរហូតដល់ពី 80 ទៅ 90ភាគរយ។

លោក កាំង តុងងី បានមានប្រសាសន៍ថា ៖ 

“តាមរយៈប្រព័ន្ធទូទាត់ប្រាក់បាគង គ្រឹះស្ថានមីក្រូហិរញ្ញ ឬក៏ធនាគារ​អាចផ្ញើប្រាក់ឆ្លងគ្នាពីមួយទៅមួយបានក្នុងការ​ទូទាត់ ផ្ទេរសាច់ប្រាក់ពីធនាគារមួយ ទៅធនាគារមួយទៀតដោយមិនគិតថ្លៃសេវា”

បាគង គឺជាឧបករណ៍មួយដែលមានប្រយោជន៍ច្រើនសម្រាប់អ្នកប្រើប្រាស់ ជាពិសេសគឺក្នុងកំឡុងកូវីដ-19 នេះ ខណៈដែលមនុស្សបានព្យាយាមមិនជួបមុខគ្នា​ផ្ទាល់ ក៏ដូចជា​ព្យាយាមមិនប៉ះពាល់ក្រដាសប្រាក់ដោយផ្ទាល់ ព្រោះវាជាផ្នែកមួយនៃការចម្លងវីរុសនៃជំងឺឆ្លង។

លោក តុងងី បញ្ជាក់ថា៖

“កាលដែលយើងមានប្រព័ន្ធឌីជីថល​ ផេយមេន( Digital Payment ) ដែលភ្ជាប់គ្នាគ្រប់គ្រឹះស្ថានហិរញ្ញវត្ថុទំាងអស់ អ៊ីចឹងវា​ផ្តល់​ភាពងាយស្រួលមែនទែន ដល់អតិថិជន ក្នុងការប្រើប្រាស់ការទូទាត់ប្រាក់ ការផ្ទេរប្រាក់ក្នុងសេវាហិរញ្ញវត្ថុដោយមិនចាំបាច់កាន់សាច់ប្រាក់ ដោយមិនទៅជួប​មនុស្ស​ដោយផ្ទាល់”

លោក សាយ សូនី អនុប្រធាននាយកប្រតិបត្តិនៃ​គ្រឹះស្ថាន​មីក្រូ​ហិរញ្ញវត្ថុ​ ​ប្រា​សាក់​បានប្រាប់​AMS ថា ស្ថានការណ៍កូវីដ-19 បានញុំាងឱ្យស្ថាប័នធនាគារ ក៏ដូច​ជាវិស័យមីក្រូហិរញ្ញវត្ថុយកចិត្តទុក​ដាក់លើការផ្ដល់សេវាកម្មបន្ថែម លើផ្នែកហិរញ្ញវត្ថុ តួយ៉ាងប្រព័ន្ធបាគង ដែលប្រាសាក់​ បានរីករាយស្វាគមន៍ចូលរួម​តាំង​ពី​ដំបូង ខណៈដែលប្រព័ន្ធនេះបានផ្តួចផ្តើមដោយធនាគារជាតិនៃកម្ពុជា(NBC)។

ដោយសារគ្រឹះស្ថាន​មីក្រូ​ហិរញ្ញវត្ថុជាសមាជិករបស់ប្រព័ន្ធបាគង លោក សាយ សូនី បានបញ្ជាក់ឱ្យដឹងថា មួយរយៈកន្លងមកនេះ លោកបានកត់សម្គាល់ថា អតិថិជន​ហាក់មានសន្ទុះកើនឡើងលើសពីធម្មតា និងមានភាពទូលំទូលាយជាងមុនក្នុងការប្រើប្រាស់ទៅលើបច្ចេកវិទ្យាហិរញ្ញវត្ថុ ប្រព័ន្ធបាគងនេះ ​ព្រោះថា​ពីមុន​មាន​ការលំបាក​ក្នុងការទូទាត់ និងផ្ទេរសាច់ប្រាក់ពីធនាគារ1ទៅធនាគារ1។

លោក សាយ សូនី បានបញ្ជាក់ថា៖

“រៀងរាល់ការអភិវឌ្ឍផ្នែកហិរញ្ញវត្ថុ យើងតែងតែចូល​​​រួមរាល់ការអភិវឌ្ឍផ្សេងៗទាក់ទងនឹងការងារ ដោយឱ្យតម្លៃអាទិភាព​ ហើយ​យើង​ក៏សប្បាយចិត្តនឹងការប្រើប្រាស់ប្រព័ន្ធទូទាត់បាគង”

សព្វថ្ងៃនេះ បាគង មានសមាជិកជាធនាគារចំនួន 20 ដែលមានសកម្មភាពខ្លាំង ដោយសារប្រព័ន្ធបាគង អាចដោះស្រាយគ្នាបានក្នុងការផ្ទេរ ការទូទាត់​សាច់ប្រាក់​ក្នុង​កាលៈទេសៈកូវីដនេះ ហើយបានធានាបាននូវសុវត្ថិភាព ងាយស្រួលប្រើ ពិសេសមិនប្រតិបត្តិការសាច់ប្រាក់ដោយផ្ទាល់៕ 

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ដំណឹងល្អ ! សហគ្រាសធុនតូច-មធ្យម និងក្រុមហ៊ុនកម្ពុជា អាចដាក់លក់ផលិតផលខ្មែរនៅក្នុងទីផ្សារអាលីបាបា

ព្រឹត្តិការណ៍, សេដ្ឋកិច្ច

• 27/05/2024

សហគ្រាសធុនតូច-មធ្យម និងក្រុមហ៊ុនឯកជនកម្ពុជា អាចដាក់លក់ផលិតផលខ្មែរនៅក្នុងទីផ្សារអាលីបាបារបស់ចិន ដើម្បីនាំយកផលិតផលកម្ពុជាទៅកាន់ទីផ្សារអន្តរជាតិ

យុវជនចេះសន្សំប្រាក់ ស្មើនឹងការកសាងសង្គមឱ្យមានសុខសន្តិភាព

ព្រឹត្តិការណ៍, ហិរញ្ញវត្ថុ

• 27/05/2024

ជាការពិត ការសន្សំប្រាក់ជាផ្នែកមួយនៃការរៀបចំផែនការហិរញ្ញវត្ថុ ហើយវាមានសារៈសំខាន់សម្រាប់មនុស្សគ្រប់វ័យតែម្ដង។ ទម្លាប់នៃការសន្សំប្រាក់នេះ ជាការបង្កាទុកមុននូវបញ្ហាផ្សេងៗ ដែលអាចកើតឡើងជាយថាហេតុ...

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ៖ ការជួយទិញ និងគាំទ្របន្លែផ្លែឈើក្នុងស្រុក គឺជួយដល់កសិករខ្មែរ និងជួយដល់សេដ្ឋកិច្ចជាតិយើង

ព្រឹត្តិការណ៍, សេដ្ឋកិច្ច

• 27/05/2024

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ៖ «ការជួយទិញ និងគាំទ្របន្លែផ្លែឈើក្នុងស្រុក គឺជួយដល់កសិករខ្មែរ និងជួយដល់សេដ្ឋកិច្ចជាតិយើង»។

កម្ពុជា-កូរ៉េ រួមគ្នាលើកកម្ពស់វិស័យសុវត្ថិភាពចំណីអាហារ

ព្រឹត្តិការណ៍, សេដ្ឋកិច្ច

• 27/05/2024

រាជរដ្ឋាភិបាលកម្ពុជា និងសាធារណរដ្ឋកូរ៉េ ឯកភាពគ្នាលើកកម្ពស់វិស័យសុវត្ថិភាពចំណីអាហារ និងការលើកកម្ពស់ម្ហូបអាហារ។

ក្រុមហ៊ុនដ៏ផ្សព្វផ្សាយដ៏​ធំមួ​យ​របស់​ជប៉ុន​ប្ដេជ្ញា​កៀរគរវិនិយោគិន​ជប៉ុនចូលមកម្ពុជា

ព្រឹត្តិការណ៍, អចលនទ្រព្យ

• 27/05/2024

ក្រុមហ៊ុនដ៏​ធំមួ​យ​របស់​ជប៉ុន​ប្ដេជ្ញា​កៀរគរវិនិយោគិន​ជប៉ុនចូលមកម្ពុជា ខណៈកម្ពុជា​គ្រោង​បង្កើត​តំបន់​សេដ្ឋ​កិច្ច​​ពិសេស​ជប៉ុន​មួយ​នៅខេត្តពោធិ៍សាត់​

ជីអង្កាម ជាដំណាំងាយដាំដុះ មានទីផ្សារល្អ និងមានអត្ថប្រយោជន៍ច្រើនចំពោះសុខភាព

ជំនួញ, ព្រឹត្តិការណ៍

• 27/05/2024

ជូអង្កាម មានក្លិនប្រហើរឈ្ងុយ ដែលត្រូវបានគេយកធ្វើជាគ្រឿងផ្សំបន្ថែមក្លិនលើម្ហូបអាហារ ហើយក៏ជាដំណាំមួយប្រភេទងាយស្រួលដាំ និងមានអត្ថប្រយោជន៍ច្រើនដល់អ្នកទទួលទាន

ស្វែងយល់ពីប្រទេសសេដ្ឋកិច្ចធំបំផុតទាំង ១០ នៅលើពិភពលោកក្នុងឆ្នាំ២០២៤

ព្រឹត្តិការណ៍, សេដ្ឋកិច្ច

• 27/05/2024

GDP ដើរតួជារង្វាស់សំខាន់សម្រាប់វាយតម្លៃទំហំសេដ្ឋកិច្ចរបស់ប្រទេសមួយពាក់ព័ន្ធនឹងវិធីសាស្រ្តនៃការចំណាយ ដែលសរុបមកគឺបានមកពីការចំណាយសរុបលើទំនិញប្រើប្រាស់ថ្មីៗ ការវិនិយោគថ្មី ការចំណាយរបស់រដ្ឋាភិបាល និងតម្លៃសុទ្ធនៃការនាំចេញ។ នេះគឺជាប្រទេសដែលមានសេដ្ឋកិច្ចធំជាងគេទាំង ១០ នៅលើពិភពលោកក្នុងឆ្នាំ ២០២៤៖

ការប្រើប្រាស់ប្រព័ន្ធទូទាត់ឌីជីថលបានក្លាយជាគន្លងថ្មីនៅក្នុងសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 27/05/2024

ការប្រើប្រាស់ប្រព័ន្ធទូទាត់ឌីជីថលបានរីកចម្រើនយ៉ាងខ្លាំងក្នុងរយៈពេលប៉ុន្មានឆ្នាំចុងក្រោយនេះ ហើយក្លាយជាគន្លងថ្មីមួយនៅក្នុងសេដ្ឋកិច្ចកម្ពុជា

Happy Grocers ផ្តោតលើអាជីវកម្មផ្គត់ផ្គង់អាហារស្រស់ៗបែបធម្មជាតិដល់សហគមន៍ងាយរងគ្រោះ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 27/05/2024

Happy Grocers ជាអាជីវកម្មបើកហាងលក់គ្រឿងទេស ដូចជា បន្លែ ផ្លែឈើធម្មជាតិគួរឲ្យចាប់អារម្មណ៍មួយប្រភេទដែលពោរពេញទៅដោយនិរន្តរភាពចំពោះបរិស្ថាន

ឧបនាយករដ្ឋមន្រ្តី ស៊ុន ​ចាន់ថុល ៖ “ព្រែកជីកហ្វូណនតេជោ” ជាផលប្រយោជន៍វិស័យពាណិជ្ជកម្ម និងកិច្ចសហប្រតិបត្តិការ មិនមែនសម្រាប់ជម្លោះ ឬការគំរាមកំហែងណាមួយនោះទេ  

ព្រឹត្តិការណ៍, សេដ្ឋកិច្ច

• 27/05/2024

ឧបនាយករដ្ឋមន្រ្តី ស៊ុន ​ចាន់ថុល ៖ “ព្រែកជីកហ្វូណនតេជោ” ជាផលប្រយោជន៍វិស័យពាណិជ្ជកម្ម និងកិច្ចសហប្រតិបត្តិការ មិនមែនសម្រាប់ជម្លោះ ឬការគំរាមកំហែងណាមួយនោះទេ