សមាគមធនាគារ និងសមាគមមីក្រូហិរញ្ញវត្ថុសម្រេចពន្យារពេលបន្ថែមលើការប្រាក់ចំពោះអតិថិជនឆ្លងកូវីដ-19 និងអ្នកធ្វើចត្តាឡីស័ក

សមាគមធនាគារនៅកម្ពុជា (ABC) និងសមាគមមីក្រូហិរញ្ញវត្ថុកម្ពុជា (CMA) សម្រេចលើកលែងការបង់ការប្រាក់ចំនួន2ខែសម្រាប់អតិថិជនឆ្លងកូវីដ-19 និងពន្យារការបង់ទាំងប្រាក់ដើមរយៈពេល3ខែ សម្រាប់អ្នកជាប់ធ្វើចត្តាឡីស័ក រួមទាំងផ្តល់ការរៀបចំឥណទានឡើងវិញដោយស្វ័យប្រវត្តិ(ប្រសិន​​បើអតិថិជនយល់ព្រម)។ នេះបើយោងតាមសេចក្តីថ្លែងការណ៍របស់សមាគមទាំងពីរ ឆ្លើយតបទៅនឹងអនុសាសន៍របស់សម្តេចតេជោ ហ៊ុន សែន។

យោងតាមសេចក្ដីថ្លែងការណ៍របស់សមាគមធនាគារនៅកម្ពុជា និងសមាគមមីក្រូហិរញ្ញវត្ថុកម្ពុជា ដែលAMS ទទួលបាននៅថ្ងៃទី12 ខែមេសា ឆ្នាំ2021នេះបញ្ជាក់ថា តបទៅនឹងអនុសាសន៍របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា សមាគមទាំងពីរសូមទទួលយក និងអនុវត្តតាមដោយធ្វើបច្ចុប្បន្នភាពកែសម្រួល​បន្ថែមគោលការណ៍ដែលបានចេញផ្សាយកាលពីថ្ងៃទី7 ខែមេសា ឆ្នាំ2021 ដល់អតិថិជនដែលឆ្លងជំងឺកូវីដ-19 ដោយបានលើកលែងការបង់ការប្រាក់រយៈពេល2ខែ ហើយសម្រាប់អតិថិជនដែលជាប់ធ្វើចត្តាឡីស័កនឹងផ្តល់ការរៀបចំឥណទានឡើងវិញ ដោយស្វ័យប្រវត្តិ (ប្រសិនបើអតិថិជនយល់ព្រម) រួមទាំងពន្យារការបង់ទាំងប្រាក់ដើមរយៈពេល3ខែ

សេចក្តីថ្លែងការណ៍ក៏បានបញ្ជាក់ថា ក្នុងករណីចាំបាច់នានាដែលជាតម្រូវការរបស់អតិថិជនរងផលប៉ះពាល់ដោយជំងឺកូវីដកូវីដ-19 សូមធ្វើការពិភាក្សាដោយផ្ទាល់ ជាមួយគ្រឹះស្ថានធនាគារ និងមីក្រូហិរញ្ញវត្ថុ។

លោក កាំង តុងងី ប្រធានផ្នែកទំនាក់ទំនងសមាគមមីក្រូហិរញ្ញវត្ថុនៅកម្ពុជាបានប្រាប់AMSថា ជារួមនៅក្នុងការបញ្ចេញឥណទានអំឡុងខែ1-2 បើធៀបនឹងឆ្នាំ 2020កន្លងទៅគឺប្រហាក់ប្រហែលគ្នាមិនមានការឡើងចុះខ្លាំងទេ ដោយសារតែទម្រង់នៃផលប៉ះពាល់នៃជំងឺកូវីដ-19ក៏មានដែរ។ តែបើចូលដល់ខែ3 ឥណទានថ្មីៗប្រហែលជាធ្លាក់ចុះបន្តិចបើធៀបនឹងឆ្នាំ2020 ដោយពេលនោះកូវីដ-19 ទើបចាប់ផ្តើម។

លោក កាំង តុងងី បានមានប្រសាសន៍ថា៖

“ខ្ញុំរំពឹងទុកថាក្នុងត្រីមាសទី1នេះ បើប្រើបធៀបឆ្នាំ​2020 ក៏មិនខុសគ្នាប៉ុន្មានទេដោយសារផលប៉ះពាល់នៃជំងឺកូវីដ-19 ។ ការសងត្រឡប់មានការធ្លាក់ចុះមកត្រឹម1.6ភាគរយ ប៉ុន្តែចាប់តាំងពីខែ3 អ្វីៗមានការប្រែប្រួល ដែលយើងរង់ចាំមើលលទ្ធផលជាក់ស្តែងបន្តទៅទៀត”

លោកបានពន្យល់ថា ៖

“កាលពីឆ្នាំ2020 ការឆ្លងរបស់ប្រជាជនមានចំនួនតិច តែសកម្មភាពសេដ្ឋកិច្ចជារឿងផ្សេង យើងឃើញថាការឆ្លងតិច​ តែយើងមានផលប៉ះពាល់សេដ្ឋកិច្ចខ្លាំងដែរ។​ វាជៀសមិនផុតទេ។ ថ្វីត្បិតយើងមានវ៉ាក់សាំង តែយើងឃើញការរីករាលដាលនៃជំងឺវារីកសាយភាយខ្លាំង ហើយតាមខេត្តក្រុងក៏មានវិធានការបិទខ្ទប់ ដូច្នេះសកម្មភាពសេដ្ឋកិច្ចវាក៏ធ្លាក់ចុះ មានន័យថាអតិថិជនដែលគាត់ត្រូវការឥណទានថ្មីៗដើម្បីពង្រីកអាជីវកម្ម លែងសូវមានតម្រូវការ ហើយការបង់សងត្រឡប់ក៏មានបញ្ហាខ្លះដែរ ដែលនេះជាសម្ពាធ”

លោក កាំង តុងងី ក៏បានបញ្ជាក់ថា សមាគមសមាគមធនាគារ និងសមាគមមីក្រូហិរញ្ញវត្ថុ ក៏បានចេញសេចក្តីថ្លែងការណ៍2លើកគឺលើកទី1(ថ្ងៃទី7 ខែមេសា ឆ្នាំ2021) និងលើកទី2(ថ្ងៃទី12 ខែមេសា ឆ្នាំ2021)ដើម្បីឆ្លើយតបទៅស្ថានការណ៍ និងផលប៉ះពាល់នៃការរីករាលដាលជំងឺកូវីដ-19៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្តេចធិបតី ៖ ការគ្រប់គ្រងធនធានទឹកបានកាន់តែល្អ អាចជួយដល់ការអភិវឌ្ឍសង្គម និងសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ទឹកគឺជាធនធានដ៏មានសារៈសំខាន់សម្រាប់ការអភិវឌ្ឍសង្គម និងសេដ្ឋកិច្ច ហើយការប្រើប្រាស់ធន​ធានទឹកប្រកបដោយប្រសិទ្ធភាព និងស័ក្ដិសិទ្ធិភាព គឺពិតជារបៀបវារៈសំខាន់ខ្លាំងបំផុត។

ស្លឹកទ្រាំង មានប្រយោជន៍ច្រើន និងធ្វើកាបូបបានស្អាតប្លែក និងប្រើបានយូរ

ជំនួញ, ព្រឹត្តិការណ៍

• 11/04/2024

ទ្រាំង ជាដំណាំមួយប្រភេទដែលមានអត្ថប្រយោជន៍ច្រើន សូម្បីស្លឹកក៏អាចយកទៅវិញកែច្នៃជាសម្ភារប្រើប្រាស់ ជាពិសេសធ្វើជាការបូបដ៏មានសោភ័ណភាពស្រស់ស្អាត។

វិស័យកម្មន្តសាល និងការងើបឡើងវិញ ជួយជំរុញកំណើនសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 11/04/2024

ADB ព្យាករថាសេដ្ឋកិច្ចកម្ពុជានឹងកើនឡើងក្នុងអត្រា ៥,៨% ក្នុងឆ្នាំ២០២៤និង៦,០%ក្នុងឆ្នាំ២០២៥ ដោយសារកំណើនក្នុងវិស័យកម្មន្តសាល និង វិស័យទេសចរណ៍ ។

ភាពរីកចម្រើននៃប្រព័ន្ធធនាគារនៅកម្ពុជាបង្ហាញយ៉ាងច្បាស់នូវជំនឿទុកចិត្តរបស់សាធារណជន និងវិនិយោគិនមកលើវិស័យនេះ

ព្រឹត្តិការណ៍, ហិរញ្ញវត្ថុ

• 11/04/2024

ក្នុងរយៈពេល ៣០ឆ្នាំនេះ ប្រព័ន្ធធនាគារនៅកម្ពុជារក្សាបានភាពរីកចម្រើឥតឈប់ឈរ ដោយបន្តរក្សាបាននូវភាពធន់ និងបោះជំហានទៅមុខជាលំដាប់ ក្នុងការរួមចំណែកជំរុញសកម្មភាពសេដ្ឋកិច្ច

តម្លៃប្រេងឡើងថ្លៃ ១​ ដុល្លារបន្ថែមក្នុងមួយបារ៉ែល បន្ទាប់ពីមានការវាយប្រហារនៅតំបន់ហ្គហ្សា

ព្រឹត្តិការណ៍, សេដ្ឋកិច្ច

• 11/04/2024

តម្លៃប្រេងឆៅម៉ាក Brent ឡើងថ្លៃ ១,២ ភាគរយ ឬ ៩០,៤៨ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,២ ភាគរយ ឬ ៨៦,២១ ដុល្លារក្នុងមួយបារ៉ែល

កម្ពុជា និងតំបន់ឈូងសមុទ្រពិសេស ចុះអនុស្សរណៈនៃការយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

ព្រឹត្តិការណ៍, សេដ្ឋកិច្ច

• 11/04/2024

ក្រសួងឧស្សាហកម្ម វិទ្យាសាស្ត្រ បច្ចេកវិទ្យានិងនវានុវត្តន៍និងតំបន់ឈូងសមុទ្រពិសេសចុះអនុស្សរណៈយោគយល់គ្នាជំរុញកិច្ចសហប្រតិបត្តិការសេដ្ឋកិច្ច

តួកគីកំពុងមានជម្លោះពាណិជ្ជកម្មជាមួយនឹងអ៊ីស្រាអែល ទាក់ទងទៅនឹងសង្រ្គាមនៅតំបន់ហ្គាហ្សា

ព្រឹត្តិការណ៍, សេដ្ឋកិច្ច

• 11/04/2024

ទីក្រុងអង់ការ៉ាបានដាក់ការរឹតបន្តឹងលើពាណិជ្ជកម្មសម្រាប់ការនាំចេញផលិតផល ៥៤​ ប្រភេទទៅកាន់អ៊ីស្រាអែល ​បន្ទាប់​ពី​រដ្ឋាភិបាល​អ៊ីស្រាអែល​បដិសេធ​មិន​អនុញ្ញាត​ឲ្យ​ជំនួយ​តួកគី​ទម្លាក់​ចូល​ក្នុង​តំបន់​ហ្គាហ្សា

សម្ដេច​ធិបតី ៖ គម្រោង​ព្រែកជីកហ្វូណន​តេជោ​ ជីកថ្មីតែ​៧គីឡូម៉ែត្រ​ប៉ុណ្ណោះ

ព្រឹត្តិការណ៍, អចលនទ្រព្យ

• 11/04/2024

គម្រោងព្រែកជីកហ្វូណនតេជោ​​ គ្រោង​នឹង​បើក​ការដ្ឋាន​នៅ​ពាក់​កណ្ដាល​ឆ្នាំ ២០២៤​នេះ ហើយគម្រោងនេះ មានប្រវែង​ប្រមាណ១៨០គ.ម ប៉ុន្តែជីក​ថ្មីតែ៧គ.មប៉ុណ្ណោះ

សម្តេចធិបតី ៖ តម្លៃទីផ្សារកសិផលប្រែប្រួលមិនទៀងទាត់ ខណៈរាជរដ្ឋាភិបាលប្រឹងប្រែងរក្សាលំនឹងទីផ្សារ​

ព្រឹត្តិការណ៍, សេដ្ឋកិច្ច

• 11/04/2024

សម្តេចធិបតីបានគូសបញ្ជាក់ថា វិស័យកសិកម្មនៅតែដើរតួនាទីយ៉ាងសំខាន់ក្នុងសេដ្ឋកិច្ចកម្ពុជា ហេតុនេះហើយរាជរដ្ឋាភិបាលនៅតែបន្តយកចិត្តទុកដាក់ជំរុញ និងលើកកម្ពស់

ចង្ក្រានបរិស្ថាន ៖ ជួយពលរដ្ឋជាច្រើនគ្រួសារឱ្យសន្សំសំចៃថវិកាបានច្រើនជាងមុន

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 11/04/2024

តាមរយៈចង្ក្រាននេះ គេអាចប្រើអុសតិចជាងមុន អាចតម្លើង ឬបន្ថយកម្ដៅបាន និងអាចកាត់បន្ថយផ្សែងរហូតទៅដល់ ៩៥% ដែលជាការគិតគូដល់សុខមាលភាពអ្នកប្រើប្រាស់