ប្រជាជនមួយចំនួនក្នុងរាជធានីភ្នំពេញសំណូមពរឲ្យអាជ្ញាធរជួយសម្រួលកំណត់តម្លៃទំនិញក្នុងផ្សារសហគមន៍

ប្រជាជនមួយចំនួនដែលរស់នៅក្នុងភូមិសាស្ត្របិទខ្ទប់ជិតផ្សារដើមថ្កូវមានការត្អូញត្អែរជាខ្លាំងទៅលើតម្លៃនៃមុខទំនិញដូចជា បន្លែ ត្រី សាច់ ដែលកំពុង​ដាក់​លក់នៅក្នុងផ្សារ។ ជាមួយគ្នានេះក៏មានការអំពាវនាវដល់អាជ្ញាធរជួយសម្របសម្រួលលើការគ្រប់គ្រងតម្លៃទំនិញយុទ្ធសាស្ត្រមួយចំនួន ខណៈពេល​ដែលប្រជាជនមិនអាចចេញពីផ្ទះប្រកបអាជីវម្ម បាត់បង់ចំណូល និងគ្មានជម្រើសទៅទិញនៅកន្លែងឆ្ងាយពីមូលដ្ឋានផ្សេងបាន។

ធ្លាប់តែទិញបន្លែ ត្រី សាច់ មកធ្វើម្ហូបសម្រាប់មួយថ្ងៃអស់ត្រឹមជាង1ម៉ឺនរៀល ស្រាប់តែប៉ុន្មានថ្ងៃចុងក្រោយនេះ ក្នុងមួយថ្ងៃចំណាយជិត3ម៉ឺនរៀល ហើយ ហូបមិនបានគ្រប់គ្រាន់ទៀត។ នេះជាការលើកឡើងរបស់អ្នកស្រី ផិន កញ្ញា ដែលជាអ្នកបោកអ៊ុតសម្លៀកបំពាក់ស្ថិតនៅជិតផ្សារដើមថ្កូវ ដែលកំពុងស្ថិតនៅក្នុងតំបន់បិទខ្ទប់។

អ្នកស្រីបន្តថា ៖

“បន្លែគ្រប់មុខគឺឡើងថ្លៃទាំងអស់ មានត្រឹម1ម៉ឺនរៀលកាន់ទៅផ្សារអី មិនដឹងបានគ្រប់មួយពេល ឬអត់ទេ។ រាល់ថ្ងៃចេះតែរអ៊ូប្រាប់គ្នា ដើម្បីឲ្យហូបចេះរិះថាំព្រោះរកអីក៏មិនបាន ហើយម្ហូបក៏ឡើងថ្លៃទៀត”

ដោយឡែកអ្នកស្រី លន់ កែវ ជាអ្នកលក់ពងទា ដែលជាប្រចាំតែងតែចេញទៅលក់នៅផ្សារអូឡាំពិកក៏បានត្អូញត្អែរដែរថា ៖

“មីងមិនប្រាកដដែរថាបន្លែឡើងថ្លៃដោយសារអី តែមីងគិតថា មកពីអ្នកលក់ច្រើនជាង ព្រោះបន្លែខ្លះ ដូចជាត្រកួន ត្រសក់ សណ្ដែកគួរ សុទ្ធតែជាប្រភេទ បន្លែស្រួលដាំ បែរជាលក់ថ្លៃមួយគីឡូដល់ជិត1ម៉ឺនរៀលទៅហើយ”

មិនខុសគ្នាប៉ុន្មានពីអ្នកស្រីទាំងពីរ អ្នកស្រី ស្រីឡែន ដែលជាមេផ្ទះក៏រអ៊ូរទាំដែរថា ៖

“ខ្ញុំបានឃើញ អាជ្ញាធរដើរពិនិត្យរឿងតម្លៃដូចគ្នា តែពួកគាត់ផ្ដោតលើស្បៀងសំខាន់ៗដូចជា សាច់ ត្រី និងស៊ុត ជាដើម តែដោយឡែក បន្លែគឺមិនឃើញមានកំណត់តម្លៃជាក់លាក់ទេ”

ដោយភាពលំបាកទាំងនេះ តំណាងឲ្យប្រជាជនដែលរស់នៅជុំវិញផ្សារដើមផ្កូវពួកគេបានស្នើរសុំឲ្យអាជ្ញាធរជួយលូកដៃក្នុងរឿងនេះ​ ដើម្បីកំណត់តម្លៃសមរម្យទៅលើទំនិញគ្រប់មុខដែលអាចឲ្យប្រជាជនគ្រប់គ្នាមានលទ្ធភាពក្នុងការទិញបានទាំងអស់គ្នា។ ម៉្យាងទៀតពេលនេះ ពួកគាត់គឺ បានបាត់ចំណូលទាំងស្រុងហើយ ដោយមូលហេតុចេញទៅណាមិនបាន។

រដ្ឋលេខាធិការក្រសួងពាណិជ្ជកម្ម លោក ស៊ាង ថៃ បានមានប្រសាសន៍ថា ពាក់ព័ន្ធទៅនឹងការគ្រប់គ្រងការឡើងតម្លៃទំនិញនៅតាមទីផ្សារ ក្រសួងពាណិជ្ជកម្មបានបង្កើតក្រុមការងារចុះតាមដាន និងជួយសម្របសម្រួលតម្លៃសម្ភារៈប្រើប្រាស់ចាំបាច់ អាហារយុទ្ធសាស្ត្រមួយចំនួនដូចជាអង្ករ មី ត្រីខ ជាដើម។

លោកបានបញ្ជាក់ថា គិតត្រឹមថ្ងៃទី19 ខែមេសា ឆ្នាំ2021 ក្រុមការងារបានចុះគ្រប់គ្រង និងសម្របសម្រួលតម្លៃទំនិញប្រមាណ20មុខ រួមជាមួយនឹងកា​រ​ណែនាំ​ឱ្យមានការដាក់កំណត់តារាតំណត់តម្លៃទំនិញប្រមាណ20ប្រភេទ រួមមានដូចជា អង្ករ មី សាច់ជ្រូក សាច់គោ សាច់មាន់ ពងទា ត្រីងៀត ត្រីខ ជាដើមនៅតាមទីផ្សារក្នុងរាជធានីភ្នំពេញសរុបប្រមាណ30ទីតាំង ប៉ុន្តែសម្រាប់ប្រភេទត្រី គឺពិតជាមានការឡើងថ្លៃជាងគេ ដោយសារតែមានបញ្ហាទៅ​លើ​ការដឹកជញ្ជូនចូលមកកាន់ទីផ្សាររាជធានីភ្នំពេញ ហើយមន្ត្រីជំនាញពាក់ព័ន្ធក៏កំពុងសម្របសម្រួលដើម្បីអាចធ្វើឱ្យការដឹកជញ្ជូនមានភាពងាយស្រួលនាំ​យក​ត្រី​មកផ្គត់ផ្គង់ទីផ្សារនៅទូទាំងរាជធានីភ្នំពេញ។

គួរបញ្ជាក់ថា ការបិទខ្ទប់រាជធានីភ្នំពេញទាំងស្រុងគឺត្រូវបានធ្វើឡើងកាលពីថ្ងៃទី15 ខែមេសា ឆ្នាំ2021 ដែលត្រូវនឹងថ្ងៃទី2នៃពិធីបុណ្យចូលឆ្នាំខ្មែរ គិតមកទល់ពេលនេះគឺមានរយៈពេល5ថ្ងៃហើយ។ ក្នុងរយៈពេលនេះផងដែរ គេឃើញថាអាជ្ញាធរមានសមត្ថកិច្ចបានខិតខំប្រឹងប្រែងយ៉ាងអស់ពី សមត្ថភាពក្នុងការទប់ស្កាត់ការធ្វើដំណើររបស់ប្រជាពលរដ្ឋ ដើម្បីបញ្ចប់នូវការចម្លងរាលដាលនៃជំងឺកូវីដ-19ដែលអាចធ្វើឱ្យកម្ពុជាឈានដល់ភាពមហន្តរាយ។

សូមចូលរួមទាំងអស់គ្នាជាមួយរាជរដ្ឋាភិបាលដើម្បីទប់ស្កាត់ការរីករាលនៃជំងឺដ៏កាចសាហាវមួយនេះ ជាមួយនឹងការប្រកាន់ខ្ជាប់3កុំ 3ការពារ ជាពិសេសក្នុងអំឡុងពេលនេះសូមកុំចេញពីផ្ទះបើគ្មានការចាំបាច់៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

កម្ពុជា​កំពុង​ធ្វើការ​ផ្លាស់ប្តូរ​លើ​ក្របខ័ណ្ឌ​នៃ​ភាព​ធន់​នឹងការប្រែប្រួល​អាកាសធាតុ ​នៅ​ក្នុង​ឧស្សាហកម្ម​ស្រូវ​ អង្ករ​

ព្រឹត្តិការណ៍, សេដ្ឋកិច្ច

• 21/05/2024

តំណាងកម្ពុជាថ្លែងក្នុងកិច្ចពិភាក្សាអំពីការអភិវឌ្ឍវិស័យស្រូវអង្ករក្នុងកិច្ចប្រជុំ ADFIAP ​ថា កម្ពុជាកំពុងធ្វើការលើការផ្លាស់ប្តូរក្របខ័ណ្ឌនៃភាពធន់ទៅនឹងអាកាសធាតុក្នុងវិស័យស្រូវ

ជប៉ុន និងអាស៊ាន ត្រៀមចាប់ដៃគ្នាធ្វើការងារលើឧស្សាហកម្មផលិត និងលក់រថយន្តអគ្គិសនី

ព្រឹត្តិការណ៍

• 21/05/2024

សមាគមប្រជាជាតិអាស៊ីអាគ្នេយ៍អាស៊ាន(ASEAN) និងមហាយក្សឧស្សាហកម្មជប៉ុន អាចនឹងសហការគ្នាក្នុងវិស័យផលិត និងលក់រថយន្តអគ្គិសនីដើម្បីចូលរួមចំណែកជាយុទ្ធសាស្ត្រក្នុងការទប់ទល់ទៅនឹងការហូរចូល និងហក់ឡើងខ្លាំងពេកនៃតម្លៃរថយន្តអគ្គិសនីដែលផលិតនៅប្រទេសចិន។

Mountain Hazelnuts អនុវត្តអាជីវកម្មបរិយាបន្ន ដើម្បីបង្កើនកម្លាំងពលកម្មផ្នែកកសិកម្មនៅជនបទ

ធុរកិច្ចបរិយាបន្ន, ព្រឹត្តិការណ៍, សេដ្ឋកិច្ច

• 21/05/2024

បេសកកម្មរបស់ Mountain Hazelnuts គឺបង្កើតអាជីវកម្មដែលរកប្រាក់ចំណេញ និងផ្តល់ប្រាក់ចំណូលរយៈពេលវែងដល់សហគមន៍ជនបទដែលងាយរងគ្រោះ ព្រមទាំងជួយស្តារដីដែលខូចគុណភាពរបស់ប្រទេសជាតិផងដែរ

វិស័យ​សំណង់ និងអចលនទ្រព្យ រំពឹង​ថា​នឹង​បន្តមានកំណើនទាបក្នុងឆ្នាំ២០២៤​នេះ​

ព្រឹត្តិការណ៍, អចលនទ្រព្យ

• 21/05/2024

ទោះបីជា​ស្ថានភាព វិបត្តិកូវីដ​១​៩​បាន​បញ្ចប់ស្ទើរតែទាំងស្រុងទៅហើយក្ដី តែ​វិស័យ​សំណង់ និងអចលនទ្រព្យ​នៅតែបន្ត​មានកំណើតទាបដដែល​ក្នុងឆ្នាំនេះ

តម្លៃមាសបន្តឡើងថ្លៃជិតដល់ ២ ៥០០ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/05/2024

តម្លៃមាសបានឡើងថ្លៃដល់ ២ ៤៥០ ដុល្លារមួយអោន បន្ទាប់ពីព័ត៌មានរាយការណ៍ថា ប្រធានាធិបតីថ្មីរបស់អឺរ៉ុង់ Ebrahim Raisi បានស្លាប់នៅក្នុងហេតុការណ៍ធ្លាក់ឧទ្ធម្ភាគចក្រកាលពីថ្ងៃអាទិត្យ

កសិករកាន់តែទទួលបានជំនួយផ្នែកកសិកម្ម ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាពដល់គ្រួសារក្រីក្រ

ជំនួញ, ព្រឹត្តិការណ៍

• 21/05/2024

កសិករក្នុងសហគមន៍នៅកំពតកំពុងទទួលបានផលប្រយោជន៍ទាំងផ្នែកអាហារូបត្ថម្ភ និងជីវភាព ក្រោមគម្រោងលើកកម្ពស់សន្តិសុខស្បៀង អាហារូបត្ថម្ភ និងជីវភាព

​ស្ថានភាពបញ្ញើ​ជាប្រាក់​រៀលក្នុងប្រព័ន្ធធនាគារ​កំពុងមានភាព​ប្រសើរ​ឡើង

ព្រឹត្តិការណ៍, ហិរញ្ញវត្ថុ

• 21/05/2024

ប្រាក់បញ្ញើជាប្រាក់រៀលក្នុងប្រព័ន្ធធនាគារនៅកម្ពុជាមានភាពប្រសើរឡើងក្នុងឆ្នាំ ២០២៣ បើទោះបីជាប្រាក់បញ្ញើក្នុងវិស័យធនាគារភាគច្រើននៅតែជាប្រាក់ដុល្លារអាមេរិកក៏ដោយ

ពាណិជ្ជករកម្ពុជា ទៅស្វែងយល់ពីការបង្កើតតំបន់សេដ្ឋកិច្ចគាំទ្រដល់អាជីវកម្មដែលទើបបង្កើតថ្មី

ព្រឹត្តិការណ៍, សេដ្ឋកិច្ច

• 21/05/2024

ក្នុងអំឡុងពេលដំណើរទស្សនកិច្ចជាផ្លូវការនៅកូរ៉េរបស់សម្តេចធិបតី ហ៊ុន ម៉ាណែត នាយករដ្ឋមន្ត្រី ប្រតិភូសភាពាណិជ្ជកម្ម ទស្សនកិច្ចតំបន់សេដ្ឋកិច្ចកូរ៉េ

ការធ្វើស្រែតាមរបៀប« សមកាលកម្ម »ជាជំហានក្នុងការកសាងសហគមន៍កសិកម្មទំនើប

ព្រឹត្តិការណ៍, សេដ្ឋកិច្ច

• 21/05/2024

ការធ្វើស្រែតាមរបៀប« សមកាលកម្ម »ជាជំហានមួយឆ្ពោះទៅកាន់ការកសាងសហគមន៍កសិកម្មទំនើបនៅក្នុងព្រះរាជាណាចក្រកម្ពុជា ។

កម្ពុជា នឹងធ្វើជាម្ចាស់ផ្ទះកិច្ចប្រជុំលើកទី២០ រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា និងនវានុវត្តន៍

ព្រឹត្តិការណ៍, អាជីវកម្មថ្មី និងនវានុវត្ត

• 21/05/2024

កម្ពុជាធ្វើជាម្ចាស់ផ្ទះកិច្ចប្រជុំលើកទី២០រដ្ឋមន្ត្រីអាស៊ានផ្នែកវិទ្យាសាស្ត្រ បច្ចេកវិទ្យា នវានុវត្តន៍និងកិច្ចប្រជុំលើកទី៨៥នៃគណៈកម្មាធិការអាស៊ាន