ថៃត្រៀមដំណើរការស្ថានីយផលិតអគ្គិសនីបណ្តែតទឹកដើរដោយថាមពលព្រះអាទិត្យធំបំផុតនៅអាស៊ី

បរទេស៖​ យោងតាមការចេញផ្សាយរបស់សារព័ត៌មានអន្តរជាតិរ៉យទ័រនៅក្នុងសប្តាហ៍នេះបានឲ្យដឹងថា ប្រទេសថៃកំពុងត្រៀមដាក់ឲ្យដំណើរការស្ថានីយផលិត​អគ្គិសនីបណ្តែតទឹកដើរដោយថាមពលពន្លឺព្រះអាទិត្យដ៏ធំជាងគេប្រចាំតំបន់អាស៊ីអាគ្នេយ៍ ដែលមានរហូតដល់144,000បន្ទះស្មើនឹងទំហំប្រមាណ 121​ហិកតា។

យោងតាមប្រភពដដែលបានបញ្ជាក់ទៀតថា ស្ថានីយផលិតអគ្គិសនីដ៏ធំមួយនេះស្ថិតនៅក្នុងខេត្ត Ubon Ratchathani ដែលមានលទ្ធភាពអាច​ផ្គត់ផ្គង់​ការ​ប្រើប្រាស់​ថាមពលនៅក្នុងតំបន់ និងអាចចែកចាយបន្តទៅកាន់ខេត្តមួយចំនួនដែលស្ថិតនៅក្បែរខាងគ្នា។ បន្ថែមពីនេះ អ្វីដែលជាភាពលេចធ្លោ តាមរយៈ​គម្រោង​ស្ថានីយ​ផលិតអគ្គិសនីបណ្តែតទឹកនេះបានជំរុញឲ្យប្រទេសថៃក្លាយទៅ ទៅជាប្រទេសនាំមុខគេនៅក្នុងតំបន់អាស៊ីអាគ្នេយ៍លើការប្រើប្រាស់​ថាមពលមិនប៉ះពាល់​ដល់បរិស្ថាន។

មន្ត្រីទទួលបន្ទុកកិច្ចការងារផ្គត់ផ្គង់អគ្គិសនីប្រចាំខេត្ត Ubon Ratchathani ម្នាក់បានបញ្ចាក់ប្រាប់អ្នកសារព័ត៌មានថា មកដល់ពេលនេះការដ្ឋានសាងសង់​ស្ថានីយ​ផលិត​អគ្គិសនីដើរដោយពន្លឺព្រះអាទិត្យបណ្តែតទឹកមួយនេះសម្រេចបានប្រមាណ90ភាគរយ ដោយត្រូវបានបែងចែកជា7ផ្នែកផ្សេងគ្នា ហើយតាម​គម្រោង​នឹងត្រូវបញ្ចប់ការសាងសង់ទាំងស្រុងនៅចុងខែមេសា និងដាក់ឱ្យដំណើរការសាកល្បងនៅត្រឹមចុងខែមិថុនាឆ្នាំ2021 ខាងមុខនេះ។

គួរកត់សម្គាល់ដែរថា គម្រោងសាងសង់ស្ថានីយផលិតអគ្គិសនីដើរដោយថាមពលពន្លឺព្រះអាទិត្យដ៏ធំអស្ចារ្យមួយនេះត្រូវបានអនុម័តឡើងក្រោយពេលរដ្ឋាភិបាល​នៃប្រទេសថៃទទួលរងនូវការរិះគន់យ៉ាងខ្លាំងទៅលើការប្រើប្រាស់អគ្គិសនីពឹងផ្អែកខ្លាំងពេកទៅលើថាមពលចំហេះផូស៊ីលឥន្ធនៈ។ ជាការឆ្លើយតប រដ្ឋាភិបាល​ប្រទេសថៃបានប្រកាស​ពី​ផែនការ​កាត់បន្ថយការប្រើប្រាស់ថាមពលអគ្គិសនីដែលបានមកពីផូស៊ីលឥន្ធនៈឲ្យបានយ៉ាងតិច 35ភាគរយត្រឹមឆ្នាំ 2037ខាងមុខនេះ៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

​ វិ​ស័​យ​ទេសចរណ៍​ និង​ការធ្វើដំណើរ​ក្នុង​ឆ្នាំ​២​០​២​៤​ ​អាចនឹងឈាន​ដល់ក​ម្រិ​ត​មុន​ជំងឺរាតត្បាត​

ព្រឹត្តិការណ៍, សេដ្ឋកិច្ច

• 27/05/2024

លោក Francisco Betti ប្រធានក្រុមឧស្សាហកម្មសកល នៅវេទិកាសេដ្ឋកិច្ចពិភពលោកថ្លែងថា៖« ឆ្នាំនេះជាចំណុចរបត់មួយសម្រាប់វិស័យទេសចរណ៍ និងការធ្វើដំណើរ មានសមត្ថភាពក្នុងការធ្វើឱ្យមានកំណើន

ធនាគារពិភពលោកអនុម័តឥណទាន ៤០លានដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជា

ព្រឹត្តិការណ៍, ហិរញ្ញវត្ថុ

• 24/05/2024

ធនាគារពិភពលោក បានអនុម័តឥណទានចំនួន ៤០លាន ដុល្លារអាមេរិក សម្រាប់គម្រោងបង្កើនជំនាញដល់ពលរដ្ឋកម្ពុជាដើម្បីរកការងារបានកាន់តែល្អប្រសើរ ។

ស្វែងយល់ពីការបែងចែកប្រភេទក្រុមហ៊ុនដែលមានអាជីវកម្មបរិយាប័ន្ននៅកម្ពុជា

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 24/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រតិដ្ឋ និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈមពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប (BoP និង B40)។

ឧបនាយករដ្ឋមន្ត្រី ស៊ុន ចាន់ថុល ពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនមន្ត្រីជាន់ខ្ពស់របស់វៀតណាម

ព្រឹត្តិការណ៍, អចលនទ្រព្យ

• 24/05/2024

ឧបនាយករដ្ឋមន្ត្រី ស៊ុន ចាន់ថុល បានពន្យល់លម្អិតបន្ថែមអំពីគម្រោងព្រែកជីកហ្វូណនតេជោ ជូនដល់ឧបនាយករដ្ឋមន្ត្រីនៃប្រទេសវៀតណាម ។

អ្នកនាំពាក្យ​ក្រសួងសាធារណការ​ បញ្ជាក់ពីកាលបរិច្ឆេទនៃការ​បើ​ក​ការដ្ឋានគម្រោងព្រែកជីកហ្វូណន​តេជោ​

ព្រឹត្តិការណ៍, អចលនទ្រព្យ

• 24/05/2024

គម្រោងព្រែកជីក​ហ្វូណនតេជោ​នៅមិនទាន់​បានកំណត់​កាលបរិច្ឆេទបើ​ក​ការដ្ឋាន​សាងសង់​នៅឡើយទេ ខណៈបណ្ដាញសង្គម​មួយចំនួន​ផ្សព្វផ្សាយដោយគ្មានប្រភពច្បាស់លាស់ថា ​នឹងចាប់ផ្ដើម​នៅខែ​ក្រោយ​

កសិករដាំដំណាំម្រះ កំពុងរីករាយជាមួយកំណើនទិន្នផលរបស់ខ្លួន ខណៈដែលតម្រូវការទីផ្សារមានភាពទូលាយ

ជំនួញ, ព្រឹត្តិការណ៍

• 24/05/2024

ដោយសារម្រះមានទីផ្សារល្អ កសិករដាំម្រះកាន់តែអាចពង្រីកការដាំដុះដើម្បីទទួលបានទិន្នផលច្រើនផ្គត់ផ្គង់តាមតម្រូវការ

តម្លៃប្រេងបានបន្តឡើងថ្លៃជាង ៨០ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 24/05/2024

តម្លៃប្រេងឆៅម៉ាក Brent ឡើងថ្លៃ ០,៨៨ ភាគរយ ឬ ៨២,៦២ ដុល្លារក្នុងមួយបារ៉ែល ខណៈដែលតម្លៃប្រេងឆៅ West Texas Intermediate (WTI) ឡើងថ្លៃ ០,៩៣ ភាគរយ ឬ ៧៨,២៩ ដុល្លារក្នុងមួយបារ៉ែល

អ្នកឧកញ៉ា គិត ម៉េង ជំរុញ និងលើកទឹកចិត្តវិនិយោគិនចិនបណ្តាក់ទុនវិនិយោគបន្ថែមទៀតនៅកម្ពុជា

ព្រឹត្តិការណ៍, សេដ្ឋកិច្ច

• 24/05/2024

សភាពាណិជ្ជកម្មកម្ពុជា និងសហព័ន្ធឧស្សាហកម្ម និងពាណិជ្ជកម្មនៃសាធារណរដ្ឋប្រជាមានិតចិនជជែកគ្នាពីការវិនិយោគ និងជំរុញការបណ្តាក់ទុនបន្ថែមនៅកម្ពុជា

Pronaca អនុវត្តគំរូអាជីកម្មបរិយាបន្នដែលបង្កើតឱកាសទីផ្សារដល់កសិករ ដើម្បីឲ្យពួកគេរួចផុតពីជីវភាពក្រីក្រ

ជំនួញ, ធុរកិច្ចបរិយាបន្ន, ព្រឹត្តិការណ៍

• 24/05/2024

Pronaca ផ្តល់ជំនួយផ្នែកហិរញ្ញវត្ថុដលកសិករសម្រាប់ទិញគ្រាប់ពូជ ជី និងការផ្គត់ផ្គង់កសិកម្មផ្សេងទៀតដែលមានការបញ្ជាក់ក្នុងតម្លៃសមរម្យ និងផ្តល់ជំនួយបច្ចេកទេសក្នុងការលើកកម្ពស់ផលិតភាពដំណាំប្រកបគុណភាព និងនិរន្តរភាព

តុវិនិយោគកសិ-ចំណីអាហារជួយពង្រឹង និងពង្រីកមូលដ្ឋានវិស័យកសិកម្ម និងកសិ-ឧស្សាហកម្មនៅកម្ពុជាឱ្យកាន់តែរឹងមាំ និងមានភាពធន់

ព្រឹត្តិការណ៍, សេដ្ឋកិច្ច

• 24/05/2024

តុវិនិយោគកសិ-ចំណីអាហារ នឹងជួយពង្រឹង និង ពង្រីកមូលដ្ឋានវិស័យកសិកម្ម និង កសិ-ឧស្សាហកម្មនៅកម្ពុជាឱ្យកាន់តែរឹងមាំ និង មានភាពធន់ ។