អ្នកជំនាញសេដ្ឋកិច្ច ៖ ស្ថិតក្នុងស្ថានភាពបិទខ្ទប់ការដំឡើងថ្លៃទំនិញជារឿងមួយដែលមិនគួរប្រព្រឹត្ត

នៅក្នុងស្ថានភាពដែលរាជរដ្ឋាភិបាលធ្វើការបិទខ្ទប់ភូមិសាស្ត្ររាជធានីភ្នំពេញ និង​​​​ក្រុងតាខ្មៅនៃខេត្តកណ្តាល ក៏ដូចជាក្រុងនៅតាមបណ្តា​ខេត្ត​មួយចំនួនទៀត ដែលធ្វើឱ្យប្រជាពលរដ្ឋកំពុងជួបភាពលំបាក បាត់បង់ចំណូល និងត្រូវចំណាយទៅលើការហូបចុកជាប្រចាំនោះ រាល់ការលក់​ទំនិញយុទ្ធសាស្ត្រគ្រប់ប្រភេទមិនគួរមានការដំឡើងថ្លៃ ឆ្លៀតឱកាសយកចំណេញក្នុងស្ថានភាពដ៏លំបាកនោះទេ។

អ្នកជំនាញផ្នែកវិភាគសេដ្ឋកិច្ចកម្ពុជា លោកបណ្ឌិត ហុង វណ្ណៈ បាន​បង្ហាញពីទស្សនទាន​ផ្ទាល់ខ្លួន​ថា នៅក្នុងអំឡុង​ពេលបិទខ្ទប់នេះ បងប្អូន​អាជីវករ​មួយចំនួនបានឆ្លៀតឱកាស​ដំឡើងថ្លៃ​ទំនិញ​ផ្សេងៗ ដែលជារឿងមិនល្អ និងជាឥរិយាបទមួយមិនគួរប្រព្រឹត្តនោះឡើយ។

លោកបណ្ឌិតបានមានប្រសាសន៍ថា ៖

“ក្នុងកាលៈទេសៈដ៏លំបាកនេះ ប្រជាពលរដ្ឋដែលរស់នៅក្នុងភូមិសាស្ត្របិទខ្ទប់កំពុង​ទទួលរង​នូវផល​លំបាក​ទាំងអស់គ្នា ពិសេស តំបន់ក្រហមតែម្ដង។ ខ្ញុំគិតថាឥរិយាបទបែបហ្នឹងខ្ញុំមិនអាចទទួលយកបានទេ​ចំពោះការ​ដំឡើងថ្លៃទំនិញផ្សេងៗ​ប្រសិន​បើចរន្ត និងតម្លៃនៃប្រភពដើមទំនិញនៅដំណើរ និងរក្សាជាធម្មតា”

ជាការពិត ចំពោះទិដ្ឋភាពសេដ្ឋកិច្ច តម្រូវការកើន ការ​ផ្គត់​ផ្គង់ធ្លាក់ចុះ ​ទំនិញ​ចាំបាច់ត្រូវតែឡើងថ្លៃ។ នេះ​ជាទ្រឹស្ដី​សេដ្ឋកិច្ច ​កាលណា​តម្រូវ​ការកើន ការផ្គត់ផ្គង់​មិន​គ្រប់​​គ្រាន់ទំនិញនោះត្រូវឡើងថ្លៃជាស្វ័យប្រវត្តិ។ ប៉ុន្តែក្នុងករណី ដោយឡែកការ​ឡើងថ្លៃ​ទំនិញ​នៅកម្ពុជា​មិន​​ទាន់​ឈាន​ដល់ដំណាក់កាលហ្នឹងទេ។

លោក ហុង វណ្ណៈ បានពន្យល់ថា ៖

“ធ្វើយ៉ាង​ណាឱ្យអ្នកពាក់​ព័ន្ធ​ ជាពិសេសអាជ្ញាធរ ត្រូវទុក​ច្រកបង្ហូរទំនិញ​ប្រ​ចាំ​ថ្ងៃ បើ​គាត់មិនមានបញ្ហាអ្វី គួរតែជួយសម្រួលឱ្យគាត់បានដឹកទំនិញដូចជាបន្លែ ផ្លែឈើ​ ឬក៏ដូចជា​ត្រី ​សាច់​ផ្សេង​ៗជាដើម មក​ដាក់លក់នៅគោលដៅណាមួយជាក់លាក់ និងគួរយើងសម្រួលឱ្យគាត់ចូល ជៀសវាង ​ការ​ពិបាកសព្វ​បែបយ៉ាង នោះទំនិញ អាចឡើងថ្លៃទៅតាមហ្នឹងដែរ។ គាត់ដឹកលំបាក ហើយមានការ​ស្មុគ​ស្មាញ ទម្រាំមកដល់គោលដៅលក់នោះ ចង់មិនចង់គាត់​ត្រូវដំឡើងថ្លៃហើយ ព្រោះអាចខកខាន​មួយថ្ងៃ ឬពីរថ្ងៃ ទើបបានចូលមកលក់”

លោកបណ្ឌិតក៏បានលើកឡើងដែរថា ករណីខ្លះ អាជ្ញាធរដែលអនុវត្តមិន​យល់ច្បាស់​ទៅតាម​គោល​ការណ៍ណែនាំពី សេចក្តីសម្រេច ឬ​អនុក្រឹត្យ​ផ្សេងៗអាចធ្វើឱ្យមានការរាំងស្ទះបញ្ហាដឹងជញ្ជូនទំនិញ និងអាហារ​ ដែលនាំឱ្យទំនិញឡើងថ្លៃ។

ជាដំណោះស្រាយ ទី1-ត្រូវសម្រួលរាល់ទំនិញការផ្គត់ផ្គង់ម្ហូបអាហារ​ឱ្យជាក់លាក់​ធ្វើឱ្យគាត់ងាយស្រួល​ក្នុងការ​ផ្គត់ផ្គង់។ ទី2-បើសិនមានស្ថាន​ភាព​រលូនហើយគាត់នៅ​តែឡើងថ្លៃ នោះច្បាប់យើងមាន​ គួរតែអនុវត្តទៅតាមច្បាប់អន្តរកាលនោះ។ ទី3- រដ្ឋគួរត្រៀមស្បៀងសម្រាប់​ទុកលក់​ជូនពលរដ្ឋ​ក្នុងតំបន់បិទខ្ទប់ ឬតំបន់ក្រហម កុំឱ្យគាត់​ជ្រួលច្របល់ នោះបញ្ហាក៏មិនសូវកើតមានដែរ​៕

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ

ការិយាល័យជួល ​ទំហំ​ជិត​២០ម៉ឺន​ម៉ែត្រការ៉េ​បន្ថែមទៀត រំពឹងចាក់​បញ្ចូល​ក្នុងទីផ្សារ​​​ក្នុងឆ្នាំ២០២៤​នេះ

ព្រឹត្តិការណ៍, អចលនទ្រព្យ

• 24/07/2024

កំណើននៃ​តម្រូវការ​និងការ​ផ្គត់ផ្គង់ការិយាល័យ​ក្នុង​រាជធានីភ្នំពេញ បានកើន​ឡើងជា​បន្តបន្ទាប់​​ក្រោយ​វិបត្តិកូវីដ​១៩ ដោយ​សហគ្រិន​ឬម្ចាស់​ក្រុមហ៊ុន​ជាច្រើន​ បាន​ផ្លាស់....

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុតកំពុងឈរឈ្មោះជាបេក្ខភាពប្រធានាធិបតី

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

Kamala Harris ស្ត្រីជនជាតិអាមេរិកកាត់ឥណ្ឌាដំបូងបំផុត ប្រែពីអាជីពមេធាវីក្លាយជាបេក្ខភាពប្រធានាធិបតី

NBC ៖ ទុនបម្រុងអន្តរជាតិរបស់កម្ពុជាមានការប្រែប្រួលតិចតួចក្នុងឆមាសទី១ ឆ្នាំ២០២៤

ព្រឹត្តិការណ៍, ហិរញ្ញវត្ថុ

• 24/07/2024

គិតត្រឹមឆមាសទី១ ឆ្នាំ២០២៤ កម្ពុជាមានទុនបម្រុងអន្តរជាតិ ២០ ប៊ីលានដុល្លារអាមេរិក

យុវជនចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍

ព្រឹត្តិការណ៍, អាជីវកម្មថ្មី និងនវានុវត្ត

• 24/07/2024

សិក្ខាកាមចំនួន ២០០នាក់ទៀត ត្រៀមចាក់បញ្ចូលក្នុងទីផ្សារការងារទេសចរណ៍លើជំនាញការិយាល័យជួរមុខ

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ក្រសួងរៀបចំដែនដីកំណត់ចក្ខុវិស័យលើការងារអាទិភាពចំនួន៣ ដើម្បីសម្រេចយុទ្ធសាស្ត្របញ្ចកោណ

ព្រឹត្តិការណ៍, អចលនទ្រព្យ

• 24/07/2024

យុទ្ធសាស្ត្របញ្ចកោណដំណាក់កាលទី១ នៅត្រង់បញ្ចកោណ​ទី៤ មុំទី៤ បានលើកឡើងអំពីការពង្រឹងលើការការគ្រប់គ្រង ធ្វើទំនើបកម្មនគរូបនីយកម្ម

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

អាជីវកម្មដាំដើមអម្ពិល បេះត្រួយលក់ អាចមានតម្លៃប្រមាណ ១៨០០០រៀល ទៅ ២០ ០០០ រៀល ក្នុងមួយគីឡូក្រាម

ជំនួញ, ព្រឹត្តិការណ៍

• 23/07/2024

មិនធម្មតា ទីផ្សារត្រួយអម្ពិលគេអាចលក់បានក្នុងចន្លោះពី ១៨០០០ - ២០០០០រៀលក្នុងមួយគីឡូក្រាម