រាជរដ្ឋាភិបាលកម្ពុជា តាមរយៈក្រសួងសេដ្ឋកិច្ច និងហិរញ្ញវត្ថុ តែងបង្ហាញពីកិច្ចគាំទ្រ និងស្វាគមន៍រាល់គម្រោងវិនិយោគ​នានា​របស់​សិង្ហបុរីនៅកម្ពុជា រួមជាមួយនឹងការលើកទឹកចិត្តដល់វិស័យឯកជននៃប្រទេសសិង្ហបុរី បង្កើនទុនវិនិយោគនៅកម្ពុជាបន្ថែមទៀតក្រោយ​ពេល​វិបត្តិកូវីដ-19 ត្រូវបានបញ្ចប់។

ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ នៅក្នុងឱកាសជំនួបពិភាក្សា ការងារជាមួយ​លោកស្រី Teo Lay Cheng ឯកអគ្គរដ្ឋទូតនៃសាធារណរដ្ឋសឹង្ហបុរីប្រចាំនៅកម្ពុជាកាលពីថ្ងៃទី12 ខែឧសភា ឆ្នាំ2021ម្សិលមិញនេះបាន​មាន​ប្រសាសន៍ថា កម្ពុជា សិង្ហបុរី គឺជាប្រទេសដៃគូវិនិយោគ និងអភិវឌ្ឍន៍រួមគ្នាយ៉ាងជិតស្និទ្ធបំផុត។

ជាមួយគ្នានេះ ឯកឧត្តមឧបនាយករដ្ឋមន្ត្រីបានគូសបញ្ជាក់ពីការចូលរួមចំណែកយ៉ាងសំខាន់ របស់គម្រោង PPLC នៅក្នុងការអភិវឌ្ឍប្រព័ន្ធភ័ស្ដុភារ កម្មជាតិ​ទាំងមូលរបស់ប្រទេសកម្ពុជា ដែលនឹងចូលរួមចំណែកយ៉ាងសកម្ម នៅក្នុងការទាក់ទាញការវិនិយោគ និងការស្ដារឡើងវិញ នៃសេដ្ឋកិច្ចនៅកម្ពុជា។

ពាក់ព័ន្ធនឹងការរីករាលដាលនៃជំងឺកូវីដ-19 ក្នុងសហគមន៍នៅកម្ពុជា, ឯកឧត្តមអគ្គបណ្ឌិតសភាចារ្យឧបនាយករដ្ឋមន្ត្រីបានលើកឡើងពីការសម្រេចចិត្ត ដ៏​ត្រឹមត្រូវ និងទាន់ពេលវេលារបស់សម្ដេចតេជោ ហ៊ុន សែន នាយករដ្ឋមន្ត្រីកម្ពុជា ក្នុងបិទខ្ទប់រាជធានីភ្នំពេញ និងក្រុងតាខ្មៅនៃខេត្តកណ្ដាលដើម្បីឈាន​ដល់​ការ​គ្រប់គ្រង និងការកំណត់តំបន់គោលដៅភូមិសាស្ត្រ ដែលមានការឆ្លងរាលដាលនៃជំងឺកូវីដ-១៩ កម្រិតធ្ងន់ធ្ងរ កម្រិតមធ្យម និងកម្រិតស្រាល​រហូត​ដល់​អាចបិទបញ្ចប់ ការបិទខ្ទប់រាជធានីភ្នំពេញ និងក្រុងតាខ្មៅនៃខេត្តកណ្ដាលជាបណ្ដើរៗនូវគោលដៅភូមិសាស្ត្រនានាដែលបានវាយតម្លៃរួចនា​ពេល​បច្ចុប្បន្ន ។

ទន្ទឹមនឹងនេះ ដើម្បីការពារអាយុជីវិត និងសុខភាពរបស់ប្រជាជនកម្ពុជា ក៏ដូចជាដើម្បីធានាស្ថិរភាពនៅក្នុងដំណើរការជាប្រក្រតីផ្នែកសង្គម និងសេដ្ឋកិច្ច ព្រមទាំង ដើម្បីបិទបញ្ចប់ការឆ្លងរាលដាលធ្ងន់ធ្ងរនៃជំងឺនេះនៅក្នុងភូមិសាស្ត្ររាជធានីភ្នំពេញ និងខេត្តកណ្ដាល ក៏ដូចជានៅតាមបណ្ដាខេត្តដទៃទៀត​រាជរដ្ឋាភិបាលបានដាក់ចេញនូវយុទ្ធនាការជាតិវ៉ាក់សាំងការពារជំងឺកូវីដ-19 សំដៅបង្កើតឲ្យមានភាពសុំាសហគមន៍ (Herd Immunity) ទប់ទល់នឹងការឆ្លងរាលដាលនៃជំងឺកូវីដ-19 ។

ឆ្លៀតក្នុងឱកាសនោះ ឯកឧត្តមក៏បានសម្តែងនូវអំណរគុណយ៉ាងជ្រាលជ្រៅចំពោះកិច្ចសហប្រតិបត្តិការកម្ពុជា-សឹង្ហបុរីកន្លងមក និងបន្តនាពេលអនាគត ជាពិសេសក្រោយវិបត្តិជំងឺកូវីដ-19 ដោយលើកទឹកចិត្តសឹង្ហបុរី ជំរុញ និងបង្កើនការវិនិយោគនៅកម្ពុជា ក៏ដូចជា ការចូលរួមក្នុងការស្ដារ​ឡើងវិញ​នៃ​សេដ្ឋកិច្ច​កម្ពុជា។

• 

• 

ឯកអគ្គរដ្ឋទូតនៃសាធារណរដ្ឋសឹង្ហបុរីប្រចាំនៅកម្ពុជា លោកស្រី Teo Lay Cheng បានសម្តែងនូវការអរគុណ ចំពោះប្រទេសកម្ពុជា ដែលសម្រេច​បាន​នូវការចុះហត្ថលេខាលើកិច្ចព្រមព្រៀងក្របខ័ណ្ឌការងារជាមួយក្រុមហ៊ុន YCH និង Infrastructure Asia ជាដៃគូឯកជន ក្នុងការសិក្សា និង​អភិវឌ្ឍន៍គម្រោងមជ្ឈមណ្ឌលភ័ស្តុភារកម្មភ្នំពេញ (Phnom Penh Logistics Complex – PPLC)។

ជាការឆ្លើយតប លោកស្រីបានសន្យានឹងជួយផ្សព្វផ្សាយបន្ថែមពីសក្ដានុពល និងឱកាសវិនិយោគនៅកម្ពុជាក្នុងវិស័យនានាជាច្រើន ក្នុងទិសដៅធ្វើយ៉ាង​ណា​អាច​ជួយជំរុញ និងពង្រីកកំណើនសេដ្ឋកិច្ចប្រទេសជាតិទាំង2ឲ្យកាន់តែរីកចម្រើន៕

កម្មវិធីពិសេសរបស់ AMS ECONOMY

• មើលទាំងអស់ ➧

S2:E7

ការគ្រប់គ្រងហិរញ្ញវត្ថុសម្រាប់ កម្មកររោងចក្រ

S2:E6

ការគ្រប់គ្រងហិរញ្ញវត្ថុសម្រាប់កសិករ

S2:E5

ក្បួនសន្សំសម្រាប់យុវជន

S2:E4

ដំណោះស្រាយ និងអន្តរាគមន៍ ការលួចតាមប្រព័ន្ឋអនឡាញ

S2:E3

ការធ្វេសប្រហែស

S2:E2

តើកម្ចីទាំងអស់សុទ្ធតែមិនល្អ

S2:E1

វិធីសាស្រ្តនៃការបង់រំលស់

S1:E20

គ្រោះថ្នាក់នៃការបង្ហាញអត្តសញ្ញាណ និងលេខគណនីធនាគារជាសាធារណៈ

S1:E19

គ្រោះថ្នាក់នៃការប្រើប្រាស់ Fintech ជាមួយ Wifi សាធារណៈ

S1:E18

ការបោកប្រាស់កម្ចីតាមប្រព័ន្ធអនឡាញ (SCAM)

S1:E17

កម្ចីអ្នកចងការ និងសេវាហិរញ្ញវត្ថុផ្លូវការ

S1:E16

កម្ចីមិនត្រូវការទ្រព្យធានា

S1:E15

សុវត្តិភាពកាត

S1:E14

ឱកាស និងហានិភ័យនៃការបង់រំលោះ