ដំណឹងល្អ ! តំណក់ប្រេងជាប្រវត្តិសាស្ត្រលើកដំបូងរបស់កម្ពុជានឹងនាំចេញទៅកាន់ទីផ្សារអន្តរជាតិនៅក្នុងខែឧសភានេះ

បើមិនមានអ្វីប្រែប្រួលនោះទេ ក្រុមហ៊ុន KrisEnergy នឹងនាំយកដំណក់ប្រេងឆៅលើកដំបូង និងចាប្រវត្តិសាស្ត្ររបស់កម្ពុជាឆ្ពោះទៅកាន់ទីផ្សារអន្តរជាតិ ដោយក្នុងជំហានបឋមនេះមានបរិមាណចន្លោះពី 27-30ម៉ឺនបារ៉ែល (1បារ៉ែល=158.99លីត្រ) ស្មើនឹងប្រមាណ47លានលីត្រតាមរយៈនាវាផ្ទុកប្រេងទៅកាន់ទីផ្សារអន្តរជាតិ។

ក្រោយដំណើរការចាប់ផ្តើមបូមប្រេងអស់រយៈពេល4ខែរួចមក បច្ចុប្បន្នក្រុមហ៊ុនគ្រីសអេនើជី (KrisEnergy) បានរៀបចំឯកសារ និងត្រៀមធ្វើការនាំចេញប្រេងឆៅកម្ពុជាទៅកាន់ទីផ្សារអន្តរជាតិលើកដំបូង ដែលជាព្រឹត្តិការណ៍ជាប្រវត្តិសាស្ត្ររបស់កម្ពុជា និងអាចនាំមកនូវចំណូលបន្ថែមចាក់ចូលក្នុងសេដ្ឋកិច្ចជាតិ។

អគ្គនាយកនៃអគ្គនាយកដ្ឋានប្រេងកាត ក្រសួងរ៉ែ និងថាមពល លោក ជៀប សួរ បានមានប្រសាសន៍នៅថ្ងៃទី18 ខែឧសភា ឆ្នាំ2021នេះថា បើមិនមានអ្វីប្រែប្រួលនោះទេ ក្រុមហ៊ុន KrisEnergy នឹងនាំចេញប្រេងកាតរបស់កម្ពុជាទៅកាន់ទីផ្សារអន្តរជាតិ នៅក្នុងខែឧសភា ឆ្នាំ2021នេះហើយ ដោយក្នុងជំហានដំបូងមានបរិមាណក្នុងចន្លោះប្រមាណ 27-30ម៉ឺនបារ៉ែល។

លោកបានបញ្ជាក់ថា ៖

“ក្រុមហ៊ុនរុករក និងបូមប្រេងរបស់សិង្ហបុរី KrisEnergy នឹងនាំចេញប្រេងរបស់កម្ពុជាទៅលក់នៅលើទីផ្សារអន្តរជាតិ នៅអំឡុងខែឧសភានេះ។ ចំពោះដំណាក់កាលដំបូងនេះ ក្រុមហ៊ុនអាចនឹងនាំចេញប្រេងឆៅ ក្នុងបរិមាណចន្លោះពី27ម៉ឺនបារ៉ែល ទៅ30ម៉ឺនបារ៉ែល ហើយបរិមាណប្រេងនាំចេញនេះ វាប្រែប្រួលទៅតាមការវាស់វែងជាក់ស្តែង”

យ៉ាងណាក៏ដោយ លោកមិនបានបញ្ជាក់នោះទេថា ការនាំចេញប្រេងឆៅលើកដំបូងរបស់កម្ពុជានាពេលនេះ នឹងត្រូវបានដឹកទៅកាន់ទីផ្សារប្រទេសណា ហើយលក់ក្នុងតម្លៃប៉ុន្មានដែរ។

លោកបណ្ឌិត ហុង វណ្ណៈ អ្នកជំនាញស្រាវជ្រាវសេដ្ឋកិច្ចនៃរាជបណ្ឌិត្យសភាកម្ពុជាបានមានប្រសាសន៍ថា ប្រសិនបើដំណើរការនៃការនាំចេញប្រេងឆៅកម្ពុជាទៅកាន់ទីផ្សារអន្តរជាតិបាននៅពេលណា នោះវានឹងនាំមកនូវប្រាក់ចំណូលបន្ថែមចាក់ចូលក្នុងសេដ្ឋកិច្ចជាតិបានមួយចំណែកទៀត។

លោកបណ្ឌិតបានបន្តថា ៖

“តាមរយៈការនាំចេញប្រេងនេះវាជាចំណូលបន្ថែម និងជាប្រវត្តិសាស្ត្ររបស់កម្ពុជាដែលបានមកពីតំណក់ប្រេងក្នុងសម័យកាលមួយដែលដឹកនាំដោយសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា។ ក្រៅតែពីចំណូលបន្ថែមនៅក្នុងសេដ្ឋកិច្ចកម្ពុជា អ្វីដែលជាផលប្រយោជន៍ធំនោះគឺកេរ្តិ៍ឈ្មោះ។  ប្រសិនបើគុណភាពប្រេងរបស់កម្ពុជាមានគុណភាពល្អកម្រិតខ្ពស់ និងកិត្យានុភាពរបស់កម្ពុជានឹងលេចឡើងនៅលើឆាកអន្តរជាតិក្នុងនាមជាប្រទេសមួយដែលមានចង្វាក់ផលិតកម្មប្រេងឆៅដូចបណ្តាប្រទេសផ្សេងៗចំនួនទៀតនៅលើពិភព”

ទោះជាយ៉ាងណាក៏ដោយ លោកបណ្ឌិត ហុង វណ្ណៈ បានបញ្ជាក់ថា ការទទួលបានប្រេងឆៅ ឬបាននាំចេញទៅកាន់ទីផ្សារអន្តរជាតិនៅពេលនេះ មិនអាចធ្វើឱ្យតម្លៃប្រេងឥន្ទនៈសម្រាប់ប្រើប្រាស់ប្រចាំថ្ងៃនាពេលបច្ចុប្បន្នធ្លាក់ថ្លៃច្រើននោះទេ ឬអាចទទួលបានផលប្រយោជន៍ចាក់ចូលក្នុងសេដ្ឋកិច្ចជាតិតិចតួចប៉ុណ្ណោះ ព្រោះកម្ពុជាទើបតែអាចទាញយកបានពីប្លុកមួយក្នុងចំណោមប្លុកប្រមាណ 5ទៀតនៅកម្ពុជា។ ហេតុនេះវាត្រូវការពេលវេលាដើម្បីធ្វើផែនការ និងការរៀបចំជាច្រើនទៀតដើម្បីធានាបានថាផលប្រយោជន៍អាចត្រូវបានប្រើប្រាស់ប្រកបដោយប្រសិទ្ធភាពខ្ពស់សម្រាប់ប្រជាជន និងសេដ្ឋកិច្ចជាតិ។

គួរបញ្ជាក់ផងដែរថា កម្ពុជាបានទទួលដំណក់ប្រេងលើកដំបូងកាលពីថ្ងៃទី29 ខែធ្នូ ឆ្នាំ2020 ដែលក្លាយជាប្រទេសបូមប្រេងមួយនៅក្នុងពិភពលោក។ ក្រុមហ៊ុន KrisEnergy ដែលមានមូលដ្ឋាននៅប្រទេសសិង្ហបុរី ទទួលបានសិទ្ធិសម្បទានវិនិយោគបូមប្រេងឆៅក្នុងប្លុកA ដែលមានចំនួន5អណ្ដូងស្ថិតក្នុងដែនសមុទ្រកម្ពុជា។ បច្ចុប្បន្ន ជាលទ្ធផលដែលសម្រេចបានពីការបូមប្រេងប្រចាំថ្ងៃក្នុងបរិមាណជាង 2000បារ៉ែល ដែលខុសពីការរំពឹងទុករបស់ក្រុមហ៊ុនមួយនេះដែលអាចបូមប្រេងឆៅចេញពីអណ្តូងក្នុងបរិមាណចន្លោះពី 7,000-7,500បារ៉ែលក្នុងមួយថ្ងៃ៕  

របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ