សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ទោះជាស្ថិតនៅក្នុងកំឡុងពេលមានវិបត្តិនៃជំងឺកូវីដ-19ក៏ដោយ ក្រោមកិច្ចទំនាក់ទំនងយ៉ាងជិតស្និទ្ធ និងស៊ីជម្រៅរវាងកម្ពុជា-កូរ៉េខាងត្បូង បានធ្វើការពង្រឹង និងពង្រីកទំហំពាណិជ្ជកម្មនៃប្រទេសទាំង២ ឲ្យមានកើនឡើងជាបន្តបន្ទាប់ ជាក់ស្ដែងនៅត្រឹមរយៈ ៤ខែដើមឆ្នាំ២០២១នេះ ជាលទ្ធផលសម្រចរហូតដល់ ៣១៨លានដុល្លារសហរដ្ឋអាមេរិក។
យោងតាមរបាយការណ៍ដែលចេញដោយសមាគមពាណិជ្ជកម្មអន្តរជាតិប្រទេសកូរ៉េខាងត្បូងបានឱ្យដឹងថា ចាប់ពីខែមករា ដល់ខែមេសាឆ្នាំ២០២១នេះ ប្រទេសកម្ពុជាបាននាំចេញទំនិញទៅកាន់ទីផ្សារប្រទេសកូរ៉េខាងត្បូងមានតម្លៃចំនួន ១២៤ លានដុល្លារ កើនឡើងប្រមាណ ៨.៩ភាគរយបើប្រៀបធៀបនឹងរយៈពេលដូចគ្នាកាលពីឆ្នាំមុន។
ដោយឡែកការនាំចូលរបស់ប្រទេសកម្ពុជាពីទីផ្សារនៃប្រទេសកូរ៉េខាងត្បូងវិញមានទំហំប្រមាណ១៩៤ លានដុល្លារ ដែលចំនួននេះកើនបានឡើង ៦.២ ភាគរយ ធៀបនឹងឆ្នាំ២០២០។ ពាណិជ្ជកម្មទ្វេភាគីបានកើនឡើង ៧.៥ ភាគរយស្មើនឹង ៣១៨ លានដុល្លារ។
ផលិតផលសំខាន់ៗរបស់កម្ពុជា ដែលនាំចេញទៅកូរ៉េខាងត្បូង រួមមានដូចជាសម្លៀកបំពាក់ ស្បែកជើងកាបូប ទំនិញ ការធ្វើដំណើរ ភេសជ្ជៈ គ្រឿងបន្លាស់ ឧបករណ៍អេឡិចត្រូនិក កៅស៊ូ ឱសថ និងផលិតផលកសិកម្ម ខណៈដែលការនាំចូលសំខាន់ៗពីប្រទេសកូរ៉េរួមមាន៖ យានយន្ត គ្រឿងអេឡិចត្រូនិក ឧបករណ៍ផ្ទះបាយ ភេសជ្ជៈ ឱសថ និងផលិតផលប្លាស្ទិកជាដើម។
ជាមួយគ្នានេះ ស្របទៅនឹងមហិច្ឆតាក្នុងការពង្រីកទំហំពាណិជ្ជកម្មឲ្យកាន់តែធំ និងរឹតតែល្អប្រសើរ រដ្ឋាភិបាលនៃប្រទេសទាំងពីរបានខិតខំក្នុងការចរចា និងជំរុញឱ្យមានការរៀបចំកិច្ចចុះហត្ថលេខានៃកិច្ចព្រមព្រៀងពាណិជ្ជកម្មសេរីនៅក្នុងពេលឆាប់ៗខាងមុខនេះ។
រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ ធ្លាប់បានមានប្រសាសន៍ថា ៖
“កិច្ចព្រមព្រៀងពាណិជ្ជកម្មសេរី កម្ពុជា-កូរ៉េនេះនឹងត្រូវចូលជាធរមាននៅក្នុងឆ្នាំ២០២១នេះ ដើម្បីពង្រឹងភាពជាដៃគូសេដ្ឋកិច្ច និងពង្រឹងធ្វើសេរីភាវូបនីយកម្មពាណិជ្ជកម្មទ្វេភាគីឲ្យកាន់តែមានភាពទូលំទូលាយ ផ្ដល់នូវប្រយោជន៍ឱ្យគ្នាទៅវិញទៅមក សំដៅបង្កើតផលប្រយោជន៍សេដ្ឋកិច្ច សុខុមាលភាពសង្គមជាតិ ប្រជាជាតិ និងធុរកិច្ចនៃប្រទេសទាំងពីរកាន់តែប្រសើរឡើងប្រកបដោយភាពជឿជាក់”
ឯកឧត្តមបានមានប្រសាសន៍បន្តថា នៅពេល CKFTA ត្រូវបានបង្កើតឡើង វានឹងចូលរួមចំណែកក្នុងការជំរុញសកម្មភាពពាណិជ្ជកម្ម រវាងប្រទេសទាំងពីរ។ ព្រះរាជាណាចក្រកម្ពុជានឹងទាក់ទាញការវិនិយោគថ្មីពីប្រទេសកូរ៉េខាងត្បូង និងប្រទេសបរទេសផ្សេងទៀត ដើម្បីចាក់បញ្ចូលសាច់ប្រាក់ចាំបាច់ទៅក្នុងប្រទេស៕
ផ្ទាំងបដាទម្រង់
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្ពុជាប្រកាសដាក់ឱ្យអនុវត្ត«យុទ្ធសាស្ត្រស្ដីពីការអភិវឌ្ឍសេវាអេឡិចត្រូនិកសម្រាប់ធុរកិច្ចឆ្នាំ២០២៥ – ២០២៨»
ព្រឹត្តិការណ៍, អាជីវកម្មថ្មី និងនវានុវត្ត
• 23/04/2025
កម្ពុជា បានប្រកាសដាក់ឱ្យអនុវត្តយុទ្ធសាស្ត្រស្ដីពីការអភិវឌ្ឍសេវាអេឡិចត្រូនិកសម្រាប់ធុរកិច្ចឆ្នាំ២០២៥ - ២០២៨ ដើម្បីពង្រឹង និងកសាងនូវប្រព័ន្ធអេកូឡូស៊ីនៃវិស័យធុរកិច្ច
Donald Trump លើកឡើងថា អត្រាពន្ធខ្ពស់លើការនាំចូលពីប្រទេសចិនអាចនឹងត្រូវបានកាត់បន្ថយ
ព្រឹត្តិការណ៍, អាជីវកម្មថ្មី និងនវានុវត្ត
• 23/04/2025
Trump បានលើកឡើងថា ៖ «យើងនៅមានភាពល្អធម្មតាជាមួយប្រទេសចិន ហើយយើងនឹងធ្វើការជាមួយគ្នាប្រកបដោយឧត្តមគតិ។ អត្រាពន្ធចុងក្រោយដែលដាក់លើប្រទេសចិនអាចនឹងធ្លាក់ចុះពី ១៤៥%»
រយៈពេល ៣៥ឆ្នាំ ប្រទេសចិនបានផ្ដល់ជំនួយដល់កម្ពុជាសម្រាប់អភិវឌ្ឍន៍ប្រទេសសរុបជាទឹកប្រាក់ជិត៦ពាន់លានដុល្លារអាមេរិក
ព្រឹត្តិការណ៍, អាជីវកម្មថ្មី និងនវានុវត្ត
• 22/04/2025
ចិន ជាប្រទេសដែលផ្ដល់ជំនួយធំមួយដល់កម្ពុជាក្នុងការអភិវឌ្ឍប្រទេស ជាក់ស្ដែង ៣៥ឆ្នាំ ចិនបានផ្ដល់ជំនួយដល់កម្ពុជាជិត ៦ពាន់លានដុល្លារ
ផ្ទាំងបដាទម្រង់
កម្មវិធីពិសេសរបស់ AMS ECONOMY
Account
Security
Favourite Content