ដំណាំស្រកានាគងាយស្រួលដាំ ងាយស្រួលថែទាំ និងមានទីផ្សារល្អ

ដំណាំស្រកានាគជាដំណាំត្រូពិចមួយប្រភេទ ដែលសម្បូរទៅដោយវីតាមីន និងផ្តល់គុណតម្លៃសម្រាប់អ្នកទទួលទាន ហើយក៏ជាប្រភេទដំណាំមួយដែលងាយស្រួលដាំ ងាយថែទាំបំផុត សូម្បីតែអ្នកដែលទីធ្លាដីជុំវិញផ្ទះក៏អាចដាំបាន។

លោក សោ សុភ័ក្រ ជាអ្នកដាំស្រកានាគម្នាក់នៅខេត្តសៀមរាបបានរៀបរាប់ប្រាប់ AMS ឲ្យដឹងថា ដំណាំស្រកានាគនេះជាដំណាំធននឹងអាកាសធាតុ មានទីផ្សារល្អ ពិសេសវាជាដំណាំល្អមួយប្រភេទសម្រាប់អ្នកមានដីទំនេរជុំវិញផ្ទះដែលចង់ដាំដំណាំធម្មជាតិលក្ខណៈគ្រួសារបានដោយគ្រាន់តែឆ្លៀតពេលទំនេរពីការងារមកធ្វើបាន។

លោកបន្តឲ្យដឹងទៀតថា ដំណាំស្រកានាគរបស់លោកបច្ចុប្បន្នមានជាង 100គុម្ព លាតសន្ធឹងនៅលើផ្ទៃដីប្រមាណជាង1ហិកតា ស្ថិតនៅក្នុងស្រុកជីក្រែងដែលលោកបានដាំជាបន្តបន្ទាប់តាំងពីឆ្នាំ2013មកម៉្លេះ។ ដំបូងឡើយលោកបានសាកល្បងដាំតែជាង 20គុម្ពប៉ុណ្ណោះ ដោយបានច្នៃបោះបង្គោលសម្រាប់ឱ្យដើមស្រកានាគវាឡើងហើយអាចបែកមែក និងបានផ្លែច្រើន។ ប៉ុន្តែ ក្រោយមកដោយមើលឃើញពីទិន្នផលក៏ដូចជាភាពងាយស្រួលក្នុងការដាំលោកក៏បានពង្រីកពូជដាំជាបន្តបន្ទាប់។

ពាក់ព័ន្ធទៅនឹងបច្ចេកទេសនៃការដាំដើមស្រកានាគ លោក សោ សុភ័ក្រ បានប្រាប់ឲ្យដឹងថា លោកបានធ្វើការកាត់មែកមកបណ្ដុះជាកូនរហូតដល់វាបែកខ្នែងល្មមសិនទើបយកមកដាក់ដាំ។ ចំណែករយៈពេលនៃការដាំវិញ ស្រកានាគអាចនឹងចេញផ្លែនៅឆ្នាំដំបូង ឬនៅពេលវាធំឡើងផុតបង្គោល ហើយវានឹងកាន់តែផ្ដល់ផលច្រើននៅឆ្នាំបន្ទាប់។ សម្រាប់ការថែទាំគឺត្រូវធ្វើការស្រោចទឹកជាប្រចាំ ជាពិសេសនៅរដូវប្រាំង និងត្រូវត្រូវយកចិត្តទុកដាក់ថែទាំគល់ ជម្រះស្មៅ និងដាក់ជី នៅមុនពេលចេញផ្កា និងចៀសវាងផ្កាត្រូវទឹកដែលអាចរលួយ ឬសត្វល្អិតស៊ីជាដើម។

ដំណាំស្រកានាគនេះជានិច្ចកាលឱ្យផលនៅចន្លោះខែមេសា ដែលជាពេលធ្លាក់ភ្លៀងដំបូង និងចាប់ផ្ដើមចេញផ្កា លូតលាស់ចេញជាផ្លែបន្តបន្ទាប់ រហូតដល់ខែវិច្ឆិកាដែលជាពេលអស់ទឹកភ្លៀងទៅវិញ។ ស្រកានាគអាចនឹងចេញផ្កាចន្លោះប្រមាណ 1ខែម្ដងបន្តបន្ទាប់គ្នា​ ដោយក្នុង1គុម្ពស្រកានាគអាចឱ្យផលបានប្រមាណ 20-30គីឡូក្រាម ហើយតម្លៃលក់នៅលើទីផ្សារក៏ទទួលបានខ្ពស់។

យ៉ាងណាក៏ដោយចំពោះទីផ្សារស្រកានាគ ត្រូវបានម្ចាស់ចំការរូបនេះបញ្ជាក់ប្រាប់ថា ដំណាំនេះមានទីផ្សារល្អដោយគ្រាន់តែលក់រាយឱ្យអតិថិជននៅជិតៗចំការក៏ផ្គត់ផ្គង់ស្ទើរមិនគ្រប់។ ស្រកានាគនៅចំការរបស់លោកមានពីរប្រភេទគឺ ស្រកានាគពណ៌ស និងស្រកានាគពណ៌ស្វាយ តែអតិថិជនភាគច្រើននិយមគាំទ្រតែប្រភេទពណ៌ស្វាយប៉ុណ្ណោះ។

ទៅថ្ងៃមុខប្រសិនបើមានលទ្ធភាពពង្រីកដីធំបន្ថែម លោក នឹងបង្កើនការដាំដុះដំណាំស្រកានាគនេះឲ្យបានច្រើន ព្រោះ វាជាប្រភេទដំណាំងាយស្រួលដាំ ធននឹងអាកាសធាតុ ងាយទទួលបានផល និងមានទីផ្សារល្អ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»