អ្នកជំនាញ ៖ សៀមរាបនឹងកាន់តែមានសក្ដានុពលវិនិយោគអចលនទ្រព្យក្រោយបញ្ចប់គម្រោងសាងសង់ធំៗតម្លៃរាប់ពាន់លានដុល្លារ

អ្នកជំនាញនៅក្នុងវិស័យអចលនទ្រព្យកម្ពុជាបានបង្ហាញពីភាពសុទិដ្ឋិនិយមចំពោះទឹកដីខេត្តសៀមរាបថា ក្រោយពេលបញ្ចប់គម្រោងអភិវឌ្ឍន៍ធំៗដែលមានតម្លៃសរុបរាប់ពាន់លានដុល្លារនាពេលខាងមុខនេះ នឹងកាន់តែលើកកម្ពស់សក្ដានុពល ទាក់ទាញការវិនិយោគបន្ថែម ដែលកាន់តែធ្វើឲ្យតម្លៃអចលនទ្រព្យឡើងថ្លៃ។

គម្រោងវិនិយោគ និងអភិវឌ្ឍន៍ធំៗដែលគ្រោងនឹងបង្ហាញខ្លួននៅក្នុងទឹកដីខេត្តសៀមរាប ដែលជាប៉ូលសេដ្ឋកិច្ចសំខាន់របស់កម្ពុជារួមមាន គម្រោងស្ដារ និងធ្វើឲ្យប្រសើរឡើងវិញហេដ្ឋារចនាសម្ព័ន្ធផ្លូវទាំង38ខ្សែទូទាំងក្រុងសៀមរាប គម្រោងសាងសង់អាកាសយានដ្ឋានអន្តរជាតិសៀមរាប-អង្គរ គម្រោងរមណីយដ្ឋានតម្លៃ 350លានដុល្លាររបស់ Naga Corp គម្រោងបង្កើតទីក្រុងចិន គម្រោងបង្កើតផ្សារទំនើប និងគម្រោងកែប្រែសោភ័ណភាពនៅតំបន់ទេសចរណ៍ផ្សេងៗជាច្រើនទីតាំងទៀត ដែលសុទ្ធតែជាកម្លាំងចលករជួយលើកកម្ពស់សក្ដានុពល និងការវិនិយោគបន្ថែម។

ស្ថាបនិក និងជានាយកគ្រប់គ្រង​ក្រុមហ៊ុនអចលនទ្រព្យ KEY Real Estate លោក សន សៀប បាន​ប្រសាសន៍​ថា ស្ថានភាពសេដ្ឋកិច្ចក្នុងតំបន់នៃខេត្តសៀមរាបនាពេលបច្ចុប្បន្នមានការធ្លាក់ចុះក្នុងរង្វង់ប្រមាណ 5ភាគរយ ដែលការធ្លាក់ចុះនេះគឺបណ្ដាលមកពីការទទួលរងនូវផលប៉ះពាល់ខ្លាំងពីវិបត្តិនៃជំងឺកូវីដ-19 ជាពិសេសទៅលើវិស័យទេសចរណ៍របស់ខេត្តនេះ។ ប៉ុន្តែទោះជាយ៉ាងណាក៏ដោយ លោកនៅតែបង្ហាញក្ដីរំពឹងខ្ពស់ទៅលើសក្ដានុពលនៃខេត្តមួយនេះថា នឹងពិតជាងើបឡើងវិញយ៉ាងគំហុកបន្ទាប់ពីស្ថានការជំងឺកូវីដបានស្ងប់ស្ងាត់ ជាពិសេសក្រោយពេលគម្រោងធំៗដែលកំពុងបន្តសកម្មភាពអភិវឌ្ឍន៍នៅពេលបច្ចុប្បន្នត្រូវបានបញ្ចប់តាមការគ្រោងទុក។

“ទោះជាស្ថិតនៅក្នុងពេលកំពុងមានវិបត្តិ ប៉ុន្តែអ្នកវិនិយោគ និងអភិវឌ្ឍន៍ក្នុងវិស័យអចលនទ្រព្យមួយចំនួនដែលមានដើមទុនគ្រប់គ្រាន់បានទិញដីរួចរាល់ ដែលនៅរង់ចាំតែវិបត្តិនៃជំងឺឆ្លងត្រូវបានស្ងប់ស្ងាត់បន្តិច នោះសកម្មភាពអភិវឌ្ឍន៍អាចនឹងចាប់ផ្តើមជាមិនខាន។ តាមរយៈសកម្មភាពវិនិយោគ និងអភិវឌ្ឍន៍រួមគ្នារវាងវិស័យឯកជន និងរាជរដ្ឋាភិបាលកម្ពុជានោពេលនេះ នឹងក្លាយជាកម្លាំងទាក់ទាញដ៏ខ្លាំងក្លាក្នុងការជំរុញឲ្យខេត្តសៀមរាបផ្លាស់ប្ដូរមុខមាត់ក្នុងនាមជាតំបន់ប៉ូលសេដ្ឋកិច្ចពិសេសប្រចាំប្រទេសជាមិនខាន”

លោក សន សៀប

គួរបញ្ជាក់ថា គម្រោងអភិវឌ្ឍន៍ធំដែលគ្រោងនឹងបង្ហាញខ្លួននៅក្នុងខេត្តសៀបរាបរួមមាន គម្រោងហេដ្ឋារចនាសម្ព័ន្ធផ្លូវ38ខ្សែ មានប្រវែងសរុប 108.74 គីឡូម៉ែត្រ គ្រោងចំណាយថវិការសាងសង់ប្រមាណ 140លានដុល្លារ។ គម្រោងសាងសង់ព្រលានយន្ដហោះអន្តរជាតិសៀមរាបថ្មីតម្លៃប្រមាណ 900លានដុល្លា សង់នៅលើផ្ទៃដីប្រមាណ 700ហិកតា គ្រោងបញ្ចប់ក្នុងឆ្នាំ2023។

ក្រៅពីនេះនៅមានគម្រោងសាងសង់រមណីយដ្ឋានកម្រិតអន្តរជាតិរបស់ Naga Corp ក្នុងទំហំទឹកប្រាក់ប្រមាណ 350លានដុល្លា នៅលើផ្ទៃដីប្រមាណ 75ហិកតា, គម្រោងបង្កើតទីក្រុងចិន រួមជាមួយនឹងគម្រោងកែប្រែសោភ័ណភាពនៅតំបន់ទេសចរណ៍នានានៅក្នុងខេត្តដូចជាដងស្ទឹងសៀមរាប និងគម្រោងស្ដារធ្វើឲ្យប្រសើរឡើងផ្លូវក្រវាត់ក្រុងសៀមរាបជាដើម៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រដ្ឋមន្ត្រីពាណិជ្ជកម្ម ជំរុញពង្រឹងគុណភាព និងសុវត្ថិភាពម្ហូបអាហារ ដើម្បីប្រកួតប្រជែង និងផ្គត់ផ្គង់ទីផ្សារ

ព្រឹត្តិការណ៍, សេដ្ឋកិច្ច

• 24/07/2024

រដ្ឋមន្ត្រីពាណិជ្ជកម្ម ជំរុញពង្រឹងគុណភាព សុវត្ថិភាពម្ហូបអាហារចាប់ពីកសិដ្ឋានដល់កន្លែងបរិភោគ

ឯកអគ្គរដ្ឋទូតចិនប្រចាំនៅកម្ពុជា កំពុងជួយផ្សព្វផ្សាយលើកស្ទួយវិស័យទេសចរណ៍កម្ពុជាទៅកាន់ពិភពលោក

ព្រឹត្តិការណ៍, សេដ្ឋកិច្ច

• 24/07/2024

ជាជំហានវិជ្ជមានមួយរបស់ឯកឧត្តម ឯកអគ្គរដ្ឋទូតចិនដែលទើបតែងតាំងថ្មី ក្នុងការផ្សព្វផ្សាយវិស័យទេសចរណ៍របស់កម្ពុជា

ផលិតផលជលផល កំពុងត្រូវបានយកចិត្តទុកដាក់លើខ្សែច្រវាក់ផលិតកម្មនៃការផលិត និងជំរុញការនាំចេញ

ព្រឹត្តិការណ៍, សេដ្ឋកិច្ច

• 23/07/2024

គម្រោងអភិវឌ្ឍន៍ក្រោយប្រមូលផល(CAPFISH-Capture) នៃវិស័យជលផលកំពុងជំរុញខ្សែច្រវាក់ផលិតកម្មឱ្យកាន់តែទូលាយដើម្បីនាំចេញទៅកាន់ទីផ្សារអន្តរជាតិ

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា

ព្រឹត្តិការណ៍, សេដ្ឋកិច្ច

• 23/07/2024

សម្តេចធិបតី ហ៊ុន ម៉ាណេត កត់សម្គាល់ពីការនាំចេញផលិតផលកសិកម្មសំខាន់ៗរបស់កម្ពុជា ខណៈឯកអគ្គរដ្ឋទូតចិនថ្មី កោតសរសើរពីរសជាតិស្វាយចន្ទីខ្មែរ

ក្រុមហ៊ុនឧស្សាហកម្មវាយនភ័ណ្ឌចិន៤០ក្រុមហ៊ុន មកស្វែងយល់កាលានុវត្តភាពវិនិយោគនៅកម្ពុជា

ព្រឹត្តិការណ៍, សេដ្ឋកិច្ច

• 23/07/2024

ក្រុមហ៊ុនឧស្សាហកម្មវាយនភ័ណ្ឌចិនចំនួន៤០ក្រុមហ៊ុន បានមកស្វែងយល់ពីបរិយាកាស និង កាលានុវត្តភាពវិនិយោគនៅកម្ពុជា

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ឬ Visa

ព្រឹត្តិការណ៍, សេដ្ឋកិច្ច

• 23/07/2024

ថៃអនុញ្ញាតឲ្យជនបរទេសមកពី ៩៣ ប្រទេសអាចស្នាក់នៅក្នុងប្រទេសបានរយៈពេល ៦០ ថ្ងៃដោយមិនចាំបាច់មានទិដ្ឋាការ ដើម្បីទាក់ទាញទេសចរ

ការរៀបចំយន្តការតាមដាន និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាលទី១ ជាដំណាក់កាលសំខាន់

ព្រឹត្តិការណ៍, សេដ្ឋកិច្ច

• 23/07/2024

ការរៀបចំយន្តការតាមដាន ត្រួតពិនិត្យ និងវាយតម្លៃការអនុវត្ដយុទ្ធសាស្រ្ដបញ្ចកោណដំណាក់កាល ទី១ គឺជាដំណាក់កាលសំខាន់នៃគោលនយោបាយរាជរដ្ឋាភិបាល

វេទិកាសេដ្ឋកិច្ចរបស់គណបក្សប្រជាធិបតេយ្យអាចនឹងនៅដដែលបន្ទាប់ពី Joe Biden បញ្ចប់តំណែងជាប្រធានាធិបតី

ព្រឹត្តិការណ៍, សេដ្ឋកិច្ច

• 23/07/2024

ការប្រកាសដកឈ្មោះរបស់ប្រធានាធិបតីសហរដ្ឋអាម៉េរិក Joe Biden ចេញពីគណបក្សប្រជាធិបតេយ្យក្នុងនាមជាបេក្ខជនឈរឈ្មោះបោះឆ្នោតជ្រើសរើសប្រធានាធិបតីឆ្នាំ ២០២៤ កំពុងក្លាយជាប្រធានបទជជែកដេញដោលទាក់ទងនឹងវេទិកាសេដ្ឋកិច្ច

ក្រុមហ៊ុនធំមួយរបស់ចិន នាំចូលរថយន្តអគ្គិសនីទំនើប​ និងបង្កើតមជ្ឈមណ្ឌលតាំងបង្ហាញនៅកម្ពុជា

ព្រឹត្តិការណ៍, សេដ្ឋកិច្ច

• 22/07/2024

ក្រុមហ៊ុនធំមួយរបស់ប្រទេសចិន នាំចូលរថយន្តអគ្គិសនីទំនើប និងបង្កើតមជ្ឈមណ្ឌលតាំងបង្ហាញរថយន្តនៅព្រះរាជាណាចក្រកម្ពុជា .