បញ្ហាពាណិជ្ជកម្មចិន-អូស្ត្រាលី នៅតែមិនទាន់រកឃើញច្រកចេញនៅឡើយ

បរទេស៖ មកដល់ពេលនេះការបង្អាក់លើកិច្ចទំនាក់ទំនងពាណិជ្ជកម្មទ្វេភាគីរវាងប្រទេសចិន និងអូស្ត្រាលី បានធ្វើឲ្យក្រុមពាណិជ្ជករដែលជាអ្នកនាំចេញរបស់អូស្ត្រាលីកំពុងជួបបញ្ហាលំបាកកាន់តែខ្លាំង ហើយក៏កំពុងស្វែងរកទីផ្សារថ្មីក្រៅពីចិនជាបណ្តើរៗផងដែរ។

សភាពាណិជ្ជកម្មនៃប្រទេសអូស្ត្រាលីដែលបានធ្វើការសិក្សាស្រាវជ្រាវទៅលើក្រុមប្រតិបត្តិករអាជីវកម្មក្នុងស្រុកចំនួន 189 បានរកឃើញថាពួកគេភាគច្រើនបានជឿជាក់ថាអាជីវកម្មរវាងរដ្ឋាភិបាលក្រុងស៊ីដនី និងទីក្រុងប៉េកាំងគឺអាចនឹងមិនត្រឡប់ទៅរកសភាពធម្មតាដូចដើមវិញនោះឡើយ ហើយពួកគេក៏កំពុងធ្វើការស្វែងរកទីផ្សារថ្មីដើម្បីជំនួសទីផ្សារចិន ដូចជាប្រទេសវៀតណាម ឥណ្ឌូនេស៊ី និងប្រទេសម៉ាឡេស៊ីជាដើម។

តាមរយៈរបាយការណ៍ស្រាវជ្រាវដដែលនេះបានធ្វើឡើងនៅក្រោយពេលដែលទំហំពាណិជ្ជកម្មរបស់អូស្ត្រាលី និងចិន បានចាប់ផ្តើមដាំក្បាលចុះជាលើកជាលើកដំបូងភ្លាមៗក្រោយពេលត្រឹមតែ​ 1 ឆ្នាំប៉ុណ្ណោះដែលនាយករដ្ឋមន្ត្រីអូស្ត្រាលីបានធ្វើការអំពាវនាវឲ្យសហគមន៍អន្តរជាតិបើកការស្រាវជ្រាវរកប្រភពនៃការកកើតវីរុសកូវីដចេញពីទីក្រុងវូហាន នៃប្រទេសចិន។

ក្រោយមានការអន់ចិត្តទៅលើការអំពាវនាវរបស់អូស្ត្រាលីខាងលើនេះ រដ្ឋាភិបាលប៉េកាំងបានធ្វើការសងសឹកតាមរយៈការដាក់សំពាធទៅលើវិស័យពាណិជ្ជកម្ម ដូចជាការបង្កើនពន្ធលើទំនិញជាច្រើនប្រភេទ ជាពិសេសទំនិញប្រភេទធញ្ញជាតិ ស្រាក្រហម ខណៈដែលការនាំចេញធ្យូងថ្មគឺត្រូវបានរារាំងទាំងស្រុង ហើយចិនបានចោទអូស្ត្រាលីថាគឺជាអ្នកដែលបង្កហេតុឲ្យ និងទាញកិច្ចទំនាក់ទំនងរវាងប្រទេសទាំងពីរឲ្យធ្លាក់ចុះមកដល់កម្រិតដ៏អាក្រក់មិនធ្លាប់មាន។

លើសពីនេះរដ្ឋាភិបាលចិនក៏បានប្រកាសលុបចោលនូវផែនការ និងកិច្ចព្រមព្រៀងជាមួយនឹងអូស្ត្រាលីទៅលើគម្រោងផ្លូវសូត្ររបស់ចិនដែលត្រូវបានគេស្គាល់ឈ្មោះថា Belt and Road Initiative នោះថែមទៀតផង។

កាន់តែធ្ងន់ធ្ងរជាងនេះទៅទៀត ក្រុមរដ្ឋមន្ត្រីរបស់រដ្ឋាភិបាលអូស្ត្រាលី បានព្យាយាមបង្កើតកិច្ចចរចា ស្វែងរកដំណោះស្រាយ និងបង្កើនទំនាក់ទំនងជាមួយនឹងភាគីចិនឡើងវិញ ប៉ុន្តែត្រូវបានត្រូវបានរដ្ឋាភិបាលចិនបដិសេធមិនទទួលជួបពិភាក្សាណាមួយនោះឡើយ ហើយរហូតមកដល់ពេលនេះ សញ្ញាវិជ្ជមាននៃពាណិជ្ជកម្មរវាងប្រទេសទាំងពីរនៅមិនទាន់លេចចេញនោះទេ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។

កម្មវិធី «វិថីហិរញ្ញវត្ថុ រដូវកាលទី២» ត្រូវបានបើកសម្ពោធដាក់ដំណើរការជាផ្លូវការហើយ

ព្រឹត្តិការណ៍, ហិរញ្ញវត្ថុ

• 20/06/2024

នៅព្រឹកថ្ងៃទី២០ ខែមិថុនា ឆ្នាំ២០២៤នេះ កម្មវិធី «វិថីហិរញ្ញវត្ថុ រដូវកាលទី២» ដែលផ្តួចផ្តើមផលិតឡើងដោយក្រុមហ៊ុន អប្សរា មេឌា សឺវីស AMS ត្រូវបានបើកសម្ពោធដាក់ដំណើរការជាផ្លូវការ

កម្ពុជា​-​សិង្ហបុរី ​ផ្តួចផ្តើម​ដាក់​ឱ្យ​ដំណើរការថ្នាល​ច្រក​របៀង​តម្លា​ភាព​ហិរញ្ញវត្ថុ​

ព្រឹត្តិការណ៍, សេដ្ឋកិច្ច

• 20/06/2024

កម្ពុជានិងសិង្ហបុរី បានដាក់ដំណើរការថ្នាលច្រករបៀងតម្លាភាពហិរញ្ញវត្ថុដែលគំនិតផ្តួចផ្តើមនេះជំរុញកំណើនពាណិជ្ជកម្ម និងសេវាកម្មហិរញ្ញវត្ថុពាក់ព័ន្ធ

លំអងឃ្មុំ ជាទិន្នផលបានពីការចិញ្ចឹមឃ្មុំមានគុណតម្លៃច្រើនសម្រាប់សុខភាព

ជំនួញ, ព្រឹត្តិការណ៍

• 20/06/2024

លំអងឃ្មុំ ជាទិន្នផលមួយបានពីការចិញ្ចឹមឃ្មុំ ក៏មិនខុសពីផលិតផលពីឃ្មុំដទៃទៀតដែរ ដែលមានតម្លៃថ្លៃ និងមានគុណប្រយោជន៍ច្រើនចំពោះសុខភាពអ្នកទទួលទាន។

អាកាស​យានដ្ឋានអន្តរជាតិតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ព្រឹត្តិការណ៍, អចលនទ្រព្យ

• 20/06/2024

អាកាស​យានដ្ឋានអន្តរជាតិមរតកតេជោ​ចាយអស់​ ១,១ពាន់លានដុល្លារ​អាមេរិកហើយ ខណៈ​រដ្ឋាភិបាល​កំពុង​អភិវឌ្ឍន៍​ហេដ្ឋារចនាសម្ព័ន្ធជុំវិញ​បន្ថែម

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»