G7 នឹងពន្លឿនផែនការបញ្ចប់ការផលិតរថយន្តដើរដោយថាមពលឥន្ធនៈត្រឹមឆ្នាំ ២០៣០

បរទេស៖ យោងតាមការចេញផ្សាយរបស់សារព័ត៌មាន The Bloomberg បានឲ្យដឹងថា កិច្ចប្រជុំនៃមេដឹកនាំក្រុមប្រទេសកំពូលសេដ្ឋកិច្ច G7 លើកទី ៤៧ ដែលប្រារព្ធធ្វើឡើងចាប់ពីថ្ងៃសុក្រទី១១ ខែមិថុនាឆ្នាំ ២០២១នេះ នឹង ចាប់យកប្រធានបទដ៏សំខាន់មួយនៃមហិច្ឆិតាប្រយុទ្ធប្រឆាំង​ទៅនឹងបម្រែបម្រួល​អាកាស​ធាតុផងដែរ។

កិច្ចការងារមួយក្នុងចំណោមកញ្ចប់ការងារដែលត្រូវធ្វើទៅលើបញ្ហានេះ គឺជាការព្យាយាមផ្លាស់ប្តូរការប្រើប្រាស់រថយន្តរបស់ពិភពលោកពីរថយន្តដើរដោយថាមពលឥន្ធនៈហ្វូស៊ីលទាំងអស់ឲ្យទៅជារថយន្តដែលប្រើប្រាស់ថាមពលអគ្គិសនីជំនួសវិញនៅត្រឹមចុងទសវត្សរ៍នេះ។

នៅក្នុងឯកសារដែលត្រូវបានដាក់ចូលទៅក្នុងកិច្ចពិភាក្សាត្រូវបានគេមើលឃើញថា រដ្ឋាភិបាលនៃក្រុមប្រទេស​ G7 ត្រូវទាមទារចាំបាច់ឲ្យមានការចូលរួមខិតខំប្រឹងប្រែងឲ្យបានខ្លាំងក្នុងការធានាឲ្យបាននូវកិច្ចការងារអាទិភាពមួយដោយរថយន្តប្រភេទដឹកអ្នកដំណើរទាំងអស់ ដែលប្រើប្រាស់ថាមពលឥន្ធនៈដូចជាប្រេងសាំង និងម៉ាស៊ូត នឹងមិនត្រូវបានដាក់លក់ទៀតឡើយនៅត្រឹមឆ្នាំ២០៣០ ឬអាចឆាប់ជាងនេះ។

មេដឹកនាំទាំងអស់ដែលចូលរួមនៅក្នុងកិច្ចប្រជុំ G7 ធ្វើឡើងនៅក្នុងទីក្រុង Cornwall ចក្រភពអង់គ្លេសនោះក៏នឹងត្រូវធ្វើការប្តេជ្ញាចិត្តបញ្ចេញមូលនិធិរៀងខ្លួនទៅកាន់បណ្តាប្រទេសកំពុងអភិវឌ្ឍ ដើម្បីជួយដល់កិច្ចការងារកាត់បន្ថយការបំពុលបរិយាកាសផងដែរ ទោះបីជាមិនអាចបញ្ជាក់ពីព័ត៌មានលំអិត និងទំហំនៃប្រាក់ជំនួយទាំងនោះក៏ដោយ។

អាមេរិកដែលជាមហាអំណាចសេដ្ឋកិច្ចធំជាងគេបង្អស់លើពិភពលោក ក្រោមរដ្ឋាភិបាលរបស់លោក Joe Biden នោះ ធ្លាប់បានបង្ហាញពីការគាំទ្រខ្លាំងទៅដល់ការវិនិយោគទៅលើទីផ្សារផលិតរថយន្តអគ្គិសនី និងសង្វាក់ផលិតកម្មផងដែរ ដើម្បីប្រយុទ្ធប្រឆាំងទៅនឹងបញ្ហាបម្រែបម្រួលអាកាសធាតុ ព្រមទាំងអាចបង្កើតឱកាសការងារបន្ថែម។ ប៉ុន្តែអ្វីដែលគេអាចមើលឃើញជាក់ស្តែងនោះគឺថា ផែនការក្នុងប្រទេសរបស់អាមេរិកវិញ គឺហាក់បីដូចជាផ្ទុយស្រឡះទៅនឹងគោលជំហរបស់ខ្លួននៅអន្តរជាតិ ដោយក្នុងនោះរដ្ឋាភិបាលមិនបានធ្វើការហាមប្រាម ឬអំពាវនាវឲ្យមានការបញ្ឈប់ការប្រើប្រាស់រថយន្ តដែលប្រើប្រាស់ថាមពលឥន្ធនៈហ្វូស៊ីលបានច្រើនផុលផុសនៅឡើយ។

ទោះបីជាយ៉ាងណាក្តី ក្រុមហ៊ុនផលិតរថយន្តរបស់អាមេរិកធំៗមួយចំនួនដែលរួមមានដូចជា GM ជាដើម បែរជាបានបង្ហាញពីផែនការរបស់គេដោយខ្លួនឯងក្នុងការផ្លាស់ប្តូរសង្វាក់ផលិតកម្មរថយន្តបៃតងនេះឲ្យបាននៅត្រឹមឆ្នាំ២០៣៥ ខណៈដែលក្រុមហ៊ុន Ford Motor Co., កាលពីខែមុខក៏បានសន្យាថានឹងដាក់លក់រថយន្តអគ្គិសនីឲ្យបានចំនួន ៤ គ្រឿងក្នុងចំណោមរថយន្ត ១០ គ្រឿងនៅលើទីផ្សារឲ្យបានត្រឹមឆ្នាំ ២០៣០។

គួរបញ្ជាក់ដែរថា តាមការព្យាករណ៍របស់ក្រុមហ៊ុនជំនាញ BNEF បានឲ្យដឹងថា តួលេខនៃការលក់រថយន្តអគ្គិសនីនឹងមានការកើនឡើងខ្លាំងទៅលើទីផ្សារសាកលលោកដល់ទៅ ៣៤ ភាគរយនៅត្រឹមឆ្នាំ២០៣០ និងកើនឡើងដល់ទៅ ៦៨ ភាគរយនៅត្រឹមឆ្នាំ ២០៤០ បើទោះបីជាមិនមានគោលការណ៍លើកទឹកចិត្តណាមួយបន្ថែមទៀតពីសំណាក់រដ្ឋាភិបាលទាំងឡាយលើពិភពលោកក្តី៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...

ដល់រដូវកាលហើយ ! សាវម៉ាវអូរសោម មានរសជាតិផ្អែមឆ្ងាញ់ និងកំពុងមមាញឹកប្រមូលផល

ជំនួញ, ព្រឹត្តិការណ៍

• 12/06/2024

សាវម៉ាវអូរសោម ជាប្រភេទសាវម៉ាវដែលមានរសជាតិឆ្ងាញ់ សាច់ស្រួយ កំពុងប្រមូលផលយ៉ាងមមាញឹក និងមានតម្រូវការទីផ្សារមិនចាញ់ប្រភេទសាវម៉ាវផ្សេងទៀតនោះទេ