AMS ECONOMY

@amseconomy

Light Icon ភ្លឺ Dark Icon ងងឹត System Icon តាមពេលវេលា

កសិដ្ឋានចិញ្ចឹមត្រីទីឡាព្យាផ្តើមពង្រីកផលិតកម្មកែច្នៃ ដើម្បីឆ្លើយតបតាមតម្រូវការទីផ្សារ

ជំនួញ, ព្រឹត្តិការណ៍

កសិដ្ឋានចិញ្ចឹមត្រីទីឡាព្យា Cambodia Fresh Farm ស្ថិតនៅស្រុកពញាឮ ខេត្តកណ្តាល បាន និងកំពុងផ្តោតសំខាន់ទៅលើការចិញ្ចឹមត្រីទីឡាព្យា ដើម្បីចូលរួមចំណែកបំពេញសេចក្តីត្រូវការទីផ្សារក្នុងស្រុក ដែលបន្តមានការកើនឡើងជាលំដាប់នាពេលបច្ចុប្បន្ន។

លោក ចៅ សួស្តី អ្នកគ្រប់គ្រងកសិដ្ឋានចិញ្ចឹមត្រីទីឡាព្យា Cambodia Fresh Farm បានលើកឡើងថា កសិដ្ឋានមួយនេះបានបង្កើតនៅឆ្នាំ2017 លើផ្ទៃដីសរុប 4.5ហិកតា និងមានចំនួន 21ស្រះ។ បច្ចុប្បន្នមានបុគ្គលិកក្នុងកសិដ្ឋានចំនួន4នាក់ ដោយក្នុងនោះមានបុក្គលិកជំនាញម្នាក់ដែលបានបញ្ចប់ថ្នាក់បរិញ្ញាបត្រពីវិទ្យាស្ថានជាតិកសិកម្មព្រែកលៀប ហើយក្រៅពីនោះពួកគេទទួលបានការបណ្តុះបណ្តាលបច្ចេក​ទេសចិញ្ចឹមត្រីទីឡាព្យាពីមជ្ឈមណ្ឌលស្រាវជ្រាវ និងអភិវឌ្ឍន៍វារីវប្បកម្មទឹកសាប(ខេត្តព្រៃវែង)។

លោកបានបញ្ជាក់ថា Cambodia Fresh Farm បានប្រើប្រាស់បច្ចេកវិទ្យាទាន់សម័យដើម្បីលើកកម្ពស់គុណភាពត្រីមានដូចជា ម៉ាស៊ីនលាយទឹកសម្លាប់មេរោគដោយស្វ័យប្រវត្តិ ដោយទទួលបានការគាំទ្រពីស្ថានទូតជប៉ុនប្រចាំនៅប្រទេសកម្ពុជា និងភ្នាក់ងារសហប្រតិបត្តិការអន្តរជាតិជប៉ុន(JICA) ធ្វើឱ្យកសិដ្ឋានបានសម្រេចចិត្តដាក់ទុនវិនិយោគសាងសង់រោងសិប្បកម្មកែច្នៃផលត្រីសម្រាប់ផ្គត់ផ្គង់ឱ្យទីផ្សារទំនើប AEON ភោជនីយដ្ឋាន និងសណ្ឋាគារផ្សេងៗទៀត ហើយ គ្រោងនឹងសហការជាមួយអង្គការទស្សនពិភពលោក (World Vision) ក្នុងភាពជាដៃគូភ្ជាប់ជាមួយកសិករចិញ្ចឹមផ្គត់ផ្គង់ឱ្យខ្សែចង្វាក់កែច្នៃ។

លោក ចៅ សួស្តី បានបន្ថែមថា អនុវត្តតាមបច្ចេកទេសជប៉ុន ត្រី1ក្បាលអាចកែច្នៃបាន14ប្រភេទមុខទំនិញ រួមទាំងស្រការត្រីក៏យកទៅកែច្នៃជាគ្រឿងសម្អាង ប្រមាត់ត្រី ស្បែកត្រី និងឆ្អឹង សូម្បីទឹកលាង​សម្អាតត្រីក៏យកទៅធ្វើជីផងដែរ។ ដោយអនុវត្តតាមស្តង់ដារបច្ចេកទេស ធ្វើឱ្យទីផ្សារជប៉ុនស្វាគមន៍ផលិតផលកែច្នៃត្រីចេញពីកសិដ្ឋាននេះ ជាក់ស្តែងការបញ្ជាទិញបានកើនឡើងពីមួយឆ្នាំទៅមួយឆ្នាំ ដោយក្នុងរយៈពេល 5ខែដើមឆ្នាំ2021នេះកសិដ្ឋានលក់សាច់ត្រីកែច្នៃស្រស់បាន 7តោន។

បច្ចុប្បន្ន ដោយតម្រូវការមានការកើនឡើងទាំងទីផ្សារក្នុងស្រុក (ផ្សារទំនើប AEON-1, AEON-2 ផ្សារ Markro ផ្សារទំនើបនានាក្នុងស្រុក និងភោជនីដ្ឋានជាច្រើន) កសិដ្ឋាននឹងពង្រីកដើមទុនវិនិយោគក្នុងចំនួនទឹកប្រាក់10លានដុល្លារ ដើម្បីពង្រីកសិប្បកម្មកែច្នៃ ដែលមានសមត្ថភាពអាចបង្កើនបរិមាណត្រីកែច្នៃសម្រាប់ផ្គត់ផ្គង់ទាំងក្នុងស្រុក និងនាំចេញទៅក្រៅប្រទេសផងដែរ។

រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្ដម វេង សាខុន បានកោតសរសើរ និងគាំទ្រ លើកទឹកចិត្តឱ្យកសិដ្ឋានបន្តរក្សាការខិតខំពង្រឹង និងពង្រីកផលិតកម្មចិញ្ចឹមត្រីបន្ថែម ដោយត្រូវសហការជាមួយរដ្ឋបាលជលផលអនុវត្តបច្ចេកទេសឱ្យបានត្រឹមត្រូវ ចងក្រងបណ្តុំផលិត ស្វែងរកដៃគូផលិត ភ្ជាប់បណ្តាញទីផ្សារសម្រាប់ការផ្គត់ផ្គង់ឱ្យសិប្បកម្មកែច្នៃ ហើយត្រូវបង្កើនការកែច្នៃផលត្រីស្រស់ សម្រាប់ទីផ្សារក្នុងស្រុក ដើម្បីបង្កើនតម្លៃបន្ថែម និងបង្កើតការងារ។

ឯកឧត្តម វេង សាខុន បានសម្តែងនូវសុទិដ្ឋិនិយមថានឹងទទួលបានជោគជ័យ ព្រោះមានការគាំទ្រពីរាជរដ្ឋាភិបាលជប៉ុនតាមរយ:ស្ថានទូត និងអង្គការ JICA ពិសេសទីផ្សារប្រទេសជប៉ុន។ ម្ហូបជប៉ុន (សាច់ត្រីស្រស់) បានផលិតនៅកម្ពុជានេះជាជំហានចាប់ផ្តើមថ្មីមួយប្រកបទៅដោយការជឿជាក់ និងកិច្ចសហការគាំទ្រពេញលេញពីគ្រប់ភាគីពាក់ព័ន្ធ ដោយសង្ឃឹមថានាពេលអនាគតខ្សែច្រវាក់ផលិតកម្មចិញ្ចឹម និងផលិតកម្មកែច្នៃ នឹងមានការរីកចម្រើនទ្វេឡើងឆ្លើយតបតាមតម្រូវការទីផ្សារក្នុងស្រុក ហើយឈានទៅធ្វើការនាំចេញ៕

របាយការណ៍ថ្មីៗ

មើលទាំងអស់ ➧

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

 មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ក្រូចឆ្មារសហគមន៍ពោធិ៍សាត់ កំពុងមានតម្រូវការខ្ពស់តាមរយៈការលក់របស់សហគមន៍

ជំនួញ, បទយកការណ៍

• 27/01/2023

ក្រូចឆ្មារ មានតម្រូវការទីផ្សារខ្ពស់ ទើបសហគមន៍មួយនៅខេត្តពោធិ៍សាត់បានប្រមូលផ្ដុំគ្នាដាំ និងចែកចាយក្រូចឆ្មារទៅកាន់អតិថិជនទូទាំងប្រទេស.....

អាជីវកម្មកំប៉ុសគោក ចំណេញទាំងបរិស្ថាន ល្អទាំងដំណាំ ថែមទាំងលើកស្ទួយជីវភាពប្រជាជនក្នុងសហគមន៍

ជំនួញ, បទយកការណ៍

• 25/01/2023

សហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ.....

មុខរបរដាំត្រកួនលក្ខណៈគ្រួសារ ងាយស្រួល និងអាចដាំបានខួបប្រាំងខួបវស្សា

ជំនួញ, បទយកការណ៍

• 23/11/2022

ត្រកួន ជាដំណាំម្យ៉ាងដែលបងប្អូនយើងចូលចិត្តដាំ ដោយសារតែវាងាយស្រួលដាំ ងាយថែទាំ ឆាប់បានផល ពិសេសគឺជាអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

បទយកការណ៍, អាជីវកម្មថ្មី និងនវានុវត្ត

• 14/10/2021

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់....

ព័ត៌មានទូទៅ

មើលទាំងអស់ ➧

នៅឆ្នាំ២០២៤ កម្ពុជានាំចេញកសិផលសរុបចំនួន ១១លានតោនទៅកាន់ទីផ្សារ ៩៤ប្រទេស

ព្រឹត្តិការណ៍, សេដ្ឋកិច្ច

• 22/01/2025

សម្តេចធិបតី ហ៊ុន ម៉ាណែត បានបញ្ជាក់ពីការខិតខំប្រឹងប្រែងរបស់រាជរដ្ឋាភិបាលក្នុងការស្វែងរកទីផ្សារជូនកសិករ ដោយក្នុងឆ្នាំ២០២៤ កម្ពុជាបាននាំចេញកសិផលសរុបចំនួន ១១លានតោន

កម្មវិធីទូទាត់បាគងទេសចរ សហការជាមួយក្រុមហ៊ុនបណ្ដាញប័ណ្ណទូទាត់អន្តរជាតិវីសា Visa

ព្រឹត្តិការណ៍, ហិរញ្ញវត្ថុ

• 22/01/2025

នៅព្រឹកថ្ងៃទី២២ ខែមករា ឆ្នាំ២០២៥នេះ ធនាគារជាតិនៃកម្ពុជា បានដាក់ឱ្យដំណើរការកម្មវិធីទូទាត់បាគងទេសចរ (Bakong Tourists App with VISA) ជាមួយក្រុមហ៊ុនបណ្ដាញប័ណ្ណទូទាត់អន្តរជាតិវីសា Visa ជាផ្លូវការ

អ្នកជំនាញ ៖ កសិករអាចពិចារណាលើការដាំដំណាំកាកាវ ដែលអាចលក់ចេញក្នុងតម្លៃ ៣០០ដុល្លារក្នុង ១តោន

ជំនួញ, ព្រឹត្តិការណ៍

• 22/01/2025

ដោយសារតែវាមានអត្ថប្រយោជន៍ច្រើន និងមានតម្លៃថ្លៃគួរសម ក្រុមហ៊ុនក្នុងស្រុកមួយបានសហការដាំដុះដំណាំកាកាវជាមួយប្រជាកសិករតាមបណ្តាខេត្តមួយចំនួនក្នុងប្រទេសកម្ពុជា

រដ្ឋាភិបាល​កំពុង​រៀបចំអភិវឌ្ឍន៍​ឆ្នេរ​ខ្សាច់​កម្សាន្ត​ចំនួន​២​នៅ​ខេត្តកែប និង​ខេត្តព្រះសីហនុ ដើម្បី​ទាក់​ទាញ​ភ្ញៀវ​ទេសចរ

ព្រឹត្តិការណ៍, អចលនទ្រព្យ

• 22/01/2025

ឆ្នេរ​មួយនៅខេត្តកែប និងឆ្នេរ​មួយ​ទៀតនៅខេត្តព្រះ​សីហនុ នឹងត្រូវអភិវឌ្ឍន៍​​ទៅជាឆ្នេរ​កម្សាន្ត​សាធារណៈកម្រិតខ្ពស់ ដើម្បីទាក់ទាញភ្ញៀវទេសចរ​ជាតិ​ និងអន្តរជាតិ​បន្ថែម​

ឥណ្ឌូណេស៊ី ហាមឃាត់ Apple មិនឱ្យលក់ iPhone 16 នៅក្នុងប្រទេសរបស់ខ្លួន ដោយសារហេតុផលតែមួយប៉ុណ្ណោះ

ព្រឹត្តិការណ៍, អាជីវកម្មថ្មី និងនវានុវត្ត

• 22/01/2025

ឥឡូវនេះ ស្ថានភាពឥណ្ឌូណេស៊ី និង Apple កំពុងស្ថិតក្នុងភាពច្របូកច្របល់ពាក់ព័ន្ធនឹងការចូលទីផ្សារ និងការវិនិយោគ។ អាជ្ញាធរឥណ្ឌូនេស៊ីមិនអនុញ្ញាតឱ្យ Apple លក់ផលិតផលចុងក្រោយរបស់ខ្លួនគឺ iPhone 16 នៅក្នុងប្រទេសរបស់ខ្លួនឡើយ

ពិធីសែនដកជើងធូប ដែលជាពិធីអរគុណ និងជូនដំណើរកុងម៉ា នឹងត្រូវរៀបចំនៅថ្ងៃព្រហស្បតិ៍ទី២៣  ខែមករា

ព្រឹត្តិការណ៍, សេដ្ឋកិច្ច

• 22/01/2025

ពិធីសែនដកជើងធូបចូលឆ្នាំចិន ជាពិធីអរគុណ ជូនដំណើរកុងម៉ា និងទេវតាឆ្នាំចាស់ដែលបានថែរក្សាការពារពេញមួយឆ្នាំ នឹងត្រូវរៀបចំនៅថ្ងៃព្រហស្បតិ៍ទី ២៣  ខែមករា ឆ្នាំ២០២៥

ក្រុមហ៊ុនចិនបណ្តាក់ទុន៩០លានដុល្លារបង្កើតរោងចក្រកាត់ដេរសម្លៀកបំពាក់ម៉ាក Adidas នាំចេញទៅអន្តរជាតិ

ព្រឹត្តិការណ៍, សេដ្ឋកិច្ច

• 22/01/2025

ក្រុមហ៊ុនមកពីប្រទេសចិន បណ្តាក់ទុនចំនួន៩០លានដុល្លារអាម៉េរិក បង្កើតរោងចក្រកាត់ដេរសម្លៀកបំពាក់ម៉ាក Adidas សម្រាប់នាំចេញទៅអាស៊ាន អាមេរិក អឺរ៉ុប

Donald Trump ចុះហត្ថលេខាលើបទបញ្ជាប្រតិបត្តិប្តូរឈ្មោះឈូងសមុទ្រម៉ិកស៊ិកទៅជា “ឈូងសមុទ្រអាម៉េរិក”

ព្រឹត្តិការណ៍, សេដ្ឋកិច្ច

• 22/01/2025

កាលពីថ្ងៃចន្ទ Donald Trump បានស្បថចូលកាន់តំណែងជាប្រធានាធិបតី និងលើកឡើងពីផែនការប្តូរឈ្មោះឈូងសមុទ្រម៉ិកស៊ិកទៅជាឈូងសមុទ្រអាមេរិក។ Trump ​បាន​ស្នើ​ឲ្យ​មាន​ការ​ផ្លាស់​ប្តូរឈ្មោះ​​នេះ​តាំងពី​ដើម​ខែ​មករា ដោយអះអាង​ថា ​ឈ្មោះ​ថ្មី​នឹងមានភាពស្អាតសមរម្យ ដោយសារ​សហរដ្ឋអាម៉េរិក​ធ្វើ​ការ​ច្រើន​ជាង​គេ​នៅ​ទី​នោះ ហើយ​វាជាទឹកដី​របស់អាម៉េរិក​។

មជ្ឈមណ្ឌលកីឡា ២៧១ របស់ ជីប ម៉ុង នឹងក្លាយជាកន្លែងលេងកីឡាធំជាងគេនៅកម្ពុជារួមចំណែកជួយដល់សុខភាពប្រជាជន

ព្រឹត្តិការណ៍, អត្ថបទពាណិជ្ជកម្ម

• 22/01/2025

វត្តមាននៃមជ្ឈមណ្ឌលកីឡា ២៧១ នឹងជួយលើកស្ទួយដល់វិស័យសុខភាពប្រជាជនក្នុងតំបន់នេះឱ្យ កាន់ល្អប្រសើរ ព្រមទាំងផ្តល់ភាពងាយស្រួលមួយម្រិតទៀតទៅដល់អ្នករស់នៅក្នុងគម្រោងជីប ម៉ុង លែន

ក្រសួងរៀបចំដែនដី ប្តេជ្ញាបញ្ចប់ការងារចុះបញ្ជីដីធ្លី និងដោះស្រាយវិវាទដីធ្លីដែលនៅសេសសល់ឱ្យបានចប់សព្វគ្រប់នៅក្នុងខេត្តព្រះសីហនុ

ព្រឹត្តិការណ៍, អចលនទ្រព្យ

• 22/01/2025

ក្រសួងរៀបចំដែនដី នគរូបនីយកម្ម និងសំណង់បានបញ្ជាក់ថា ក្រសួងនឹងបញ្ចប់ការងារចុះបញ្ជីដីធ្លី និងដោះស្រាយវិវាទដីធ្លីដែលនៅសេសសល់ឱ្យបានចប់សព្វគ្រប់នៅក្នុងខេត្តព្រះសីហនុ ដើម្បីបង្កើតបរិយាកាសគ្មានវិវាទ និងលុបបំបាត់ភាពជ្រុលនិយមនៅក្នុងសង្គមជាតិ

ព័ត៌មានផ្សេងៗទៀត

មើលទាំងអស់