សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ដោយសារមានកិច្ចសហការល្អពីរដ្ឋាភិបាលជប៉ុន តាមរយ:ភ្នាក់ងារអង្គការ JICA នៅកម្ពុជា បានជំរុញ និងណែនាំដល់ក្រុមហ៊ុន Yamato Green សហការជាមួយអ្នកផលិតនាំចេញបន្លែ និងផ្លែឈើកម្ពុជាចេញទៅកាន់ទីផ្សារជប៉ុនបន្ថែមទៀត ជាពិសេសប្រភេទដំណាំត្រសក់ផ្អែម ដែលមានរសជាតិឆ្ងាញ់ និងផ្តល់នូវគុណសម្បត្តិជាច្រើនសម្រាប់សុខភាព។
ក្រោមកិច្ចសហការលើការងារផលិតកម្មបន្លែ និងផ្លែឈើ ក្រុមហ៊ុន Yamato Green មានបំណងចងសម្ព័ន្ធភាព និងចុះហត្ថលេខា MOU ជាមួយសម្ព័ន្ធកសិកម្មកម្ពុជា ដើម្បីជំរុញការអភិវឌ្ឍកសិ-ឧស្សាហកម្មកម្ពុជាឱ្យរីកចម្រើនប្រកបដោយចីរភាព និងនិរន្តរភាពទូលំទូលាយ គ្របដណ្តប់លើគ្រប់ប្រភេទដំណាំ និងភូមិសាស្ត្រទូទាំងប្រទេសក្នុងពេលឆាប់ៗ។
ជាមួយគ្នានេះ នៅក្នុងចំណោមផ្លែឈើដែលមានសក្តានុពលនាំចេញ ផ្លែត្រសក់ផ្អែមជប៉ុន ឬផ្លែមេឡុង ក៏ត្រូវបានសិក្សាបន្ថែមពីគុណសម្បត្តិ ដើម្បីអាចនាំចេញនាពេលខាងមុខនេះ។ ដោយឡែក ត្រសក់ផ្អែមជប៉ុន ដែលមានអគ្គនាយកដ្ឋានកសិកម្ម និងមន្ទីកសិកម្ម រុក្ខាប្រមាញ់ និងនេសាទទូទាំង 24 រាជធានី-ខេត្ត និងដៃគូអភិវឌ្ឍន៍ បាននិងកំពុងជំរុញគាំទ្រលើកទឹកចិត្ត និងសហការ ដើម្បីឱ្យផលិតផលកសិកម្មកម្ពុជាមានឱកាសនាំចេញ និងឈរលើគោលការណ៍ប្រកួតប្រជែង ធានាគុណភាព សុវត្ថិភាព និងតម្លៃផងដែរ។
រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន បានបញ្ជាក់ថា ដើម្បីឱ្យកសិផលកម្ពុជាអាចធ្វើការនាំចេញបាន ល្គឹកណាតែមានការសហការយកចិត្តទុកដាក់គាំទ្រ លើកទឹកចិត្ត និងធ្វើការវិនិយោគពីវិស័យឯកជន នោះទើបកសិផលកម្ពុជាត្រូវបានធានាទាំងស្តង់ដារផលិត បរិមាណផ្គត់ផ្គង់ គុណភាព សុវត្ថិភាព តម្លៃ និងការប្រកួតប្រជែងឆ្លើយតបតាមតម្រូវការទីផ្សារជប៉ុន។
ករណីនេះ ឯកឧត្តមរដ្ឋមន្ត្រីបានផ្ញើក្តីសង្ឃឹមលើក្រុមហ៊ុនថា នឹងពិនិត្យលទ្ធភាពដើម្បីសម្រេចឱ្យបាននូវក្តីបំណងរបស់រាជរដ្ឋាភិបាលកម្ពុជា គឺការនាំចេញកសិផលកម្ពុជា រួមចំណែកលើកកម្ពស់ខ្សែចង្វាក់ផលិតកម្មកែច្នៃ ប្រើប្រាស់វត្ថុធាតុដើមផលិតក្នុងស្រុក បង្កើនប្រាក់ចំណូល បង្កើតឱកាសការងារ និងពង្រឹងសេដ្ឋកិច្ចគ្រួសារ។
លោក ទួត សេងហ័ង អ្នកទីផ្សារនៃសហគមន៍ត្រសក់ផ្អែមមានជ័យ ដែលធ្លាប់ល្បីឈ្មោះលើការដាំដំណាំត្រសក់ផ្អែមបានអបអរសាទរនូវព័ត៌មាននេះ ដោយសហគមន៍កំពុងតែចង់ធ្វើការពង្រីកការដាំដុះដំណាំត្រសក់ផ្អែមបន្ថែមទៀត ដោយសារបទពិសោធន៍នៃការដាំដុះទទួលបានផលល្អប្រសើរ ខណៈដែលទំហំទីផ្សារ និងតម្រូវការក្នុងស្រុកហាក់មានភាពតូចចង្អៀត។
“ប្រសិនបើការបើកទីផ្សារទូលាយទៅកាន់ប្រទេសជប៉ុនអាចចេញលទ្ធផលបានឆាប់ៗ នោះសហគមន៍សូមបង្ហាញពីកិច្ចស្វាគមន៍ ព្រោះវាជាក្តីសង្ឃឹមថ្មីបន្ថែមក្រៅពីការផ្គត់ផ្គង់ក្នុងស្រុក។ បច្ចុប្បន្នសហគមន៍ត្រសក់ផ្អែមមានជ័យ មានផ្ទៃដីដាំត្រសក់ផ្អែម ប្រមាណចំនួន75 ហិកតា ដោយក្នុងការប្រមូលផលត្រសក់ផ្អែមទទួលបានចំនួន600 ទៅ750តោនជារៀងរាល់ឆ្នាំ”
លោក ទួត សេងហ័ង បានមានប្រសាសន៍ឲ្យដឹងថា
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ម្ចាស់ក្រុមហ៊ុនតម្លៃទ្រីលានដុល្លារ ៖ «សម័យកាលរ៉ប៉ូតរូបរាងមនុស្សមិនស្ថិតនៅឆ្ងាយពីយើងទៀតទេ»
ព្រឹត្តិការណ៍, អាជីវកម្មថ្មី និងនវានុវត្ត
• 20/03/2025
លោក Huang ក៏បានធ្វើការព្យាករណ៍ទុកអំពីតម្លៃទីផ្សារនៃការប្រើប្រាសមនុស្សយន្ត Humanoid Robots ផងដែរដោយលោកជឿជាក់ថាវានឹងអាចមានចន្លោះនៅប្រហែលជាង១០ម៉ឺនដុល្លារក្នុងមួយគ្រឿង
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
គ្រឹះស្ថានមីក្រូហិរញ្ញវត្ថុ អេ អឹម ខេ និងក្រុមហ៊ុន អាយជី អាណាចក្រថិក បានចុះហត្ថលេខាលើអនុស្សរណៈនៃកិច្ចព្រមព្រៀងភាពជាដៃគូយុទ្ធសាស្ត្រផ្នែកបច្ចេកវិទ្យា
ក្រុមហ៊ុន ក្រេឌីត ប្យួរ៉ូ (ខេមបូឌា) និងគ្រឹះស្ថានមីក្រូហិរញ្ញវត្ថុ អេ អឹម ខេ ភីអិលស៊ី ដាក់ដំណើរការសេវាពិនិត្យសុខភាពហិរញ្ញវត្ថុតាម AMK Mobile
Account
Security
Favourite Content