បរទេស៖ ធនាគារជាតិនៃប្រទេសបារាំងកាលពីថ្ងៃអង្គារម្សិលមិញនេះបានប្រកាសថា សេដ្ឋកិច្ចរបស់បារាំងនឹងអាចលោតឡើងខ្លាំងឡើងវិញជាងការព្យាករណ៍ទុកលើកមុនសម្រាប់ឆ្នាំ២០២១នេះដោយសារតែកត្តាចំណាយក្នុងស្រុកព្រមទាំងវិនិយោគផងដែរ។
ធនាគារជាតិបារាំង ឬហៅកាត់ថា BdF (Bank of France) បានបញ្ជាក់ថា សកម្មភាពសេដ្ឋកិច្ចរបស់ប្រទេសបារាំងនឹងទទួលបានបទពិសោធន៍ថ្មីមួយទៀតគឺការស្ទុះឡើងវិញយ៉ាងខ្លាំងនៅក្នុងឆ្នាំ២០២១នេះបន្ទាប់ពីបានចំណាយពេលអស់ជាង០១ឆ្នាំក្នុងការដាក់រឹតបន្តឹងប្រទេសផង បិទទ្វារប្រទេសផង រហូតដល់ពេលដែលយុទ្ធនាការវ៉ាក់សាំងអាចចាប់ផ្តើមឡើងផង។
នៅក្នុងការត្រួតពិនិត្យកំណើនសេដ្ឋកិច្ចប្រចាំត្រីមាសរបស់ខ្លួន BdF បានបង្កើនការព្យាករណ៍របស់ខ្លួនប្រមាណជា ០.៤ ភាគរយបន្ថែមទៀត មានន័យថាសេដ្ឋកិច្ចបារាំងអាចនឹងទទួលបានកំណើនប្រមាណជា ៥.៨ ភាគរយនៅចុងបញ្ចប់នៃឆ្នាំ២០២១ ខណៈដែលការព្យាករណ៍ទៅលើសេដ្ឋកិច្ចរបស់តំបន់អឺរ៉ុបទាំងមូលគឺមានត្រឹមតែ ៤.៦ ភាគរយប៉ុណ្ណោះ។
សេចក្តីប្រកាសដដែលក៏បានគូសបញ្ជាក់ដែរថា សម្រាប់ឆ្នាំ២០២២ខាងមុខនេះ ផលិតផលក្នុងស្រុកសរុបរបស់បារាំង ឬហៅកាត់ GDP អាចនឹងកើនឡើងបាន ០៤ភាគរយ ខ្ពស់ជាងការការព្យាករណ៍កាលពីលើកមុនដែលមានត្រឹមតែ ៣.៨ភាគរយប៉ុណ្ណោះ។
ជាមួយគ្នានេះ BdF ក៏បានអះអាងដែរថា សេដ្ឋកិច្ចបារាំងនឹងងើបឡើងស្មើនឹងកម្រិតដែលខ្លួនធ្លាប់មានកាលពីមុនពេលកើតមានវិបត្តិកូវីដ ពោលគឺនៅត្រឹមដើមឆ្នាំ២០២២ខាងមុខនេះ ខ្លួនមានជំនឿថាការចំណាយក្នុងស្រុកពីសំណាក់ពលរដ្ឋរបស់ខ្លួនចាប់ផ្តើមដំណើរការជាប្រក្រតីឡើងវិញ ចំណែកឯសកម្មភាពវិនិយោគក៏នឹងបន្តកើនឡើងវិញជាបន្តបន្ទាប់ផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧Nissan និង Honda សម្រេចចិត្តបញ្ចប់កិច្ចព្រមព្រៀងធ្វើការរួមបញ្ចូលគ្នា
ព្រឹត្តិការណ៍, អាជីវកម្មថ្មី និងនវានុវត្ត
• 14/02/2025
កាលពីថ្ងៃព្រហស្បតិ៍ ក្រុមហ៊ុន Nissan បាននិយាយនៅក្នុងសេចក្តីថ្លែងការណ៍មួយថា ក្រុមហ៊ុនទាំងពីរ Nissan និង Honda រួមជាមួយនឹងដៃគូមួយទៀត Mitsubishi Motors បានយល់ព្រមបញ្ចប់អនុស្សរណៈនៃការយោគយល់គ្នា
គណៈកម្មាធិការទី៩ រដ្ឋសភា ស្វែងយល់បន្ថែមពីវិស័យវិទ្យាសាស្ត្រ បច្ចេកវិទ្យា និងនវានុវត្តន៍ នៅមន្ទីរពិសោធន៍ និងវិទ្យាស្ថានជាតិ
ព្រឹត្តិការណ៍, អាជីវកម្មថ្មី និងនវានុវត្ត
• 14/02/2025
គណៈកម្មាធិការទី៩ រដ្ឋសភា ទស្សនកិច្ចមន្ទីរពិសោធន៍ និងវិទ្យាស្ថានជាតិវិទ្យាសាស្ត្រ បច្ចេកវិទ្យា និងនវានុវត្តន៍ ដើម្បីស្វែងយល់បន្ថែមពីវិស័យវិទ្យាសាស្ត្រ បច្ចេកវិទ្យា និងនវានុវត្តន៍