សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បន្ទាប់ពីបញ្ចប់កិច្ចព្រមព្រៀង RSEP នេះ កម្ពុជាអាចនឹងមានកំណើនប្រចាំឆ្នាំលើការការនាំចេញប្រមាណ 7.3ភាគរយ ទំហំវិនិយោគប្រមាណ 23.4ភាគរយ និងទំហំផលិតផលក្នុងស្រុកសរុបចំនួនប្រមាណ 2ភាគរយ កើនឡើងលើសពេលបច្ចុប្បន្ន។
ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម ជាមួយគណៈកម្មការជំនាញនៃរដ្ឋសភា ដែលដឹកនាំដោយឯកឧត្តមកិត្តិសេដ្ឋាបណ្ឌិត ជៀម យាប ប្រធាន គណៈកម្មការទី2 នៃរដ្ឋសភា បានប្រារព្ធធ្វើឡើងតាមរយៈប្រព័ន្ធវីដេអូកាលពីថ្ងៃទី21 ខែមិថុនា ឆ្នាំ2021 ដើម្បីពិនិត្យលើសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយ (RSEP) ដើម្បីអាចចូលជាធរមានបាននៅtjrwmថ្ងៃទី01 ខែមករា ឆ្នាំ2022 ខាងមុខ។
នៅក្នុងកិច្ចប្រជុំនេះ សមាជិកសមាជិកាដ៏ឧត្តុង្គឧត្តមនៃរដ្ឋសភា និងរដ្ឋមន្ត្រីទាំងអស់បានស្វែងយល់ពីភាពចាំបាច់នៃកិច្ចព្រមព្រៀងមួយនេះ ដែលនឹងបង្កើតនូវក្របខ័ណ្ឌភាពជាដៃគូមានលក្ខណៈទំនើប ទូលំទូលាយ គុណភាពខ្ពស់ ព្រមទាំងផ្តល់នូវអត្ថប្រយោជន៍សេដ្ឋកិច្ចឱ្យគ្នាទៅវិញទៅមក។ តាមកិច្ចព្រមព្រៀងនេះក៏នឹងជួយសម្រួលដល់ការពង្រីកខ្សែច្រវាក់ផ្គត់ផ្តង់ពាណិជ្ជកម្ម និងការវិនិយោគក្នុងតំបន់ ការផ្តល់សញ្ញាទៅកាន់ពិភពលោកអំពីការគាំទ្រប្រព័ន្ធពាណិជ្ជកម្មសេរីពហុភាគី ដែលផ្អែកលើគោលការណ៍ច្បាប់ ជាពិសេសការចូលរួមចំណែកក្នុងការស្តារសេដ្ឋកិច្ចកម្ពុជា និងតំបន់ឡើងវិញបានឆាប់រហ័សពីវិបត្តិកូវីដ-19។
សមាជិក សមាជិកាដ៏ឧត្តុង្គឧត្តមរបស់គណៈកម្មការជំនាញនៃរដ្ឋសភា ជាចុងបញ្ចប់បានគាំទ្រទាំងស្រុងចំពោះសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់នេះ ដែលជាគំនិតផ្តួចផ្តើមរបស់អាស៊ាន ផ្អែកលើកុងសង់ស៊ីសសម្រាប់ការធ្វើសេចក្តីសម្រេចចិត្ត និងត្រូវបានដាក់ឱ្យចាប់ផ្តើមជាផ្លូវការដោយថ្នាក់ដឹកនាំអាស៊ាន និងដៃគូពាណិជ្ជកម្មសេរីអាស៊ាននៅក្នុងកិច្ចប្រជុំកំពូលអាស៊ានលើកទី21 នៅរាជធានីភ្នំពេញ ដែលព្រះរាជាណាចក្រកម្ពុជាជាប្រធានអាស៊ាន។
កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ ASEP នេះ ត្រូវបានចុះហត្ថលេខាដោយរដ្ឋមន្ត្រី ASEP កាលពីថ្ងៃទី15 ខែវិច្ឆិកា ឆ្នាំ2020 ក្នុងឱកាសនៃកិច្ចប្រជុំកំពូល ASEP លើកទី4។ កិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយមួយនេះ បង្កើតបានទីផ្សារប្រមាណ 2.2ពាន់លាននាក់ ឬ 30ភាគរយនៃចំនួនប្រជាជនសរុបក្នុងពិភពលោក ដែលមានផលិតផលក្នុងស្រុកសរុបរួមគ្នាប្រមាណ 26.2 ទ្រីលានដុល្លាអាមេរិក ឬ 30ភាគរយ នៃផលិតផលក្នុងស្រុកសរុបរបស់ពិភពលោក (ទិន្នន័យឆ្នាំ2019)។
ផ្អែកតាមលទ្ធផលនៃការចរចា និងការសិក្សារបស់វិទ្យាស្ថានស្រាវជ្រាវសេដ្ឋកិច្ចសម្រាប់អាស៊ាន និងអាស៊ីបូព៌ា (ERIA) បានបង្ហាញថា បន្ទាប់ពីបញ្ចប់កិច្ចព្រមព្រៀង RSEP នេះ កម្ពុជាអាចនឹងមានកំណើនប្រចាំឆ្នាំលើការនាំចេញប្រមាណ 7.3ភាគរយ ទំហំវិនិយោគប្រមាណ 23.4ភាគរយ និងទំហំផលិតផលក្នុងស្រុកសរុបចំនួនប្រមាណ 2ភាគរយ កើនឡើងលើសពេលបច្ចុប្បន្ន៕
ជីវប្រវត្តិ: បានបញ្ចប់ការសិក្សាថ្នាកអនុបណ្ឌិតផ្នែកប្រព័ន្ធផ្សព្វផ្សាយមកពីសហភាពសូវៀត និងមានបទពិសោធន៍ជាង ២០ឆ្នាំក្នុងវិស័យសារព័ត៌មាន។ បច្ចុប្បន្ន លោកជាអ្នកយកព័ត៌មានសេដ្ឋកិច្ចឱ្យសារព័ត៌មាន AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
ខ្មែរ ប៊ែវើរីជីស ជាក្រុមហ៊ុនធំបង្អស់ និងគំរូក្នុងស្រុក បានឈ្នះពានមាសនៃពានរង្វាន់ឧស្សាហកម្មបៃតងកម្ពុជាឆ្នាំ២០២៤
ព្រឹត្តិការណ៍, អត្ថបទពាណិជ្ជកម្ម
• 14/12/2024
ខ្មែរ ប៊ែវើរីជីស ជាក្រុមហ៊ុនធំបង្អស់ និង គំរូក្នុងស្រុក បានឈ្នះពានមាសនៃពានរង្វាន់ឧស្សាហកម្មបៃតងកម្ពុជាឆ្នាំ២០២៤ ដែលរៀបចំដោយក្រសួងឧស្សាហកម្ម ។
ទ័ពអាកាសចិនប្រើប្រាស់វិធីសាស្ត្រហ្វឹកហាត់បែបបុរាណអាយុកាលជាង១ពាន់ឆ្នាំសម្រាប់ពីឡុតត្រៀមប្រយុទ្ធសង្គ្រាមទំនើបៗ
ព្រឹត្តិការណ៍, អាជីវកម្មថ្មី និងនវានុវត្ត
• 13/12/2024
Qigong គឺជាយុទ្ធគុណចិនដែលមានអាយុកាលជាង១,០០០ឆ្នាំមកហើយ ដោយការហ្វឹកហាត់នេះអាចជួយបង្កើនថាមពលស្នូលរបស់រាង្គកាយ ជាពិសេសការវិវឌ្ឍទៅនៃសាច់ដុំ
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
វេទិកាពាណិជ្ជកម្មឌីជីថលកម្ពុជាលើកទី១ និងពិព័រណ៍អនឡាញ ជំរុញការបង្កើតថ្មីវិស័យពាណិជ្ជកម្មឌីជីថល និងផលិតផលក្នុងស្រុក
លោកបណ្ឌិត សួង ណយ ៖ វេទិកាផ្គូផ្គងអ្នកទិញ-អ្នកលក់ នឹងធ្វើឡើងមុនបុណ្យភ្ជុំបិណ្ឌដើម្បីបំផុសចលនាទិញផលិតផលខ្មែរ
Account
Security
Favourite Content