បាងកក ៖ យោងតាមការចេញផ្សាយរបស់កាសែតបាងកកប៉ុស្តិ៍នៅថ្ងៃពុធនេះបានឲ្យដឹងថា ប្រទេសថៃបានបាត់បង់ការងារនៅក្នុងវិស័យទេសចរណ៍ប្រមាណជា ៥៥០,០០០ នាក់ទៀតហើយនៅត្រឹមចុងឆមាសទី១នេះ ខណៈដែលសេដ្ឋកិច្ចកំពុងដាំក្បាលចុះយ៉ាងខ្លាំងដោយសារការវាយប្រហារពីរលកទី ៣ នៃវីរុសកូវីដ។
ការឆ្លងរាតត្បាតចុងក្រោយនេះបានចាប់ផ្តើមតាំងតែពីខែមេសាមកម្ល៉េះ ហើយវាបានធ្វើឲ្យប៉ះពាល់ធ្ងន់ធ្ងរបំផុតទៅលើសកម្មភាពចាយវាយក្នុងស្រុកផងព្រមទាំងវិស័យធ្វើដំណើរផង ជាពិសេសគឺអវត្តមាននៃចំនួនភ្ញៀវទេសចរអន្តរជាតិតែម្តង។
ជាលទ្ធផលវាក៏បានធ្វើឲ្យអាជីវកម្មនៅក្នុងវិស័យទេសចរណ៍ដែលបានបិទទ្វារបណ្តោះអាសន្នកើនឡើងទៅដល់ ៣៦ ភាគរយ និង ៤ ភាគរយផ្សេងទៀតបានប្រកាសបិទអាជីវកម្មទាំងស្រុង។ នេះបើយោងតាមការបញ្ជាក់បន្ថែមពីសំណាក់ក្រុមប្រឹក្សាជាតិទេសចរណ៍ ជាមួយនឹងការអះអាងថាតួលេខនេះបានធ្លាក់ចុះដល់កម្រិតទាបបំផុតក្នុងកំណត់ត្រា។
ដោយឡែកសម្រាប់អត្រាស្នាក់នៅប្រចាំថ្ងៃរបស់សណ្ឋាគារ (Occupancy Rate) បានធ្លាក់ចុះមកនៅត្រឹមតែ ១០ ភាគរយប៉ុណ្ណោះ ដោយគិតជាមធ្យមសម្រាប់ឆមាសទី១ ក្នុងត្រីមាសទី២នេះ អត្រាដែលធ្លាប់មានប្រមាណ ២០ភាគរយបើធៀបនឹងត្រីមាសដំបូងដើមឆ្នាំ២០២១នេះ។
ជាការឆ្លើយតប រដ្ឋាភិបាលប្រទេសថៃកំពុងពិចារណា និងរៀបចំផែនការយុទ្ធសាស្ត្រជាច្រើនក្នុងគោលបំណងអាចទទួលស្វាគមន៍ភ្ញៀវទេសចរឡើងវិញ ជាក់ស្តែងចាប់ពីថ្ងៃព្រហស្បតិ៍ស្អែកនេះតទៅ កោះភូកេតដែលជាកោះទាក់ទាញភ្ញៀវទេសចរបំផុតនោះនឹងចាប់ផ្តើមដំណើរការស្វាគមន៍ភ្ញៀវដែលមានប័ណ្ណចាក់វ៉ាក់សាំងឲ្យចូលមកកំសាន្តវិញហើយដែលវាគឺជាដំណាក់កាលសាកល្បងជំហ៊ានដំបូងរបស់ថៃ។
គួរឲ្យដឹងដែរថា នៅមុនការវាយប្រហារដោយសារកូវីដប្រទេសថៃកាលពីឆ្នាំ២២០១៩ អាចទទួលស្វាគមន៍វត្តមានភ្ញៀវទេសចរបរទេសរហូតទៅដល់ ៤០ លាននាក់ក្នុងមួយឆ្នាំ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ