សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
អូស្ត្រាលី ៖ នៅក្នុងអំឡុងពេលដែលពិភពលោកទទួលរងនូវការវាយប្រហារយ៉ាងខ្លាំងពីសំណាក់វីរុសឆ្លងកូវីដ-១៩ និងមនុស្សរាប់លាននាក់ធ្លាក់ក្នុងវិបត្តិហិរញ្ញវត្ថុយ៉ាងខ្លាំងទាំងជីវភាពប្រចាំថ្ងៃ និងផែនការជីវិតនាពេលអនាគតផងដែរ។
ប៉ុន្តែទោះបីជាយ៉ាងណាក្តី មានប្តីប្រពន្ធជនជាតិអូស្ត្រាលីមួយគូ បានទាញយកឱកាសនៅពេលវេលាបិទទ្វារក្រុងដោយសារកូវីដនេះក្លាយខ្លួនទៅជាសេដ្ឋីមានទ្រព្យសម្បត្តិខ្ទង់លានដុល្លារតាមរយៈការធ្វើអាជីវកម្មលក់វ៉ែនតាការពារពន្លឺ ដែលជាផលិតផលដ៏ពេញនិយមបំផុតក្នុងពេលដែលមនុស្សរាប់លាននាក់កំពុងសម្ងំធ្វើការងារនៅមុខអេក្រង់កុំព្យូទ័រពីក្នុងផ្ទះរៀងខ្លួនៗនោះ។
នាង Katie និងលោក Andy Mant ជាអ្នករស់នៅក្នុងទីក្រុង Perth ប្រទេសអូស្ត្រាលីបានចាប់ផ្តើមអាជីវកម្មលក់វ៉ែនតាតាំងពីឆ្នាំ២០១៧ មកម្ល៉េះ ប៉ុន្តែហាក់ដូចជាមិនសូវទទួលបានលទ្ធផលល្អនោះទេ។ ការចាប់ផ្តើមអាជីវកម្មលើកដំបូងគឺគ្រាន់តែយកពេលវេលាដែលទំនេរពីការងារពេញម៉ោងមកធ្វើប៉ុណ្ណោះ។
លោក Andy ធ្លាប់បាននិយាយថា ដំបូងឡើយពួកគេបានទិញយកវ៉ែនតាការពារពន្លឺមួយមកប្រើប្រាស់ក្នុងតម្លៃធូរថ្លៃ ដោយគុណភាពរបស់វាមិនអាចទទួលយកបានទាល់តែសោះ សូម្បីតែរូបរាងឌីសាញក៏មិនមានភាពទាក់ទាញនោះដែរ ដូច្នេះហើយទើបលោក និងភរិយាសម្រេចចាប់ផ្តើមធ្វើអាជីវកម្មមួយនេះដោយផ្ទាល់តែម្តងដោយបញ្ចូលនូវអារម្មណ៍ និងភាពច្នៃប្រឌិតរបស់ខ្លួន។
អាជីវកម្មដែលបានបង្កើតឡើងដោយខ្លួនឯងតាំងពី៤ឆ្នាំមុននោះមានឈ្មោះថា BLUblox ហើយក៏បានដាក់គោលការណ៍ និងផែនការអាជីវកម្មច្បាស់លាស់។ បន្ថែមពីនេះពួកគេទាំង២បានប្រកាន់ខ្ជាប់នូវគោលគំនិតថា មិនត្រូវការខ្ចីលុយអ្នកណាទាំងអស់ដើម្បីអាជីវកម្មមួយនេះ ពោលគឺប្រើប្រាស់ថវិកាដែលសល់ពីប្រាក់ខែប្រមាណជា ១ ៥០០ ដុល្លារអាមេរិកប៉ុណ្ណោះក្នុងការវិនិយោគ ដោយផ្តើមចេញពីការបង្កើតគេហទំព័រសម្រាប់ផ្សព្វផ្សាយដ៏សាមញ្ញមួយតែប៉ុណ្ណោះ។
Katie ជាអ្នកឌីសាញផលិតផលព្រមទាំងវេចខ្ចប់ផងដែរ ហើយអាជីវកម្មរបស់ពួកគេមិនដែលបានប្រើប្រាស់វិធីសាស្ត្រក្នុងការធ្វើម៉ាឃីតធីងតាមបែបឌីជីថលនោះទេ ប៉ុន្តែជំនួសមកវិញដោយពួកគេបានផ្ញើវ៉ែនតាទាំងនោះទៅឲ្យក្រុមមនុស្សដែលមានឥទ្ធិពលនៅក្នុងបណ្តាញសង្គម ឬយើងហៅថា Influencers នៅខាងផ្នែកសុខភាពជំនួសវិញ។ ពួកគេបានបន្តធ្វើអាជីវកម្មបែបនេះរហូតបើទោះបីជាមិនសូវទទួលបានផលខ្លាំង ប៉ុន្តែមកដល់ត្រឹមឆ្នាំ២០២០ អាជីវកម្ម BLUblox បានផ្ទុះឡើងយ៉ាងខ្លាំងក្នុងពេលដែលតម្រូវការធ្វើការងារពីផ្ទះបានកើនឡើងយ៉ាងគំហុក ដោយមកដល់ពេលនេះប្តីប្រពន្ធមួយគូនេះមានទ្រព្យសម្បតិ្តសរុបមិនក្រោម ៦ លានដុល្លារនោះឡើយ៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
Situation Room (War Room) ជាបន្ទប់ដ៏សំងាត់របស់មេដឹកនាំអាម៉េរិក មានប្រវត្តិជាង៦ទសវត្សរ៍ក្នុងកិច្ចការងារកំពូលៗ
ព្រឹត្តិការណ៍, អាជីវកម្មថ្មី និងនវានុវត្ត
• 20/06/2025
បន្ទប់ដែលរៀបចំកិច្ចការងារ និងផែនការសំងាត់ដើម្បីពិភាក្សា ព្រមទាំងតាមដានព្រឹត្តិការណ៍ដោយផ្ទាល់ទាំងនោះគឺជាបន្ទប់ដ៏សំងាត់មួយដែលមានតែប្រធានាធិបតីអាម៉េរិក និងមន្ត្រីជាន់ខ្ពស់កំពូលរបស់អាម៉េរិកប៉ុណ្ណោះដែលមានសិទ្ធិប្រើប្រាស់ ហើយត្រូវបានគេហៅឈ្មោះថា Situation Room
អាជីវកម្មជិត ៥ម៉ឺន មានទឹកប្រាក់សរុបប្រមាណ ១៨.២៣ ពាន់លានដុល្លារ បានចុះបញ្ជីអាជីវកម្មតាមថ្នាលឌីជីថល
ព្រឹត្តិការណ៍, អាជីវកម្មថ្មី និងនវានុវត្ត
• 20/06/2025
ក្នុងរយៈពេល ៥ឆ្នាំ គិតចាប់ពីថ្ងៃទី១៥ ខែមិថុនា ឆ្នាំ២០២០ ដល់ថ្ងៃទី៣១ ខែឧសភា ឆ្នាំ២០២៥ ចំនួនពាក្យស្នើសុំចុះបញ្ជីអាជីវកម្មអនុម័តសរុបមានចំនួន ៤៦ ៧៧៦ ក្នុងនោះ ម្ចាស់អាជីវកម្មដែលជាស្រ្តីមានចំនួន ១៧២៤០នាក់
គ្រឹះស្ថានមីក្រូហិរញ្ញវត្ថុ អិលអូអិលស៊ី ទទួលបានវិញ្ញាបនបត្រ ISO / IEC 27001: 2022 ស្តង់ដារអន្តរជាតិក្នុងការគ្រប់គ្រងសុវត្ថិភាពព័ត៌មាន
ព្រឹត្តិការណ៍, អត្ថបទពាណិជ្ជកម្ម
• 20/06/2025
អិលអូអិលស៊ី ដែលជាស្ថាប័នគ្រឹះស្ថានមីក្រូហិរញ្ញវត្ថុឈានមុខគេនៅកម្ពុជា ទទួលបានវិញ្ញាបនប័ត្រ ISO / IEC 27001: 2022 ស្តង់ដារអន្តរជាតិក្នុងការគ្រប់គ្រងសុវត្ថិភាពព័ត៌មាន ដែលជាវិញ្ញាបនបត្រដ៏មានកិត្យានុភាពមួយកាលពីពេលថ្មីៗនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content