តើអ្វីទៅជាការសម្ងាត់ពាណិជ្ជកម្ម?

ការសម្ងាត់ពាណិជ្ជកម្ម (Trade secret) គឺជាកម្មសិទ្ធិបញ្ញាលើព័ត៌មានសម្ងាត់របស់ក្រុមហ៊ុន ឬអាជីវកម្ម ដែលអាចត្រូវបានលក់ ឬផ្តល់សិទ្ធិឲ្យអ្នកដទៃ។

តើអ្នកទាំងអស់គ្នាធ្លាប់ឆ្ងល់ទេថា មានអ្វីខ្លះនៅក្នុងធាតុផ្សំរបស់ Coca Cola ឬកូដដែលធ្វើឲ្យ Google ដំណើរការ ឬបច្ចេកវិទ្យារបស់ក្រុមហ៊ុនធំៗ ? អ្នកទាំងអស់គ្នាប្រហែលជាមិនដែលធ្លាប់ដឹងនោះទេ ព្រោះទាំងនេះគឺជាការសម្ងាត់ពាណិជ្ជកម្ម (ឬហៅជាភាសាអង់គ្លេសថា Trade Secret) ។​

ក្រុមហ៊ុននៅទូទាំងពិភពលោកប្រើប្រាស់ការសម្ងាត់ពាណិជ្ជកម្មរបស់ខ្លួនដើម្បីយកឈ្នះលើគូប្រកួតប្រជែង និងការពារទ្រព្យកម្មសិទ្ធិបញ្ញារបស់ខ្លួន ដូចជា រូបមន្តផលិតផល ដំណើរការក្នុងឧស្សាហកម្ម យុទ្ធសាស្ត្រមុខជំនួញ ឬព័ត៌មានអតិថិជន ជាដើម។ ការសម្ងាត់ពាណិជ្ជកម្មជាសមាសធាតុសំខាន់នៃកម្មសិទ្ធិបញ្ញាដែលជួយឱ្យក្រុមហ៊ុនការពាររូបមន្តសម្ងាត់ ចំណេះដឹង និងព័ត៌មានសំខាន់ៗដទៃទៀត ដែលផ្តល់នូវអត្ថប្រយោជន៍ក្នុងការប្រកួតប្រជែងជាមួយក្រុមហ៊ុនដទៃ។

ការសម្ងាត់ពាណិជ្ជកម្មមានប្រសិទ្ធិភាពភ្លាមៗ និងមិនមានអាយុកាលកំណត់ ពោលគឺវាស្ថិតនៅជាការសម្ងាត់រហូត លុះត្រាតែវាត្រូវបានផ្សព្វផ្សាយចេញទៅក្រៅ។ កាលណាការសម្ងាត់ពាណិជ្ជកម្មត្រូវបានបែកធ្លាយដល់សាធារណៈជន ក្រុមហ៊ុននឹងប្រឈមមុខនឹងបញ្ហាធំៗដូចជា បាត់បង់ទំនុកចិត្តពីអតិថិជន និងរងការវាយប្រហារពីសំណាក់ក្រុមហ៊ុនប្រកួតប្រជែងដូចជា ក្រុមហ៊ុនប្រកួតប្រជែងអាចចម្លងផលិតផលខ្លួនបានយ៉ាងងាយជាដើម។

ការសម្ងាត់ពាណិជ្ជកម្មនេះមានលក្ខណៈខុសពីប្រកាសនីយបត្រតក្កកម្មនៅត្រង់ថា ការសម្ងាត់ពាណិជ្ជកម្មមិនត្រូវបានប្រកាសជាសាធារណៈដូចប្រកាសនីយបត្រតក្កកម្មនោះទេ ហើយវានឹងត្រូវបានគេយកទៅប្រើប្រាស់ប្រសិនបើវាត្រូវបានគេរកឃើញ និងមានភាពពិបាកនៅក្នុងការប្តឹងតវ៉ា។

ជាទូទៅដើម្បីមានលក្ខណៈគ្រប់គ្រាន់ជាការសម្ងាត់ពាណិជ្ជកម្មព័ត៌មានត្រូវ ៖

  • មានតម្លៃពីព្រោះវាជាការសម្ងាត់
  • មានតែមនុស្សមួយក្រុមតូចប៉ុណ្ណោះដែលដឹង
  • ស្ថិតនៅក្រោមការគ្រប់គ្រងដោយម្ចាស់ត្រឹមត្រូវ ដើម្បីរក្សាការសម្ងាត់ រួមទាំងការប្រើប្រាស់កិច្ចព្រមព្រៀងសម្ងាត់រវាងដៃគូជំនួញ និងនិយោជិក។

ដោយផ្អែកលើប្រព័ន្ធច្បាប់តាមប្រទេសផ្សេងៗគ្នា ការការពារស្របច្បាប់នៃការសម្ងាត់ពាណិជ្ជកម្ម គឺជាគោលការណ៍ទូទៅមួយនៃច្បាប់ស្តីពីអំពើនៃការប្រកួតប្រជែងមិនស្មោះត្រង់ ឬផ្អែកលើបទប្បញ្ញត្តិជាក់លាក់ស្តីពីការការពារព័ត៌មានសម្ងាត់។ ការផ្សព្វផ្សាយ ឬធ្វើឲ្យបែកធ្លាយព័ត៌មានសម្ងាត់ ដោយគ្មានការអនុញ្ញាត ត្រូវបានចាត់ទុកថាជាការរំលោភលើកិច្ចការពារការសម្ងាត់ពាណិជ្ជកម្ម៕ ប្រភព៖ WIPO


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ