សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ នៅក្នុងអំបូរនំខ្មែរមានច្រើនប្រភេទ និងច្រើនរសជាតិប្រកបដោយភាពទាក់ទាញ ឈ្ងុយឆ្ងាញ់ ក្រអូបជាប់មាត់ ដែលសុទ្ធតែត្រូវបានធ្វើឡើងដោយដៃ មានសោភ័ណភាពល្អស្រស់ស្អាតខុសប្លែកពីនំរបស់ជាតិសាសន៍ដទៃ និងបានបង្ហាញពីអត្តសញ្ញាណជាតិខ្មែរយ៉ាងប្រាកដ។
ដោយមើលឃើញពីការនិយមគាំទ្រភាពនំខ្មែរពីសំណាក់ប្រជាជនទូទៅ ជាពិសេសយុវវ័យ ខណៈដែលការផ្គត់ផ្គង់នំដែលមានរសជាតិ គុណភាព និងអនាម័យនៅមានកម្រិត យុវតីពីររូបបានចាប់ដៃគ្នាបើកហាងលក់ និងផលិតនំខ្មែរជាច្រើនមុខ ដោយឈរនៅលើគោលការណ៍អភិរក្ស អភិវឌ្ឍន៍ និងលើកស្ទួយផលិតផលនំខ្មែរផងដែរ ក្រោមស្លាកយីហោ «មិគសិរ» ស្ថិតនៅសង្កាត់បឹងត្របែក ខណ្ឌចំការមន រាជធានីភ្នំពេញ។
កញ្ញា រ៉ុន រ៉េតសាវីន ជាសហស្ថាបនិកហាងនំខ្មែរ «មិគសិរ» បានប្រាប់ AMS ឲ្យដឹងថា បច្ចុប្បន្ននេះនៅក្នុងហាងដែលកំពុងបើកដំណើរការជារៀងរាល់ថ្ងៃនេះមានការផលិត និងផ្គត់ផ្គង់នំខ្មែរចំនួន៩មុខ ដោយប្រភេទនំនីមួយៗមានការកៃច្នៃយ៉ាងមានសោភ័ណភាព រសជាតិឆ្ងាញ់ មិនផ្អែមខ្លាំង ក្រអូប ឆ្ងុយ និងរៀបចំនៅក្នុងប្រអប់ក្រដាស់ ឬស្មុគឫស្សីដ៏មានរបៀប រក្សាអនាម័យខ្ពស់ និងត្រូវបានដាក់លក់ក្នុងតម្លៃចាប់ពី ៦ ០០០-៨ ០០០រៀល ក្នុងមួយប្រអប់។
ដោយឡែកពាក់ព័ន្ធទៅនឹងការផលិត កញ្ញា រ៉េតសាវីន បានប្រាប់ឲ្យដឹងទៀតថា ហាងមួយនេះមានផលិតនំលក់ថ្មីៗរៀងរាល់ថ្ងៃក្នុងបរិមាណប្រមាណ ១០០-១៥០ ប្រអប់ក្នុងមួយថ្ងៃ ហើយបរិមាណនេះគឺអាចផ្គត់ផ្គង់តម្រូវការរបស់អតិថជនប្រចាំថ្ងៃបានគ្រប់គ្រាន់ ប៉ុន្តែមានពេលខ្លះក៏នៅសល់ដែរ ហើយនំដែលនៅសល់ពីការលក់ កញ្ញាបានយកទៅចែកដល់កុមារកំព្រា ឬជនក្រីក្រមួយចំនួនដែលមិនមានលំនៅឋានត្រឹមត្រូវស្នាក់នៅតាមទីសាធារណៈ។
ចំពោះការចាប់ផ្ដើមដំបូងកញ្ញាបានប្រើដើមទុនប្រមាណ ៧ ០០០ដុល្លារក្នុងការរៀបចំឲ្យមានសោភ័ណភាព និងទិញសម្ភារៈចាំបាច់មួយចំនួនសម្រាប់ដំណើរការហាងឲ្យមានភាពទាក់ទាញ។
ដោយឡែកសម្រាប់ការវេចខ្ចប់ ចម្អិននំគ្រប់ប្រភេទគឺជាស្នាដៃរបស់អ្នកម្តាយរបស់កញ្ញាដោយផ្ទាល់ រួមជាមួយនឹងបងប្អូនសាច់ញាតិដែលចេះតជំនាន់ពីជីដូន រស់នៅក្រុងតាខ្មៅ ខេត្តកណ្តាល។ សម្រាប់វត្ថុធាតុដើម និងគ្រឿងផ្សំធ្វើនំគ្រប់ប្រភេទទាំងអស់ រាប់តាំងពីស្លឹកចេក អង្ករខ្សាយ អង្ករដំណើបខ្មៅ ដំណើបស សណ្តែក ល្ង ចេក និងគ្រឿងផ្សំដទៃទៀតសុទ្ធតែជាផលិតផល កសិផល ដែលជាទំនិញក្នុងស្រុក ទិញយកមកពីផ្សារក្រុងតាខ្មៅ ។ លុះក្រោយពេលចម្អិនរួចរាល់ដើមធ្វើការដឹកជញ្ជូនមកដាក់លក់ក្នុងហាងដែលមានអាសយដ្ឋានដូចបានបង្ហាញជូននៅខាងលើនេះ។
នៅក្នុងការប្រកបអាជីវកម្មខ្នាតតូចបែបសាមញ្ញមួយនេះ កញ្ញា រ៉េតសាវីន បានរៀបរាប់ប្រាប់ថា វាមានកត្តាប្រឈមខ្លះដែរ ប៉ុន្តែចាំបាច់ត្រូវតែជម្នះឲ្យបាន និងត្រូវតែធ្វើឲ្យល្អបំផុត ទី១គឺយើងត្រូវស្វែងរកទីតាំងណាដែលសមរម្យសម្រាប់បើកហាង, ទី២គឺការផ្សព្វផ្សាយឱ្យអតិថិជនបានស្គាល់ និងចាប់អារម្មណ៍ ហើយអ្វីដែលសំខាន់គឺការធានារក្សាឲ្យបាននូវគុណភាព សោភ័ណភាព ជាពិសេសរសជាតិនៃនំតែម្ដង។ ដោយឡែកនៅពេលបច្ចុប្បន្ននេះ អ្វីដែលជាឧបសគ្គនៃការលក់គឺបញ្ហានៃការរីករាលដាលជំងឺកូវីដ១៩ ដែលធ្វើឱ្យការលក់មានការធ្លាក់ចុះ ប៉ុន្តែរំពឹងថា ភាពល្អប្រសើរនឹងវិលមកវិញក្នុងពេលឆាប់ៗខាងមុខនេះ ក្រោមការចូលអនុវត្តវិធានការក្រសួងសុខាភិបាលពីសំណាក់ប្រជាពលរដ្ឋទាំងអស់គ្នា។ សម្រាប់ថ្ងៃអនាគត ម្ចាស់ហាងរូបនេះចង់បង្កើនប្រភេទនំក្នុងហាងឱ្យកាន់តែច្រើនថែមទៀត និងធ្វើការផ្សាព្វផ្សាយឱ្យកាន់តែទូលំទូលាយដើម្បីឱ្យកូនខ្មែរជំនាន់ក្រោយបានស្គាល់ និងនិយមគាំទ្រប្រភេទនំខ្មែរជាងនំបរទេស។ ជាមួយគ្នានេះដែរ ចំពោះអ្នកដែលចង់បើកអាជីវកម្មបែបនេះ កញ្ញាបានផ្ដល់ជាមតិថាគួរស្រាវជ្រាវទៅលើផលិតផលឱ្យបានច្បាស់លាស់ ពិសេសត្រូវរិះរកចំណុចដែលត្រូវអភិវឌ្ឍ និងច្នៃប្រឌិតបន្ថែមឱ្យសមនឹងសម័យកាលបច្ចុប្បន្ន៕
ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
នាយកប្រតិបត្តិក្រុមហ៊ុនបច្ចេកវិទ្យា AI តម្លៃពាន់លានដុល្លារម្នាក់ព្យាករណ៍ពីបញ្ហាសម្រាប់សហគ្រាសនៅឆ្នាំក្រោយ
ព្រឹត្តិការណ៍, អាជីវកម្មថ្មី និងនវានុវត្ត
• 05/12/2024
អ្នកជំនាញបានមើលឃើញថា បច្ចេកវិទ្យា AI របស់ចិននឹងអាចក្លាយទៅជាអ្នកនាំមុខគេនៅពេលខាងមុខ ខណៈដែលវត្តមានមនុស្សយន្ត AI Robot នឹងត្រូវបានផលិតក្នុងចំនួនយ៉ាងច្រើន
ក្រុមហ៊ុនបច្ចេកវិទ្យាធំៗលើពិភពលោកកំពុងសម្លឹងមើល និងគ្រោងដាក់ទីតាំងរបស់ខ្លួននៅតំបន់អាស៊ីអាគ្នេយ៍
ព្រឹត្តិការណ៍, អាជីវកម្មថ្មី និងនវានុវត្ត
• 04/12/2024
ជាមួយនឹងកំណើនប្រជាជនវ័យក្មេងដែលមានចំណេះដឹងផ្នែកបច្ចេកវិទ្យា អាស៊ីអាគ្នេយ៍កំពុងទាក់ទាញចំណាប់អារម្មណ៍ និងការវិនិយោគយ៉ាងច្រើនពីសំណាក់បណ្តាក្រុមហ៊ុនបច្ចេកវិទ្យាយក្ស រួមមាន Microsoft, Amazon, Nvidia, និង Apple ជាដើម
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content