សេដ្ឋកិច្ចទីផ្សាររថយន្តពិភពលោកនឹងធ្លាក់ចុះចំនួនផ្គត់ផ្គង់ ខណៈដែលក្រុមហ៊ុនផលិតព្រមានពីបញ្ហាកង្វះបន្ទះឈីប

បរទេស៖​ ក្រុមហ៊ុនផលិតរថយន្តដ៏ល្បីឈ្មោះរបស់អង់គ្លេស Jaguar Land Rover បានព្រមានថា បញ្ហាកង្វះខាតបន្ទះឈីប​នៅពេលនេះនឹង​អាច​​ធ្វើឲ្យ​ផលិតកម្ម​របស់ខ្លួនកាត់​បន្ថយ​មកត្រឹមតែពាក់កណ្តាលប៉ុណ្ណោះនៅក្នុងត្រីមាសទី៣នេះក្នុងពេលដែល Volkswagen Group ក៏បាន​អះ​អាងដែរថា ផលប៉ះ​ពាល់​​នេះ​ក៏នឹងធ្វើឲ្យផលិតកម្មរបស់ខ្លួនធ្លាក់ចុះខ្លាំងដូចគ្នានៅក្នុងត្រីមាសទី៣ នេះមានត្រឹមតែចំនួនព្យាករណ៍ប្រហែល​ជា ៤៥០ ០០០ គ្រឿងប៉ុណ្ណោះ។

បញ្ហាកង្វះខាតបន្ទះឈីបបានក្លាយទៅជាកត្តាសំខាន់បំផុតដែលកំពុងទាញឲ្យផលិតកម្មគ្រឿងអេឡិចត្រូក ជាពិសេសការផលិតរថយន្តទាំង​ឡាយ​របស់​ក្រុមហ៊ុន​នៅក្នុងឧស្សាហកម្មនៅលើសកលលោកមានភាពយឺតយ៉ាវក្នុងរយៈពេលជាច្រើនខែរួចមកហើយ។

យោងតាមការចេញផ្សាយរបស់កាសែតបាងកកប៉ុស្តិ៍កាលពីថ្ងៃម្សិលមិញបានឲ្យដឹងថា ទោះបីជាក្រុមហ៊ុនផលិតរថយន្តព្រមទាំងក្រុមហ៊ុន​ផ្គត់ផ្គង់បន្ទះឈីប​បាន​ខិត​ខំជំនះយ៉ាងខ្លាំងរហូតទទួលបានលទ្ធផលល្អប្រសើរកាលពីពាក់កណ្តាលឆ្នាំកន្លងមកនេះក៏ដោយ ប៉ុន្តែពួកគេនៅ​តែបានព្រមានខ្លាំងៗផងថា បើបញ្ហា​បែបនេះនៅតែបន្តកើតមានឡើងដដែលនោះវានឹងធ្វើឲ្យមានផលប៉ះពាល់កាន់តែអាក្រក់ជាក់ជា​មិនខាន​នាពេលខាងមុខ។

បន្ទះឈីប គឺជាឧបករណ៍ដ៏ចាំបាច់បំផុតនៅក្នុងការផលិតប្រព័ន្ធបញ្ជាចរន្តអគ្គិសនីនៅពីខាងក្នុងរថយន្ត ជាពិសេសរថយន្តទំនើបៗបច្ចេកវិទ្យា​ចុងក្រោយ ប៉ុន្តែវាបានទទួលរងនូវបញ្ហាខ្វះខាតនៃការផលិតគិតចាប់តាំងតែពីដើមឆ្នាំ២០២១កន្លងមកម្ល៉េះ ដោយសារតែអ្នកផលិតបានបង្វែរ​ផលិតផលនេះទៅផ្គត់ផ្គង់​ជាមួយនឹងក្រុមហ៊ុនអ្នកផលិតឧបករណ៍អគ្គិសនីប្រើប្រាស់ក្នុងផ្ទះដែលកំពុងកើនឡើងនូវតម្រូវការក្នុងអំឡុង​ពេល​កូវីដ​នោះជំនួសវិញ។

ជាលទ្ធផលនៅពេលដែលក្រុមហ៊ុនអ្នកផលិតរថយន្តអាចត្រឡប់មករកដំណើរការផលិតបន្ទះឈីបវិញក្នុងស្ថានភាពដែលល្អប្រសើរជាងមុនពីកូវីដនោះវាបែរជាបានធ្វើឲ្យបង្អាក់ទៅដល់ផលិតកម្មរថយន្ត ហើយថែមទាំងបានធ្វើឲ្យរោងចក្រមួយចំនួនត្រូវបង្ខំចិត្តបិទទៀត​ផងដោយ​សារ​តែមិនមាន​បន្ទះឈីបគ្រប់គ្រាន់​នៅ​ក្នុងស្តុក ហើយមិនអាចបញ្ជាទិញបន្ថែមបាន។

ជាមួយគ្នានេះ ខណៈដែលក្រុមអ្នកវិភាគ និងក្រុមហ៊ុនអ្នកផលិតរថយន្តកន្លងមកបានបង្ហាញពីភាពទុកចិត្តថា បញ្ហាកង្វះខាតបន្ទះឈីប​នេះ​នឹង​អាច​ធ្វើឲ្យ​ប៉ះ​ពាល់​ដល់ផលិតកម្មរថយន្តតែក្នុងរយៈពេលខ្លីប៉ុណ្ណោះ ប៉ុន្តែជាក់ស្តែងមកដល់ពេលនេះពួកគេបានមើលឃើញកាន់តែច្បាស់ថាវា​នឹង​បន្តផលប៉ះពាល់រហូត​ទៅ​ដល់ចុងឆ្នាំ២០២១ជាក់ជាមិនខាន។

ក្រៅពីនោះក្រុមហ៊ុនផលិតរថយន្តធំៗផ្សេងទៀតសុទ្ធតែបានធ្វើការបង្ហាញនូវក្តីព្រួយបារម្ភដូចគ្នាចំពោះផលិតកម្មនៅក្នុងត្រីមាសទី៣ និងទី៤ ដូចជាក្រុមហ៊ុន​ផលិតរថយន្តអាមេរិក Ford ក្រុមហ៊ុនផលិតរថយន្តជប៉ុន Nissan ព្រមទាំងក្រុមហ៊ុនផ្គត់ផ្គង់គ្រឿងបន្លាស់រថយន្ត Valeo ផងដែរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

កំពង់ស្ពឺ ​និងស្វាយរៀង ​ជា​ខេត្ត​ទទួល​បានគម្រោង​វិនិយោគ​ច្រើនជាង​គេ​ក្នុង​រយៈ​ពេល៦ខែ​ដើមឆ្នាំ

ព្រឹត្តិការណ៍, អចលនទ្រព្យ

• 17/07/2024

គិតត្រឹម​ឆមាសទី១​ឆ្នាំ ២០២៤ ខេត្ត​កំពង់ស្ពឺ និងស្វាយរៀង​ជា​ខេត្ត​ដែលទទួលបានគម្រោ​ងវិនិយោគ​ច្រើនជាង​គេក្នុង​ចំណោម​បណ្ដាខេត្ត​នានា​

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

ស្មៅដំរី ជាដំណាំសម្រាប់ជាចំណីសត្វ ងាយស្រួលដាំ និងបានផលច្រើនដែលកសិករគួរសាកល្បង

ជំនួញ, ព្រឹត្តិការណ៍

• 17/07/2024

ស្មៅដំរី ជាប្រភេទដំណាំចំណីសត្វមួយដែលមានផ្ទុកសារធាតុចិញ្ចឹមខ្ពស់ ងាយស្រួលដាំ និងអាចជួយបំប៉នដល់ការលូតលាស់របស់សត្វបានល្អ

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

មូលនិធិអភិវឌ្ឍន៍ជំនាញ បានបណ្តុះបណ្តាលធនធានមនុស្សជាង១ម៉ឺន៤ពាន់នាក់ នៅឆមាសទី១ឆ្នាំ២០២៤

ព្រឹត្តិការណ៍, អាជីវកម្មថ្មី និងនវានុវត្ត

• 17/07/2024

មូលនិធិអភិវឌ្ឍន៍ជំនាញ (SDF) បានបណ្តុះបណ្តាលធនធានមនុស្សជាង ១ម៉ឺន ៤ពាន់នាក់ នៅក្នុងឆមាសទី១ នៃឆ្នាំ២០២៤ ដែលស្ម;នឹង ៥៦ ភាគរយនៃផែនការមេ