វិស័យឯកជន ផ្តើមប្រើបច្ចេកវិទ្យាឌីជីថលដើម្បីកាត់បន្ថយចំណាយបង្កើនប្រាក់ចំណេញ

ភ្នំពេញ ៖ ក្នុងគោលបំណងកាត់បន្ថយខ្ទង់ចំណាយដែលមិនចាំបាច់នៃថ្លៃដើម និងបង្កើនប្រាក់ចំណូលនៅក្នុង​បរិបទដែលកំពុង​ប្រឈមនៅ​ពេលបច្ចុប្បន្ននេះ ម្ចាស់អាជីវកម្មភាគច្រើន ជាពិសេសស្ថិតក្នុងវិស័យសហគ្រាស​ធុនតូច និងមធ្យម (SME) នៅកម្ពុជា កំពុងស្វែងរក​ដំណោះ​ស្រាយ និងវិធីសាស្ត្រនានា ដើម្បីអាចដោះស្រាយស្ថានការណ៍ ជាមួយនឹងជម្រើសនៃការប្រើប្រាស់បច្ចេកវិទ្យាអាជីវកម្មបែប​ឌីជីថលជា​ជំនួយ​ដែលគាំទ្រ​ដោយក្រសួងពាណិជ្ជកម្ម។

ជាជំនួយក្នុងការជួយដោះស្រាយនូវរាល់បញ្ហា និងឧបសគ្គមួយចំនួនដែលតែងកើតមានទៅលើម្ចាស់អាជីវកម្មធុនតូច និងមធ្យម កាល​ពីពេល​កន្លងទៅនេះ រាជរដ្ឋាភិបាលកម្ពុជា តាមរយៈ​ក្រសួងពាណិជ្ជកម្មបានអនុញ្ញាត និងប្រកាសដំណើរការកម្មវិធីបណ្តុះបណ្តាលស្ដីពី​អាជីវកម្មបែបឌីជីថល​ ដើម្បីជួយសម្រួលដល់ប្រតិបត្តិការនានារបស់អ្នកវិនិយោគ។

រដ្ឋលេខាធិការក្រសួងពាណិជ្ជកម្ម លោកជំទាវ តឹករ៉េត កំរង បានមានប្រសាសន៍ថា កម្មវិធីបណ្តុះ​បណ្តាលស្តីពីអាជីវកម្មបែបឌីជីថល​សម្រាប់សហគ្រាស​ធុនតូច និងមធ្យម គឺមានសារសំខាន់​បំផុត ដែលអាចជួយសម្រួលដល់អាជីវកម្មស្ទើរគ្រប់ប្រភេទទាំងអស់។

លោកជំទាវបានលើកឡើងថា កម្មវិធីបណ្តុះបណ្តាលស្តីពីអាជីវកម្មបែបឌីជីថលនេះ គឺជាផ្នែកមួយដ៏មានសារៈសំខាន់នៃគម្រោង Go4eCAM ដែល​ក្រសួង​ពាណិជ្ជកម្ម​កំពុង​អនុវត្ត ហើយកម្មវិធីបណ្តុះបណ្តាលនេះមានគោលបំណងពង្រឹង និងលើកកម្ពស់សហគ្រិនភាព​របស់សហគ្រាសធុនតូច និងមធ្យម​នៅកម្ពុជាក្នុងការចូលរួមការធ្វើពាណិជ្ជកម្ម តាមប្រព័ន្ធអេឡិចត្រូនិកក្នុងប្រទេស តំបន់ និងលើ​ពិភព​លោក។

លោកជំទាវ តឹករ៉េត កំរង បានបញ្ជាក់ថា ៖

«សមិទ្ធផលសំខាន់ៗរបស់ក្រសួងពាណិជ្ជកម្ម ដែលបង្កើតឡើងដើម្បីជាប្រយោជន៍​រួមរបស់​បណ្តា​អ្នកវិនិយោគ ក៏ដូចជាម្ចាស់អាជីវកម្មនៅទូទាំងប្រទេសរួមមានដូចជា ច្បាប់ស្ដីពីកិច្ចការការពារអ្នកប្រើប្រាស់ ច្បាប់​ស្ដី​ពីពាណិជ្ជកម្ម​តាមប្រព័ន្ធអេឡិចត្រូនិក សេចក្តីព្រាង​ច្បាប់​ស្តីពីការប្រកួតប្រជែង យុទ្ធសាស្រ្តសមាហរណកម្មពាណិជ្ជកម្មកម្ពុជា ២០១៩-២០២៣ យុទ្ធសាស្រ្តពាណិជ្ជ​កម្ម​តាមប្រព័ន្ធអេឡិចត្រូនិក និងគម្រោង Go4eCAM ដែលដឹកនាំ និងអនុវត្តដោយ​ក្រសួង​ពាណិជ្ជកម្ម»

លោក យក់ ចំរើនឫទ្ធិ អគ្គនាយកក្រុមហ៊ុនធានារ៉ាប់រង Forte Insurance ធ្លាប់បានមានប្រសាសន៍ថា បច្ចុប្បន្នមានក្រុមហ៊ុនជាច្រើន បាន និងកំពុង​ជ្រើស​យកបច្ចេកវិទ្យាធ្វើជាជំនួយនៅក្នុងដំណើរប្រតិបត្តិការរបស់ខ្លួន ដែលអាចជួយកាត់បន្ថយថ្លៃដើមបានយ៉ាងមានប្រសិទ្ធភាព ដោយក្នុងនោះភាគច្រើន​ត្រូវបានគេកត់សម្គាល់ទៅលើស្ថាប័នហិរញ្ញវត្ថុ និងគ្រឹះស្ថានធនាគារឯកជន ដូចជាធនាគារអេស៊ីលីដា និងធនាគារ ABA ដែលអាចរកបានចំណូល និងប្រាក់ចំណេញក្នុងស្ថានភាពដែលកំពុងប្រឈម។

លោកបានពន្យល់ថា ករណីធនាគារ អេស៊ីលីដា និងធនាគារ  ABA អាចចំណេញ ដោយសារតែធនាគារ​ទាំង២​នេះ​ធ្វើបានយ៉ាងល្អ ដោយបាន​ធ្វើការ​វិនិយោគ​យ៉ាងខ្លាំងជាមួយនឹងបច្ចេកវិទ្យា និងការផ្តល់ជូនឌីជីថល និងអត្រាប្រើប្រាស់របស់អតិថិជនរៀងៗខ្លួន។ ទន្ទឹមនឹង​ដំណាក់កាលកូវីដ-១៩ ដែល​ភាគ​ច្រើនរងផលប៉ះពាល់ ការប្រើបច្ចេកវិទ្យាហិរញ្ញវត្ថុ Financial Technolog បែរជាមាន​ការ​កើន​ឡើងទៅវិញដោយសារ​ប្រជាជនគាត់ជៀសវាងការប្រើប្រាស់​សាច់ប្រាក់គាត់ប្រើសេវាដឹកជញ្ជូន និងបច្ចេកវិទ្យាដែលជាផ្នែកមួយធ្វើឱ្យស្ថាប័​នទាំង​ដែល​វិនិយោគខ្លាំងទៅលើ​បច្ចេក​វិទ្យា​មានការរីកចម្រើនខ្លាំង។

លោក យក់ ចំរើនឬទ្ធិ បានអាះអាងថា ៖« ចំពោះអ្វីដែលជាការប្រើប្រាស់ប្រព័ន្ធបច្ចេកវិទ្យាបច្ចុប្បន្ន សម្រាប់ធនាគារ គ្រឹះស្ថានមីក្រូហិរញ្ញវត្ថុ គឺដើម្បី​ថ្លៃដើម​គាត់​ទាប។ នៅក្នុងសម័យកូវីដនេះ ការប្រើប្រព័ន្ធបច្ចេកវិទ្យាគ្មានអ្វីក្រៅពីធ្វើឱ្យតម្លៃដើមទាបនោះទេ។ ព្រោះតែកាលណាថ្លៃ​ដើមគាត់ទាប គាត់មានការ​ប្រកួត​ប្រជែងកាន់តែខ្លាំង។ ដូច្នេះអ្នកដែលទទួលបានប្រយោជន៍សេដ្ឋកិច្ចពីផលចំណេញនៃកំណើនធនាគារ គឺមានច្រើនទាំងអ្នកវិនិយោគ ម្ចាស់ភាគហ៊ុន អតិថិជន និងប្រជាពលរដ្ឋផងដែរ ហើយគេក៏មិនអាចអត់ធនាគារបានទេ ព្រោះជា​អ្នកគ្រប់​គ្រង​ការចរារណ៍ហិរញ្ញវត្ថុសម្រាប់ប្រទេស»។

គួរបញ្ជាក់ថា អាជីវកម្មបែបឌីជីថល (Digital Business) នេះមិនមែនជាគោលដៅអាជីវកម្ម ឬមិនសំដៅទៅលើអាជីវកម្មដែលពឹង​ផ្អែក​ទាំងស្រុងទៅ​លើតែបច្ចេកវិទ្យា​ទំនើបនោះទេ ប៉ុន្តែវាគឺជាដំណើរការអាជីវកម្មមួយដែលចាំបាច់ត្រូវធ្វើឱ្យគ្រប់ផ្នែកនៃដំណើរ​ការ​ផលិត​ផល ឬសេវា​កម្ម​មានល្បឿន​លឿន​ជាងមុន ហើយអាចអនុញ្ញាតឱ្យម្ចាស់អាជីវកម្ម រៀបចំផែនការយុទ្ធសាស្ត្រទុកជាមុន ដើម្បី​ទាញ​យក​លទ្ធផលដែល​ល្អប្រសើរជាងមុនផងដែរ។

ជាមួយគ្នានេះដែរ អាជីវកម្មសហគ្រាសធុនតូច និងមធ្យម ក៏ត្រូវការឱ្យមានការច្របាច់បញ្ចូលគ្នានូវចំណុចសំខាន់ចំនួន៣ គឺមនុស្ស​ត្រូវធ្វើកា​រ​គ្រប់​គ្រង​ព័ត៌មានដោយស្វ័យប្រវត្តិ និងទំនាក់ទំនងវៃឆ្លាតតាមបែបឌីជីថល។ ការធ្វើអាជីវកម្មបែបឌីជីថលនេះ គឺជាការ​ច្នៃប្រឌិតខ្ពស់ និង​ត្រឹមត្រូវ​ ហើយអាច​ផ្តល់មកវិញនូវភាពជោគជ័យ ព្រមទាំងផ្តល់នូវអត្ថប្រយោជន៍ជាច្រើន ដូចជា បង្កើនចង្វាក់ផលិតកម្ម កាត់បន្ថយ​ថ្លៃដើម​នៃ​ប្រតិបត្តិការ បង្កើន​អត្ថប្រយោជន៍​ជូនអតិថិជន ផ្តល់លទ្ធភាពក្នុងការបង្កើតទីផ្សារថ្មី និងពង្រឹងយីហោអាជីវកម្មបានកាន់តែ​ប្រសើរ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អ្នកជំនាញណែនាំដល់កសិករឱ្យចេះប្រើឱកាសដាំដំណាំតាមរដូវកាល និងក្នុងបរិបទមានបម្រែបម្រួលអាកាសធាតុ

ព្រឹត្តិការណ៍, សេដ្ឋកិច្ច

• 19/07/2024

កសិករអាចកាត់បន្ថយការប្រើប្រាស់ទឹកបានតាមរយៈការប្រើប្រាស់ប្រព័ន្ធស្រោចស្រពតាមបច្ចេកទេសកសិកម្មទំនើប ដែលអាចជួយសន្សំទឹកបានរហូតដល់៤០ភាគរយ

ចំណេះដឹង ៖ ផ្អកដំឡូងឈើ ជាចំណីដ៏ល្អសម្រាប់ការចិញ្ចឹមជ្រូក មាន់ និងទា

ជំនួញ, ព្រឹត្តិការណ៍

• 19/07/2024

ជំនួសឱ្យការប្រើប្រាស់ចំណីសម្រេចដែលមានតម្លៃថ្លៃ គេអាចកែច្នៃមើម និងស្លឹកដំឡូងឈើ ធ្វើជាចំណីដ៏មានប្រូតេអ៊ីនខ្ពស់សម្រាប់ចិញ្ចឹមសត្វជ្រូក មាន់ និងទា

លុចសំបួរ ជាប្រទេស​តូច​​មួយ​ក្នុង​សហភាព​អឺរ៉ុប​ ប៉ុន្តែជា​ប្រទេស​មានជាងគេ​បំផុត​លើ​ពិភពលោក

ព្រឹត្តិការណ៍, អាជីវកម្មថ្មី និងនវានុវត្ត

• 19/07/2024

យោងតាម IMF បានឲ្យដឹងថា ​ផលិតផលសរុបក្នុងស្រុក (GDP) នៅប្រទេសលុចសំបួរមានជាង ១៣០ ០០០ ដុល្លារសម្រាប់មនុស្សម្នាក់

ចំណេះដឹង ៖ ស្វែងយល់ពីអាជ្ញាធរហិរញ្ញវត្ថុនៅកម្ពុជា

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជា គឺជាធនាគារកណ្ដាលតែមួយគត់របស់កម្ពុជា ដែលដើរតួនាទីជាអាជ្ញាធររូបិយវត្ថុ និងអាជ្ញាធរត្រួតពិនិត្យប្រព័ន្ធធនាគារនៅកម្ពុជា

​៦ខែ ដើមឆ្នាំ២០២៤​ ​ចិន​ឈរ​លើលំដាប់ទី​២ ក្នុងការបណ្តាក់ទុន​វិនិយោគនៅកម្ពុជា​ច្រើន​ជាង​គេ​

ព្រឹត្តិការណ៍, អចលនទ្រព្យ

• 19/07/2024

ចិននៅតែឈរ​លំដាប់ខ្ពស់​ដែលមាន​វិនិយោគិន​ដាក់ទុន​វិនិយោគ​នៅកម្ពុជា​ច្រើនជាងគេ ជាក់ស្ដែង​៦ខែ ចិនបានដាក់ទុន​ជាង ​១,៣ពាន​លានដុល្លារ​

កូរ៉េផ្តល់ជំនួយឥតសំណង៨លានដុល្លារជួយកម្ពុជា កសាងសមត្ថភាពបណ្តុះបណ្តាលធនធានមនុស្ស

ព្រឹត្តិការណ៍, សេដ្ឋកិច្ច

• 19/07/2024

ប្រទេសកូរ៉េបានផ្តល់ជំនួយឥតសំណងចំនួន៨លានដុល្លារអាមេរិកជួយកម្ពុជាលើការកសាងសមត្ថភាព និងបណ្តុះបណ្តាលធនធានមនុស្សខាង ICT និងបច្ចេកទេសវិជ្ជាជីវៈ

វិស័យធានារ៉ាប់រង ជាសូចនាករក្នុងការវាស់វែងភាពរីកចម្រើនរបស់ប្រទេសមួយ

ព្រឹត្តិការណ៍, ហិរញ្ញវត្ថុ

• 19/07/2024

នៅក្នុងប្រទេសដែលមានការអភិវឌ្ឍតិចតួច វិស័យធានារ៉ាប់រងមិនទាន់អាចមានលទ្ធភាពរីកលូតលាស់ខ្លាំងក្លានោះទេ

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគង ដើម្បីសម្រួលដល់ការទូទាត់របស់ភ្ញៀវទេសចរ

ព្រឹត្តិការណ៍, ហិរញ្ញវត្ថុ

• 19/07/2024

ធនាគារជាតិនៃកម្ពុជាគ្រោងដាក់ឱ្យប្រើប្រាស់ប្រព័ន្ធបាគងសម្រាប់ភ្ញៀវទេសចរអន្តរជាតិ ដើម្បីដោះស្រាយបញ្ហាការប្រើប្រាស់រូបិយបណ្ណចាស់ៗ ទក់ រហែក

កូរ៉េ នឹងជួយបណ្តុះបណ្តាលពលករកម្ពុជាឱ្យមានជំនាញខាងកសិកម្មដើម្បីចូលរួមកសាងសេដ្ឋកិច្ចជាតិ

ព្រឹត្តិការណ៍, សេដ្ឋកិច្ច

• 19/07/2024

សាធារណរដ្ឋកូរ៉េ នឹងជួយបណ្តុះបណ្តាលពលករ/កសិករកម្ពុជាឱ្យមានជំនាញខាងកសិកម្មច្បាស់លាស់ ដើម្បីចូលរួមកសាងសេដ្ឋកិច្ច និងអភិវឌ្ឍជាតិ

តម្លៃប្រេងសកលធ្លាក់ចុះបន្តិច ខណៈដែលការនាំចូលប្រេងរបស់ចិនកើនឡើងយឺតជាងការរំពឹងទុក

ព្រឹត្តិការណ៍, សេដ្ឋកិច្ច

• 19/07/2024

តម្លៃប្រេងឆៅម៉ាក Brent ធ្លាក់ចុះត្រឹម៨៥,៦៣ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក WTI ធ្លាក់ចុះ នៅត្រឹម ៨២,៤៦ ដុល្លារក្នុងមួយបារ៉ែល