ធនាគារពិភពលោកបន្តអនុវត្តគម្រោងនានាក្នុងទឹកប្រាក់ប្រមាណ ១,១ពាន់លានដុល្លារសម្រាប់កម្ពុជា

ភ្នំពេញ ៖ ធនាគារ​ពិភពលោកWORL BANK បាននឹងកំពុងបន្តអនុវត្តគម្រោងនានាដោយគិតជាទឹកប្រាក់ប្រមាណ១.១ប៊ីលានដុល្លារ​សម្រាប់ប្រទេសកម្ពុជា ដែលគម្រោង​អនុវត្តនេះ​ គឺផ្តោត​សំខាន់​ទៅលើ វិស័យ​សាធារណៈ ​ការអប់រំ​ សុខាភិបាល​ ធនធានមនុស្ស ​ពិពិធកម្ម​ កសិកម្ម​ និងពង្រឹង​អភិបាលកិច្ច​ល្អ។ ​ការ​​រៀបចំ​អនុវត្ត​គម្រោង​ជំនួយ​ហិរញ្ញវត្ថុ ​របស់ធនាគារ​ពិភពលោក ​ធ្វើឡើងស្របពេល​ធនាគារ​ពិភពលោក​តែងតាំង​ប្រធានគ្រប់គ្រង​​ថ្មីរបស់ខ្លួនប្រចាំនៅកម្ពុជាផងដែរ​ ​។

យោងតាមការចេញផ្សាយរបស់ខ្លួនកាលពីថ្ងៃចន្ទ ធនាគារពិភពលោកបានតែងតាំងលោកស្រី ម៉ារីយ៉ាម សាលីមជាប្រធានគ្រប់គ្រងថ្មីប្រចាំនៅប្រទេសកម្ពុជា ដោយបន្តភារកិច្ចពីលោកស្រី អ៉ីងហ្គូណា ដូប្រាថា ដែលផ្លាស់ទៅចាត់តាំងថ្មីនៅប្រទេសម៉ុលដូវ៉ា បន្ទាប់ពីបានបំពេញបេសកម្ម អស់រយៈពេល៥ឆ្នាំជាប្រធានគ្រប់គ្រងការិយាល័យនៃធនាគារពិភពលោកនៅកម្ពុជា។   

ការបន្តអនុវត្តកញ្ចប់ឥណទានរបស់ធនាគារពិភពលោកក្រោមវត្តមានរបស់ប្រធានគ្រប់គ្រងថ្មីនេះ គឺស្របតាមក្របខ័ណ្ឌ ភាព​ជាដៃគូ​របស់​ធនាគារពិភពលោក ការ​ធ្វើ​ពិពិធកម្ម​ និង​បង្កើន​ផលិតភាពក្នុងវិស័យកសិកម្មសម្រាប់ប្រទេសកម្ពុជាក្នុង​​ដំណាក់កាល​ឆ្នាំ ២០១៩–២០២៣ ដោយផ្តោត​សំខាន់​​ទៅលើ​ការបង្កើន​ភាពប្រសិទ្ធភាព​របស់​​វិស័យ​សាធារណៈ និង​លើក​កម្ពស់​​ការ​​អភិវឌ្ឍ​វិស័យឯកជន ការវិនិ​យោគ​លើធនធានមនុស្ស​ តាមរយៈកា​រពង្រីកលទ្ធភាពទទួលបាន​សេវា​អប់​រំ និង​សេវា​សុខាភិបាល​មាន​គុណ​ភាពសម្រាប់ក្មេងតូច ការ​លើកកម្ពស់​ការ​ប្រើ​ប្រាស់​​ធន​ធាន​ធម្ម​ជាតិ​ប្រក​ប​ដោយ​ចីរភាព និង​លើ​ការ​ពង្រឹង​អភិបាលកិច្ច ​ស្ថាប័ន និង​ការ​ចូលរួម​របស់​ពលរដ្ឋ។

លោកស្រី ម៉ារីយ៉ាម សាលីម ប្រធានគ្រប់គ្រងថ្មីរបស់ធនាគារពិភពលោកប្រចាំនៅកម្ពុជាបានថ្លែងក្នុងសេចក្តីប្រកាសថា លោកស្រី នឹងទទួលខុសត្រូវលើកិច្ចការរបស់ធនាគារពិភពលោកជាមួយរដ្ឋាភិបាល បូករួមនឹងកញ្ចប់គម្រោងនានាគិតជាទឹកប្រាក់សរុប១.១ប៊ីលានដុល្លារ ដែលភ្នាក់ងាររបស់រដ្ឋាភិបាលកំពុងអនុវត្ត​តាមរយៈជំនួយហិរញ្ញវត្ថុ និងបច្ចេកទេសពីធនាគារពិភពលោក។

លោកស្រី សាលីមបានមានប្រសាសន៍ថា៖

«ការកាន់តំណែងថ្មីរបស់ខ្ញុំនៅពេលនេះ គឺដើម្បីជួយប្រទេសកម្ពុជាគ្រប់គ្រង ពីផលប៉ះពាល់ដោយសារវិបត្តិការរាតត្បាតជំងឺ កូវីដ-១៩ និងរៀបចំស្តារសេដ្ឋកិច្ចកម្ពុជាឱ្យងើបឈរឡើងវិញ ប្រកបដោយភាពរឹងមាំ​ ក៏ដូចជាកសាងភាពធន់ទប់ទល់នូវហេតុការណ៍កន្ត្រាក់សរសៃឈាមសេដ្ឋកិច្ចកម្ពុជានៅពេលអនាគត»

បើតាមសេចក្តីប្រកាស គម្រោងទាំងនេះជាយន្តការអាទិភាព សម្រាប់អភិវឌ្ឍន៍របស់កម្ពុជា ក្រោមគោលបំណងកាត់បន្ថយអត្រាក្រីក្រ និងបង្កើនភាពរីកច្រើនដល់ផ្នែកការរស់នៅរបស់ប្រជាជនកម្ពុជា។ សូមបញ្ជាក់ថា កាលពីពាក់កណ្តាលខែមិថុនាកន្លងទៅ ធនាគារពិភពលោកក៏បានអនុម័តកញ្ចប់ឥណទានក្រោមទឹកប្រាក់ ២០០លានដុល្លារ របស់​សមាគម​អភិវឌ្ឍន៍អន្តរជាតិ (IDA) ដែលជាគម្រោងគោលនយោបាយហិរញ្ញប្បទាន ដើម្បីជួយសង្គ្រោះ និងការកសាងភាពធន់ទប់ទល់របស់កម្ពុជាក្នុងស្ថានភាពរីករាលត្បាតកូវីដ-១៩៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

អាជីវកម្មកែច្នៃភេសជ្ជៈទឹកអំពិលទុំផ្គត់ផ្គង់ទីផ្សារក្នុងស្រុក កំពុងមានតម្រូវការខ្ពស់

ជំនួញ, ព្រឹត្តិការណ៍

• 13/06/2024

សហគ្រាសទឹកអំពិលទុំស្នាដៃអ្នកម្តាយ TAPT ជាសហគ្រាសដែលកំពុងផលិតភេសជ្ជៈទឹកអំពិលទុំមានរសជាតិឆ្ងាញ់ និងកំពុងមានតម្រូវការទីផ្សារខ្ពស់

គិតត្រឹមត្រីមាសទី១ ឆ្នាំ២០២៤ ស្ថានភាពបំណុលសាធារណៈរបស់កម្ពុជា ស្ថិតក្នុងភាពអាចគ្រប់គ្រងបាន

ព្រឹត្តិការណ៍, ហិរញ្ញវត្ថុ

• 13/06/2024

ស្ថានភាពបំណុលសាធារណៈរបស់កម្ពុជា គិតត្រឹមត្រីមាសទី១ ឆ្នាំ២០២៤ នេះ នៅតែត្រូវបានវាយតម្លៃថា ស្ថិតក្នុងភាពអាចគ្រប់គ្រងបាន ពោលគឺនៅតែមាន “ចីរភាព” និង “ហានិភ័យកម្រិតទាប” ដដែល

ការជួបជុំធុរជនជិត ៥ពាន់នាក់មកពី ៥០ប្រទេសនៅសៀមរាប ផ្តល់ចំណូលដល់វិស័យទេសចរណ៍ និងសេដ្ឋកិច្ចកម្ពុជា

ព្រឹត្តិការណ៍, សេដ្ឋកិច្ច

• 13/06/2024

ការជួបជុំធុរជនជិត ៥ ពាន់នាក់មកពី ៥០ប្រទេស ទីក្រុងសៀមរាប ខេត្តសៀមរាប ផ្តល់ចំណូលដល់វិស័យទេសចរណ៍ និង សេដ្ឋកិច្ចកម្ពុជា

សម្ដេចធិបតី ៖ យើងមិនអាចរស់ដោយពឹងគេរហូតទេ ត្រូវតែពង្រឹងខ្លួនឯងឱ្យដើរចេញពីប្រទេសអភិវឌ្ឍន៍តិច

ព្រឹត្តិការណ៍, សេដ្ឋកិច្ច

• 13/06/2024

សម្រាប់កម្ពុជា គឺកំពុងតែរំកឹលខ្លួនបន្តិចម្ដងៗចេញពីប្រទេសដែលមានចំណូលមធ្យមកម្រិតទាប ទៅជាប្រទេសដែលមានចំណូលមធ្យមកម្រិតខ្ពស់ក្នុងរយៈពេល៥ឆ្នាំខាងមុខនេះ

មធ្យោបាយ​ធ្វើដំណើរ​ទៅកាន់បណ្ដាខេត្ត​ជាប់​សមុទ្រ​នឹង​កាន់តែសំបូរបែប​នាពេលឆាប់ៗនេះ ខណៈ​សក្ដានុពល​វិនិយោគ​ក៏​កាន់​តែ​ទាក់​ទាញ​​

ព្រឹត្តិការណ៍, អចលនទ្រព្យ

• 13/06/2024

តំបន់​សមុទ្រ​កាន់តែបង្ហាញពីសក្ដានុពល​ទាក់ទាញខ្លាំង ក្រោយសមិទ្ធផល​ និងគម្រោង​វិនិយោគ​របស់រដ្ឋ​ និងឯកជន​បានបង្ហាញ​ខ្លួន​ជា​បន្តបន្ទាប់

ប្រទេសសមាជិកអាស៊ានចំនួន ៦ មានកំណើនសេដ្ឋកិច្ចល្អប្រសើរ

ព្រឹត្តិការណ៍, សេដ្ឋកិច្ច

• 13/06/2024

យោងតាម​ការ​ព្យាករណ៍​របស់ Maybank Research Pte Ltd បានឲ្យដឹងថា ផលិតផលក្នុងស្រុកសរុបរបស់ប្រទេសអាស៊ានទាំង ៦ រួមមាន៖ ឥណ្ឌូណេស៊ី ម៉ាឡេស៊ី សិង្ហបុរី ថៃ វៀតណាម និងហ្វីលីពីន

ម៉ាឡេស៊ី ចំណាយលុយពង្រឹងវិស័យយោធាជើងទឹកតាមរយៈកុងត្រាសាងសង់នាវាចម្បាំងធុនធ្ងន់ថ្មីចំនួន៣គ្រឿង

ព្រឹត្តិការណ៍, អាជីវកម្មថ្មី និងនវានុវត្ត

• 13/06/2024

STM នឹងចាប់ផ្តើមសាងសង់នាវាចម្បាំងទាំង៣គ្រឿងនៅក្នុងឆ្នាំ២០២៤នេះហើយនឹងបញ្ចប់ការងារព្រមទាំងប្រគល់នាវាទៅឱ្យម៉ាឡេស៊ីក្នុងរយៈពេល៣ឆ្នាំកន្លះខាងមុខ

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

ព្រឹត្តិការណ៍, ហិរញ្ញវត្ថុ

• 13/06/2024

តំណាងធនាគារ មីក្រូហិរញ្ញវត្ថុ និងម្ចាស់អាជីវកម្មធុន មីក្រូ តូច និងមធ្យម ប្រមាណ ៣០០នាក់ នឹងមានវត្តមានក្នុងពិធីសម្ពោធកម្មវិធី «វិថីហិរញ្ញវត្ថុ រដូវកាលទី២»

កម្ពុជា-សហភាពអឺរ៉ុប ឯកភាពក្នុងការពង្រឹងទំនាក់ទំនងសេដ្ឋកិច្ច និងពាណិជ្ជកម្មបន្ថែម

ព្រឹត្តិការណ៍, សេដ្ឋកិច្ច

• 12/06/2024

កម្ពុជាបានយកចិត្តទុកដាក់ជាខ្លាំង ចំពោះការលើកកម្ពស់ទំនាក់ទំនងនិងកិច្ចសហប្រតិបត្តិការ ជាមួយសហភាពអឺរ៉ុប និងអរគុណសហភាពអឺរ៉ុបដែលបានជួយកម្ពុជាក្នុងការស្ដារប្រទេសជាតិឡើងវិញក្រោយវិបត្តិផ្សេងៗ ដូចជាការកសាងហេដ្ឋារចនាសម្ព័ន្ធ កសិកម្ម ធនធានមនុស្ស និងការបោសសម្អាតមីនជាដើម...

ដល់រដូវកាលហើយ ! សាវម៉ាវអូរសោម មានរសជាតិផ្អែមឆ្ងាញ់ និងកំពុងមមាញឹកប្រមូលផល

ជំនួញ, ព្រឹត្តិការណ៍

• 12/06/2024

សាវម៉ាវអូរសោម ជាប្រភេទសាវម៉ាវដែលមានរសជាតិឆ្ងាញ់ សាច់ស្រួយ កំពុងប្រមូលផលយ៉ាងមមាញឹក និងមានតម្រូវការទីផ្សារមិនចាញ់ប្រភេទសាវម៉ាវផ្សេងទៀតនោះទេ