រយៈពេល ៧ខែ ទំហំពាណិជ្ជកម្មតាមរយៈតំបន់សេដ្ឋកិច្ចពិសេសក្រុងព្រះសីហនុកើនបានជាង១០០០លានដុល្លារ

ភ្នំពេញ ៖ តាមរយៈស្ថិតិចុងក្រោយរបស់តំបន់សេដ្ឋកិច្ចពិសេសក្រុងព្រះសីហនុ SSEZ បានឱ្យដឹងថា នៅក្នុងរយៈពេល៧ខែកន្លងទៅនេះ ទំហំពាណិជ្ជកម្មកម្ពុជាទៅកាន់ទីផ្សារអន្តរជាតិតាមរយៈតំបន់សេដ្ឋកិច្ចពិសេសមួយនេះសម្រេចបានទំហំទឹកប្រាក់សរុបជាង ១០០០លានដុល្លារ ដែលជាសញ្ញាបង្ហាញថានៅតែ​បន្ត​កើន​ប្រមាណ​ជិត ៤៥ ​ភាគរយ​បើ​ធៀប​នឹង​រយៈពេល​ដូចគ្នាកាលពីឆ្នាំ​២០២០ ។

ទិន្នន័យ​របស់ SSEZ បានឱ្យដឹងថា​គិត​ចាប់តាំងពី​ខែមករា ដល់​ខែកក្កដា ឆ្នាំ​២០២១ បង្ហាញថា សហគ្រាស​ នៅ​តំបន់​សេដ្ឋកិច្ច​ពិសេស​ព្រះសីហនុ ​ទទួលបាន​បរិមាណ​នាំចូល និង​នាំចេញ​សរុប​ ១ ១៨៥ ​លាន​ដុល្លារ ដែលចំនួននេះមានការ​កើនឡើង ៤៤,៥១ ភាគរយ​បើ​ធៀប​នឹង​រយៈពេល​ដូចគ្នា​កាលពីឆ្នាំមុន​ ។

លោកឧកញ៉ា លឹម ហេង អនុប្រធាន​សភាពាណិជ្ជកម្មកម្ពុជាបានប្រាប់ AMS​​ ឱ្យ​ដឹង​​ថា ការនាំចេញ​របស់​កម្ពុជា​រហូតមក​ដល់ពេលនេះ​មិនមាន​ការថមថយ​នោះទេ បើទោះបីជា​ពិភពលោក​កំពុង​ជួប​វិបត្តិ​កូវីដ-១៩ ក៏ដោយ​ និងកំពុង​ធ្វើ​ពិពិធកម្ម​ទំនិញ​នាំចេញ​របស់ខ្លួន​​ទៅ​កាន់ទីផ្សារ​អន្តរជាតិ​ផងដែរ​។ ផ្អែកទៅលើកំណើននេះ គឺដោយសារនៅតំបន់សេដ្ឋកិច្ចពិសេសក្រុងព្រះសីហនុបច្ចុប្បន្ន មានអ្នកវិនិយោគច្រើន និងមានឧស្សហកម្មកែច្នៃច្រើន។ នេះ​ជា​មូលហេតុនាំឱ្យ​មាន​កំណើន​នេះ​​។

លោកឧកញ៉ា​បានបញ្ជាក់ថា ​​៖

«នៅ​តំបន់​សេដ្ឋកិច្ច​ ​សកម្មភាពមួយចំនួន​នាំចេញទៅកាន់សហរដ្ឋអាមេរិក ទៅបណ្តាប្រទេសអឺរ៉ុប និងទៅចិន មានការកើនឡើង ជារឿងមួយល្អដែលអាចទាក់ទាញវិនិយោគទុនបន្ថែមទៀត ហើយកំពង់ផែទឹកជ្រៅរបស់យើងក៏កំពុងតែអនុវត្តហើយដែរ។ ​នៅ​តំបន់​សេដ្ឋកិច្ច​ពិសេសការ​នាំចេញ និង​នាំចូល​ទំនិញ​ គឺដោយសារ​តែមាន​តម្រូវការ​ទីផ្សារ ដែលយើងមានវិស័យកាត់ដេរដូចជាសម្លៀកបំពាក់ ​គ្រឿង​បង្គុំ​អគ្គិសនី អេឡិចត្រូនិក កង់ និងសម្ភារធ្វើដំណើរ​ ដែលបានផលិតនាំចេញច្រើន ទោះបីជាផលិតផលកសិកម្មកែច្នៃនៅមានតិចតួចក៏ដោយ​»​

លោកឧកញ៉ា​បានបញ្ជាក់ទៀតថា​ នៅពេល​ដែលមាន​កំណើន​នាំចេញ ការនាំចូល​ផលិតផល​វត្ថុធាតុដើម​សម្រាប់​កែច្នៃ ​ក៏​នឹង​កើនឡើង​ទៅតាម​នេះដែរ​។ ដូច្នេះយើងក៏ព្រួយបារម្ភ ពីការនាំចូលវត្ថុធាតុដើមដូចជា ដែក ជាដើមសម្រាប់ការសាងសង់ ក្នុងប្រទេសរបស់យើង មានការឡើងថ្លៃ វាធ្វើឱ្យប៉ះពាល់នូវទំនិញនាំចូល  និងនាំឱ្យជំរុញនូវការបង្កើនថ្លៃដើមកាន់តែខ្ពស់ ដែលនាំឱ្យវាប៉ះពាល់ដល់ការនាំចេញផងដែរ។ សូមបញ្ជាក់ថា បច្ចុប្បន្ន នៅតំបន់​សេដ្ឋកិច្ច​ពិសេស​ក្រុងព្រះសីហនុ​មាន SSEZ ​ក្រុមហ៊ុន​កំពុង​វិនិយោគទាំងអស់មានចំនួន​ ១៦៥ ក្រុមហ៊ុន ដែលបាន​បង្កើត​ការងារ​បាន​ចំនួន​ ៣០ ០០០ ​កន្លែង​ដែលបាន​ផ្តោតលើ​វិស័យ​វាយនភណ្ឌ​កាត់ដេរ កាបូប ផលិតផល​ស្បែកជើង ផលិតផល​ពី​ឈើ ​គ្រឿង​ម៉ាស៊ីន សម្ភារ​សំណង់ គ្រឿងសង្ហារិម​គេហដ្ឋាន គ្រឿងបន្លាស់​រថយន្ត និង​សម្បក​កង់រថយន្ត កង់​និងសម្ភារធ្វើដំណើរជាដើម ​ដែលជា​ឧស្សាហកម្ម​ចម្បង​សម្រាប់​ការអភិវឌ្ឍ​៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក