ការធ្វើចំណាកស្រុកមានផលល្អសម្រាប់សេដ្ឋកិច្ចគ្រួសារ តែអាចប៉ះពាល់ដល់សេដ្ឋកិច្ចជាតិ

ភ្នំពេញ ៖ មានការលើកឡើងថា ចំនួនពលករចំណាកស្រុកប្រមាណជាង១លាននាក់ដែលចេញទៅបម្រើការងារនៅក្រៅប្រទេសទាំងស្របច្បាប់ និងមិនស្របកន្លងមកនេះ បានជួយទប់លំនឹងសេដ្ឋកិច្ចគ្រួសាររបស់ពួកគេឲ្យមានភាពនឹងនជាងមុន។ ប៉ុន្តែ យ៉ាងណាក៏ដោយ ការងារ​ចំណាក​ស្រុកមិន​អាច​ធ្វើ​ឱ្យ​ប្រជាជន​ក្លាយ​ជា​អ្នក​មាន​បាន​ឡើយ ហើយ​ក៏​មិន​អាច​ធ្វើ​ឱ្យ​ប្រទេស​បញ្ជូន​ពលករក្លាយ​ជា​ប្រទេស​អភិវឌ្ឍន៍​បាន​ដែរ ព្រោះ​ការចំណាក​ស្រុក​មិន​បាន​ជួយ​ពង្រឹង​មូលដ្ឋាន​សេដ្ឋកិច្ច និង​ឧស្សាហកម្ម​ក្នុង​ស្រុក​នោះ​ឡើយ។

អ្នកជំនាញសេដ្ឋកិច្ចបានលើកឡើងថា សម្រាប់ប្រទេសដែលបញ្ជូនពលករចំណាកស្រុកទៅបម្រើការងារនៅប្រទេសគេ សម្រាប់លទ្ធផលល្អនៃកំណើនម៉ាក្រូសេដ្ឋកិច្ចជាតិទាំងមូលហាក់មិនមាននោះទេ ផ្ទុយទៅវិញអាចមានផលផលប៉ះពាល់ ដោយសារលំហូរខ្លាំងនៃកម្លាំងពលកម្មទៅក្រៅស្រុក នាំឲ្យមានកង្វះខាតសម្រាប់កម្លាំងពលកម្មស្នូលនៅក្នុងស្រុក។

លោកបណ្ឌិត គី សេរីវឌ្ឍន៍ នាយកមជ្ឈមណ្ឌលសិក្សាស្រាវជ្រាវចិននៃរាជបណ្ឌិត្យសភាកម្ពុជាបានបកស្រាយលើបញ្ហាចំណាកស្រុករបស់ប្រជាជនកម្ពុជាថា កាលណាមានការចំណាកស្រុកកាន់តែច្រើននោះ កម្លាំងពលកម្មនៅក្នុងប្រទេសនឹងមានការថមថយ ដូច្នេះសេដ្ឋកិច្ចជាតិបាត់បង់កម្រិតចំណូលផ្ទាល់នៅក្នុងប្រទេស។ ផ្ទុយទៅវិញ កម្ពុជាបានចំណាយលើកម្លាំងពលកម្មក្នុងស្រុកបែបទ្រង់ទ្រាយមួយធំជាងការទទួលបានចំណូលពីក្រៅប្រទេស តាមរយៈការលក់នូវកម្លាំងពលកម្ម។ កម្ពុជាត្រូវចំណាយលើកម្លាំងពលកម្មជំនាញដែលជួលមកពីបរទេសក្នុងតម្លៃមួយថ្លៃជាមួយលក្ខខណ្ឌការងារច្រើន ស្របពេលដែលកម្លាំងស្នូលរបស់ខ្លួនហូរចេញទៅក្រៅអស់ដោយផ្តល់នូវផលចំណេញត្រឡប់មកដល់ជាតិវិញតិចតួចបំផុត។

លោកបណ្ឌិតបានគូសបញ្ជាក់ដែរថា ៖

«ពិតណាស់ដែលថា រំហូរនៃកម្លាំងពលកម្មដែលចេញទៅក្រៅប្រទេសគឺបានផ្ដល់ប្រយោជន៍ច្រើនដល់គ្រួសារ តែវាក៏បានធ្វើឲ្យបាត់បង់ប្រយោជន៍សម្រាប់ម៉ាក្រូសេដ្ឋកិច្ចជាតិទាំងមូលផងដែរ។ ក្នុងករណីនេះ បើសិនជាកម្ពុជាមានកម្លាំងស្នូលសម្រាប់ប្រើប្រាស់នៅក្នុងប្រទេសច្រើនជាងនេះ យើងនឹងមានផលចំណេញច្រើនពីការជួលបុគ្គលិកជំនាញដូចបច្ចុប្បន្ន»

លោកថា ការចេញទៅក្រៅប្រទេសរបស់ប្រជាជនក៏មិនបានផ្ដល់ផលប្រយោជន៍អ្វីច្រើនដល់ម៉ាក្រូសេដ្ឋកិច្ចជាតិដែរ ក្រៅពីផ្ដល់ចំណូលដល់គ្រួសារតាមរយៈប្រាក់បញ្ញើ ចំណែកឯការចំណាយផ្សេងៗប្រចាំថ្ងៃរបស់ពលករបានទៅជួយសេដ្ឋកិច្ចប្រទេសដែលពួកគេរស់នៅទៅវិញ ពោលគឺរំហូរទឹកប្រាក់មួយចំណែកធំត្រូវបានចំណាយនៅក្រៅប្រទេស។

ទន្ទឹមនឹងនោះ មុខរបរនៅក្នុងស្រុកក៏មានភាពលំបាកក្នុងការស្វែងរក ដោយសារតែប្រជាជនខ្លួន​ឯងមិនមានវិជ្ជាជីវៈ មិនមានជំនាញច្បាស់លាស់ បូករួមជាមួយតម្រូវការការងារក្នុងស្រុកខ្ពស់ជាងសមត្ថភាពប្រជាជនផង ម្ល៉ោះហើយការចំណាកស្រុកចេះតែមានការកើនឡើងដើម្បីបំពេញតម្រូវការក្រពះរបស់ពួកគេ។

លោកបណ្ឌិត គី សេរីវឌ្ឍន៍ បានបង្ហាញការយល់ឃើញទៅលើដំណោះស្រាយដោយស្នើឲ្យជំរុញភាគីពាក់ព័ន្ធមានគោលនយោបាយមួយច្បាស់លាស់ក្នុងការទប់ស្កាត់ចំណាកស្រុក ជំហានបន្ទាប់គឺបង្កើនការបណ្ដុះបណ្ដាលនៅក្នុងស្រុក ដើម្បីទាក់ទាញពួកគេមិនឲ្យទៅណា​ ក្រៅពីនេះត្រូវមានទំនាក់ទំនងល្អជាមួយបណ្ដាក្រុមហ៊ុននៅក្នុងស្រុកដើម្បីយល់ពីតម្រូវការ ក៏ដូចជាលក្ខខណ្ឌរើសបុគ្គលិករបស់ពួកគេ ចៀសវាងនូវការបណ្ដុះបណ្ដាលខុសគោលការណ៍ការងារ ដែលមិនអាចប្រើការបានដដែល។ ចំណែកឯប្រជាជនខ្លួនឯងក៏ត្រូវមានការខិតខំបង្កើតជំនាញការងាររបស់ខ្លួនឲ្យរឹងមាំ។ ធ្វើដូចនេះ ផលិតភាពការងារក្នុងស្រុកនឹងមានការកើនឡើងដែលអាចធ្វើឲ្យផលិតផលក្នុងស្រុកមានលំនឹង ព្រមទាំងអាចឈានទៅរកការប្រកួតប្រជែងជាមួយទីផ្សារនាំចូលបានផង៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ