ពីផ្លែដូងក្លាយជាគ្រឿងអលង្កា ចំណីអាហារ និងសម្ភារប្រើប្រាស់យ៉ាងសម្បូរបែប

តាកែវ ៖ ដូង ជាដំណាំហូបផ្លែមួយប្រភេទដែលមនុស្សទូទៅបានស្គាល់យ៉ាងច្បាស់ និងដឹងពីអត្ថប្រយោជន៍ក្រោយការទទួលទានទាំងទឹកដ៏ឆ្ងុយ ផ្អែមឆ្ងាញ់ពេលនៅខ្ចី លុះពេលទុំក៏នៅតែអាចប្រើជាប្រយោជន៍សម្រាប់វត្ថុធាតុដើមផ្សំជាគ្រឿងដាំស្លរ ធ្វើបង្អែមជាដើម ប៉ុន្តែមនុស្សភាគច្រើនទំនងជាមុនទាន់បានជ្រាបច្បាស់នោះទេថា គុណប្រយោជន៍នៃសំបកដូងទុំនៅមានច្រើនយ៉ាងទៀត រាប់ទាំងការប្រើប្រាស់សម្រាប់ដាំដុះ ការកែច្នៃធ្វើជាសម្ភារប្រើប្រាស់ប្រចាំថ្ងៃ គ្រឿងតាំងលម្អលំនៅដ្ឋាន គ្រឿងអលង្ការលម្អខ្លួនប្រាណ រួមទាំងស្បែកជើងយ៉ាងស្រស់ស្អាត និងមានគុណភាពល្អផងដែរ។

គ្រប់សម្ភារប្រើប្រាស់ និងបណ្តាផលិតផល គ្រឿងតាំងលម្អរ ក៏ដូចជាស្បែកជើងដូចដែលបានរតៀបរាប់ជូននៅខាងលើនេះ ត្រូវបានគេដឹងថា បច្ចុប្បន្នកំពុងត្រូវបានកែច្នៃ និងផលិតនៅក្នុងសិប្បកម្មតំបន់មួយកន្លែង មានឈ្មោះថា CoCo De Takeo Handicrafts ដែលមានទីតាំងស្ថិតនៅស្រុកត្រាំកក់ ខេត្តតាកែវ និងបានផ្តល់ឱកាសការងារជូនដល់ប្រជាពលរដ្ឋមួយចំនួនផងដែរ។

លោក សាត ភារម្យ ជាអ្នកគ្រប់គ្រងទូទៅនៃសិប្បកម្មដូងតាកែវ (CoCo De Takeo Handicrafts) បានប្រាប់ AMS ឲ្យដឹងថា លោកបានចាប់ផ្តើមអាជីព និងផលិតសម្ភារៈប្រើប្រាស់ រួមទាំងគ្រឿងតាំងលម្អដែលកែច្នៃចេញពីសំបកដូង និងត្រឡោកដូងនេះជាច្រើនឆ្នាំមកហើយ។ ម៉្យាងទៀត ក្រៅពីផលិតផលដែលច្នៃចេញពីសម្បកដូង និងត្រឡោកដូងនេះ លោកក៏បានផលិតចេញជាប្រភេទ សាប៊ូ ប្រេងដូង និងស្ករគ្រាប់ដូង ដែលកែច្នៃចេញពីសាច់ដូង រួមជាមួយនឹងផលិតផលស្មុគដែលធ្វើពីស្លឹកដូងផងដែរ ពោលគឺធ្វើយ៉ាងណាអាចឲ្យសង្វាក់ផលិតកម្មនៅក្នុងសិប្បកម្មមួយនេះ ប្រើឲ្យអស់លទ្ធភាពនៃធនធានដែលបានមកពីរុក្ខជាតិដូងតែម្ដង។

លោក សាត ភារម្យ បានមានប្រសាសន៍ថា ៖

«ផលិតផលដែលយើងបានផលិតទាំងនោះរួមមាន ផលិតផលកែច្នៃពីសាច់ដូង មានដូចជា ប្រេងដូង ស្ករគ្រាប់ដូង សាប៊ូដូង ឯត្រឡោកដូង យើងច្នៃជាគ្រឿងអលង្ការ សម្ភារប្រើប្រាស់ ហើយសំបកដូងយើងច្នៃធ្វើជាស្បែកជើង កម្រាលជូតជើង និងទ្រនាប់កែវជាដើម។ បន្ថែមលើនេះ ស្លឹកដូងក៏យើងច្នៃធ្វើជាស្មុគសម្រាប់វេចខ្ចប់ផលិតផល ហើយកម្ទេចសំបកដូងដែលសល់ពីការទាញយកសរសៃនោះត្រូវបានកែច្នៃជាជីកំប៉ុសទៀតផងដែរ»

លោកបន្តថា ៖

«ដោយឡែកវត្ថុធាតុដើម គឺផ្លែដូងនេះទៀតសោត យើងប្រើប្រាស់ដូងទុំ គឺប្រើតែដូងខ្មែរប៉ុណ្ណោះ ដែលបានពីការប្រមូលទិញដូងក្នុងស្រុករបស់ប្រជាជនក្នុងភូមិនៅខេត្តតាកែវ និងខេត្តកំពតជាដើម ដែលជាផ្នែកមួយជួយលើកកម្ពស់សេដ្ឋកិច្ចកសិករដែលមានដូងអាចដឹកមកលក់ឱ្យយើងបានផងដែរ។ ម្យ៉ាងវិញទៀត ដោយសារមើលឃើញពីសក្ដានុពលដំណាំដូងនៅខេត្តទាំងនេះ ទើបយើងបានព្យាយាមច្នៃឱ្យបានច្រើនមុខតាមដែលអាចធ្វើទៅបាន»

នេះជាអ្វីដែលលោក ភារម្យ បានបញ្ជាក់ប្រាប់។

ទាក់ទងទៅនឹងបច្ចេកទេស អ្នកគ្រប់គ្រងរូបនេះបានបង្ហើបថា គឺពួកគាត់ជួលគ្រូឱ្យមកបង្រៀនខ្លះ និងមានប្រជាជនដែលធ្លាប់បានរៀននៅសាលាបច្ចេកទេសខ្លះ ហើយខ្លះទៀតគឺគេស្រាវជ្រាវសាកល្បងដោយខ្លួនឯង។ តួយ៉ាងក្នុងការផលិតស្បែកជើងធ្វើពីសំបកដូង គេត្រូវចំណាយពេលយូរ និងច្រើនដំណាក់កាលដូចជា គេត្រូវបកសំបកដូងទុំ រួចយកសំបកដូងដែលពុះចេញពីផ្លែដូងនេះទៅកិន ហើយហូតយកសរសៃ និងវេញបញ្ចូលគ្នា។ បន្ទាប់មកគេត្បាញជាកម្រាលរួចកាត់ជាទម្រង់ស្បែកជើង ហើយដេរពុម្ពភ្ជាប់នឹងក្រមាអំបោះទើបរួចរាល់។

ដោយសារតែការផលិតមានច្រើនដំណាក់ និងប្រើរយៈពេលយូរបែបនេះហើយ ទើបធ្វើឱ្យតម្លៃស្បែកជើងធ្វើពីស្រកីដូងនេះមានតម្លៃរាងខ្ពស់បន្តិចគឺចាប់ពី 12ដុល្លារឡើងទៅដែលមានជាប្រភេទស្បែកជើងផ្ទាត់ ស្បែកជើងស៊ក និងអាចទទួលកម្ម៉ង់កាត់ម៉ូដតាមតម្រូវការអតិថិជនផងដែរ។ ចំពោះគុណភាពទៀតសោត ស្បែកជើងប្រភេទនេះគឺមានភាពធន មាំ មិនងាយដាច់ គ្រាន់តែវារឹង និងជកទឹកបន្តិចនៅពេលសើម។

អតិថិជនគោលដៅរបស់សិប្បកម្មមួយនេះ គឺផ្ដោតលើភ្ញៀវទេសចរ ដោយសារនៅតំបន់នោះគេបានបង្កើតជាអេកូទេសចរណ៍ដែលភ្ញៀវអាចទៅកម្សាន្ត និងមើលពីការផលិតនៅសិប្បកម្មបានទៀតផង។ ក្រៅពីនេះផលិតផលប្រេងដូង ក៏ដូចជាស្ករគ្រាប់ដូង ក៏មានដាក់លក់នៅសិប្បកម្ម ក៏ដូចជាហាងមួយទីតាំងទៀតស្ថិតនៅរាជធានីភ្នំពេញ ម្ដុំផ្សារឈូកមាស នៅក្បែរអាកាសយានដ្ឋានអន្តរជាតិ-ភ្នមពេញ រួមនឹងបណ្តាផ្សារទំនើបនានាផងដែរ។

លោក សាត ភាមរម្យ បានមានប្រសាសន៍បន្តឲ្យដឹងទៀតថា សិប្បកម្មដូងនេះ មានទម្រង់ជាសហគ្រិនសង្គម ដែលមានបុគ្គលិកជាង ៤០នាក់ និងបង្កើតឡើងក្នុងគោលបំណងបង្កើតការងារដល់ជនពិការ និងស្ត្រីដែលទទួលបានការអប់រំតិចតួចនៅតាមជនបទ ដើម្បីឱ្យពួកគាត់មានចំណូលសមរម្យសម្រាប់ចិញ្ចឹមជីវិត។ ចំពោះបុគ្គលិកពេញម៉ោងគេមានផ្ដល់ជាប្រាក់ខែ និងខ្លះទៀតមានផ្ដល់កន្លែងស្នាក់នៅ និងអាហារហូបចុកប្រចាំថ្ងៃ ហើយក៏មានការងារបន្ទាប់បន្សំផ្សេងទៀតសម្រាប់អ្នកធ្វើការក្រៅម៉ោងនៅតាមផ្ទះដែលខ្វះខាតផងដែរ។

គួរបញ្ជាក់ផងដែរថា ក្រៅពីសិប្បកម្មដូង គេក៏មានសិប្បកម្មតម្បាញសូត្រ និងអំបោះ ច្នៃជាប្រេងស្លឹកគ្រៃ ផលិតផលពីម្រុំ និងការច្នៃស្លឹកចេកធ្វើជាក្រដាសដែលសិប្បកម្មរបស់លោកកំពុងតែខិតខំស្រាវជ្រាវផលិតជាបន្តបន្ទាប់។ ស្ថិតក្នុងស្ថានភាពដ៏តឹងតែងនៃការរីករាលដាលនៃជំងឺកូវីដ-១៩ លោកបានលើកឡើងថា មានផលប៉ះពាល់ដល់ការលក់យ៉ាងខ្លាំង ដោយសារអតិថិជនគោលដៅរបស់លោកគឺជាភ្ញៀវទេសចរ។ បញ្ហាមួយទៀតគឺតម្លៃ ដោយសារវត្ថុធាតុដើមក្នុងស្រុកថ្លៃ ហើយវត្ថុធាតុដើមមួយចំនួនទៀតត្រូវការនាំចូលទើបធ្វើឱ្យតម្លៃផលិតផលខ្ពស់ ហើយប្រជាជនខ្មែរពុំសូវនិយមប្រើ។

នៅថ្ងៃខាងមុខ លោក ភារម្យ មានចក្ខុវិស័យចង់ពង្រីកការកែច្នៃកសិផលនៅក្នុងសហគមន៍ឱ្យបានច្រើន រួមជាមួយនឹងកសិទេសចរណ៍ដែលអាចទទួលភ្ញៀវទេសចរឱ្យមើលកន្លែងផលិត កសិដ្ឋាន សួនច្បារ មានអាហារដ្ឋាន មានបន្លែ និងការចិញ្ចឹមសត្វជាដើម។ ជាចុងក្រោយ អ្នកគ្រប់គ្រងរូបនេះសូមសំណូមពរឱ្យបងប្អូនប្រជាពលរដ្ឋខ្មែរជួយគាំទ្រផលិតផលក្នុងស្រុកដែលមានគុណភាពល្អមិនចាញ់ផលិតផលនាំចូល ពិសេសស្ថិតក្នុងស្ថានភាពនេះ ដែលអាចចូលរួមជួយដល់សហគមន៍ក្នុងស្រុក ក៏ដូចជាជួយសម្រាលបន្ទុកប្រជាពលរដ្ឋ និងជនពិការដែលអាស្រ័យផលជាមួយសិប្បកម្មដោយប្រយោលផងដែរ៕

កញ្ញា ម៉ាន់ ហ៊ុយលាង | Ms. Mann Huyleang

ជីវប្រវត្តិ: ជានិស្សិតនៃសាលកវិទ្យាល័យភូមិន្ទភ្នំពេញ ដេប៉ាតឺម៉ង់ប្រព័ន្ធផ្សព្វផ្សាយ និងសារគមនាគមន៍។ បច្ចុប្បន្ន ជាអ្នករាយការណ៍ព័ត៌មាននៅ AMS Economy ។

ទំនាក់ទំនងលេខទូរសព្ទ៖

023 22 02 02 ឬ 1800 200 200

ការប្រាក់ត្រឹមតែ

សម្រាប់ឆ្នាំទី១

ទំហំកម្ចីជាង២០.០០០ដុល្លារ

ទំនាក់ទំនងភ្ជាប់សេវាកម្ម៖

093 222 034 ឬ 088 222 0765

www.neocomisp.com NeocomISP Limited

ជ្រើសរើសយានយន្ដតាមតម្រូវការ !

សម្រាប់ព័ត៌មានបន្ថែម សូមទាក់ទង៖

089 555 409 ឬ 089 999 150

*លក្ខខណ្ឌផ្សេងៗត្រូវបានអនុវត្ត

ទំហំកម្ចីរហូតដល់

(ឬសមមូលប្រាក់រៀល)

របាយការណ៍ថ្មីៗ

មើលទាំងអស់ ➧

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន

បទយកការណ៍, អាជីវកម្មថ្មី និងនវានុវត្ត

• 16/10/2024

Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ

អាជីវកម្មយកសំបុកត្រចៀកកាំក្នុងស្រុកកំពុងមានទីផ្សារ

ជំនួញ, បទយកការណ៍

• 15/12/2023

គ្រាន់តែឮពាក្យថា សំបុកត្រចៀកកាំ ភាគច្រើនគេតែងតែគិតពីរសជាតិ និងគុណតម្លៃចំពោះសុខភាពដែលទទួលបានពីការទទួលទានភេសជ្ជៈ ឬអាហារដែលចម្រាញ់ចេញពីសំបុកត្រចៀកកាំ។

មុខរបរលក់ដំឡូងស្ងោរមួយកញ្ច្រែង តែអាចរកចំណូលបានជាង ៤០ ម៉ឺនរៀលក្នុងមួយថ្ងៃ

ជំនួញ, បទយកការណ៍

• 17/11/2023

និយាយពីរបរលក់ដំឡូងស្ងោរចល័តតាមដងផ្លូវក្នុងរាជធានីភ្នំពេញ គេមិនអាចមើលរំលងបាននោះទេនូវអាជីវករសកម្មនៅភូមិព្រែកពោធិ ដែលតែងតែជិះរថយន្តឈ្នួលឡើងមកលក់ដំឡូងស្ងោរពេលព្រឹក.....

អាជីវកម្មថ្មី ប្លែក យកក្រដាសលុយរៀលច្នៃជាបាច់ផ្កាគួរឱ្យទាក់ទាញ កំពុងទទួលបានការគាំទ្រខ្លាំង

ជំនួញ, បទយកការណ៍

• 20/10/2023

បាច់ផ្កា ជាវត្ថុអនុស្សាវរីយ៍ដែលគេនិយមទិញជូនគ្នានៅពេលមានកម្មវិធីអបអរ ឬក្នុងឱកាសពិសេសណាមួយ ដែលគេអាចប្រើបានទាំងបាច់ផ្កាធ្វើពីផ្កាស្រស់ ផ្កាជ័រ ឬច្នៃទៅតាមតម្រូវការរបស់អតិថិជន....

សិប្បកម្មកែច្នៃត្រីបឹងរំពេរ មានសមត្ថភាពកែច្នៃត្រីគ្រប់ប្រភេទ និងកំពុងជំរុញផលិតផលចូលទីផ្សារឱ្យបានច្រើន

ជំនួញ, បទយកការណ៍

• 15/09/2023

កំពង់ធំ ៖ សិប្បកម្មស្ត្រីកែច្នៃត្រីបឹងរំពេរ គឺជាសិប្បកម្មកែច្នៃត្រីមួយកន្លែងស្ថិតនៅភូមិចំបក់ ឃុំតាំងក្រសាំង ស្រុកសន្ទុក ខេត្តកំពង់ធំ បានប្រកាសថាខ្លួនមានសមត្ថភាពផលិតត្រីប្រកបដោយគុណភាព.....

ក្រូចឆ្មារសហគមន៍ពោធិ៍សាត់ កំពុងមានតម្រូវការខ្ពស់តាមរយៈការលក់របស់សហគមន៍

ជំនួញ, បទយកការណ៍

• 27/01/2023

ក្រូចឆ្មារ មានតម្រូវការទីផ្សារខ្ពស់ ទើបសហគមន៍មួយនៅខេត្តពោធិ៍សាត់បានប្រមូលផ្ដុំគ្នាដាំ និងចែកចាយក្រូចឆ្មារទៅកាន់អតិថិជនទូទាំងប្រទេស.....

អាជីវកម្មកំប៉ុសគោក ចំណេញទាំងបរិស្ថាន ល្អទាំងដំណាំ ថែមទាំងលើកស្ទួយជីវភាពប្រជាជនក្នុងសហគមន៍

ជំនួញ, បទយកការណ៍

• 25/01/2023

សហគមន៍មួយបានប្រមូលផ្ដុំគ្នាផលិតជីកំប៉ុសលក់ ក្នុងគោលបំណងកាត់បន្ថយកាកសំណល់ ច្នៃធ្វើជាជី និងអាចរកចំណូលបន្ថែមសម្រាប់សេដ្ឋកិច្ចគ្រួសារ.....

មុខរបរដាំត្រកួនលក្ខណៈគ្រួសារ ងាយស្រួល និងអាចដាំបានខួបប្រាំងខួបវស្សា

ជំនួញ, បទយកការណ៍

• 23/11/2022

ត្រកួន ជាដំណាំម្យ៉ាងដែលបងប្អូនយើងចូលចិត្តដាំ ដោយសារតែវាងាយស្រួលដាំ ងាយថែទាំ ឆាប់បានផល ពិសេសគឺជាអាហារដ៏មានប្រយោជន៍សម្រាប់សុខភាព ថែមទាំងមានទីផ្សារគួរសមផងដែរ

តើអាជីវកម្មទាំង ៥ ប្រភេទនេះ អាចនឹងមានទីផ្សារខ្លាំងទៀតទេ ក្រោយពេលកូវីដ១៩ ត្រូវបានបញ្ចប់?

បទយកការណ៍, អាជីវកម្មថ្មី និងនវានុវត្ត

• 14/10/2021

អាជីវកម្ម ៖ មកដល់ពេលនេះ អ្នកដឹកនាំអាជីវកម្មព្រមទាំងសហគ្រិនថ្មីៗភាគច្រើនកំពុងស្វែងរកយុទ្ធសាស្ត្រទប់ទល់នឹងការខាតបង់....

ព័ត៌មានទូទៅ

មើលទាំងអស់ ➧

តម្លៃប្រេងឡើងថ្លៃជិត ២% បន្ទាប់ពីមានការវាយប្រហារលើតំបន់ផ្ទុក Kurdistan របស់អ៊ីរ៉ាក់

ព្រឹត្តិការណ៍, សេដ្ឋកិច្ច

• 18/07/2025

តម្លៃប្រេងឆៅម៉ាក Brent ឡើងថ្លៃ ១,៤៦% ឬ ៦៩,៥២ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ១,៧៥% ឬ ៦៧,៥៤ ដុល្លារក្នុងមួយបារ៉ែល

កម្មវិធីបណ្តុះបណ្តាលមន្រ្តីកសិកម្មឃុំ និងកសិករបង្គោល បានបើកជាផ្លូវការ ស្តីពីផលិតកម្មស្វាយចន្ទី និងម្រេចប្រកបដោយចីរភាព

ព្រឹត្តិការណ៍, សេដ្ឋកិច្ច

• 18/07/2025

ក្រសួងកសិកម្ម រុក្ខាប្រមាញ់ និងនេសាទ (MAFF) បានបើកកម្មវិធីបណ្តុះបណ្តាលគ្រូបង្គោល (ToT) ជាផ្លូវការ ដែលផ្តោតសំខាន់លើការពង្រឹងសមត្ថភាពរបស់មន្ត្រីកសិកម្មឃុំ (CAOs) និងកសិករគំរូ មកពីខេត្តក្រចេះ និងកំពង់ធំ ដើម្បីលើកកម្ពស់ផលិតកម្មស្វាយចន្ទី និងម្រេច ដែលធន់នឹងអាកាសធាតុ

តម្លៃអង្ករនៅប្រទេសជប៉ុនបន្តឡើងថ្លៃជិត ១០០% និងកាន់តែបង្កើនសម្ពាធដល់លោកនាយករដ្ឋមន្ត្រី

ព្រឹត្តិការណ៍, សេដ្ឋកិច្ច

• 18/07/2025

ទិន្នន័យផ្លូវការបានបង្ហាញថា តម្លៃអង្ករបានឡើងថ្លៃដល់កម្រិតខ្ពស់បំផុត ៩៩,២% ក្នុងខែមិថុនាបើធៀបនឹងរយៈពេលដូចគ្នាកាលពីឆ្នាំមុន។ បញ្ហានេះកាន់តែបង្កើនសម្ពាធបន្ថែមទៀតទៅលើលោកនាយករដ្ឋមន្ត្រី Shigeru Ishiba មុនពេលការបោះឆ្នោតនៅចុងសប្តាហ៍នេះ

ផ្លូវជាតិលេខ៧៦ នឹងជួយភូមិភាគឦសានឱ្យកាន់តែរីកចម្រើនតាមរយៈការទាក់ទាញគម្រោងវិនិយោគថ្មីៗ

ព្រឹត្តិការណ៍, សេដ្ឋកិច្ច

• 18/07/2025

ផ្លូវជាតិលេខ៧៦ បានក្លាយជាមធ្យោបាយដ៏សំខាន់មួយសម្រាប់ឆ្លងកាត់ទៅភូមិភាគឦសាននៃប្រទេសកម្ពុជា និងបានចូលរួមក្នុងការជំរុញវិស័យទេសចរណ៍ និងការវិនិយោគទៅកាន់តំបន់នោះ

ទំហំពាណិជ្ជកម្ម កម្ពុជា-អាស៊ាន សម្រេចបានជាង ៨ពាន់លានដុល្លារ ក្នុងឆមាសទី១ ឆ្នាំ២០២៥

ព្រឹត្តិការណ៍, សេដ្ឋកិច្ច

• 18/07/2025

ទំហំពាណិជ្ជកម្មរវាងប្រទេសកម្ពុជា និងបណ្តាប្រទេសអាស៊ាន សម្រេចបានជាង ៨ពាន់លានដុល្លារអាម៉េរិក នៅក្នុងឆមាសទី១ នៃឆ្នាំ ២០២៥

បារាំង និងអ៊ីតាលី មិនគាំទ្រគំនិតរបស់ Trump រ៉ៃអង្គាសលុយសម្ព័ន្ធមិត្ត១០ពាន់លានដុល្លារដើម្បីទិញអាវុធពីអាម៉េរិកឲ្យអ៊ុយក្រែន

ព្រឹត្តិការណ៍, អាជីវកម្មថ្មី និងនវានុវត្ត

• 18/07/2025

ប្រទេសបារាំង និងប្រទេសអ៊ីតាលី បានប្រកាសហើយថានឹងមិនចូលរួមក្នុងការគាំទ្រគំនិតផ្តួចផ្តើមរបស់ប្រធានាធិបតីអាម៉េរិក លោក Donald Trump ក្នុងការបង្កើតមូលនិធិកញ្ចប់ថ្មីមួយទំហំប្រមាណ ១០ពាន់លានដុល្លារ សម្រាប់ចំណាយទៅលើការបញ្ជាទិញសព្វាវុធពីអាម៉េរិកឲ្យទៅប្រទេសអ៊ុយក្រែននោះឡើយ

ធនាគារ ជីប ម៉ុង បន្តជួយឱ្យប្រជាពលរដ្ឋខ្មែរ អាចសម្រេចបាននូវក្តីស្រមៃក្នុងការមានផ្ទះជាកម្មសិទ្ធិផ្ទាល់ខ្លួន ជាមួយបុរី ឡាក់ឃី វ័ន

ព្រឹត្តិការណ៍, អត្ថបទពាណិជ្ជកម្ម

• 18/07/2025

ធនាគារ ជីប ម៉ុង ដែលបង្កើតឡើងដោយកូនខ្មែរ១០០% និងបុរី ឡាក់គី វ័ន ដែលវិនិយោគវិស័យអចលនទ្រព្យជាង១០ឆ្នាំ បានចាប់ដៃគ្នាបង្កើតកិច្ចសហប្រតិបត្តិការភាពជាដៃគូហិរញ្ញប្បទានគេហដ្ឋាន តាមរយៈការផ្ដល់កម្ចីគេហដ្ឋាន

អ្នកជំនាញ ណែនាំឱ្យចេះសន្សំប្រាក់ដើម្បីត្រៀមបង្កាទុកដោះស្រាយបញ្ហាដែលអាចកើតមានជាយថាហេតុ

ព្រឹត្តិការណ៍, ហិរញ្ញវត្ថុ

• 18/07/2025

ប្រាក់សន្សំប្រៀបបីដូចជាកញ្ចប់បម្រុងសម្រាប់ការពារនូវហានិភ័យនានាដែលកើតឡើងជាយថាហេតុនាពេលអនាគតយ៉ាងដូច្នោះដែរ

កម្ពុជា ត្រូវការតំបន់សហគ្រាសធុនតូច និងមធ្យមពិសេសស ដើម្បីលើកកម្ពស់ការកែច្នៃវត្ថុធាតុដើមក្នុងស្រុក និងជំរុញការនាំចេញ

ជំនួញ, ព្រឹត្តិការណ៍

• 17/07/2025

អ្នកឧកញ៉ា លឹម ហេង បានមានប្រសាសន៍ថា ការបង្កើតតំបន់សហគ្រាសធុនតូច និងមធ្យមពិសេសសសម្រាប់ការកែច្នៃផលិតផលក្នុងស្រុកនឹងជួយជំរុញការអភិវឌ្ឍវិស័យនេះឱ្យកាន់តែប្រសើរ