សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ វិបត្តិកូវីដបានធ្វើឲ្យប៉ះពាល់ដល់វិស័យអចលនទ្រព្យពិភពលោកយ៉ាងធ្ងន់ធ្ងរ ប៉ុន្តែយោងតាមការវិភាគរបស់ក្រុមហ៊ុនប្រឹក្សាអចលនទ្រព្យ Knight Frank បានរកឃើញថា វិបត្តិមួយនេះបានជំរុញឲ្យកើនឡើងនូវតម្រូវការលំនៅដ្ឋានបែបប្រណិត និងកម្រិតអភិជនស្ទុះកើនឡើងយ៉ាងខ្លាំងនៅក្នុងទីផ្សាររួមទៅវិញ។
ជាក់ស្តែងនៅក្នុងរបាយការណ៍មួយដែលចេញដោយ World Property Journal សម្រាប់ឆ្នាំ២០២១នេះបានបង្ហាញវិស័យអចលនទ្រព្យប្រភេទលំនៅដ្ឋានកម្រិតអភិជន ឬ Prime Résident បានងើបឡើងវិញខ្លាំងជាងគេក្នុងចំណោមប្រភេទលំនៅដ្ឋានផ្សេងៗទៀត។
ក្នុងនោះតួលេខក្នុងបណ្តាទីក្រុងចំនួន៤៦អត្រាកំណើនលំនៅដ្ឋានបែបកម្រិតអភិជននេះបានកើនឡើងរហូតទៅដល់ ៨,២ភាគរយ គិតតែត្រឹមខែមិថុនាត្រីមាសទី២កន្លងទៅនេះ ធៀបទៅនឹងកំណើនដែលមានប្រមាណជា ៤,៦ភាគរយគិតត្រឹមខែមិនាដើមឆ្នាំ២០២១។
តាមរយៈការប្រៀបធៀបនៅក្នុងរបាយការណ៍នេះផងដែរបានរកឃើញថា តម្លៃភាគច្រើននៅតាមបណ្តាទីក្រុងធំទាំង១៥០នៃលំនៅដ្ឋានប្រភេទនេះបានកើនឡើងរហូតទៅដល់ ៧,៣ភាគរយជាមធ្យមសម្រាប់ពេលវេលាដូចគ្នានេះ។ មួយក្នុងចំណោមនោះ ទីក្រុង Toronto របស់ប្រទេសកាណាដាត្រូវបានគេមើលឃើញថា ជាអ្នកនាំមុខគេនៃការលក់ និងតម្លៃលំនៅដ្ឋានកម្រិតអភិជននេះ ខណៈដែលអត្រាតម្លៃកើនឡើងជាប្រចាំឆ្នាំគឺមានរហូតទៅដល់ ២៧ភាគរយ។
បន្ទាប់ពី Toronto អត្រាកំណើនតម្លៃលំនៅដ្ឋានប្រភេទនេះត្រូវបានគេមើលឃើញថា មានកើនឡើងនៅតាមទីក្រុងធំៗផ្សេងទៀតដូចជាសៀងហៃប្រមាណជា ២១ភាគរយ ទីក្រុង Guangzhou ប្រមាណជា២០ភាគរយ ទីក្រុងសេអ៊ូល២០ភាគរយ និងទីក្រុង Miami កើនឡើងប្រមាណជា១៩ភាគរយ។
បើទោះបីជាមិនស្ថិតនៅក្នុងតារាកំពូលក្តី សម្រាប់ទីក្រុង Longdon, New York, Paris និង Dubail ត្រូវបាន Knight Frank ព្យាករណ៍ទុកថា វានឹងអាចរំកិលខ្លួនឡើងចូលទៅក្នុងចំណាត់ថ្នាក់ទីក្រុងដែលមានកំណើនតម្លៃលំនៅដ្ឋានកម្រិតអភិជនខ្លាំងជាមិនខាននៅក្នុងត្រីមាសទី៣នេះ ដោយសារតែការរឹតត្បិតការធ្វើដំណើរនឹងត្រូវបានដកចេញជាបន្តបន្ទាប់ ហើយក្រុមអ្នកទិញអចលនទ្រព្យពីបរទេសក៏ចាប់ផ្តើមមានសកម្មភាពឡើងវិញផងដែរ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
តម្រូវការឃ្លាំងស្តុកទំនិញ និងរោងចក្រ រំពឹងមានកំណើនកាន់តែខ្ពស់ ខណៈការវិនិយោគលើឧស្សាហកម្មមានកាន់តែច្រើន
អ្នកអភិវឌ្ឍន៍អចលនទ្រព្យមើលឃើញថា ទីផ្សារខុនដូនៅកម្ពុជា មានភាពទូលាយជាងទីផ្សារលំនៅឋានក្នុងបុរី
Account
Security
Favourite Content