សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
បរទេស ៖ អាហ្គានីស្ថានត្រូវបានធ្លាក់ចូលជាផ្លូវការទៅក្នុងការគ្រប់គ្រងរបស់ក្រុងតាលីបង់អស់រយៈពេលជិត២សប្តាហ៍មកហើយបន្ទាប់ពីអាមេរិក និងកងទ័ពសម្ព័ន្ធមិត្តសម្រេចចិត្តដកខ្លួនចេញពីប្រទេសនេះ។
សេដ្ឋកិច្ចរបស់អាហ្គានីស្ថានត្រូវបានគេមើលឃើញថា បានដាំក្បាលចុះទាំងស្រុងក្រោយព្រឹត្តិការណ៍ផ្លាស់ប្ដូររបបគ្រប់គ្រងនេះ ខណៈដែលមន្ត្រីរដ្ឋ និងបុគ្គលិកឯកជនមិនព្រមត្រឡប់ចូលធ្វើការវិញ ហើយពលរដ្ឋជាច្រើនបានសម្រុកនាំគ្នាចាកចេញពីប្រទេសឲ្យបានមុនថ្ងៃដែលត្រូវបានកំណត់ដោយក្រុមតាលីបង់នាថ្ងៃទី៣១ខែសីហាខាងមុខនេះ។
តើសេដ្ឋកិច្ចរបស់អាហ្គានីស្ថានមានស្ថានភាពយ៉ាងណាមុនពេលដែលសម្ព័ន្ធមិត្តសម្រេចចិត្តចាកចេញ?
រូបិយបណ្ណវត្ថុរបស់អាហ្គានីស្ថានគឺ Afghani (AFN) ដែល១ដុល្លារអាមេរិកគឺស្មើនឹង ៨៦,៣០ AFN ហើយរយៈពេលជាងមួយទសវត្សរ៍ចុងក្រោយនេះដោយសារតែការត្រឡប់វិញនៃក្រុមអ្នកវិនិយោគជនជាតិបរទេសដ៏ច្រើនលើសលប់វាបាននាំឲ្យសេដ្ឋកិច្ចរបស់អាហ្គានីស្ថានទទួលបានភាពរឹងម៉ាំគួរឲ្យកត់សំគាល់ បូករួមជាមួយនឹងវិស័យកសិកម្មដ៏មានសក្តានុពល ព្រមទាំងការបើកទ្វារច្រកព្រំដែនសេដ្ឋកិច្ចជាមួយនឹងប្រទេសជិតខាងក៏ដូចជាក្នុងតំបន់ផងដែរ។
ការកើនឡើងនៃទំហំវិនិយោគដ៏ច្រើនបែបនេះត្រូវបានក្រុមអ្នកជំនាញមើលឃើញថា ដោយសារតែទំនុកចិត្តដ៏រឹងម៉ាំពីសំណាក់ក្រុមវិនិយោគិនបរទេសដែលពឹងផ្អែកទាំងស្រុងទៅលើសកម្មភាពពាក់ព័ន្ធរបស់អង្គការណាតូដែលតែងតែមាននៅក្នុងប្រទេសអាហ្គានីស្ថាន ជាពិសេស ចំពោះសកម្មភាពកសាងហេដ្ឋារចនាសម្ព័ន្ធជាតិឡើងវិញ។
ផលិតផលក្នុងស្រុកសរុបរបស់អាហ្គានីស្ថាន ដែលហៅថា GDP នៅពេលចុងក្រោយនេះមានរហូតទៅដល់ ៧០ពាន់លានដុល្លារធៀបទៅនឹងផលិតផលក្នុងស្រុកសរុបកាលពីឆ្នាំ២០១៧ មានប្រមាណជា២០ពាន់លានដុល្លារ ហើយផលិតផលក្នុងស្រុកសរុបនៅក្នុងទីក្រុង( GDP per capita) គឺមានប្រហែលជា២ ០០០ដុល្លារ ខណៈដែលទំហំនៃការនាំចូលរបស់ប្រទេសនេះមានទៅដល់ ៦ពាន់លានដុល្លារ ហើយការនាំចេញភាគច្រើនជាផ្លែឈើ និងធញ្ញជាតិគឺមានប្រមាណជា១ពាន់លានដុល្លារ។
យ៉ាងណាក៏ដោយ បើទោះបីជាប្រទេសដែលពោរពេញទៅដោយធនធានរ៉ែធម្មជាតិដ៏កម្រ និងមានតម្លៃដល់ទៅជាង១ទ្រីលានដុល្លារមួយនេះត្រូវបានញាំញីដោយបញ្ហានយោបាយក្តី ប៉ុន្តែអាហ្គានីស្ថាននៅតែជាប្រទេសដែលមានកម្រិតអភិវឌ្ឍតិចតួចបំផុតធៀបទៅនឹងបណ្តាប្រទេសនានាលើពិភពលោកដោយក្នុងនោះអត្រាអ្នកអត់មានការងារធ្វើក្នុងប្រទេសគឺមានរហូតទៅដល់២៣ភាគរយ ខណៈដែលពលរដ្ឋស្ទើរតែពាក់កណ្តាលប្រទេសរស់នៅក្នុងបន្ទាត់នៃភាពក្រីក្រ។ ពលរដ្ឋភាគច្រើនមិនមានការងារធ្វើដែលជាមនុស្សប្រុសគ្មានជម្រើសច្រើនឡើយក្រៅតែពីការចូលរួមជាមួយនឹងក្រុមសកម្មប្រយុទ្ធ ដែលគាំទ្រ និងឧបត្ថម្ភពីក្រោយដោយរដ្ឋាភិបាលបរទេស ហើយរដ្ឋាភិបាលនៃប្រទេសអាហ្គានីស្ថានគឺជារដ្ឋាភិបាលដែលត្រូវបានគេមើលឃើញថាតែងតែពឹងផ្អែកទាំងស្រុងទៅនឹងការស្វែងរកជំនួយ និងវិនិយោគពីប្រទេសដើម្បីតែការស្តារសេដ្ឋកិច្ចរបស់ខ្លួនប៉ុណ្ណោះ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
ព័ត៌មានទូទៅ
មើលទាំងអស់ ➧
អត្រាមានការងារធ្វើកើនឡើង, អត្រាការប្រាក់ធ្លាក់ចុះ, តម្លៃមាសកើនឡើង កំពុងជំរុញតម្លៃ Bitcoin កើនឡើង
ព្រឹត្តិការណ៍, អាជីវកម្មថ្មី និងនវានុវត្ត
• 08/10/2024
ទំហំទីផ្សារលុយគ្រីបតូបានទទួលកំណើនប្រមាណជា ២,៥៨ភាគរយ ធ្វើឲ្យទំហំសរុបនៅទូទាំងសកលលោកមានទៅដល់ ២,២១ទ្រីលានដុល្លារគិតត្រឹមថ្ងៃចន្ទដដែលនេះ
កម្មវិធីពិសេសរបស់ AMS ECONOMY
ព័ត៌មានសង្ខេប
Account
Security
Favourite Content