អ្នកជំនាញសេដ្ឋកិច្ច និយាយពីការហូរចេញនៃកម្លាំងពលកម្មល្អរបស់កម្ពុជា

ភ្នំពេញ ៖ ស្របពេលដែលកម្ពុជាកំពុងពង្រឹងកិច្ចការអភិវឌ្ឍពីមួយឆ្នាំទៅមួយឆ្នាំ ដែលបានបង្កើតឱកាសការងារក្នុងស្រុកជាបន្តបន្ទាប់នោះ ក៏មានប្រជាពលរដ្ឋមួយចំនួននៅតែមានទំនោរធ្វើចំណាកស្រុកទៅតាមបណ្ដាប្រទេសជិតខាងក្នុងគោលបំណងបង្កើនលទ្ធភាពក្នុងការស្វែងរកចំណូលដើម្បីផ្គត់ផ្គង់ជីវភាពគ្រួសារ។

អ្នកជំនាញសេដ្ឋកិច្ចប្រចាំរាជបណ្ឌិត្យសភាកម្ពុជា លោកបណ្ឌិត គី សេរីវឌ្ឍន៍ បានធ្វើការបកស្រាយពីភាពខុសគ្នារវាងឱកាសនៃការទទួលបានការងារនៅក្នុងស្រុក និងការចេញទៅបម្រើការងារជាពលករនៅក្រៅប្រទេស ដែលមានទាំងឱកាសទទួលបានចំណូលច្រើន និងភាពប្រឈមសុវត្ថិភាពដែលរស់នៅឆ្ងាយពីគ្រួសារ ហើយកត្តាទាំង២នេះក៏ជាដើមចមដែលប៉ះពាល់ដល់តម្លៃនៃផលិតផលក្នុងស្រុកផងដែរ។

លោកបណ្ឌិតបញ្ជាក់ថា ការធ្វើចំណាកស្រុកគឺជាការសម្រេចចិត្តដ៏សំខាន់មួយ ព្រោះបន្ទាប់ពីពួកគេសម្រេចចិត្តហើយ ពួកគេអាចនឹងត្រូវប្រឈមនឹងបញ្ហានានាជាយថាហេតុ ហើយពួកគេមិនអាចស្វែងរកជំនួយពីគ្រួសារ បងប្អូនដូចកាលដែលពួកគេនៅទីមាតុភូមិនោះទេ។ ដូច្នេះ ប្រសិនបើពលរដ្ឋណាម្នាក់បានសម្រេចចិត្តហើយ ពួកគេច្បាស់ជាសម្រេចជាមួយការប្ដេជ្ញាចិត្តខ្ពស់។

លោកថា ទង្វើបែបនេះជាញឹកញាប់នឹងធ្វើឲ្យលំហូរពលកម្មដែលមានផលិតភាពការងារល្អ​របស់កម្ពុជាហូរទៅកាន់ក្រៅ​ប្រទេសអស់ ហើយកម្លាំងពលកម្មកម្រិតទាបក្នុងស្រុក​ប្រឈម​ជាមួយ​​នឹងការកើនឡើងថ្លៃដើមនៃ​ផលិតផលក្នុងស្រុកដែលមិនអាចប្រកួតប្រជែងឈ្នះ​ជាមួយនឹង​ទំនិញនាំចូលពីក្រៅប្រទេសបាន។

លោកបណ្ឌិត គី សេរីវឌ្ឍន៍ បានបញ្ជាក់យ៉ាងដូច្នេះថា ៖

«កាលណាដែលកម្លាំងល្អទាំងនោះ​ហូរចេញទៅ​ក្រៅប្រទេសអស់ កម្លាំងដែលនៅ សល់ភាគច្រើនច្បាស់ជាកម្លាំងដែលមាន​ផលិតភាពទាប ហើយ​កាលណាក្នុងស្រុកមានផលិតភាព ពលកម្មទាប ដំណើរការនៃការផលិតក៏យឺត។ នៅខណៈ​ពេលដែលផលិតផលដែលមានតម្លៃ​ថោកហូរចូលមកកម្ពុជាច្រើន ឯផលិតផលក្នុងស្រុកដែល​ផលិតបានតិចតួច មានតម្លៃថ្លៃ ប្រជាជនច្បាស់ណាស់នឹងជ្រើសរើសយក​​ផលិតផលនាំចូល​ដោយមើលរំលងផលិតផលក្នុងស្រុកមិនខាន»

លោកថា នេះអាចជាផលអាក្រក់ជះមកលើសេដ្ឋកិច្ចកម្ពុជា នៅពេលដែលគោលនយោបាយ​ថ្នាក់ជាតិសម្រាប់ការគាំទ្រការបណ្ដុះបណ្ដាលវិជ្ជាជីវៈមិនមាន ធ្វើឲ្យលំហូរកម្លាំងពលកម្មចេះតែបន្តហូរចេញដោយគ្មានវិធានការទប់ស្កាត់។ ក្នុងករណីនេះ រដ្ឋត្រូវការគោលនយោបាយមួយដើម្បីទប់កម្លាំងពលកម្មល្អ ឬកម្លាំងជំនាញចាកចេញ៕  


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក