ឧកញ៉ា ឃាង ពុទ្ធី ៖ ការរាលដាលនៃជំងឺ Delta Variant អាចធ្វើឲ្យទីផ្សារអចលនទ្រព្យបន្តភាពមិនច្បាស់លាស់

ភ្នំពេញ ៖ ទើបតែបានមានភាពធូរស្រាលបន្តិចនៃចំនួនតួលេខអ្នកឆ្លងជំងឺកូវីដមកនៅត្រឹមជាង៤០០-៥០០ក្នុងមួយថ្ងៃមិនទាន់បានប៉ុន្មានផងនោះ ក្ដីបារម្ភថ្មីបានបន្តចូលមកដល់ ខណៈការរាលដាលនៃជំងឺកូវីដបំប្លែងខ្លួនថ្មីកំពុងរាតត្បាតនៅតាមបណ្តាប្រទេសជិតខាងមួយចំនួន និងឆ្លងមកដល់​កម្ពុជា ដែលអាចធ្វើឲ្យវិស័យអចលនទ្រព្យដុនដាបសាជាថ្មីនៅចុងឆ្នាំ២០២១នេះ។

ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា (CREA) លោកឧកញ៉ា ឃាង ពុទ្ធី បានលើកឡើងថា ទីផ្សារអចលនទ្រព្យកម្ពុជា​ដែលទើបតែ​មាន​កម្រើកបន្តិចចាប់តាំងពីដើមឆមាសទី២ ឆ្នាំ២០២១នេះ អាចនឹងបន្តជួបបញ្ហា និងវិបត្តិធ្ងន់ធ្ងរសាជាថ្មី ប្រសិនបើការទប់ស្កាត់ជំងឺកូវីដក្នុងសហគមន៍ដែលកំពុងកើត​មាន​នៅពេលបច្ចុប្បន្ន ជាពិសេសជំងឺដែលបំប្លែងខ្លួនថ្មី Delta រាតត្បាតនៅក្នុងប្រទេសជិតខាង ក៏ដូចជាឆ្លងចូលមកកម្ពុជាកាន់តែច្រើននោះ។

លោកឧកញ៉ា ឃាង​ ពុទ្ធី បានមានប្រសាសន៍ថា​ ៖

«វាមិនមែនជារឿងសាមញ្ញដែលមើលរំលងនោះទេចំពោះប្រភេទជំងឺកូវីដដែលបំប្លែងខ្លួនថ្មីនេះ ព្រោះ​បច្ចុប្បន្ន​កំពុ​ង​តែធ្វើឲ្យប្រទេសជិតខាងយើងមួយចំនួនមានបញ្ហាប្រឈម និងក្ដីបារម្ភជាខ្លាំងរហូតប្រកាសអាសន្ននៅក្នុងតំបន់មួយចំនួន ជាក់ស្ដែងដូចជា​នៅក្នុងទីក្រុងបាងកកប្រទេសថៃ នៅក្រុងហូជីម៉ិញប្រទេសវៀតណាមជាដើម»

លោកឧកញ៉ាបន្តថា ទីផ្សារអចលនទ្រព្យនៅកម្ពុជាអាចនឹងប្រឈមនឹងវិបត្តិសាជាថ្មី ហើយរឹតតែធ្ងន់ធ្ងរជាងមុនទៅទៀតប្រសិនបើជំងឺនេះ​បានបន្តឆ្លងចូល​មកដល់កម្ពុជា។ ដូច្នេះ អ្វីដែលយើងទាំងអស់ត្រូវធ្វើនៅពេលនេះ គឺទាំងប្រជាពលរដ្ឋ ទាំងបណ្តាអ្នកវិនិយោគនៅក្នុងវិស័យអចលនទ្រព្យ​ទាំងអស់​ត្រូវ​យកចិត្តទុកដាក់ខ្ពស់ទៅលើការចូលរួមទប់ស្កាត់ជំងឺជាមួយរាជរដ្ឋាភិបាលកម្ពុជាទាំងអស់គ្នា។ ពេលនេះយើងបានចាក់វ៉ាក់សាំងជាង៩លាននាក់រួចមែន ប៉ុន្តែអត្រាប្រឈមគ្រោះថ្នាក់នៅតែស្ថិតក្នុងកម្រិតខ្ពស់ ខណៈដែលក្រសួងសុខាភិបាលបានប្រកាសពីក្ដីព្រួយបារម្ភរួចហើយ។

ប្រធានក្រុមប្រឹក្សាភិបាលសមាគមអ្នកជំនាញអចលនទ្រព្យកម្ពុជា លោកឧកញ៉ា ឃាង ពុទ្ធី បានមានប្រសាសន៍បន្តថា ៖

«ក្នុងកាលៈទេសៈនេះ បើចង់​ស្រោចស្រង់ និងពង្រឹងទីផ្សារអចលនទ្រព្យកម្ពុជាឲ្យរឹងមាំឡើងវិញបាន គឺមានតែការចូលរួមទប់ស្កាត់បញ្ហាឆ្លងរាតដាលជំងឺកូវីដទាំងអស់គ្នា នៅពេល​ដែល​ក្នុង​ប្រទេស​កម្ពុជាទាំងមូលមានសុវត្ថិភាព ទោះជាមិនទាន់មានវិនិយោគិនអន្តរជាតិចូលមក ក៏មានអ្នកអភិវឌ្ឍន៍ក្នុងស្រុកចាប់ផ្តើមមានសកម្មភាព​ឡើងវិញដែរ ប៉ុន្តែបើបញ្ហាឆ្លងនៅតែបន្ត នោះសកម្មភាពវិនិយោគ និងអភិវឌ្ឍន៍នានានឹងជាប់គាំងជាក់ជាមិនខាន»

ជាមួយនឹងការបង្ហាញពីក្ដីបារម្ភខាងលើនេះ លោកឧកញ៉ា ឃាង ពុទ្ធី ក៏បានទទូចសុំឲ្យមានការចូលរួមទាំងអស់គ្នា ទាំងប្រជាពលរដ្ឋ ទាំងបណ្តាអ្ន​​ក​វិនិយោគ ក៏ដូចជាក្រុមហ៊ុនដែលជាអ្នកអភិវឌ្ឍន៍នៅទូទាំងប្រទេស ត្រូវតែចូលរួមជាមួយរាជរដ្ឋាភិបាលកម្ពុជាទាំងអស់គ្នា ដើម្បីអាចទប់ស្កាត់ការឆ្លងរាល​ដាល​នៃជំងឺដ៏កាចសាហាចមួយនេះបាននៅកម្ពុជា។ សូមចូលរួមអនុវត្តទាំងអស់គ្នានូវវិធានការរបស់ក្រសួងសុខាភិបាល ជាពិសេសប្រកាន់ខ្ជាប់នូវអនុវត្ត ៣កុំ ៣ការពារ ជាដាច់ខាត៕ 


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សម្ដេចតេជោ ហ៊ុន សែន ស្នើជប៉ុន​បង្កើន​ការ​វិនិយោគ​បន្ថែម​នៅ​កម្ពុជា​ ដើម្បីជំរុញកំណើនសេដ្ឋកិច្ច

ព្រឹត្តិការណ៍, សេដ្ឋកិច្ច

• 17/07/2024

សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា បានស្នើឱ្យជប៉ុនបង្កើនការវិនិយោ​គ​​បន្ថែមទៀតនៅកម្ពុជា ដើម្បីជំរុញកំណើនសេដ្ឋកិច្ច

កម្ពុជាទទួលបានទេសចរជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ

ព្រឹត្តិការណ៍, សេដ្ឋកិច្ច

• 17/07/2024

កម្ពុជាទទួលបានទេសចរជាតិ និង អន្តរជាតិ ជាង៣៤ម៉ឺននាក់ ក្នុងរយៈពេល១សប្តាហ៍ចុងក្រោយ គិតចាប់ពីថ្ងៃទី ០៨ ដល់ថ្ងៃទី ១៤ ខែកក្កដា ឆ្នាំ២០២៤

IMF បង្កើនការព្យាករណ៍កំណើន GDP របស់ចិន ខណៈកំណើនសេដ្ឋកិច្ចរបស់សហរដ្ឋអាមេរិកធ្លាក់ចុះ

ព្រឹត្តិការណ៍, សេដ្ឋកិច្ច

• 17/07/2024

IMF បានបង្កើនការព្យាករណ៍កំណើនផលិតផលក្នុងស្រុកសរុប​ (GDP) របស់ចិនសម្រាប់ឆ្នាំនេះ ខណៈដែលព្យាករណ៍ពីកំណើនសេដ្ឋកិច្ចរបស់សហរដ្ឋអាមេរិកអាចធ្លាក់ចុះនៅឆ្នាំក្រោយ

ADB ៖ ឆ្នាំ២០២៤ កំណើនសេដ្ឋកិច្ចប្រទេសកំពុងអភិវឌ្ឍនៅអាស៊ី និងប៉ាស៊ីហ្វិកកើនដល់ ៥%

ព្រឹត្តិការណ៍, សេដ្ឋកិច្ច

• 17/07/2024

ADB ព្យាករថាឆ្នាំ ២០២៤ កំណើនសេដ្ឋកិច្ចនៃ ប្រទេសកំពុងអភិវឌ្ឍនៅអាស៊ី និង ប៉ាស៊ីហ្វិកនឹងកើនដល់៥% ដែលការព្យាករលើកមុនតែ ៤.៩ ភាគរយ

រដ្ឋាភិបាលចេញ​ប្រកាសលើកទឹកចិត្តផ្នែកពន្ធដារសម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ព្រឹត្តិការណ៍, សេដ្ឋកិច្ច

• 17/07/2024

រាជរដ្ឋាភិបាល​ តាមរយៈក្រសួងសេដ្ឋកិច្ច និងហិរញ្ញវត្ថុ បានចេញប្រកាសស្ដីពី ការណែនាំអនុវត្តអនុក្រឹត្យស្ដីពីការលើកទឹកចិត្តផ្នែកពន្ធដារ សម្រាប់ការអភិវឌ្ឍសេដ្ឋកិច្ចក្រៅប្រព័ន្ធ

ប្រធានសហគមន៍ជីផាត ៖ ភ្ញៀវក្នុងស្រុកមានទំនោរទៅទស្សនាតំបន់ធម្មជាតិច្រើនជាងឆ្នាំមុន

ព្រឹត្តិការណ៍, សេដ្ឋកិច្ច

• 17/07/2024

សហគមន៍អេកូទេសចរណ៍ជីផាត ជាសហគមន៍ចំណាស់មួយ ដែលត្រូវបានបង្កើតឡើងតាំងតែពីឆ្នាំ២០០៧ នៅក្នុងស្រុកថ្មបាំងខេត្តកោះកុង

អាល្លឺម៉ង់ គ្រោងកាត់ផ្ដាច់ក្រុមហ៊ុនចិន Huawei ចេញពីបណ្តាញ 5G របស់ខ្លួន

ព្រឹត្តិការណ៍, សេដ្ឋកិច្ច

• 17/07/2024

នៅក្រោមកិច្ចព្រមព្រៀងនេះ គ្រឿងបន្លាស់ដែលផលិតដោយក្រុមហ៊ុន Huawei ដែលជាក្រុមហ៊ុនផលិតគ្រឿងបន្លាស់ 5G ឈានមុខគេរបស់ប្រទេសចិន នឹងត្រូវហាមឃាត់ពីហេដ្ឋារចនាសម្ព័ន្ធបណ្តាញស្នូលដែលរសើបរបស់អាល្លឺម៉ង់មុនចុងឆ្នាំ ២០២៦

៥ខែ ឆ្នាំ២០២៤ កម្ពុជា នាំចេញបង្កងប៉ាករស់ ២,៥តោន អន្ទង់០.២០តោន និងកំពិសបង្កកជាង៣៥តោនទៅទីផ្សារចិន

ព្រឹត្តិការណ៍, សេដ្ឋកិច្ច

• 16/07/2024

៥ខែនៃឆ្នាំ២០២៤ កម្ពុជាបាននាំចេញបង្កងប៉ាករស់ ២,៥តោន អន្ទង់០.២០តោន និង កំពិសបង្កកជាង​៣៥តោនទៅទីផ្សារប្រទេសចិន

ទីផ្សារហ៊ុននៅអាស៊ីកំពុងស្ថិតក្រោមស្រមោលនៃព្រឹត្តិការណ៍ប៉ុនប៉ងបាញ់សម្លាប់លោក Trump

ព្រឹត្តិការណ៍, សេដ្ឋកិច្ច

• 16/07/2024

គិតត្រឹមព្រឹកព្រលឹមថ្ងៃចន្ទសប្ដាហ៍នេះ សម្រាប់ទីផ្សារហ៊ុនរបស់លុយគ្រីបតូ Bitcoin បានហក់ឡើងទៅដល់ប្រមាណ ៦ម៉ឺនដុល្លារក្នុងមួយកាក់នៅក្នុងទីផ្សារលក់របស់សកល

សត្វចង្រៃ ដង្កូវ​ហ្វូង និង​រុយ​ស​ បំផ្លាញ​ស្រូវ​កសិករជាច្រើនហិកតា តែអាចគ្រប់គ្រងបាន

ព្រឹត្តិការណ៍, សេដ្ឋកិច្ច

• 16/07/2024

ឯកឧត្តម ងិន ឆាយ ប្រតិភូររាជរដ្ឋាភិបាលទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានបញ្ជាក់ឱ្យដឹងថា ការខូចខាតដំណាំស្រូវ​ដោយសារសត្វល្អិតចង្រៃអាចគ្រប់គ្រងបាន