ឧកញ៉ា នួន រិទ្ធី ៖ អ្នកអភិវឌ្ឍន៍ និងវិនិយោគវិស័យអចលនទ្រព្យកំពុងទទួលបានអ្វីដែលថ្មីពីកូវីដ

ភ្នំពេញ ៖ វិបត្តិសេដ្ឋកិច្ចដែលបណ្តាលមកពីជំងឺកូវីដ១៩ បានធ្វើឱ្យបណ្តាអ្នកវិនិយោគអភិវឌ្ឍន៍ក្នុងវិស័យអចលនទ្រព្យមួយចំនួនទទួលបាននូវចំណេះដឹង និងបទពិសោធន៍ថ្មីៗ ដោយអ្នកខ្លះអាចគេចផុតពីបញ្ហា ហើយថែមទាំងចេះឆក់យកឱកាសចំណេញត្រឡប់មកវិញថែមទៀតផង។

ប្រធានក្រុមប្រឹក្សាភិបាលក្រុមហ៊ុន KFA Group លោកឧកញ៉ា នួន រិទ្ធី បានប្រាប់ AMS ថា ពាក់ព័ន្ធនឹងស្ថានការណ៍កូវីដកាលពីពេលកន្លងទៅ ក៏ដូចជាបន្តដល់ពេលនេះ អ្នកវិនិយោគ និងអ្នកអភិវឌ្ឍន៍មួយចំនួនទទួលបានបទពិសោធន៍ច្រើនពាក់ព័ន្ធនឹងឱកាស និងហានិភ័យនៅចំពោះមុខ។

លោកឧកញ៉ាបានមានប្រសាសន៍ថា ៖

«មកទល់នឹងពេលនេះក្រុមហ៊ុនខ្ញុំចាប់យកឱកាសបានពីហានិភ័យក្នុងពេលសម័យកូវីដ គឺ៖ទី១- យើងចាប់ឱកាសបាននៅលើអចលនទ្រព្យ និងលក់ដូរបាន ហើយវាងាយស្រួលលក់។ ទី ២- ពាក់ព័ន្ធនឹងការប្រមូលទិញ គឺយើងបានឆក់ឱកាសទិញអចលនទ្រព្យកន្លែងល្អៗបានច្រើន និងមានតម្លៃទាបជាងទីផ្សារ។ ទី៣- គឺយើងទទួលបានការទិញវត្ថុធាតុដើមបានធូរថ្លៃ»

លោកកឧកញ៉ាបានបញ្ជាក់ថា ការផ្តល់សេវាកម្មនៅពេលមានវិបត្តិក៏ជាឱកាស លើកលែងក្នុងលក្ខខណ្ឌមួយវានៅទ្រឹង ឬការកើតកលយុគក្នុងហេតុផលវិបត្តិនយោបាយ ឬកើតមានសង្គ្រាម។ តែក្នុងពេលកូវីដនេះ វាជាឱកាសទៅវិញសម្រាប់អ្នកធ្វើសេវាកម្ម ហើយក៏ស្ទើរតែគ្មានក្រុមហ៊ុនផ្តល់សេវាកម្មណាមួយមានបញ្ហានោះទេ គឺមានតែឱកាសក្នុងការកើនឡើង។

លោកឧកញ៉ា នួន រិទ្ធី បានបញ្ជាក់ទៀតថា ការរំពឹងទៅលើទីផ្សារក្រៅប្រទេសពេក ពេលមានកលយុគកើតឡើង អ្នកវិនិយោគបរទេសអត់បានមក ធ្វើឱ្យមានការរាំងស្ទះ។ ប៉ុន្តែសម្រាប់អ្នកផ្ដោតទៅលើមុខរបរ (សេវាកម្ម និងអចលនទ្រព្យ មិនផ្តោតលើទុនបរទេសពេក) មិនសូវមានបញ្ហានោះទេ។ ទីផ្សារអចលនទ្រព្យក្នុងស្រុក គឺនៅមានដំណើរការ នៅមានការប្រើប្រាស់ និងមានការផ្គត់ផ្គង់។

លោកឧកញ៉ាថា ៖

«សម្រាប់អ្នកវិនិយោគដែលរំពឹងទៅលើរំហូរពីខាងក្រៅពេកវាមានបញ្ហា ដូច្នេះចាប់ពីថ្ងៃនេះទៅអ្នកវិនិយោគត្រូវគិតទៅលើចំណុច២ គឺក្រៅស្រុកផង និងក្នុងស្រុកផង ព្រោះបើមិនដូច្នេះទេយើងនឹងជួបប្រទះបញ្ហាដូចទេសចរណ៍នៅខេត្តសៀមរាប ដែលពឹងផ្អែកទៅលើភ្ញៀវបរទេស ពេលមានបញ្ហា ភ្ញៀវអត់មក នោះធ្វើឱ្យមានផលប៉ះពាល់។ ប៉ុន្តែបើក្រឡេកមកវិញ គឺការរៀបចំឡើងវិញនូវទេសចរណ៍ធម្មជាតិ យើងអាចនឹងទទួលផលទាំងក្នុងស្រុក និងក្រៅប្រទេស ព្រោះយើងមានព្រៃព្រឹក្សា ជ្រលងដងអូរ ទឹកជ្រោះ ដែលត្រូវចេះកែច្នៃវា គិតគូរឡើងវិញ ក្នុងការទាក់ទាញទេសចរក្នុងស្រុក និងក្រៅស្រុកផងដែរ»

ពាក់ព័ន្ធទៅនឹងការប្រមើលមើលទៅលើទីផ្សាររួមនៃអចលនទ្រព្យក្នុងស្រុក លោកឧកញ៉ា នួន រិទ្ធី បានព្យាករណ៍ថាអាចនឹងងើបឡើងវិញល្អប្រសើរ ខណៈដែលនៅត្រឹមដំណាច់ឆ្នាំ២០២១ខាងមុខនេះ ចំនួននៃប្រជាជនដែលបានចាក់វ៉ាក់សាំង រាប់ចាប់តាំងពីក្មេងអាយុ១២ឆ្នាំឡើងទៅគឺមានចំនួនច្រើន អាចនិយាយបានថា ច្រើនជាងបណ្តាប្រទេសក្នុងតំបន់ ដូច្នេះ អត្រាឆ្លងជំងឺកូវីដ នឹងត្រូវបានកាត់បន្ថយ ភាពប្រឈមនឹងស្រាកស្រាន។ ដូច្នេះសម្រាប់ដីធ្លី និងវិស័យអចលនទ្រព្យ នឹងចាប់ដំណើរការទៅដោយការជឿជាក់ ព្រោះវិស័យនេះជាគោលដៅសំខាន់នៅក្នុងការទ្រទ្រង់កិច្ចការអភិវឌ្ឍន៍ប្រទេសជាតិ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សេដ្ឋកិច្ចថៃបែរជាមានសម្ពាធខ្លាំងដោយសាររោងចក្រចិន និងការនាំចូលទំនិញធូរថ្លៃរបស់ចិន

ព្រឹត្តិការណ៍, សេដ្ឋកិច្ច

• 15/07/2024

សេដ្ឋកិច្ចថៃ កំពុងទទួលរងសំពាធ បន្ទាប់ពីមានបើកដំណើរការរោងចក្រផលិតរថយន្តអគ្គិសនី និងការនាំចូលទំនិញធូរថ្លៃរបស់ចិន

ក្រុមហ៊ុន SUN WAH សម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ព្រឹត្តិការណ៍, សេដ្ឋកិច្ច

• 15/07/2024

ក្រុមហ៊ុន SUN WAH Cambodia បានសម្លឹងឃើញកាលានុវត្តភាពវិនិយោគថ្មីក្នុងវិស័យផ្គុំ និងដំឡើងយានយន្តអគ្គិសនីនៅកម្ពុជា

ការនាំចេញរបស់ចិនកើនឡើងក្នុងល្បឿនលឿន ៨,៦ ភាគរយ លើសពីការរំពឹងទុក

ព្រឹត្តិការណ៍, សេដ្ឋកិច្ច

• 15/07/2024

Financial Times បានលើកឡើងថា ការនាំចេញរបស់ប្រទេសចិនកើនឡើងក្នុងល្បឿនយ៉ាងលឿនបំផុតក្នុងរយៈពេលជាងមួយឆ្នាំចុងក្រោយនេះ បើទោះបីជាមានភាពតានតឹងកើនឡើងជាមួយអឺរ៉ុប និងសហរដ្ឋអាមេរិកក៏ដោយ

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក

យុទ្ធនាការ «ការទុកដាក់ និងការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតតាមដងវីថី និងទីសាធារណៈ

ព្រឹត្តិការណ៍, សេដ្ឋកិច្ច

• 11/07/2024

យុទ្ធនាការ «ការទុកដាក់ និង ការញែកសំរាម» នឹងជួយឱ្យប្រទេសកម្ពុជាទទួលបានភាពស្អាតនៅតាមដងវីថី និងទីសាធារណៈគ្មានសំរាម