បរទេស ៖ ក្រុមហ៊ុនផលិតរថយន្តដ៏ល្បីឈ្មោះរបស់ប្រទេសអាល្លឺម៉ង់ Porsche កាលពីចុងខែសីហាកន្លងទៅនេះ បានប្រកាសសម្រេចចិត្តក្នុងការរៀបចំធ្វើការសាងសង់រោងចក្រថ្មីមួយរបស់ខ្លួននៅក្នុងប្រទេសម៉ាឡេស៊ីដែលជារោងចក្រដំបូងគេបំផុតរបស់ខ្លួនដែលស្ថិតនៅក្រៅប្លុកអឺរ៉ុប។
ក្រុមហ៊ុនដែលមានមូលដ្ឋាននៅក្នុងទីក្រុង Stuttgart ប្រទេសអាល្លឺម៉ង់មួយនេះបានធ្វើការសហការជាមួយនឹងក្រុមហ៊ុនក្នុងស្រុករបស់ម៉ាឡេស៊ី Sime Darby គឺជាដៃគូព្រោះថា Sime Darby គឺជាក្រុមហ៊ុនដែលបាននាំចូលផ្តាច់មុខរថយន្ត Porsche នៅក្នុងទីផ្សារអាស៊ីនេះអស់រយៈពេលជាយូរមកហើយ។
យោងតាមការប្រកាសរបស់ Porsche បានបញ្ជាក់ថា វត្តមានរោងចក្ររបស់ខ្លួននៅក្នុងប្រទេសម៉ាឡេស៊ីលើកនេះគឺដើម្បីអាចមានឱកាសពង្រឹងទីផ្សាររបស់ខ្លួននៅក្នុងតំបន់អាស៊ីអាគ្នេយ៍ទាំងមូល ហើយតាមផែនការរោងចក្រថ្មីនេះនឹងធ្វើការផលិតរថយន្តប្រភេទ Sport និងសម្រាប់ទីផ្សារម៉ាឡេស៊ីដំបូងគេហើយដំណើរការនឹងអាចចាប់ផ្តើមធ្វើឡើងនាក្នុងឆ្នាំ២០២២ខាងមុខនេះ។
ទោះបីជា Porsche មិនបានធ្វើការអះអាងលំអិតអំពីការដំណើរការរោងចក្រដំបូងនៅម៉ាឡេស៊ីព្រមទាំងប្រភេទរថយន្តណាដែលនឹងត្រូវផលិតក្តី ប៉ុន្តែយោងតាមប្រភពក្នុងស្រុកដែលបានអះអាងប្រាប់ទៅកាន់វេបសាយ Investvine បានឲ្យដឹងថាម៉ូដែលកូនកាត់ Macan និង Cayenne គឺជាម៉ូដែលអទិភាពសម្រាប់បំពេញតាមតម្រូវការទីផ្សាររបស់តំបន់បច្ចុប្បន្ន។
នៅក្នុងសេចក្តីថ្លែងការណ៍កាលពីថ្ងៃទី៣០ ខែសីហាកន្លងនោះទៅផងដែរ Porsche ក៏បានប្រាប់ដែរថាក៏នឹងមានផែនការក្នុងការបង្កើតឲ្យមានមជ្ឈមណ្ឌលស្រាវជ្រាវ និងអភិវឌ្ឍមួយនៅក្នុងប្រទេសចិនផងដែរ ប៉ុន្តែមិនមែនជារោងចក្រផលិតនោះឡើយ។
គួរឲ្យដឹងដែរថា មកដល់បច្ចុប្បន្ន Porsche មានដំណើរការរោងចក្ររបស់ខ្លួនមួយចំនួននៅក្នុងទីក្រុងសំខាន់ក្នុងតំបន់អឺរ៉ុបដូចជានៅទីក្រុង Stuttgart ទីក្រុង Leipzig ប្រទេសអាល្លឺម៉ង់ទីក្រុង Bratislava ប្រទេសស្លូវ៉ាគី និងទីក្រុងក្នុងប្រទេសហ្វាំងឡង់៕
អ្នកសារព័ត៌មានអន្តរជាតិ
របាយការណ៍ថ្មីៗ
មើលទាំងអស់ ➧Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧ក្រុងវ៉ាស៊ិនតោន កំពុងរកវិធីបង្ខំឲ្យទីក្រុងហាណូយដកខ្លួនចេញឱ្យដាច់ពីផលិតផលបច្ចេកវិទ្យារបស់ចិននៅក្នុងវិស័យផលិតកម្ម
ព្រឹត្តិការណ៍, អាជីវកម្មថ្មី និងនវានុវត្ត
• 17/06/2025
រដ្ឋាភិបាលទីក្រុងវ៉ាស៊ិនតោនបានដាក់ចេញនូវគោលការណ៍ដំឡើងពន្ធថ្មីដ៏ខ្ពស់មួយដោយសង្ឃឹមថានឹងអាចជាលក្ខខណ្ឌក្នុងការចរចាជាមួយភាគីវៀតណាមឲ្យបញ្ចប់ ឬកាត់បន្ថយការប្រើប្រាស់ឧបករណ៍ និងគ្រឿងបង្គុំបច្ចេកវិទ្យាទាំងឡាយណាដែលផលិតនៅប្រទេសចិន
និន្នាការគាំទ្រផលិតផលខ្មែរ កំពុងកើនឡើងនៅទូទាំងប្រទេស
ព្រឹត្តិការណ៍, អត្ថបទពាណិជ្ជកម្ម
• 17/06/2025
និន្នាការគាំទ្រផលិតផលខ្មែរកំពុងមានសន្ទុះកើនឡើងនៅទូទាំងប្រទេស។ ចំណែកក្រុមហ៊ុន និងម្ចាស់អាជីវកម្ម ក៏កំពុងមានមោទនភាពក្នុងការខិតខំផលិតផលិតផលខ្មែរ បង្កើតការងារជូនប្រជាពលរដ្ឋខ្មែរ និងជួយប្រទេសជាតិ