ស្ត្រីវ័យក្មេងនៅកម្ពុជា នឹងទទួលបានចំណេះដឹង និងជំនាញគ្រប់គ្រងហិរញ្ញវត្ថុផ្ទាល់ខ្លួនពីកម្មវិធី YSEALI

ភ្នំពេញ៖ អ្នកដឹកនាំស្ត្រីវ័យក្មេងកម្ពុជាចំនួន ១០០ នាក់ នឹងទទួលបាននូវចំណេះដឹង និងជំនាញក្នុងការគ្រប់គ្រងហិរញ្ញវត្ថុផ្ទាល់ខ្លួនពីកម្មវិធីសិក្សាសម្រាប់ស្ត្រីក្នុងភាពជាមេដឹកនាំរបស់គម្រោងមេដឹកនាំយុវវ័យអាស៊ីអាគ្នេយ៍ (YSEALI) ដើម្បីធ្វើឱ្យជីវិតពួកគេកាន់តែមានភាពប្រសើរ។

កម្មវិធីសិក្សាសម្រាប់ស្ត្រីក្នុងភាពជាមេដឹកនាំរបស់គម្រោង YSEALI ដែលផ្តួចផ្តើមដោយបណ្តាញស្ត្រី YSEALI ប្រចាំប្រទេសក្នុងឆ្នាំ ២០២១ ឧបត្ថម្ភដោយស្ថាប័នបេសកកម្មអាមេរិកប្រចាំអាស៊ាន (US Mission to ASEAN) គាំទ្រដោយស្ថានទូតអាមេរិកប្រចាំនៅកម្ពុជា ស្ថាប័ន Wedu និង Rithipul ដែលជាក្រុមហ៊ុនអប់រំផ្នែកហិរញ្ញវត្ថុផ្ទាល់ខ្លួនដំបូងគេនៅកម្ពុជា នឹងរៀបចំសិក្ខាសាលាខ្នាតតូចសម្រាប់អ្នកដឹកនាំស្ត្រី ដោយផ្តល់សិក្ខាសាលាតាមអ៊ិនធឺណេតរយៈពេល ៣ ថ្ងៃកន្លះ នៅថ្ងៃទី ១០-១២ ខែកញ្ញា ឆ្នាំ២០២១ ស្តីពី «ហិរញ្ញវត្ថុផ្ទាល់ខ្លួន កាន់តែប្រសើរជីវិតកាន់តែប្រសើរ!» ដោយមានការចូលរួមពីតំណាងមកពីបេសកកម្មអាមេរិកប្រចាំអាស៊ាន និងពីស្ថានទូតអាមេរិកប្រចាំនៅកម្ពុជា។

ការអភិវឌ្ឍវិជ្ជាជីវៈត្រូវបានផ្តល់ជូនអ្នកដឹកនាំវ័យក្មេងមកពីគ្រប់មជ្ឈដ្ឋាន និងគ្រប់វិស័យ ដែលចង់ធ្វើឱ្យមានឥទ្ធិពលធំជាងមុននៅក្នុងសហគមន៍របស់ពួកគេ។ គោលបំណងនៃព្រឹត្តិការណ៍នេះ គឺដើម្បីផ្តល់សិទ្ធិអំណាច និងអប់រំស្ត្រីវ័យក្មេងអំពីការគ្រប់គ្រងហិរញ្ញវត្ថុ និងភ្ជាប់ទំនាក់ទំនងពួកគេទៅវិញទៅមក ដើម្បីឱ្យពួកគេអាចរួមចំណែកយ៉ាងវិជ្ជមាននៅក្នុងសហគមន៍របស់ពួកគេក្នុងនាមជាអ្នកដឹកនាំ។ សិក្ខាសាលាខ្នាតតូចសម្រាប់អ្នកដឹកនាំស្ត្រីក៏នឹងអនុញ្ញាតឱ្យស្ត្រីចូលរួមជាមួយដៃគូនៅកម្ពុជា និងជាផ្នែកមួយនៃបណ្តាញស្ត្រី YSEALI។

លោក Paul Colombini មន្រ្តីសេដ្ឋកិច្ចនៃស្ថាប័នបេសកកម្មអាមេរិកប្រចាំអាស៊ានបានលើកឡើងថា ៖

«មេដឹកនាំវ័យក្មេងទាំងនេះកំពុងត្រួសត្រាយផ្លូវក្នុងការឆ្ពោះទៅរកការផ្លាស់ប្តូរ និងវឌ្ឍនភាពសម្រាប់តំបន់អាស៊ីអាគ្នេយ៍ ហើយយើងមានមោទនភាពដែលអាចជួយដល់យុវជននៅក្នុងតំបន់នេះ ដែលមិនត្រឹមតែចង់ឃើញការផ្លាស់ប្តូរកើតឡើងនោះទេ ប៉ុន្តែមានឆន្ទៈធ្វើការដើម្បីធ្វើឱ្យវាកើតឡើង»

តាមរយៈសិក្ខាសាលាពង្រឹងសមត្ថភាពនេះ អ្នកដឹកនាំស្ត្រីវ័យក្មេងកម្ពុជាចំនួន ១០០ នាក់ នឹងទទួលបាននូវចំណេះដឹង និងជំនាញក្នុងការគ្រប់គ្រងហិរញ្ញវត្ថុផ្ទាល់ខ្លួន ដើម្បីធ្វើឱ្យជីវិតកាន់តែមានភាពប្រសើរ។ អ្នកចូលរួមទាំងអស់នឹងក្លាយជាផ្នែកមួយនៃបណ្តាញស្ត្រី YSEALI កាន់តែទូលំទូលាយ បន្ទាប់ពីបញ្ចប់កម្មវិធីរបស់ពួកគេ ហើយនឹងក្លាយជាសមាជិកនៃបណ្តាញ YSEALI និងផ្តួចផ្តើមគម្រោងសម្រាប់ការអនុវត្តនាពេលអនាគត។ រហូតមកដល់បច្ចុប្បន្ននេះ ប្រទេសកម្ពុជាមានសមាជិក YSEALI ជាង ១២០០ នាក់ និងអតីតនិស្សិត YSEALI ប្រមាណ ៣០០ នាក់ និងស្ត្រី YSEALI ចំនួន ២៧ នាក់។ លោក Stephanie Arzate មន្ត្រីការទូតសាធារណៈស្ថានទូតអាមេរិកប្រចាំនៅកម្ពុជាបានថ្លែងថា ៖

«ចំណេះដឹងផ្នែកហិរញ្ញវត្ថុគឺជារឿងសំខាន់ ប៉ុន្តែជារឿយៗត្រូវបានមើលរំលងក្នុងភាពជាអ្នកដឹកនាំរបស់ស្ត្រី។ តាមរយៈការផ្តល់ឱ្យស្ត្រីនូវជំនាញហិរញ្ញវត្ថុផ្ទាល់ខ្លួនកាន់តែប្រសើរ YSEALI កំពុងផ្តល់អំណាចដល់ស្ត្រីក្នុងការសម្រេចចិត្តឯករាជ្យ ដែលផ្តល់ប្រយោជន៍ដល់ពួកគេ និងសហគមន៍របស់ពួកគេ»


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ