សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ភ្នំពេញ ៖ បញ្ហាកូវីដបានបន្តធ្វើឲ្យវិបត្តិសេដ្ឋកិច្ចជាសកលនៅតែកើតឡើងនៅឡើយ និងស្ទើរគ្រប់បណ្តាប្រទេសទាំងអស់រួមទាំងកម្ពុជាផងដែរ ដោយមានវិស័យជាច្រើនទទួលរងផលប៉ះពាល់ ខណៈដែលវិស័យអចលនទ្រព្យ ជាពិសេសផ្នែកទីផ្សារលំនៅដ្ឋាននៅតែបន្តមានប្រតិបត្តិការទិញលក់ ក៏ដូចជាសកម្មភាពសាងសង់បន្ថែមថ្មីផងដែរ។
មានការលើកឡើងផ្សេងគ្នាថា ការទិញលក់អចលនទ្រព្យក្នុងបរិបទកូវីដនេះហាក់ដូចជាមិនមែនជាពេលវេលាដ៏ល្អនៅឡើយ ខណៈដែលមនុស្សមួយចំនួនទៀតបានចាត់ទុកថា សម័យកាលកូវីដ គឺជាឱកាសល្អដើម្បីទទួលបានផលចំណេញទៅវិញ ជាពិសេសការវិនិយោគទៅលើទីផ្សារលំនៅដ្ឋានផ្ទាល់ខ្លួនតែម្ដង។
លោកឧកញ៉ា នួន រិទ្ធី ប្រធានក្រុមប្រឹក្សាភិបាលក្រុមហ៊ុន KFA Group ដែលជាអ្នកជំនាញក្នុងវិស័យអចលនទ្រព្យ និងជាអ្នកអភិវឌ្ឍន៍ផងដែរនោះបានមានប្រសាសន៍ប្រាប់ AMS ថា សម្រាប់អ្នកដែលមានបំណងចង់ទិញផ្ទះសម្រាប់តម្រូវការរស់នៅផ្ទាល់ខ្លួនជាក់ស្ដែង នៅក្នុងអំឡុងពេលនេះវាជាពេលវេលាដ៏សមស្រប និងជាឱកាសល្អ ពីព្រោះថាភាគច្រើននៃគម្រោងសាងសង់លំនៅដ្ឋាន ក្រុមហ៊ុនអភិវឌ្ឍន៍បានផ្តល់នូវកម្មវិធីលើកទឹកចិត្តជាច្រើនដល់អតិថជនគោលដៅរបស់ខ្លួន ដូចជាការផ្តល់ជូនកម្មសិទ្ធប្លង់រឹង សំភារៈប្រើប្រាស់ក្នុងផ្ទះ រួមជាមួយនឹងការបញ្ចុះតម្លៃផ្ទះ បន្ថែមពីលើការផ្តល់ជូននូវលក្ខខណ្ឌបង់ប្រាក់យ៉ាងងាយស្រួល។
លោកឧកញ៉ាបានបញ្ជាក់ថា ៖
«អ្នកដែលទិញផ្ទះសម្រាប់តម្រូវការស្នាក់នៅពិតប្រាកដ នៅក្នុងឱកាសនេះ គឺពួកគាត់នឹងទទួលបានអត្ថប្រយោជន៍ និងផលចំណេញច្រើន ដែលក្រៅពីការបន្ថែមជូនសំភារៈ ក៏ដូចជាគ្រឿងបរិក្ខាដែលបានបំពាក់ជូននៅក្នុងលំនៅដ្ឋាន ការទទួលបានលក្ខខណ្ឌបង់ប្រាក់ងាយៗនោះ អតិថិជនអាចទទួលបានតម្លៃក្រោមទីផ្សារមុនបរិបទកូវីដចន្លោះ ពី១៥ទៅ៣០ភាគរយ ដែលទាំងអស់នេះសុទ្ធតែជាផលចំណេញសម្រាប់ពួកគាត់ ហើយបើទោះជាគាត់ចង់លក់ចេញវិញក្រោយពេលចប់វិបត្តិកូវីដ តម្លៃផ្ទះក៏អាចឡើងថ្លៃជាងពេលគាត់ទិញយ៉ាងប្រាកដ»
ទោះជាយ៉ាងណាក្តី លោកឧកញ៉ា នួន រិទ្ធី បានព្រមានថា មុននឹងសម្រេចចិត្តទិញលំនៅដ្ឋាននៅក្នុងគម្រោងណាមួយអតិថិជនចាំបាច់ត្រូវតែធ្វើការសិក្សាឲ្យបានច្បាស់លាស់ទៅលើក្រុមហ៊ុនដែលជាអ្នកអភិវឌ្ឍន៍ និងសាងសង់ឲ្យបានច្បាស់លាស់ ពីព្រោះគម្រោងខ្លះអាចនៅមិនទាន់បានដោះស្រាយរួចរាល់នៅឡើយ ជាមួយនឹងម្ចាស់ដីដើម ដែលនឹងនាំឲ្យកើតមានជាបញ្ហា ឬរឿងក្តីអូសបន្លាយនាំឲ្យខាតបង់នៅថ្ងៃក្រោយ។
លោក ង៉ែត ជូ អ្នកជំនាញហិរញ្ញវត្ថុ និងវិនិយោគអចលនទ្រព្យ បានគាំទ្រទៅលើគោលបំណងនៃការទិញលំនៅដ្ឋានក្នុងបរិបទបច្ចុប្បន្ននេះ ប៉ុន្តែលោកបានផ្តល់ជាយោបល់ថា អតិថិជនដែលចង់ទិញទាំងអស់គួរតែគិតពិចារណាឲ្យបានគ្រប់ជ្រុងជ្រោយជាមុនទៅលើលទ្ធភាពនៃហិរញ្ញវត្ថុផ្ទាល់ខ្លួនផងដែរ ព្រោះថាក្នុងស្ថានភាពនៃវិបត្តិកូវីដនៅកម្ពុជាបច្ចុប្បន្ន នៅមិនទាន់មានភាពច្បាស់លាស់នៅឡើយ ហើយក៏មិនអាចសន្មត់បានថានឹងចប់ជាស្ថាពរនៅពេលណាដែរ។
អ្នកជំនាញរូបនេះបានបន្តថា សម្រាប់ការទិញអចលនទ្រព្យដោយការបង់រំលស់នៅពេលនេះ ទោះជាត្រូវបង់ជាមួយក្រុមហ៊ុនអភិវឌ្ឍន៍ដោយផ្ទាល់ ឬបង់ជាជាមួយនឹងធនាគារក៏ដោយ កម្រិតហានិភ័យគឺនៅតែមាន ប្រសិនបើអ្នកមិនមានលុយគ្រប់គ្រាន់នៅក្នុងដៃ មានស្ថិរភាពនៃចរន្តសាច់ប្រាក់ប្រចាំខែនោះទេ។ ដូច្នេះ អ្វីដែលត្រូវប្រាកដប្រជាបំផុតនោះ គឺប្រភពចំណូលមានបរិមាណស្ថិតស្ថេរល្អ៕
ធ្លាប់បំពេញការងារជាអ្នកបកប្រែអត្ថបទសារព័ត៌មានជាភាសាខ្មែរជាមួយនឹងស្ថាប័នព័ត៌មានមួយចំនួនរយៈពេល៧ឆ្នាំ។ បទពិសោធបកប្រែប្រភេទព័ត៌មានអន្តរជាតិនយោបាយសេដ្ឋកិច្ចនិងកីឡាផង។ បច្ចុប្បន្នកំពុងបំពេញការងារជាអ្នកបកប្រែអត្ថបទសារព័ត៌មានសេដ្ឋកិច្ចអន្តរជាតិឱ្យសារព័ត៌មាន AMS Economy.
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
យល់ដឹងពីច្បាប់ ៖ ហេតុអ្វីចាំបាច់ត្រូវធ្វើបណ្តាំមរតក ឬផ្ទេរសិទ្ធិកាន់កាប់អចលនទ្រព្យបន្តពីឪពុក-ម្ដាយ ទៅកូន ?
ប្រជាពលរដ្ឋចំនួន ៥៣ភូមិ ស្ថិតក្នុងភូមិសាស្ត្រ ក្រុងសៀមរាប និងស្រុកប្រាសាទបាគង ទទួលបានវិញ្ញាបនបត្រសម្គាល់ម្ចាស់អចលនវត្ថុពីរាជរដ្ឋាភិបាលកម្ពុជា
Account
Security
Favourite Content