រយៈពេល២ឆ្នាំខាងមុខ ការជួញដូរមូលបត្រនៅកម្ពុជារំពឹងថានឹងកើនឡើងដល់១លានដុល្លារក្នុង១ថ្ងៃ

ភ្នំពេញ៖ ទោះបីជាស្ថានភាពបច្ចុប្បន្ននៅលើពិភពលោកកំពុងជួបភាពមិនច្បាស់លាស់ដោយសារវិបត្តិកូវីដ១៩ ផ្សារមូលបត្រកម្ពុជានៅតែបន្តឆ្ពោះទៅមុនឥតឈប់ឈរ ខណៈសកម្មភាពជួញដូរមូលបត្រនៅលើទីផ្សារមូលបត្រនៅកម្ពុជារំពឹងថានឹងកើនឡើងដល់ ១ លានដុល្លារអាមេរិកក្នុង ១ ថ្ងៃ ក្នុងអំឡុងពេល ២ ឬ ៣ឆ្នាំខាងមុខ។

ឯកឧត្តម ហុង សុហួរ ប្រតិភូរាជរដ្ឋាភិបាលទទួលបន្ទុកជាអគ្គនាយកនៃផ្សារមូលបត្រកម្ពុជាបានថ្លែងក្នុងពិធីចុះបញ្ជីលក់សញ្ញាបណ្ណរបស់ ក្រុមហ៊ុន Telcotech នាចុងសប្តាហ៍កន្លងមកនេះថា គិតត្រឹមថ្ងៃចុះបញ្ជីនេះ ផ្សារមូលបត្រកម្ពុជាមានក្រុមហ៊ុនចុះបញ្ជីសរុបចំនួន ១៥ ដែលបានប្រមូលទុនពីទីផ្សារ មូលបត្រសរុបប្រមាណជាង ២៧៧ លានដុល្លារអាមេរិក។

ឯកឧត្តមបានថ្លែងបន្តថា ទោះបីជាស្ថានភាពបច្ចុប្បន្ននៅលើពិភពលោក មានសភាពមិនច្បាស់លាស់ តែផ្សារមូលបត្រនៅតែបន្តការងាររបស់ខ្លួន និងឆ្ពោះទៅមុនឥតឈប់ឈរដោយមានការគាំទ្រយ៉ាងពេញទំហឹងពីនិយ័តករមូលបត្រកម្ពុជា។

ឯកឧត្តមបានឱ្យដឹងទៀតថា ជាក់ស្តែងក្នុងសប្តាហ៍កន្លងមកនេះ ផ្សារមូលបត្រកម្ពុជាទទួលបានក្រុមហ៊ុនចុះបញ្ជីបានចំនួន ២ក្រុមហ៊ុន ហើយក្នុងពេលដំណាលគ្នានេះ ក៏មានក្រុមហ៊ុនមួយចំនួនទៀតកំពុងធ្វើការជាមួយក្រុមការងារបោះផ្សាយលក់មូលបត្រ រាប់ទាំងភាគហ៊ុន និងសញ្ញាបណ្ណ ដែលយើងរំពឹងថា នឹងមានក្រុមហ៊ុនស្នើសុំចុះបញ្ជីនៅផ្សារមូលបត្រជាបន្តបន្ទាប់ទៀតនៅក្នុងឆ្នាំ២០២១នេះ។

ឯកឧត្តមបានថ្លែងដូច្នេះថា ៖

«បន្ថែមពីនេះ សកម្មភាពជួញដូរមូលបត្រនៅលើទីផ្សារ ក៏បានកើនឡើងគួរឱ្យកត់សម្គាល់ ពោលទំហំជួញដូរជាមធ្យមក្នុង១ថ្ងៃក្នុងរយៈពេល៨ខែដំបូងនៃឆ្នាំ២០២១ មានរហូតដល់ប្រមាណ ២២០ ០០០ដុល្លារអាមេរិក ដែលក្នុងឆ្នាំ២០១៧ មានប្រមាណតែ ១០ ០០០ដុល្លារអាមេរិក ឆ្នាំ២០១៨មានប្រមាណតែ ២០ ០០០ដុល្លារ អាមេរិកប៉ុណ្ណោះ ហើយផ្សារមូលបត្ររំពឹងថាទំហំជួញដូរនេះ នឹងកើនឡើងដល់ ១ លានដុល្លារអាមេរិកក្នុង ១ថ្ងៃ ក្នុងអំឡុងពេល ២ ឬ ៣ឆ្នាំខាងមុខ»

សូមបញ្ជាក់ថា ក្រុមហ៊ុនផ្សារមូលបត្រកម្ពុជាគឺជាប្រតិបត្តិករទីផ្សារតែមួយគត់ក្នុងព្រះរាជាណាចក្រកម្ពុជា។ ក្រុមហ៊ុននេះ ត្រូវបានបង្កើតឡើងនៅឆ្នាំ២០១០ ដែលភាគហ៊ុន៥៥% កាន់កាប់ដោយក្រសួងសេដ្ឋកិច្ច និងហិរញ្ញវត្ថុ និង៤៥%ទៀតកាន់កាប់ដោយផ្សារមូលបត្រកូរ៉េ។ ផ្សារមូលបត្រកម្ពុជាទទួលបានអាជ្ញាបណ្ណពីគណៈកម្មការមូលបត្រកម្ពុជា ធ្វើជាប្រតិបត្តិករទីផ្សារមូលបត្រ ប្រតិបត្តិករទូទាត់ ផាត់ទាត់ និងប្រតិបត្តិកររក្សាទុកមូលបត្រ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

រម្លឹកឡើងវិញពីអត្ថប្រយោជន៍ដែលទទួលបានក្រោយក្លាយខ្លួនជាគំរូអាជីវកម្មបរិយាបន្ន

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

អាជីវកម្មបរិយាប័ន្ន គឺជាអាជីវកម្មឈរលើគោលការណ៍ធុរកិច្ច ដែលបង្កើតដំណោះស្រាយជាប្រព័ន្ធ មានភាពច្នៃប្រឌិត និងមានទ្រង់ទ្រាយធំ ដែលឆ្លើយតបទៅនឹងបញ្ហាប្រឈម ពាក់ព័ន្ធរបស់ប្រជាជនក្រីក្រ និងប្រជាជនមានចំណូលទាប

ក្រសួងពាណិជ្ជកម្មកម្ពុជា និងអង្គភាពកម្មសិទ្ធិបញ្ញាកូរ៉េ ពង្រឹងកិច្ចសហប្រតិបត្តិការកម្មសិទ្ធិបញ្ញារួមគ្នា

ព្រឹត្តិការណ៍, សេដ្ឋកិច្ច

• 17/05/2024

ក្រសួងពាណិជ្ជកម្មនៃព្រះរាជាណាចក្រកម្ពុជា និង អង្គភាពកម្មសិទ្ធិបញ្ញា នៃសាធារណរដ្ឋកូរ៉េ បានឯកភាពគ្នាសហការលើវិស័យកម្មសិទ្ធិបញ្ញា ។

KOTO ភោជនីយដ្ឋានដ៏ល្បីមួយនៅវៀតណាមមានជំនាញខាងបណ្តុះបណ្តាលសិស្ស-និស្សិតក្រីក្រ

ធុរកិច្ចបរិយាបន្ន, ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

KOTO បានក្លាយទៅជាអាជីវកម្មដែលមានម៉ូដេលលើសពីម្ហូបអាហារ ហើយវាថែមទាំងមានបង្កើតជាកម្មវិធីផ្តល់អាហារូបករណ៍ និងបទពិសោធជាក់ស្តែងដល់និស្សិតក្រីក្រទៀតផង

ក្រុមហ៊ុនសំណង់​កូរ៉េ​ដ៏ធំមួយចាប់ដៃជាមួយក្រុមហ៊ុនអភិវឌ្ឍន៍អចលនទ្រព្យនៅ​កម្ពុជា​ ស្វែងរក​​​​​​​​​​​​​​​​ឱកាស​វិនិយោគ​នៅកម្ពុជា

ព្រឹត្តិការណ៍, អចលនទ្រព្យ

• 17/05/2024

ក្រុមហ៊ុនអភិវឌ្ឍន៍​អចលនទ្រព្យ​នៅក្នុង​ប្រទេស​កម្ពុជាដ៏ធំមួយ បានចាប់ដៃ​ជាមួយកក្រុមហ៊ុន​សំណង់​និងវិស្វកម្ម​របស់កូរ៉េ​ ដើម្បីស្វែងរក​ការ​វិនិយោគ​​បន្ថែមនៅ​កម្ពុជា​

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

ព្រឹត្តិការណ៍, អាជីវកម្មថ្មី និងនវានុវត្ត

• 17/05/2024

កាលីហ្វ័រញ៉ាចំណាយ១០០លានដុល្លារក្នុងមួយឆ្នាំជួយពលរដ្ឋមានចំណូលទាបលើការប្រើប្រាស់ថាមពល

កំពង់ផែអន្តរជាតិកំពត តម្លៃ១៤០លានដុល្លារមានសមត្ថភាពខ្ពស់លើកដាក់ទំនិញចេញ-ចូលប្រមាណ ២០ម៉ឺន TEU

ព្រឹត្តិការណ៍, អចលនទ្រព្យ

• 17/05/2024

កំពង់ផែអន្តរជាតិកំពត ដែលសាងសង់ក្នុងទំហំទឹកប្រាក់១៤០លានដុល្លារអាម៉េរិកមានសមត្ថភាពខ្ពស់ក្នុងការលើកដាក់ទំនិញចេញ-ចូល ប្រមាណ ២០ម៉ឺន TEU ។

ក្រុមហ៊ុនចម្រាញ់ប្រេងអាស៊ីកំពុងចាប់អារម្មណ៍ប្រេងឆៅពីសហរដ្ឋអាម៉េរិក និងប្រេស៊ីល

ព្រឹត្តិការណ៍, សេដ្ឋកិច្ច

• 17/05/2024

តម្លៃប្រេងឆៅម៉ាក Brent ឡើងថ្លៃ ០,៦ ភាគរយ ឬ ៨៣,២៧ ដុល្លារក្នុងមួយបារ៉ែល ខណៈដែលតម្លៃប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៧៩,២៣ ដុល្លារក្នុងមួយបារ៉ែល

វេទិកាធុរកិច្ច កម្ពុជា-សាធារណរដ្ឋកូរ៉េ បញ្ជាក់ថាកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា

ព្រឹត្តិការណ៍, សេដ្ឋកិច្ច

• 17/05/2024

សាធារណរដ្ឋកូរ៉េ គឺជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ដែលមានទំហំពាណិជ្ជកម្មទ្វេភាគីសរុបប្រមាណ ៧៥១លានដុល្លារ

កិច្ចសហប្រតិបត្តិការទូទាត់ឆ្លងដែនតាមឃ្យូអរកូត កម្ពុជា-កូរ៉េ នឹងបម្រើប្រយោជន៍ដល់ប្រជាពលរដ្ឋ និងធុរជនរវាងប្រទេសទាំងពីរ

ព្រឹត្តិការណ៍, ហិរញ្ញវត្ថុ

• 17/05/2024

កម្ពុជា និងសាធារណរដ្ឋកូរ៉េ បានចុះហត្ថលេខាលើអនុស្សរណៈយោគយល់ទ្វេភាគីលើ កិច្ចសហប្រតិបត្តិការទូទាត់ឆ្លងដែនតាមឃ្យូអរកូត ដែលនឹងជួយសម្រួលដល់សកម្មភាពពាណិជ្ជកម្ម វិស័យទេសចរណ៍ លើកកម្ពស់ប្រតិបត្តិការទូទាត់ឆ្លងដែន ការផ្ទេរប្រាក់ និងការទូទាត់ប្រាក់ដោយប្រើរូបិយវត្ថុជាតិ និងជាប្រយោជន៍សម្រាប់ប្រជាពលរដ្ឋ និងធុរជនរបស់ប្រទេសទាំងពីរ។

ឧបនាយករដ្ឋមន្ត្រី ស៊ុន ចាន់ថុល ជួបក្រុមហ៊ុន ៩ នៅកូរ៉េ ដើម្បីទាក់ទាញការវិនិយោគ

ព្រឹត្តិការណ៍, សេដ្ឋកិច្ច

• 17/05/2024

ឯកឧត្តម ស៊ុន ចាន់ថុល បានជម្រាបជូនអំពីសក្ដានុពលនានារបស់កម្ពុជា ការចំហនៃច្បាប់វិនិយោគរបស់កម្ពុជា ដែលអនុញ្ញាតឱ្យវិនិយោគិនបរទេសមានសិទ្ធិជាម្ចាស់