ក្រុមហ៊ុនរុករករ៉ែមាសនៅខេត្តត្បូងឃ្មុំនឹងចាប់ផ្ដើមដំណើរការ បើមិនមានការប៉ះពាល់ដល់បរិស្ថាន

ភ្នំពេញ ៖ បន្ទាប់ពីបានដំណើរការរុករករ៉ែមាសនៅក្នុងតំបន់អូរខ្វាវនៃខេត្តមណ្ឌលគិរីកាលពីខែមិថុនាកន្លងទៅនោះរួចមក ក្រុមហ៊ុន Renaissance Minerals របស់អូស្ត្រាលីដដែលនេះទើបទទួលបានអាជ្ញាបណ្ណក្នុងការរុករករ៉ែនៅតំបន់មួយទៀតដែលស្ថិតក្នុងខេត្តត្បូងឃ្មុំ ដែលកំពុងសិក្សាពីផលប៉ះពាល់។

លោក អ៊ឹង ឌីប៉ូឡា អគ្គនាយករងនៃអគ្គនាយកដ្ឋានពន្ធដារកម្ពុជា បានប្រាប់ឲ្យដឹងថា ក្រុមហ៊ុនរុករករ៉ែមាសខាងលើនេះ បច្ចុប្បន្នគឺកំពុងតែដំណើរការលើលិខិតស្នាម បទដ្ឋានគតិយុទ្ធផ្សេងៗទៅតាមច្បាប់។ ជាការសំខាន់ទៀតនោះ ក្រុមហ៊ុនតម្រូវឲ្យទទួលបានការអនុញ្ញាតពីក្រសួងបរិស្ថានជាមុនសិនទើបអាចដំណើរប្រតិបត្តិការបានដោយមិនប៉ះពាល់បរិស្ថាន។

លោកបានបញ្ជាក់ថា ៖

« ក្នុងពេលនេះ ក្រុមហ៊ុនបានចុះទៅកាន់ទីតាំងដែនដីរុករករ៉ែមាសរបស់ខ្លួន ដោយមានក្រុមការងារមន្ត្រីក្រសួងបរិស្ថានផងដែរ ដើម្បីជួបប្រជុំពិភាក្សាជាមួយអាជ្ញាធរមូលដ្ឋាន ព្រមទាំងបានធ្វើការណែនាំខ្លួន ក៏ដូចជាផ្សព្វផ្សាយបន្ថែមផងដែរ»

ភាគីអាជ្ញាធរបានស្នើសុំទៅកាន់ក្រុមហ៊ុនឲ្យមានការយោគយល់ ដោយធ្វើយ៉ាងណាកុំឲ្យមានការប៉ះពាល់ដល់ប្រជាពលរដ្ឋដែលរស់នៅនិងអាស្រ័យផលជាមួយរ៉ែមាសជាលក្ខណៈគ្រួសារ។ ដោយឡែក ភាគីដំណាងក្រុមហ៊ុនវិញក៏សុំឲ្យមានការសហការសំដៅធ្វើយ៉ាងណាឲ្យដំណើរការរុករករ៉ែប្រព្រឹត្តទៅដោយរលូនដើម្បីប្រយោជន៍ទាំងសងខាង។

ប្រភពដដែលបានគូសបញ្ជាក់ដែរថា ក្រុមហ៊ុន Renaissance Minerals (Cambodia)​ Limited របស់ប្រទេសអូស្រ្តាលីនេះ បានទទួលអាជ្ញាបណ្ណរុករករ៉ែមាសកាលពីខែមករា ឆ្នាំ២០២១ ពីក្រសួងធនធានរ៉ែ និងថាមពលនៅលើទំហំផ្ទៃដីជាង៨០០គីឡូម៉ែត្រក្រឡា និងមានសុពលភាព៣ឆ្នាំ គឺរហូតដល់ខែមករា ឆ្នាំ២០២៤។

លោកបញ្ជាក់ថា ក្រៅពីចំណូលសារពើពន្ធ ការមកដាក់ទីតាំងការដ្ឋានរុករករ៉ែមាសនេះក៏បានផ្ដល់ផលប្រយោជន៍ជាច្រើនទៀតដល់ពលរដ្ឋក្នុងតំបន់ ដូចជាបានផ្ដល់ការងារដល់ប្រជាពលរដ្ឋ កាត់បន្ថយចំណាកស្រុក អាចបណ្ដុះបណ្ដាលបច្ចេកវិទ្យាថ្មីៗ ដើម្បីចូលរួមអភិវឌ្ឍសេដ្ឋកិច្ចសហគមន៍ និងសេដ្ឋកិច្ចជាតិ បង្កើនការប្រើប្រាស់សេវាកម្ម និងទំនិញក្នុងស្រុក ព្រមទាំងចូលរួមអភិវឌ្ឍន៍លើវិស័យផ្សេងៗ​ដូចជាការសហការការពារដែនជម្រកសត្វព្រៃ កម្មវិធីដាំដើមឈើ សាងសង់សាលារៀន សង់បង្គន់អនាម័យជាដើម។ គួរបញ្ជាក់ថា គិតត្រឹមថ្ងៃទី១៣ ខែកញ្ញា ឆ្នាំ២០២១ ក្រុមហ៊ុន Renesance Mineral ដែលកំពុងធ្វើអាជីវកម្មនៅតំបន់ហុកខ្វាវ ខេត្តមណ្ឌលគិរី បានចម្រាញ់មាសចំនួន ៣៨ដុំ ស្មើនឹង ៤២៥គីឡូក្រាម បានបង្កើតការងារជាង ១៧៤នាក់ ក្នុងនោះបុគ្គលិកជនជាតិខ្មែរមាន១២៨នាក់ ហើយចំពោះសួយសារដែលបានបង់មកដល់ពេលនេះគឺជាង៤០ម៉ឺនដុល្លារ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បុគ្គលិកក្រុមហ៊ុន Samsung រាប់ពាន់នាក់ធ្វើកូដកម្មបន្ទាប់ពីបរាជ័យក្នុងការចរចាដំឡើងប្រាក់ឈ្នួល

ព្រឹត្តិការណ៍, សេដ្ឋកិច្ច

• 12/07/2024

សហជីពប្រចាំក្រុមហ៊ុនអេឡិចត្រូនិក Samsung នៅប្រទេសកូរ៉េខាងត្បូងបាននិយាយថា បុគ្គលិករាប់ពាន់នាក់បានចាប់ផ្តើមកូដកម្មមិនកំណត់ថ្ងៃ

តម្លៃប្រេងបន្តឡើងថ្លៃជាង ៨៥ ដុល្លារក្នុងមួយបារ៉ែល

ព្រឹត្តិការណ៍, សេដ្ឋកិច្ច

• 12/07/2024

តម្លៃប្រេងឆៅម៉ាក Brent ឡើងថ្លៃ ០,៥ ភាគរយ ឬ ៨៥,០៨ ដុល្លារក្នុងមួយបារ៉ែល ខណៈដែលប្រេងឆៅម៉ាក West Texas Intermediate (WTI) ឡើងថ្លៃ ០,៨ ភាគរយ ឬ ៨២,១០​ ដុល្លារក្នុងមួយបារ៉ែល

តម្លៃជួញដូរហ៊ុននៅកម្ពុជាប្រចាំថ្ងៃ ជាមធ្យមជាង២១ម៉ឺនដុល្លារ តែថ្ងៃខ្លះហក់ឡើងដល់ជាងកន្លះលាន

ព្រឹត្តិការណ៍, សេដ្ឋកិច្ច

• 12/07/2024

តម្លៃជួញដូរហ៊ុនប្រចាំថ្ងៃជាមធ្យមជាង២១ម៉ឺនដុល្លារអាម៉េរិក តែមានថ្ងៃខ្លះបានហក់ឡើងដល់ជាងកន្លះលានដុល្លារ និងប្រមូលបានសាច់ប្រាក់សរុប៣៨៩លានដុល្លារ

ចំណេះដឹងសំខាន់ៗស្ដីពីការដាំដុះខ្ញីឱ្យទទួលបានផលច្រើនដែលកសិករគួរយល់ដឹង

ជំនួញ, ព្រឹត្តិការណ៍

• 12/07/2024

ខ្ញីជារុក្ខជាតិមើមដែលប្រជាជនខ្មែរនិយមដាំ និងយកទៅច្នៃជាគ្រឿងទេស បន្ថែមរសជាតិម្ហូបអាហារបានច្រើនមុខ អាចធ្វើជាឱសថបុរាណផងដែរ

គន្លឹះសំខាន់ៗចំនួន ៦ អាចជួយដោះស្រាយបញ្ហាបំណុលលើសលប់

ព្រឹត្តិការណ៍, ហិរញ្ញវត្ថុ

• 12/07/2024

ពាក្យថាបំណុលគឺមិនមែនសំដៅលើភាពអវិជ្ជមានទាំងស្រុងនោះទេ ពោលគឺបំណុលមានគុណសម្បត្តិ និងគុណវិបត្តរៀងៗខ្លួន

គម្រោង​សាងសង់​​ហេដ្ឋារចនាសម្ព័ន្ធធំៗចំនួន​៣ ​កំពុង​ដំណើរការ​មានទឹកប្រាក់ជាង ៥,៣ពាន់​លាន​​ដុល្លារ​

ព្រឹត្តិការណ៍, អចលនទ្រព្យ

• 12/07/2024

រាជរដ្ឋាភិបាល គ្រោង​ចំណាយថវិកា​រាប់រយពាន់​លានដុល្លារអាមេរិក​ លើការ​សាងសង់ហេដ្ឋារចនាសម្ព័ន្ធនានា​ក្នុង​ប្រទេស​ ដើម្បីទាក់ទាញការវិនិយោគពីក្រៅស្រុកបន្ថែមទៀត

គិតត្រឹម ឆមាសទី១ ឆ្នាំ២០២៤ យានយន្តអគ្គិសនីសរុបចំនួន ២ ៩៦៨គ្រឿង បានចុះបញ្ជីជាផ្លូវការ

ព្រឹត្តិការណ៍, សេដ្ឋកិច្ច

• 12/07/2024

ការចុះបញ្ជីយានយន្តអគ្គិសនីដែលជានិន្នាការថ្មី មានការកើនឡើងជារៀងរាល់ថ្ងៃ ដោយប្រជាពលរដ្ឋមានសុទិដ្ឋិនិយមច្រើន និងបង្ហាញការចាប់អារម្មណ៍ខ្ពស់

រយៈពេល ៥ខែ ដើមឆ្នាំ២០២៤ មានទេសចរជាតិ និងអន្តរជាតិសរុបជាង ១២លាន ៦សែននាក់ បានចេញដើរកម្សាន្តនៅទូទាំងប្រទេស

ព្រឹត្តិការណ៍, សេដ្ឋកិច្ច

• 12/07/2024

ទេសចរអន្តរជាតិជាង២លាន៦សែននាក់ បានមកទស្សនាកម្ពុជាក្នុងរយៈពេល៥ខែនៃដើមឆ្នាំ២០២៤ ខណៈទេសចរក្នុងស្រុកមានចំនួន ១០,៦៨៨,០៧៣ នាក់

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម

ព្រឹត្តិការណ៍, អាជីវកម្មថ្មី និងនវានុវត្ត

• 12/07/2024

ស្ថាប័នរបស់រដ្ឋាភិបាលចំនួន២ រួមគ្នាជំរុញទំនើបកម្មសហគមន៍កសិកម្ម និងប្រែក្លាយពីកសិកម្មលក្ខណៈគ្រួសារទៅជាសហគ្រាសសេដ្ឋកិច្ចកសិកម្ម

ក្រសួងកសិកម្ម និងសហគ្រិនខ្មែរ គាំទ្រគោលនយោបាយអាទិភាព«សហគមន៍កសិកម្មទំនើប»

ព្រឹត្តិការណ៍, សេដ្ឋកិច្ច

• 12/07/2024

ក្រសួងកសិកម្ម និង សហគ្រិនខ្មែរ បានចុះ MoU ជាមួយគ្នា ក្នុងគោលបំណងជំរុញការអភិវឌ្ឍប្រព័ន្ធអេកូឡូស៊ី សហគ្រិនភាពឱ្យរស់រវើក