World Bank ៖ តំបន់អាស៊ីបូព៌ា និងប៉ាស៊ីហ្វិក កំពុងជួបឧបសគ្គ ក្នុងការស្តារសេដ្ឋកិច្ចឱ្យងើបឡើងវិញ

វ៉ាស៊ីនតោន ៖ ធនាគារពិភពលោក (World Bank) បាននិយាយថា ការងើបឡើងវិញនៃសេដ្ឋកិច្ចនៅក្នុងតំបន់អាស៊ីបូព៌ា និង ប៉ាស៊ីហ្វិកបាន​បន្ទុចបង្អាក់ដោយការរាលដាលវីរុសបំប្លែងប្រភេទដែលតា (Delta variant) នៃជំងឺកូវីដ-១៩ ដែលកាន់តែអូសបន្លាយនូវការលំបាក​របស់​បណ្តា​ក្រុមហ៊ុន  និងរបស់គ្រួសារ ដែលស្ថានភាពនេះបានពន្យឺតល្បឿននៃកំណើនសេដ្ឋកិច្ច និងធ្វើឱ្យវិសមភាពកាន់តែកើនឡើងថែមទៀត នៅក្នុងរយៈពេលវែងទៅថ្ងៃខាងមុខ។

នៅក្នុងរបាយការណ៍បច្ចុប្បន្នភាពសេដ្ឋកិច្ចចុងក្រោយឈ្មោះ East Asia and Pacific Fall 2021 Economic Update ធនាគារពិភព​លោក​បានឱ្យដឹងថា សកម្មភាពសេដ្ឋកិច្ចបានធ្លាក់ចុះនៅក្នងត្រីមាសទី២ នៃឆ្នាំ២០២១ ហើយតាមរយៈនេះ ការព្យាករណ៏សេដ្ឋកិច្ចពីមុន​មកក៏​ត្រូវ​បាន​កែសម្រួលទម្លាក់កម្រិតផងដែរសម្រាប់ប្រទេសភាគច្រើននៅទូទាំងតំបន់នេះ។

ខណៈដែលប្រទេសចិនទំនងជានឹងសម្រេចបានកំណើនសេដ្ឋកិច្ច ៨,៥ ភាគរយ តាមការរំពឹងទុកកន្លងមក ផ្នែកនៅសេសសល់ក្នុងតំបន់​ត្រូវបានព្យាករណ៍​ថានឹងសម្រេចបានកំណើតតែ ២,៥ ភាគរយតែប៉ុណ្ណោះ គឺទាបជាងក្នុងកម្រិតជិត ២ភាគរយ ធៀបទៅនឹងការព្យាករណ៍​ទុកនៅក្នុងការធ្វើបច្ចុប្បន្នភាពកាលពីខែមេសា ឆ្នាំ២០២១។ អត្រាមានការងារធ្វើ និងការចូលរួមរបស់កម្លាំងពលកម្មមានការធ្លាក់ចុះ ហើយអាស្រ័យហេតុនេះ នៅក្នុងឆ្នាំ២០២១ ប្រជាជនជាង ២៤លាននាក់នឹងមិនអាចគេចផុតពីការធ្លាក់ខ្លួនទៅក្នុងភាពក្រីក្រទេ។

លោកស្រី ម៉ានូអែឡា ហ្វេរ៉ូ (Manuela Ferro) អនុប្រធាធនាគារពិភពលោកសម្រាប់តំបន់អាស៊ីបូព៌ា និងប៉ាស៊ីហ្វ៊ិក មានប្រសាសន៍ថា៖

“ដំណើររងើបឡើងវិញនៃសេដ្ឋកិច្ចនៃប្រទេសកំពុងអភិវឌ្ឍន៍ក្នុងតំបន់អាស៊ីបូព៌ា និងប៉ាស៊ីហ្វិក កំពុងរងការរុញច្រានឲ្យថយក្រោយវិញ។ កាលនៅឆ្នាំ២០២០ ក្នុងគ្រាដែលតំបន់ដទៃលើពិភពលោកកំពុងតែត្រដរទប់ទល់ការរាលដាលជំងឺកូវីដ-១៩  តំបន់អាស៊ីបូព៌ា និងប៉ាស៊ីហ្វិក​មាន​ជោគជ័យនៅក្នុងការឃុំគ្រងជំងឺកូវីដ-១៩ កុំឱ្យរាលដាលខ្លាំង។ ផ្ទុយទៅវិញនៅក្នុងឆ្នាំ២០២១ តំបន់នេះមាន​ករណីរឆ្លងជំងឺ​កូវីដ-១៩​កើនឡើងច្រើន ដែលជាហេតុធ្វើឲ្យ្ឲក្តីសង្ឃឹមអំពីកំណើនសេដ្ឋកិច្ចធ្លាក់ចុះ។ តែទោះជាយ៉ាងណាក៏ដោយតំបន់នេះធ្លាប់ក្រោកឡើងចេញ​ពីវិបត្តិមុនៗកាន់តែរឹងមាំលើសដើមផង ហើយលើកនេះពិតជាអាចធ្វើបានដូច្នេះទៀត ជាមួយនឹងគោលនយោបាយត្រឹមត្រូវ”

របាយការណ៍បច្ចុប្បន្នភាពនេះបានឱ្យដឹងថា ការបំផ្លាញឥតឈប់ឈរពីសំណាក់ការឆ្លងមេរោគកូវីដ១៩ និងពីសន្ទុះកម្រិតនៃការឆ្លងរបស់វា ទំនងជានឹងប៉ះពាល់ដល់កំណើនសេដ្ឋកិច្ច និងធ្វើឱ្យវិសមភាពកាន់តែកើនឡើងថែមទៀត សម្រាប់រយៈពេលវែងឆ្ងាយទៅថ្ងៃមុខ។ ការអូស​បន្លាយ​ស្ថានភាពបែបនេះនឹងធ្វើឱ្យក្រុមហ៊ុនអាជីវកម្មខាតបង់ធនធានអរូបិយមានតម្លៃរបស់ខ្លួន ហើយក្រុមហ៊ុនដែលអាចឆ្លងផុតស្ថានភាព​នេះ ក៏កំពុងតែផ្អាកការវិនិយោគរបស់ខ្លួនមួយរយៈសិនដែរ។ ក្រុមហ៊ុនតូចៗបានរងនូវការប៉ះទង្គិចខ្លាំងជាងគេ។ ថ្វីដ្បិតតែក្រុមហ៊ុន​ទាំងអស់​សុទ្ធតែ​ជួបការលំបាក ក្រុមហ៊ុនធំៗមិនសូវជាកាត់បន្ថយបរិមាណនៃការលក់ទេ ហើយក៏ទំនងជានឹងមានភាពងាយស្រួលជាងក្នុងការចាប់​យក​បច្ចេកវិទ្យាទំនើបមកប្រើ និងក្នុងការទទួលបានការឧបត្ថម្ភគាំពារពីរដ្ឋាភិបាលផងដែរ។ 

ស្របពេលគ្នានេះ គ្រួសារទាំងអស់សុទ្ធតែរងការលំបាក ប៉ុន្តែមិនលំបាកខ្លាំងដូចអ្នកក្រីក្រទេដែលងាយនឹងបាត់បង់ចំណូល, ប្រឈមនឹង​អសន្តិសុខ​ស្បៀងកាន់តែខ្លាំង, មានកូនដែលលែងសូវបានរៀនសូត្រ ហើយរងសម្ពាធត្រូវលក់ទ្រព្យសម្បត្តិដើម្បីដោះទ័ល។ ជាលទ្ធផល កុមារ​កាន់តែច្រើននឹងប្រឈមជាមួយជំងឺក្រិស, មូលធនមនុស្សនឹងបាត់បង់ ហើយធនធានផលិតកម្មក៏នឹងត្រូវខាតបង់ដែរ ដែលកត្តា​ទាំងអស់​នេះនឹងជះឥទ្ធិកាន់តែមិនល្អទៅលើលទ្ធភាពរកចំណូលរបស់គ្រួសារ។

លោក អាឌីត្យា ម៉ាត់ទូ (Aaditya Mattoo) សេដ្ឋវិទូជាន់ខ្ពស់សម្រាប់តំបន់អាស៊ីបូព៌ា និងប៉ាស៊ីហ្វិក បានមានប្រសាសន៍ថា៖

“ការចាក់​វ៉ាក់សាំង​ឱ្យបានកាន់តែលឿន និងការធ្វើតេស្តដើម្បីគ្រប់គ្រងការឆ្លងវីរុសកូវីដ-១៩ អាចស្តារសកម្មភាពសេដ្ឋកិច្ចនៅតាមប្រទេសដែលកំពុង​ជួបការលំបាកឱ្យរើបឡើងវិញក្នុងអំឡុងពេលប្រាំមួយខែដំបូងនៃឆ្នាំ២០២២ និងរុញសេដ្ឋកិច្ចនៅតាមប្រទេសទាំងនោះឱ្យ​មានអត្រា​កំណើន​​ទ្វេដងនៅក្នុងឆ្នាំបន្ទាប់

លោកបន្ថែមទៀតថា៖

“យ៉ាងណាក្តីសម្រាប់រយៈពេលវែងឆ្ងាយ មានតែការកែទម្រង់ស៊ីជម្រៅទេដែលអាចបញ្ចៀសបាននូវភាព​យឺតយ៉ាវនៃ​កំណើនសេដ្ឋកិច្ច និងការកើនឡើងនៃវិសមភាពនេះ ដែលជាកត្តាធំពីរបង្កភាពក្រីក្រកាន់តែធំដែលតំបន់នេះមិន​ដែលប្រទះនៅក្នុង​សតវត្សរ៍​នេះ

របាយការណ៍នេះបានប៉ាន់ស្មានថា ប្រទេសភាគច្រើននៅក្នុងតំបន់នេះ រាប់ទាំងប្រទេសឥណ្ឌូណេស៊ី និងហ្វីលីពីន អាចសម្រេច ការ​ចាក់​វ៉ាក់​សាំង​បាន ៦០ភាគរយនៃចំនួនប្រជាជនរៀងៗខ្លួនក្នុងអំឡុងពេលប្រាំមួយខែដំបូងនៃឆ្នាំ២០២២។ ថ្វីបើការចាក់វ៉ាក់សាំងបាន​កម្រិត​នោះនឹ​ង​មិនកំចាត់ការឆ្លងវីរុសកូវីដក៏ដោយ ក៏វាពិតជានឹងកាត់បន្ថយការស្លាប់បានច្រើន និងជួយឱ្យសកម្មភាពសេដ្ឋកិច្ចចាប់​ផ្តើម​កម្រើក​ឡើងវិញ។ យ៉ាងណាក៏ដោយ របាយការណ៍បានសង្កត់ធ្ងន់ថា តំបន់ទាំងមូលចាំបាច់ត្រូវប្រឹងប្រែងឱ្យខ្លាំងមែនទែនក្នុងការ​រកដំណោះស្រាយបញ្ហា​នៅលើ​សមរភូមិ​ចំនួន ៤ គឺ បញ្ហាភាពអល់អែកចំពោះការចាក់វ៉ាក់សាំង និងកម្រិតនៃសមត្ថភាពបែងចែកវ៉ាក់សាំង​ដើម្បីបង្កើនវិសាលភាព​គ្រប​ដណ្តប់​នៃការចាក់វ៉ាក់សាំង; ពង្រីកការធ្វើតេស្ត តាមដានប្រភពឆ្លង និងការអនុវត្តវិធានការចត្តាឡីស័កដើម្បីគ្រប់គ្រងការឆ្លងវីរូស; បង្កើន​ការ​ផលិតវ៉ាក់សាំងនៅក្នុងតំបន់ដើម្បីឈានទៅកាត់បន្ថយការពឹងផ្អែកលើការនាំចូលពីក្រៅ; និងការពង្រឹងប្រព័ន្ធសុខាភិបាល​សម្រាប់​​លៃលក​ទប់​ទល់ជាមួយជំងឺដែលមានវត្តមានរ៉ាំរ៉ៃទៅថ្ងៃមុខ។

ជំនួយអន្តរជាតិនៅតែជាការចាំបាច់សម្រាប់គាំទ្រដល់កិច្ចខិតខំថ្នាក់ជាតិនៃប្រទេសនីមួយៗនៅក្នុងករណីទាំងនេះ ជាពិសេសនៅតាមប្រទេស​ដែលប្រព័ន្ធសុខាភិបាលនៅមានសមត្ថភាពខ្សោយ។ ទៅហួសពីការងារទប់ស្កាត់គ្រប់គ្រងជំងឺកូវីដ-១៩ អ្វីដែលចាំបាច់ដែរនោះគឺត្រូវ​មាន​យុទ្ធសាស្ត្រ​ពហុវិស័យមួយសម្រាប់ជំរុញកំណើនសេដ្ឋកិច្ច និងធានាឱ្យបានថាកំណើននោះមានភាពបរិយាបន្ន។ របាយការណ៍នេះបាន​ស្នើ​ថា ការផ្សព្វផ្សាយបច្ចេកវិទ្យាឱ្យបានឆាប់រហ័សនៅក្នុង​វិបត្តិនេះអាចមានប្រយោជន៍ជួយជំរុញផលិតភាព, ធ្វើប្រជាធិបតេយូបនីយកម្មនៃ​ការ​អប់រំ និងធ្វើបរិវត្តកម្មស្ថាប័នរបស់រដ្ឋ។ យ៉ាងណា​ក៏ដោយ ចាំបាច់ត្រូវតែមានការកែទម្រង់អមជាមួយ។ ការបំពាក់ជំនាញ​ដល់ក្រុមហ៊ុន​ឱ្យចេះ​ប្រើបច្ចេកវិទ្យានៅតាមធុរកិច្ចរបស់ខ្លួន​ត្រូវមាន​អមជាមួយដោយភាពបើកចំហសម្រាប់ការធ្វើពាណិជ្ជកម្ម និងការវិនិយោគ និងអមដោយការរៀបចំគោលនយោបាយនានាដែល​លើក​ទឹកចិត្ត​ក្រុមហ៊ុនឱ្យចាប់យកបច្ចេកវិទ្យាថ្មីមកប្រើ។ ការអនុវត្តវិធានការកែទម្រង់ដែលបានអូសបន្លាយពេ​ល​យ៉ាង​យូរក្នុងវិស័យអប់រំ ដើម្បី​លើកកម្ពស់គុណភាពបង្រៀន និងកម្មវិធីសិក្សាដែលអាចបង្កើនលទ្ធភាពបានកាន់តែទូលំទូលាយសម្រាប់ទាញយកអត្ថប្រយោជន៍​ពីបច្ចេកវិទ្យា​ថ្មីៗ៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារ វីង បើកសម្ពោធសាខាថ្មីក្នុងក្រុងកំពង់ឆ្នាំង

ព្រឹត្តិការណ៍, អត្ថបទពាណិជ្ជកម្ម

• 14/06/2024

សេវាធនាគារដ៏សម្បូរបែបរបស់ធនាគារ វីង ឥឡូវនេះបានពង្រីកទៅដល់ក្រុងកំពង់ឆ្នាំងហើយ ដើម្បីជួយសម្រួលប្រជាជនក្នុងខេត្តនេះជាមួយនឹងតម្រូវការសេវាហិរញ្ញវត្ថុប្រចាំថ្ងៃកាន់តែប្រសើរ

៤០ឆ្នាំក្នុងនាមជារោងចក្រពិភពលោក តែមិនប្រាកដថាអាចបន្តភាពជោគជ័យក្នុងទីផ្សាររថយន្តអគ្គិសនីនោះឡើយ

ព្រឹត្តិការណ៍, សេដ្ឋកិច្ច

• 14/06/2024

រថយន្តអគ្គិសនីរបស់ចិន មិនប្រាកដថាអាថវាយឡុកទីផ្សារពិភពលោកបានជោគជ័យដូចជាទីផ្សារផលិតផល និងទំនិញរបស់ខ្លួនដែលធ្លាប់ធ្វើបានជាង៤០ឆ្នាំនោះឡើយ

ព្រែកជីកហ្វូណនតេជោ នឹងផ្លាស់ប្ដូរមុខមាត់ និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅអាល្លឺម៉ង់

ព្រឹត្តិការណ៍, សេដ្ឋកិច្ច

• 14/06/2024

ព្រែកជីកហ្វូណនតេជោ នឹងផ្លាស់ប្ដូរមុខមាត់កម្ពុជាថ្មី និងមានដង្ហើមសេដ្ឋកិច្ចដូចព្រែកជីក Rhine–Main–Danube នៅប្រទេសអាល្លឺម៉ង់ ក្រោយពេលស្ថាបនារួច

ពូជកូនឈើហូបផ្លែកាន់តែមានតម្រូវការទីផ្សារនារដូវវស្សា

ជំនួញ, ព្រឹត្តិការណ៍

• 14/06/2024

សម្រាប់រដូវវស្សាដែលមានភ្លៀងធ្លាក់ច្រើន និងមានប្រភពទឹកគ្រប់គ្រាន់ ជាអំណោយផលមួយសម្រាប់បងប្អូនប្រជាកសិករ ក៏ដូចជាអ្នកដែលចូលចិត្តដាំដំណាំ និងដើមឈើហូបផ្លែ

អ្នកជំនាញលើកទឹកចិត្តឱ្យគ្រឹះស្ថានផ្ដល់កម្ចី និងអតិថិជនបើកចិត្តជជែកគ្នា ដើម្បីចៀសវាងកើតមានបញ្ហាណាមួយ

ព្រឹត្តិការណ៍, ហិរញ្ញវត្ថុ

• 14/06/2024

បញ្ហាមួយអាចកើតឡើង ប្រសិនបើអតិថិជនមិនមានលទ្ធភាពសង ទៅកាន់គ្រឹះស្ថានផ្ដល់កម្ចីតាមកិច្ចសន្យា ហើយភាគីទាំងពីរមិនបានជជែកគ្នាដើម្បីរកដំណោះស្រាយ។

សកម្មភាពសាងសង់ផ្ទះរបស់ប្រជាពលរដ្ឋតាមបណ្ដាខេត្ត​ធ្លាក់ចុះ​ជាង​ឆ្នាំមុន​

ព្រឹត្តិការណ៍, អចលនទ្រព្យ

• 14/06/2024

ប្រជាពលរដ្ឋ​ដែលសាងសង់ផ្ទះថ្មី​នៅក្នុង​ឆ្នាំ ២០២៤​នេះឃើញថា​មាន​ចំនួន​តិចជាង​ឆ្នាំ ២០២៣​ ដែលធ្វើឱ្យការលក់​គ្រឿងសំណង់​និងចំណូល​អ្នក​សាងសង់​ថយចុះ

តម្លៃប្រេងបន្តឡើងថ្លៃ ខណៈដែលការផ្គត់ផ្គង់អាចនឹងត្រូវបានរឹតបន្តឹងរហូតដល់ត្រីមាសទី៣ឆ្នាំនេះ

ព្រឹត្តិការណ៍, អាជីវកម្មថ្មី និងនវានុវត្ត

• 14/06/2024

តម្លៃប្រេងម៉ាក West Texas Intermediate (WTI) ឡើងថ្លៃ ០,៧៧ ភាគរយ ឬ ៧៨,៥០ ដុល្លារក្នុងមួយបារ៉ែល ខណៈដែលតម្លៃប្រេងម៉ាក Brent ឡើងថ្លៃ ០,៨៣ ភាគរយ ឬ ៨២,៦០ ដុល្លារក្នុងមួយបារ៉ែល

វិស័យ SMEs ជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ព្រឹត្តិការណ៍, សេដ្ឋកិច្ច

• 14/06/2024

សហគ្រាសធុនមីក្រូ តូច និងមធ្យមគឺជាកម្លាំងជំរុញដ៏សំខាន់ក្នុងដំណើររបស់កម្ពុជាឆ្ពោះទៅការសម្រេចបានគោលដៅជាប្រទេសមានចំណូលមធ្យមកម្រិតខ្ពស់នៅឆ្នាំ២០៣០

ស្វែងយល់ពីសារៈសំខាន់នៃចំណេះដឹងហិរញ្ញវត្ថុ

ព្រឹត្តិការណ៍, ហិរញ្ញវត្ថុ

• 14/06/2024

ភ្នំពេញ ៖ ចំណេះដឹងហិរញ្ញវត្ថុគឺជាបំណិនជីវិតមួយ ដែលបុគ្គលគ្រប់រូបត្រូវការសម្រាប់ការរស់នៅប្រចាំថ្ងៃ ព្រោះវាជួយឱ្យបុគ្គលនីមួយៗគ្រប់គ្រងលុយកាក់បានល្អប្រសើរជាងមុន ជួយឱ្យសម្រេចចិត្តផ្នែកហិរញ្ញវត្ថុបានត្រឹមត្រូវ ...

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ

ព្រឹត្តិការណ៍, អត្ថបទពាណិជ្ជកម្ម

• 13/06/2024

Window to the World ផ្តល់ឱកាសដល់សិស្សនៅតំបន់ដាច់ស្រយាលក្នុងខេត្តតាកែវចំនួន២០នាក់ មកទស្សនកិច្ចសិក្សាអប់រំនៅរាជធានីភ្នំពេញ