ការនាំអង្ករចេញរបស់កម្ពុជាបន្តធ្លាក់ចុះ ខណៈវិស័យឯកជនថាបញ្ហាអាចដោះស្រាយបាន

ភ្នំពេញ ៖ យោងតាមរបាយការណ៍ការនាំចេញកសិផលទៅក្រៅប្រទេសចេញដោយអគ្គនាយកដ្ឋានកសិកម្មផ្អែកលើប្រព័ន្ធទិន្នន័យគ្រឹះភូតគាមអនាម័យជាតិ (National Phytosanitary Da​tabase) បានឲ្យដឹងថា នៅក្នុងរយៈពេល៩ខែ ឆ្នាំ២០២១នេះ មានការកើនឡើងចំនួនជាង ២លានតោនស្មើនឹង ៨៨,៤៨% បើធៀបនឹងរយៈពេលដូចគ្នាក្នុងឆ្នាំ២០២០ លើកលែងតែបរិមាណអង្ករនាំចេញមានការថយចុះចំនួន-១៥,៩៧% បើធៀបនឹងរយៈពេលដូចគ្នាកាលពីឆ្នាំកន្លងទៅ។

បញ្ហានៃការធ្លាក់ចុះដោយសារតែតម្លៃកប៉ាល់សម្រាប់ដឹកជញ្ជូនទៅកាន់ទីផ្សារនៅក្នុងសហគមន៍អឺរ៉ុបនៅតែបន្តឡើងថ្លៃ បូកផ្សំជាមួយនឹងស្ថានភាពកង្វះទូរកុងតទឺន័រ ក្នុងការដឹកជញ្ជូននៅតែបន្ត ស្របពេលរំហូរនៃបរិមាណកុងតឺន័រទៅកាន់សហគមន៍អឺរ៉ុប ចូលច្រើនជាងរំហូរចេញដែលបណ្តាលឱ្យមានការកកស្ទះសម្បកទូកុងតឺន័រតាមកំពង់ផែ និងទីចំណតកុងតឺន័រនៅសហគមន៍អឺរ៉ុប។

ដូច្នេះ កម្ពុជាកំពុងផ្តោតការនាំចេញអង្ករទៅកាន់ទីផ្សារប្រទេសចិនឱ្យបានច្រើនបន្ថែមទៀត បន្ទាប់ពីការនាំចេញអង្ករទៅកាន់ទីផ្សារអឺរ៉ុប និងបណ្ដាប្រទេសមួយចំនួនធ្លាក់ចុះ។ ទោះបីជាបញ្ហាកំពុងចោទយ៉ាងនេះក្តីក៏កម្ពុជា នៅតែត្រូវការទីផ្សារទាំងអស់ទាំងសហគមន៍អឺរ៉ុប អាស៊ាន អូស្ត្រាលី និងអាមេរិកជាដើម ព្រោះអង្ករកម្ពុជានាំទៅជាប្រភេទអង្ករក្រអូប ដែលត្រូវការទីផ្សារកំណត់ជាក់លាក់។

លោកឧកញ៉ា សុង សារ៉ន ប្រធានសហព័ន្ធស្រូវអង្ករកម្ពុជាធ្លាប់បានថ្លែងប្រាប់ AMS ថា៖

«ប្រទេសចិនជាទីផ្សារធំដែលអាចនាំចូលអង្ករប្រមាណជា ៥.៣២តោនក្នុងមួយឆ្នាំ ដូចនេះ បើការចាប់យកទីផ្សារប្រទេសចិនបាននោះ យើងអាចធានាបាននូវនិរន្តរភាពសម្រាប់ការនាំចេញអង្ករកម្ពុជា»

លោកបញ្ជាក់ឲ្យដឹងថា មិនមែនតែកម្ពុជានោះទេដែលកំពុងសម្លឹងទៅរកទីផ្សារប្រទេសចិន ប្រទេសជិតខាងកម្ពុជា ក៏ងាកទៅរកទីផ្សារចិនដែរ ព្រោះប្រទេសផ្សេងៗផលិតអង្ករស មានតម្លៃថោក ជាមធ្យមត្រឹមតែ ៣៨០ដុល្លារក្នុង១តោន ខណៈពេលដែលកម្ពុជាផលិតអង្ករក្រអូប មានតម្លៃចន្លោះពី ៦៥០-៨០០ដុល្លារក្នុង១តោន។

នៅក្នុងបរិបទនៃការរីករាលដាលជាសកលនៃកូវីដ-១៩ បាន និងកំពុងរារាំងសមត្ថភាពនាំចេញអង្កររបស់កម្ពុជាដែលជំរុញឱ្យសមាជិក CRF (សហព័ន្ធស្រូវអង្ករកម្ពុជា) ចាប់យកការអភិវឌ្ឍវិធីសាស្រ្តប្រកបដោយប្រសិទ្ធភាពខ្ពស់ និងទូលំទូលាយជាងមុន សហព័ន្ធនឹងបន្តពិភាក្សាជាមួយរដ្ឋាភិបាលដើម្បីរកដំណោះស្រាយសម្រាប់សមាជិកនាំចេញដែលប្រឈមមុខនឹងបញ្ហាដែលកំពុងកើតមាន។ ​

លោកឧកញ៉ា លឹម ហេង អនុប្រធានសភាពាណិជ្ជកម្មកម្ពុជាបានប្រាប់ AMS ដែរថា បញ្ហាដែលកម្ពុជាកំពុងប្រឈមនេះជាបញ្ហាសកល និងអន្តរកាលតែប៉ុណ្ណោះ សម្រាប់ទីផ្សារចិន និងទីផ្សារអឺរ៉ុប ព្រោះក្នុងបរិបទកូវីដដំណើរដឹកជញ្ជូនតាមផ្លូវសមុទ្រត្រូវបានកាត់បន្ថយទាំងកម្មករបម្រើការងារផងដែរ ប្រសិនបើដំណើរការចាក់វ៉ាក់សាំងអាចគ្រប់គ្រងបាន នោះប្រក្រតីភាពនឹងវិលមកវិញ ហើយដំណើរនឹងចាប់ផ្តើមធម្មតា។

លោកឧកញ៉ាបានបន្ថែមថា កម្ពុជានៅតែមិនអាចមើលរំលងទីផ្សារចិនបានទេ  តាមរយៈការចុះកិច្ចព្រមព្រៀងពាណិជ្ជកម្មសេរីចិន-កម្ពុជា និងកិច្ចព្រមព្រៀងសេរីជាមួយបណ្តាប្រទេសដទៃទៀត ដូចជា កូរ៉េ តៃវ៉ាន់ ជប៉ុន ជាដើម យើងនឹងអាចដោះស្រាយបញ្ហានេះបាន។

លោកឧកញ៉ា លឹម ហេង បានមានប្រសាសន៍ថា ៖

« យើងពិតជាអាចធ្វើបាន ព្រោះការនាំកសិផលទៅចិនជាទីផ្សារសំខាន់របស់យើង ហើយយើងក៏បានស្វាគមន៍ការបើកការិយាល័យកសិកម្មអាមេរិកនៅកម្ពុជា ដែលនឹងអាចនាំផលិតផលកសិកម្មទៅកាន់ទីផ្សារធំៗនៃប្រទេសទាំងពីរបាន»

សូមបញ្ជាក់ថា ក្នុងរយៈពេល៩ខែ នៃឆ្នាំ២០២១ បរិមាណអង្ករបាននាំចេញទៅកាន់ទិសដៅសហភាពអឺរ៉ុបចំនួន២២ប្រទេស មានបរិមាណសរុបចំនួន ១០៤ ២២២តោន (ថយចុះចំនួន ៥៧ ៣៩​២ តោន ស្មើនឹង -៣៥,៥១%) ទិសដៅប្រទេសចិនមានបរិមាណសរុបចំនួន ២០៣ ២៧៩ តោន (កើនឡើងចំនួន ៣១ ៣៨៣ តោន ស្មើនឹង ១៨,២៦%) ទិសដៅអាស៊ានចំនួន ៧ប្រទេស មានបរិមា​ណសរុបចំនួន ៤១ ៤៧៦ តោន(ថយចុះចំនួន ២៥ ៩៥៧ តោន ស្មើនឹង -៣៨,៤៩%) និងទិសដៅដទៃទៀតចំនួន២៣ប្រទេស មានបរិមាណសរុប ៦១ ៧២១ តោន (ថយចុះចំនួន ២៦ ១១១តោន ស្មើនឹង -២៩,៧៣%)៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

សហភាពអឺរ៉ុបលើកឡើងថា ការដាក់ទណ្ឌកម្មលើសេដ្ឋកិច្ចរុស្ស៊ីពិតជាមានប្រសិទ្ធភាព

ព្រឹត្តិការណ៍, សេដ្ឋកិច្ច

• 25/07/2024

រដ្ឋមន្ត្រីហិរញ្ញវត្ថុសហភាពអឺរ៉ុប ៨ រូប លើកឡើងថា រុស្ស៊ីនិយាយកុហកអំពីកម្លាំងសេដ្ឋកិច្ចរបស់ខ្លួន ដោយសារមាន​សញ្ញា​ជា​ច្រើន​ដែល​បង្ហាញ​ថា​សេដ្ឋកិច្ច​រុស្ស៊ី​កំពុង​ធ្លាក់​ចុះ ហើយគួរតែមានទណ្ឌកម្ម ​និង​វិធានការ​ផ្សេង​បន្ថែមទៀត​ ដើម្បី​ធ្វើ​ឲ្យ​សេដ្ឋកិច្ច​រុស្ស៊ី​ចុះ​ខ្សោយ​កាន់តែមានប្រសិទ្ធភាព

រដ្ឋាភិបាល និងស្ថាប័នហិរញ្ញវត្ថុ សហការបង្កើនអាទិភាពហិរញ្ញប្បទានសម្រាប់វិស័យទឹកស្អាត

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

វេទិកាទឹកស្អាតត្រូវផ្តោតលើការពង្រឹង​កិច្ច​សហការរវាងរដ្ឋ វិស័យឯកជននិងស្ថាប័នហិរញ្ញវត្ថuលើកកម្ពស់​លទ្ធភាព​ទទួលសេវា​ទឹក​ស្អាតទូទាំង​ប្រទេស​

នាពេលអនាគត កម្ពុជានឹងមានមជ្ឈមណ្ឌលភស្តុភារកម្មភ្នំពេញសម្រាប់ទាក់ទាញការវិនិយោគផ្នែកឡូជីស្ទីក

ព្រឹត្តិការណ៍, សេដ្ឋកិច្ច

• 25/07/2024

នាពេលអនាគតឆាប់ៗកម្ពុជា នឹងមានមជ្ឈមណ្ឌលភស្តុភារកម្មភ្នំពេញ សម្រាប់ទាក់ទាញការវិនិយោគផ្នែកឡូជីស្ទីកទាំងក្នុង និង ក្រៅប្រទេស

វិស័យមីក្រូហិរញ្ញវត្ថុបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច

ព្រឹត្តិការណ៍, ហិរញ្ញវត្ថុ

• 25/07/2024

វិស័យមីក្រូហិរញ្ញវត្ថុនៅតែបន្តចូលរួមចំណែកយ៉ាងសំខាន់ក្នុងការជំរុញកំណើនសេដ្ឋកិច្ច តាមរយៈការផ្តល់ផលិតផល និងសេវាហិរញ្ញវត្ថុផ្លូវការដល់ប្រជាពលរដ្ឋ ជាពិសេសប្រជាពលរដ្ឋនៅតាមតំបន់ជនបទ

រាជរដ្ឋាភិបាល​អាណត្តិថ្មី បាន​ដាក់​ចេញវិធានការជា​បន្តបន្ទាប់​ ​ដើម្បីជំរុញ​ការស្ដារ​វិស័យ​សំណង់ ​និងអចលនទ្រព្យ​

ព្រឹត្តិការណ៍, អចលនទ្រព្យ

• 25/07/2024

រដ្ឋាភបិាលបាល​បានដាក់ចេញនូវ​វិធានការ​ជា​បន្តបន្ទាប់ដើម្បីជំរុញវិស័យ​អចលនទ្រព្យ ​និងសំណង់ឱ្យ​ងើ​បឡើងវិញតាំងពីអាណត្តិ​ចាស់​ដល់អាណត្តិ​ថ្មី

F-16ថ្មីចំនួន២គ្រឿងនៃកញ្ចប់ចំណាយជិត២ពាន់លានដុល្លារ ចុះចតដល់ទឹកដីស្លូវ៉ាលើកដំបូងក្រោយរង់ចាំជាង២ឆ្នាំ

ព្រឹត្តិការណ៍, អាជីវកម្មថ្មី និងនវានុវត្ត

• 25/07/2024

F-16 បានបង្ហាញអំពីការចូលរួមចំណែកយ៉ាងសំខាន់ក្នុងការធ្វើឲ្យប្រសើរឡើង និងកាន់តែមានប្រសិទ្ធភាពនៃសមត្ថភាពការពារជាតិរបស់ស្លុវ៉ាគី

រដ្ឋាភិបាលអភិវឌ្ឍបណ្តាខេត្តជាប់ឆ្នេរសមុទ្រទៅជារបៀងសេដ្ឋកិច្ចពហុបំណង និងឈានទៅគោលដៅឆ្នេរទេសចរណ៍កម្រិតពិភពលោក

ព្រឹត្តិការណ៍, សេដ្ឋកិច្ច

• 25/07/2024

កម្ពុជា នឹងអភិវឌ្ឍបណ្តាខេត្តជាប់ឆ្នេរសមុទ្រឱ្យទៅជារបៀងសេដ្ឋកិច្ចពហុបំណង ប្រទាក់ក្រឡា និងជាគោលដៅទេសចរណ៍ឆ្នេរកម្រិតពិភពលោក

ការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឱ្យកម្ពុជាឈានទៅរកការពង្រីកអាជីវកម្មក្នុងតំបន់អាស៊ាន

ព្រឹត្តិការណ៍, សេដ្ឋកិច្ច

• 25/07/2024

ការលើកកម្ពស់នៃការចូលរួមសេដ្ឋកិច្ចឌីជីថលសម្រាប់សហគ្រិនស្ត្រី នឹងធ្វើឲ្យកម្ពុជាឈានទៅរកការពង្រីកអាជីវកម្មទៅកាន់តំបន់អាស៊ានតាមរយៈប្រព័ន្ធអេឡិចត្រូនិក

ស្វែងយល់ពីបច្ចេកទេសដាំដំណាំផ្ទី ងាយៗមិនចំណាយកម្លាំងច្រើន ប៉ុន្តែទទួលបានទិន្នផលខ្ពស់

ជំនួញ, ព្រឹត្តិការណ៍

• 24/07/2024

ផ្ទី ជាដំណាំមួយប្រភេទងាយស្រួលដាំដុះ ទទួលបានផលច្រើន និងមានតម្រូវការទីផ្សារល្អ