សេដ្ឋកិច្ច
ហិរញ្ញវត្ថុ
អចលនទ្រព្យ
ជំនួញ
អត្ថបទពាណិជ្ជកម្ម
អាជីវកម្មថ្មី និងនវានុវត្ត
មាតិកាឌីជីថល
Khmer Insider
មរតកគំនិត
កម្ពុជា 360°
វិថីហិរញ្ញវត្ថុ
ចិន ៖ ក្រុមហ៊ុនអចលនទ្រព្យដ៏ធំរបស់ប្រចាំនៅប្រទេសចិន Evergrande បាននិយាយថាខ្លួនបានធ្វើកិច្ចព្រមព្រៀងជាមួយនឹងម្ចាស់មូលបត្របំណុល ដើម្បីអនុញ្ញាតឱ្យក្រុមហ៊ុនយក្សនេះរក្សាបាននូវកេរ្តិ៍ឈ្មោះ និងបញ្ចៀសបញ្ហាដោយការមិនទូទាត់បង់ការប្រាក់លើបំណុលនោះ។
នៅក្នុងសេចក្ដីថ្លែងការណ៍ទៅកាន់ទីផ្សារភាគហ៊ុននៃទីក្រុងសិនជិន អង្គភាពចិនដីគោក របស់ Evergrande គឺក្រុមហ៊ុន Hengda បាននិយាយថា ខ្លួនបានចរចាផែនការបង់ការប្រាក់ប្រមាណ ២៣២ លានយន់ចិន (៣៦ លានដុល្លារអាមេរិក) សម្រាប់មូលបត្របំណុលក្នុងស្រុកឆ្នាំ២០២៥ ដែលមានអត្រាការប្រាក់ ៥,៨ ភាគរយ ដោយគេមិនបាននិយាយទាក់ទងនឹងការបង់ការប្រាក់នៃមូលបត្របំណុលនៅទីផ្សារបរទេសនោះទេ។
Hengda បាននិយាយទៀតថា វិនិយោគិនដែលបានទិញ និងកាន់មូលបត្របំណុលមុនថ្ងៃទី២២ កញ្ញា ឆ្នាំ២០២១ មានសិទ្ធិទទួលបានការប្រាក់នៅពេលនេះ។ ទោះជាយ៉ាងណា ក្រុមហ៊ុននេះមិនបានបញ្ជាក់ថាខ្លួនអាចបង់ការប្រាក់ ៨៣,៥ លានដុល្លារ សម្រាប់មូលបត្របំណុលឆ្នាំ២០២២ ឬការប្រាក់ ៤៧,៥ លានដុល្លារសម្រាប់មូលបត្របំណុលឆ្នាំ២០២៤ នោះឡើយ។
ក្រុមហ៊ុន Evergrande ជំពាក់បំណុលជាង ៣០០ពាន់លានដុល្លារ និងកំពុងជួបវិបត្តិខ្វះសាច់ប្រាក់យ៉ាងខ្លាំង ដែលធ្វើឱ្យក្រុមហ៊ុននេះប្រញាប់ប្រញាល់រៃអង្គាសដើម្បីសងម្ចាស់បំណុល និងអ្នកផ្គត់ផ្គង់គ្រឿងសំណង់។
ទំហំដ៏ធំរបស់ក្រុមហ៊ុននេះ បានធ្វើឱ្យកើតមានការព្រួយបារម្ភថា ប្រសិនបើក្រុមហ៊ុនដួលរលំ សេដ្ឋកិច្ចរបស់ប្រទេសចិន និងពិភពលោកនឹងរងផលប៉ះពាល់។ ដូច្នេះ ដើម្បីជួយបន្ធូរកង្វះសាច់ប្រាក់ក្នុងទីផ្សារធនាគារប្រជាជនចិនបានបញ្ចូលទឹកប្រាក់ចំនួន ១២០ ពាន់លានយន់ចូលទៅក្នុងប្រព័ន្ធធនាគារតាមរយៈកិច្ចព្រមព្រៀងទិញបញ្ច្រាស ដែលបណ្ដាលឱ្យមានការចំណាយសរុប ៩០ ពាន់លានយន់៕
ជីវប្រវត្តិ: លោកមានបទពិសោធន៍ជិត ១០ឆ្នាំក្នុងប្រព័ន្ធផ្សព្វផ្សាយទូរទស្សន៍ វិទ្យុ និងកាសែតផ្នែកសេដ្ឋកិច្ច អប់រំ និងសង្គម។ បច្ចុប្បន្នលោកជានិពន្ធនាយកសារព័ត៌មាន AMS Economy និង AMS Education។
របាយការណ៍ថ្មីៗ
មើលទាំងអស់ ➧
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជន
បទយកការណ៍, អាជីវកម្មថ្មី និងនវានុវត្ត
• 16/10/2024
Khmer Insider ជាកម្មវិធីវីដេអូឯកសារមួយដែលបង្កើតឡើងដើម្បីបំផុសគំនិតយុវជនឲ្យក្លាហានចាប់យកក្តីស្រមៃ ឬចាប់អារម្មណ៍លើការបង្កើតអាជីវកម្មថ្មីៗជាមួយគំនិត ទុន និងឱកាសទីផ្សារផ្សេងៗ
ព័ត៌មានទូទៅ
មើលទាំងអស់ ➧
កម្មវិធីពិសេសរបស់ AMS ECONOMY
ព័ត៌មានសង្ខេប
ព័ត៌មានផ្សេងៗទៀត
កម្ពុជា រំពឹងទទួលបានការវិនិយោគថ្មីៗផ្ទាល់ពីប្រទេសចិន ក្រោយដំណើរទស្សនកិច្ចរបស់ប្រធានាធិបតី ស៊ី ជីនពីង
ការបញ្ចុះអត្រាការប្រាក់សម្រាប់ឥណទានទិញលំនៅឋានរបស់ធនាគារក្នុងស្រុក នឹងជួយជំរុញឱ្យវិស័យអចលនទ្រព្យប្រសើរឡើងវិញ
Account
Security
Favourite Content