ចំណេះដឹង ៖ ស្វែងយល់ពីប្រវត្តិដើមនៃការកកើតប្រាក់ដុល្លាអាមេរិក (USD)

USD គឺជាអក្សរកាត់រូបិយប័ណ្ណប្រាក់ដុល្លារអាមេរិក U.S. dollar ($) ដែលជារូបិយប័ណ្ណផ្លូវការរបស់សហរដ្ឋអាមេរិក និងជារូបិយប័ណ្ណបម្រុងចម្បងរបស់ពិភពលោកក្នុងរយៈពេលជាច្រើនទសវត្សរ៍កន្លងមកនេះ។ ប្រាក់ដុល្លារអាមេរិកក៏ជារូបិយប័ណ្ណផ្លូវការរបស់ប្រទេសមួយចំនួនផ្សេងទៀតដូចជា កោះម៉ាស្សាល ប៉ាណាម៉ា និងអេក្វាឌ័រ ហើយត្រូវបានទទួលយកក្រៅផ្លូវការក្នុងការដោះដូរក្នុងស្រុកនៅក្នុងប្រទេសជាច្រើនផ្សេងទៀតជុំវិញពិភពលោក ដែលក្នុងនោះក៏មានប្រទេសកម្ពុជាយើងផងដែរ។

ដុល្លារអាមេរិក គឺជារូបិយប័ណ្ណដែលត្រូវបានជួញដូរច្រើនបំផុតនៅក្នុងទីផ្សារប្តូរប្រាក់បរទេស ដែលសម្របការប្តូររូបិយប័ណ្ណជុំវិញពិភពលោក និងជាទីផ្សារហិរញ្ញវត្ថុធំបំផុតនៅលើពិភពលោក ហើយមានបរិមាណប្តូររូបិយប័ណ្ណជាមធ្យមប្រចាំថ្ងៃជាង ៦,៦ ទ្រីលានដុល្លារ។ ដូច្នេះប្រាក់ដុល្លារត្រូវបានគេចាត់ទុកថាជារូបិយប័ណ្ណគោល ហើយត្រូវបានទទួលយកយ៉ាងទូលំទូលាយនៅក្នុងប្រតិបត្តិការទូទាំងពិភពលោក។ ដុល្លារអាមេរិក គឺជារូបិយប័ណ្ណរបស់សហរដ្ឋអាមេរិក ហើយត្រូវបានបង្ហាញដោយនិមិត្តសញ្ញា ‘$’ ។  

មួយដុល្លារអាចត្រូវបានបែងចែកជាមួយរយសេន។ បច្ចុប្បន្នក្រដាសប្រាក់ដុល្លារត្រូវបានចេញជាក្រដាស ១ ដុល្លារ ២ ដុល្លារ ៥ ដុល្លារ ១០ ដុល្លារ ២០ ដុល្លារ ៥០ ដុល្លារ និង ១០០ ដុល្លារ។ ក្រដាសប្រាក់នីមួយៗមានលក្ខណៈពិសេសដោយមានរូបអតីតប្រធានាធិបតីអាមរិកនៅខាងមុខ (លើកលែងតែក្រដាស ១០០ ដុល្លារ) ។ គួរកត់សម្គាល់ថា ក្រដាសប្រាក់ ៥០០ ដុល្លារ និង ១០០០ ដុល្លារ ត្រូវបានប្រើក្នុងចំនួនមានកំណត់ ប៉ុន្តែបានឈប់ដំណើរការនៅឆ្នាំ១៩៦៩ ។ កាក់ត្រូវបានគេបែងចែកជា $ 0.01 (cent), $ 0.05 (nickel), $ 0.10 (dime), $ 0.25 (quarter), $ 0.50 (កន្លះដុល្លារ) និង ១ ដុល្លារ។ ក្រដាសប្រាក់ និងកាក់ត្រូវបានផលិតដោយនាយកដ្ឋានរតនាគារ ហើយដឹកជញ្ជូនដោយផ្ទាល់ទៅធនាគារ និងសាខាធនាគារកណ្តាលអាមេរិក ដើម្បីចែកចាយ និងចរាចរ។

សំណួរសួរថា តើដុល្លាអាមេរិកមានប្រវត្តិយ៉ាងដូចម្តេច? ប្រាក់ដុល្លារ គឺជារូបិយប័ណ្ណផ្លូវការរបស់សហរដ្ឋអាមេរិកចាប់តាំងពីការអនុម័តច្បាប់រូបិយប័ណ្ណជាតិឆ្នាំ១៧៨៥។ មុននោះសហរដ្ឋអាមេរិកបានប្រើរូបិយប័ណ្ណប្រទេសផ្សេងគឺ ផោនអង់គ្លេស និងរូបិយប័ណ្ណបរទេសផ្សេងៗ។ ដំបូងឡើយប្រាក់ដុល្លារត្រូវបានគេដាក់ឈ្មោះជាកាក់តែប៉ុណ្ណោះ ដោយក្រដាសប្រាក់ត្រូវបានដាក់ប្រើនៅឆ្នាំ១៨៦១ ហើយតម្លៃរបស់វាត្រូវបានគេគិតភ្ជាប់ជាមួយតម្លៃមាស ប្រាក់ និងទង់ដែង។

សភាអាមេរិកបានកែប្រែជាបន្តបន្ទប់នូវការរចនាក្រដាសប្រាក់ និងតម្លៃដោយភ្ជាប់ជាមួយលោហធាតុ រហូតដល់ការត្រួតពិនិត្យរូបិយប័ណ្ណត្រូវបានអនុម័តជាផ្លូវការជាមួយច្បាប់សហព័ន្ធឆ្នាំ១៩១៣។ បន្ទាប់ពីការធ្វើកំណែទម្រង់នេះប្រាក់ដុល្លារគឺជារូបិយប័ណ្ណបម្រុងរបស់ធនាគារកណ្តាលដែលអាចប្តូរយកបានតាមតម្លៃសមមូលទៅនឹងលោហធាតុនៅធនាគារណាមួយរបស់ធនាគារកណ្តាលអាមេរិក។

នៅឆ្នាំ១៩៣៣ ប្រធានាធិបតី Franklin D. Roosevelt បានហាមឃាត់ការរក្សាទុកមាសជាកម្មសិទ្ធិឯកជនដោយប្រជាជនត្រូវប្តូរមាសទាំងអស់ទៅជាប្រាក់ដុល្លារ។ នៅឆ្នាំ១៩៤៤ គេបានបង្កើតកិច្ចព្រមព្រៀង Bretton Woods ដែលមាសគឺជាមូលដ្ឋានគ្រឹះនៃតម្លៃប្រាក់ដុល្លារអាមេរិក ហើយរូបិយប័ណ្ណផ្សេងទៀតត្រូវបានកំណត់ជាប្រាក់ដុល្លារដោយអត្រាថេរ។

រូបិយប័ណ្ណសំខាន់ៗទាំងអស់លើពិភពលោកផ្លាស់ប្តូរពីប្រព័ន្ធតម្លៃដែលមានមូលដ្ឋានលើលោហធាតុ ទៅជាអត្រាប្តូរប្រាក់ថេរ ដោយគេលក់មាសទៅឲ្យសហរដ្ឋអាមេរិកក្នុងតម្លៃ ៣៥ ដុល្លារក្នុងមួយអោន ហើយត្រូវបង់ជាដុល្លារអាមេរិក។ ស្តង់ដារមាសនេះដែលជាការភ្ជាប់តម្លៃរូបិយប័ណ្ណទៅនឹងតម្លៃមាស ត្រូវបានគេឈប់ប្រើប្រាស់ជាផ្លូវការនៅឆ្នាំ១៩៧១ នៅពេលដែលប្រធានាធិបតី Richard M. Nixon បានប្រកាសថាអាមេរិកនឹងមិនប្តូរមាសជារូបិយប័ណ្ណអាមេរិកទៀតទេ ហើយប្រព័ន្ធ Bretton Woods ត្រូវបានបញ្ចប់។ សព្វថ្ងៃនេះ USD គឺជារូបិយប័ណ្ណសេរីនៅលើទីផ្សារជួញដូររូបិយប័ណ្ណសកល។ ប្រាក់ដុល្លារអាមេរិកដើរតួជារូបិយប័ណ្ណបម្រុងរបស់ប្រទេសភាគច្រើន ដែលជំនួសឱ្យការស្តុកទុកមាស និងប្រាក់ ធនាគារកណ្តាលជុំវិញពិភពលោករក្សាទុនបំរុងជាប្រាក់ដុល្លារសម្រាប់ជាការការពារអតិផរណា។ យោងតាមធនាគារកណ្តាល គិតត្រឹមខែកក្កដា ឆ្នាំ២០២១ មានរូបិយប័ណ្ណដុល្លារដែលកំពុងចរាចរមានជាង ២ ទ្រីលានដុល្លារ។ ចំនួននេះកើនឡើងដល់ជាង ២០,៤ ទ្រីលានដុល្លារប្រសិនបើគេគិតទាំងរង្វាស់ M2 នៃការផ្គត់ផ្គង់ប្រាក់ដែលរួមមានទ្រព្យមិនមែនសាច់ប្រាក់ដូចជាឧបករណ៍ទីផ្សារប្រាក់បញ្ញើ និងប្រាក់កម្ចីផ្សេងៗទៀត។ ប្រភព៖ Investopedia


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធភាពខ្ពស់បំផុត

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

បច្ចេកវិទ្យាទំនើបមនុស្សយន្ត Da vinci xi ជួយគ្រូពេទ្យវះកាត់កន្លែងស្មុគស្មាញ ចំគោលដៅ និងមានប្រសិទ្ធិភាពខ្ពស់បំផុត ។

កម្ពុជាអាចជាទីផ្សារយានយន្ដអគ្គិសនីដ៏សំខាន់មួយសម្រាប់ចិន

ព្រឹត្តិការណ៍, សេដ្ឋកិច្ច

• 21/06/2024

ប្រទេសកម្ពុជាកំពុងឈានទៅកាន់តំណែងជាប្រទេសដែលមានប្រាក់ចំណូលខ្ពស់នៅឆ្នាំ២០៥០ ខណៈដែលទាំងធនធានមនុស្ស ភាពរីកចម្រើន និងការអភិវឌ្ឍ ស្របនឹងនិន្នាការនៃតម្រូវការរថយន្តអគ្គិសនីត្រូវបានព្យាករណ៍​ថានឹងកើនឡើង

ជីធម្មជាតិអាចម៍ជន្លេន មានផលប្រយោជន៍ច្រើនលើការដាំដុះ ដែលកសិករគួរយល់ដឹង

ជំនួញ, ព្រឹត្តិការណ៍

• 21/06/2024

សត្វជន្លេន គេអាចទាញយកប្រយោជន៍បានច្រើនសម្រាប់អនុគ្រោះដល់ការដាំដុះតាមរយៈការចិញ្ចឹម និងទាញយកអាចម៍របស់វាមកកែច្នៃធ្វើជាជីធម្មជាតិដែលមានជីជាតិសម្រាប់ដំណាំយ៉ាងល្អប្រសើរ។

ស្វែង​យល់ពី​នីតិវិធី​នៃការ​ចុះបញ្ជី​ដីធ្លីមានលក្ខណៈជា​ប្រព័ន្ធ

ព្រឹត្តិការណ៍, អចលនទ្រព្យ

• 21/06/2024

ការ​ចុះបញ្ជីដីធ្លី​មានលក្ខណៈជា​ប្រព័ន្ធមានដំណាក់​សំខាន់ៗ៥ដំណាក់កាល ដែល​ប្រជាពលរដ្ឋ​និង​ម្ចាស់ដីធ្លីទាំងអស់​គួរ​ស្វែង​យល់​

ធនាគារពិភពលោក​អនុម័តកញ្ចប់​ឥណទាន​​ ២៧៥​ លានដុល្លារ ដើម្បីជួយទ្រទ្រង់ដល់កំណើន និងភាពធន់នៃសេដ្ឋកិច្ចកម្ពុជា

ព្រឹត្តិការណ៍, ហិរញ្ញវត្ថុ

• 21/06/2024

ក្រុមប្រឹក្សានាយកនៃធនាគារពិភពលោក នៅថ្ងៃទី២១ ខែមិថុនា ឆ្នាំ២០២៤ បានសម្រេចអនុម័តលើកញ្ចប់ឥណទានតម្លៃ ២៧៥ លានដុល្លារអាមេរិក សម្រាប់ជួយទ្រទ្រង់ដល់កិច្ចខិតខំប្រឹងប្រែងរបស់កម្ពុជា ក្នុងការជំរុញកំណើន និងភាពធន់របស់សេដ្ឋកិច្ច ក្នុងរយៈពេលវែងឆ្ងាយទៅមុខ

តម្លៃមាសបានបន្តឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន

ព្រឹត្តិការណ៍, សេដ្ឋកិច្ច

• 21/06/2024

តម្លៃមាសឡើងថ្លៃ ១,៤ ភាគរយ ឬ ២ ៣៥៨ ដុល្លារក្នុងមួយអោន ដែលជាកម្រិតខ្ពស់បំផុតក្នុងរយៈពេលពីរសប្តាហ៍ បន្ទាប់ពីរបាយការណ៍បង្ហាញថា ការលក់រាយរបស់សហរដ្ឋអាមេរិកចុះខ្សោយ

ឯកឧត្តមបណ្ឌិត ធន់ វឌ្ឍនា ៖ ច្បាប់ស្តីពីការវិនិយោគរបស់កម្ពុជាមានភាពអំណោយផលសម្រាប់ដៃគូវិនិយោគ

ព្រឹត្តិការណ៍, សេដ្ឋកិច្ច

• 21/06/2024

ឯកឧត្តមបណ្ឌិត ធន់ វឌ្ឍនា មានប្រសាសន៍បញ្ជាក់ថា គោលនយោបាយរបស់កម្ពុជាទាក់ទងនឹងការវិនិយោគផ្ទាល់ពីបរទេស (FDI) ជាពិសេសច្បាប់ស្តីពីវិនិយោគនៃព្រះរាជាណាចក្រកម្ពុជា គឺមានភាពអំណោយផលសម្រាប់ដៃគូវិនិយោគ

តម្លៃប្រេងធ្លាក់ចុះបន្តិច បន្ទាប់ពីឡើងដល់កម្រិតខ្ពស់ក្នុងរយៈពេល ៧ សប្តាហ៍ជាប់ៗគ្នា

ព្រឹត្តិការណ៍, សេដ្ឋកិច្ច

• 21/06/2024

ទន្ទឹមនឹងនេះ តម្លៃប្រេងឆៅម៉ាកធ្លាក់ចុះ ០,៦២ ភាគរយ ឬ ៨៥,៦០ ដុល្លារក្នុងមួយបារ៉ែល ខណៈតម្លៃប្រេងឆៅម៉ាក West Texas Intermediate (WTI) ធ្លាក់ចុះ ០,៧១ ភាគរយ ឬ ៨១,១៥ ដុល្លារក្នុងមួយបារ៉ែល

វិភាគ ៖ បេសកកម្មមេដឹកនាំរុស្ស៊ីសប្តាហ៍នេះអាចជាការទាក់ម៉ូយចាស់វៀតណាមយកលុយទិញគ្រាប់ពីកូរ៉េខាងជើង

ព្រឹត្តិការណ៍, អាជីវកម្មថ្មី និងនវានុវត្ត

• 21/06/2024

កាលពីឆ្នាំ២០២៣ វៀតណាមមិនមានធ្វើការបញ្ជាទិញអាវុធថ្មីបន្ថែមណាមួយគួរឲ្យកត់សំគាល់ឡើយ ហើយកំពុងសម្លឹងមើលដៃគូមួយចំនួនសម្រាប់បំពេញផែនការអាវុធ

ចំណេះដឹងហិរញ្ញវត្ថុជាបំណិនជីវិតមួយជួយឱ្យប្រជាពលរដ្ឋសម្រេចចិត្តផ្នែកហិរញ្ញវត្ថុហិរញ្ញវបានត្រឹមត្រូវ

ព្រឹត្តិការណ៍, ហិរញ្ញវត្ថុ

• 20/06/2024

ស្របពេលចំណេះដឹងហិរញ្ញវត្ថុក្លាយជាកម្លាំងចលករមួយដ៏សំខាន់ក្នុងការជួយជំរុញឱ្យមានការប្រើប្រាស់សេវាហិរញ្ញវត្ថុផ្លូវការក្នុងចំណោមប្រជាពលរដ្ឋកម្ពុជា ដែលជាប្រភពទុនដ៏សមស្រប មានតម្លៃទាប ហានិភ័យទាបសម្រាប់យកទៅប្រើប្រាស់ក្នុងគោលដៅផ្សេងៗ ធនាគារជាតិនៃកម្ពុជា ក៏ដូចជាសមាគមហិរញ្ញវត្ថុនៅកម្ពុជាបាននិងកំពុងយកចិត្តទុកដាក់លើការលើកកម្ពស់ចំណេះដឹងហិរញ្ញវត្ថុ ដល់ក្រុមគោលដៅ និងសាធារណៈជនទូទៅ។