មូលហេតុធំៗចំនួន៣ ដែលសេដ្ឋីនៅជុំវិញពិភពលោកនិយមទុកលុយនៅប្រទេសស្វីស

ចំណេះដឹង ៖ នៅពេលគេនិយាយពីទីកន្លែងសម្រាប់រក្សាទុកទ្រព្យសម្បត្តិរបស់សេដ្ឋី និងមហាសេដ្ឋីជុំវិញពិភពលោក គេតែងមើលឃើញធនាគារស្វីសមុនគេបង្អស់។ ប្រព័ន្ធធនាគារនៅប្រទេសស្វីសត្រូវបានគេចាត់ទុកថាជាទីកន្លែងដែលមានសុវត្ថិភាពបំផុតក្នុងការរក្សាទុកទ្រព្យសម្បត្តិមិនថាជាសាច់ប្រាក់ ឬរបស់មានតម្លៃដូចជាមាសជាដើម។

បើទោះបីជាប្រទេសស្វីសមិនមែនជាមហាអំណាចសេដ្ឋកិច្ច ឬយោធាក៏ដោយ ប៉ុន្តែប្រទេសតូចមួយនេះមានសមត្ថភាពរក្សាទុកទ្រព្យសម្បត្តិដ៏មានសុវត្ថិភាពបំផុតរបស់ពិភពលោកសព្វថ្ងៃ។ តើមានអាថកំបាំងអ្វីនៅពីក្រោយភាពជោគជ័យរបស់ប្រព័ន្ធធនាគារប្រទេសស្វីសនេះ ? អត្ថបទមួយនេះនឹងស្រាយចម្ងល់របស់លោកអ្នក។

វាមិនមែនជារឿងចៃដន្យនោះឡើយដែលប្រទេសស្វីសមានប្រព័ន្ធធនាគារដ៏ល្អឯកនេះ។ មានមូលហេតុធំៗចំនួន៣ ដែលធនាគារនៅប្រទេសស្វីសខុសប្លែកពីធនាគារទាំងឡាយជុំវិញពិភពលោក។

១. ប្រព័ន្ធធនាគារស្វីសរក្សាទុកព័ត៌មានអតិថិជនជាសម្ងាត់ ៖ នេះគឺជាលក្ខណៈវិសេសលើសគេរបស់ធនាគារស្វីស។ ច្បាប់របស់ប្រទេសស្វីសបានកំណត់យ៉ាងតឹងរឹងអំពីការរក្សាទុកទិន្នន័យធនាគារផ្ទាល់ខ្លួនរបស់អ្នកប្រើប្រាស់។ បើមានធនាគារស្វីសណាមួយធ្វើឲ្យបែកធ្លាយព័ត៌មានផ្ទាល់ខ្លួនរបស់អតិថិជន ធនាគារនោះនឹងត្រូវប្រឈមមុខចំពោះមុខច្បាប់ មានន័យថាធនាគារនោះបានធ្វើខុសច្បាប់។ មិនមានរដ្ឋាភិបាលបរទេស ឬជនណាមួយអាចស៊ើបអង្កេតទៅលើគណនីយនៅក្នុងធនាគារស្វីសបានឡើយ។ នេះមានន័យថាបើអ្នកមានលុយទុកនៅធនាគាស្វីស គ្មាននរណាម្នាក់ផ្សេងដឹងពីគណនីយធនាគាររបស់អ្នកឡើយ ដែលនិយាយបានថាគណនីយធនាគារស្វីសរបស់អ្នកជាព័ត៌មានសម្ងាត់។ ក៏ប៉ុន្តែច្បាប់នេះមានករណីលើកលែងនៅពេលដែលម្ចាស់គណនីយស្ថិតនៅក្រោមការស៊ើបអង្កេតផ្លូវច្បាប់ ដូចជាការជួញដូរថ្នាំញៀន បទឧក្រិដ្ឋ ឬសកម្មភាពភារវកម្មជាដើម។

២. ប្រាក់តម្កល់ជារូបិយប័ណ្ណដែលមានសុវត្ថិភាពបំផុតក្នុងពិភពលោក ៖ លុយ Swiss franc គឺជារូបីយប័ណ្ណផ្លូវការ និងតែមួយគត់របស់ប្រទេសស្វីស។ Swiss franc ត្រូវបានគេចាត់ទុករូបិយប័ណ្ណដ៏មានសុវត្ថិភាពបំផុតរបស់ពិភពលោក។ រូបិយប័ណ្ណនេះមានអត្រាអតិផរណា០% ដែលមានន័យតម្លៃលុយស្វីសគឺនៅថេរមិនថាទុកចោលប៉ុន្មានឆ្នាំក៏ដោយ។ ងាកទៅមើលប្រាក់ដុល្លាអាមេរិកវិញ ធនាគារកណ្តាលអាមេរិកបានព្យាករណ៍កាលពីខែកញ្ញាថា អតិផរណាប្រចាំឆ្នាំ២០២១របស់ប្រាក់ដុល្លាអាមេរិកមានអត្រាលើសពី៤%។ នេះបញ្ជាក់ថាប្រាក់ Swiss franc របស់ប្រទេសស្វីសមានសុវត្ថិភាពខ្ពស់ណាស់ក្នុងការរក្សាទុករយៈពេលយូរ។ កត្តានេះកើតមានដោយសារមូលហេតុធំមួយគឺរូបិយប័ណ្ណនៃប្រទេសជាច្រើនជុំវិញពិភពលោកបោះពុម្ពលុយថ្មីជាទម្រង់ឌីជីថលយ៉ាងច្រើនដើម្បីប្រើប្រាស់ ដោយឡែកលុយស្វីសមានការតម្កល់ជាមាសលើសពី៤០%នៃតម្លៃលុយសរុប។

៣. ភាពរឹងម៉ាំនៃសេដ្ឋកិច្ច និងនយោបាយប្រទេសស្វីស ៖ ស្ថិរភាពតម្លៃលុយ Swiss franc ក៏ពឹងផ្អែកទៅលើសេដ្ឋកិច្ចប្រទេសផងដែរ។ ប្រទេសស្វីសមានប្រព័ន្ធសេដ្ឋកិច្ចរឹងមាំខ្លាំងដែលរក្សាបានទាំងលំនឹងម៉ាក្រូសេដ្ឋកិច្ច និងលំនឹងរូបីយប័ណ្ណជាតិ។ ងាកទៅមើលស្ថានភាពនយោបាយវិញ ប្រទេសស្វីសជាប្រទេសអព្យាក្រឹតពេញលេញ និងត្រូវបានគេរាប់ចាត់ទុកជាប្រទេសកម្រដែលជាទឹកដីគ្មានសង្គ្រាមចាប់តាំងពីឆ្នាំ១៥០៥​ រហូតមក។ ស្វីសជាប្រទេសមួយក្នុងទ្វីបអឺរ៉ុប ហើយទោះបីជាសង្គ្រាមលោកទាំង២លើកផ្ទុះឡើងនៅពាលពេញទ្វីបអឺរ៉ុបក៏ដោយ ក៏ពុំដែលមានសង្គ្រាមកើតឡើងនៅទឹកដីប្រទេសស្វីសឡើយ ដែលនេះធ្វើឲ្យប្រទេសស្វីសមិនធ្លាប់រងការខូតខាតដូចប្រទេសផ្សេងៗទៀតនៅជុំវិញពិភពលោកនោះទេ។ បើមានសង្គ្រាមលោកលើកទី៣ទៀត ក៏ប្រទេសស្វីសទំនងជានៅតែជាទឹកដីមានសុវត្ថិភាព ជៀសផុតពីសង្គ្រាមផងដែរ។ ធនាគារស្វីសភាគច្រើនមិនចូលរួមក្នុងសកម្មភាពពាណិជ្ជកម្ម ដូចជាប្រាក់កម្ចី ឬការវិនិយោគនោះទេ ដោយគោលបំណងចម្បងតែមួយគត់គឺរក្សាសុវត្ថិភាពទ្រព្យសម្បត្តិអតិថិជនរបស់ខ្លួន។ ហេតុផលធំៗទាំងនេះហើយ ដែលធនាគារស្វីសត្រូវបានគេចាត់ជាស្ថានសួគ៌សម្រាប់រក្សាទុកទ្រព្យសម្បត្តិមហាសេដ្ឋីជុំវិញពិភពលោក៕


របាយការណ៍ថ្មីៗ

មើលទាំងអស់ ➧

ព័ត៌មានទូទៅ

មើលទាំងអស់ ➧

ធនាគារពិភពលោកលើកឡើងពីបញ្ហាកំពុងកើតឡើង ៣ ដែលរារាំងដល់កំណើនសេដ្ឋកិច្ចសកល

ព្រឹត្តិការណ៍, សេដ្ឋកិច្ច

• 20/06/2024

ប្រធានសេដ្ឋវិទូរបស់ធនាគារពិភពលោកបានលើកឡើងថា កំណើនសេដ្ឋកិច្ចសកលហាក់ដូចជាកំពុងនៅលើផ្លូវឆ្ពោះទៅរកស្ថិរភាព ប៉ុន្តែពិភពលោកកំពុងប្រឈមនឹងហានិភ័យមួយចំនួន

ប្រធានាធិបតីរុស្ស៊ី Vladimir Putin បានធ្វើដំណើរទស្សនកិច្ចមកដល់ប្រទេសវៀតណាម

ព្រឹត្តិការណ៍, អាជីវកម្មថ្មី និងនវានុវត្ត

• 20/06/2024

កាលពីព្រឹកថ្ងៃព្រហស្បតិ៍នេះ យន្តហោះរបស់ប្រធានាធិបតីរុស្ស៊ី Vladimir Putin បានចុះចតនៅទីក្រុងហាណូយ ហើយវៀតណាមគឺជាគោលដៅចុងក្រោយរបស់គាត់ក្នុងដំណើរទស្សនកិច្ចនៅអាស៊ី

វេទិកា​ធុរកិច្ច​ កម្ពុជា​-​សិង្ហបុរី​​ នឹង​ជួយ​ជំរុញ​កិច្ច​សហប្រតិបត្តិការទ្វេភាគី និងបង្កើត​ភាពជា​ដៃគូ​យូរអង្វែង​នៅ​ក្នុង​វិ​ស័​យ​សំខាន់​ៗ

ព្រឹត្តិការណ៍, សេដ្ឋកិច្ច

• 19/06/2024

សភា​ពាណិជ្ជកម្ម​កម្ពុជា​ ​និង​សហ​ព័ន្ធ​ធុរកិច្ច​សិង្ហបុរី​ ​បាន​សហការ​គ្នា​រៀបចំ​វេទិកា​ធុរកិច្ច​កម្ពុជា​-​សិង្ហបុរី​ ​ដែល​បាន​ប្រព្រឹត្តទៅ​នៅ​ថ្ងៃ​ទី​១​៩​ ​ខែ​មិថុនា​ ​នៅ​សណ្ឋាគារ​ ​Co​nr​a​d​ ​Cent​e​nn​i​a​l​ ​Singapore

អាហារសម្រន់ប្រភេទថ្មី មានទាំងរសជាតិឆ្ងាញ់ ផ្តល់គុណតម្លៃដល់សុខភាព និងរួមចំណែកជួយដល់ជីវភាពកសិករក្នុងតំបន់

ជំនួញ, ព្រឹត្តិការណ៍

• 19/06/2024

ថ្មីៗនេះ Sabara Best Food បានចេញលក់នូវផលិតផលអាហារសម្រន់ថ្មីបីមុខ ដែលមានរសជាតិថ្មី ប្លែកមាត់ខុសពីគេ និងចូលរួមជួយដល់ជីវភាពកសិករកាន់តែច្រើន។

រដ្ឋមន្រ្តីកសិកម្ម កៀរគរកសិករឱ្យចងក្រងជាសហគមន៍កសិកម្មទំនើប ដើម្បីទទួលបានផលចំណេញច្រើន ហើយផ្សារភ្ជាប់ទៅកាន់ទីផ្សារ

ព្រឹត្តិការណ៍, សេដ្ឋកិច្ច

• 19/06/2024

ឯកឧត្តម ឌិតទីណា បានចុះជួបសំណេះសំណាលជាមួយប្រជាកសិករជាសមាជិកសហគមន៍ដាំបន្លែនៅខេត្តតាកែវ ក្នុងបំណងកៀរគរកសិករឱ្យចងក្រងជា «សហគមន៍កសិកម្មទំនើប»

ម៉ាឡេស៊ីកំពុងត្រៀមខ្លួនក្នុងការចូលរួមជាសមាជិកក្រុមប្រទេស BRICS

ព្រឹត្តិការណ៍, សេដ្ឋកិច្ច

• 19/06/2024

នាយករដ្ឋមន្រ្តីម៉ាឡាស៊ី អាន់វ៉ា អ៊ីប្រាហ៊ីម លើកឡើងថា ម៉ាឡេស៊ីបានបានធ្វើការសម្រេចចិត្តក្នុងការចូលរួមជាមួយ BRICS ហើយនឹងដាក់នីតិវិធីជាផ្លូវការក្នុងពេលឆាប់ៗនេះ ខណៈដែលកំពុងរង់ចាំលទ្ធផលចុងក្រោយពីរដ្ឋាភិបាលអាហ្វ្រិកខាងត្បូង

អាជីវកម្មរាប់រយដកខ្លួនចេញពីទីផ្សាររុស្សី ប៉ុន្តែយីហោធំៗបន្តម៉ាកពាណិជ្ជកម្មក្នុងទីផ្សារ

ព្រឹត្តិការណ៍, សេដ្ឋកិច្ច

• 19/06/2024

Coca Cola បានបង្ហាញខ្លួនក្នុងទីផ្សាររុស្ស៊ីតាំងតែពីឆ្នាំ១៩៨០ក្នុងអំឡុងពេលព្រឹត្តិការណ៍កីឡាអូឡាំពិកនាទីក្រុងមូស្គូ និងឆ្នាំ១៩៩០ នៅតាមហាង McDonald's

អ្នកជំនាញប្រាប់ពីរបៀបប្រើប្រាស់កម្ចី ដើម្បីឱ្យមានប្រសិទ្ធភាពខ្ពស់

ព្រឹត្តិការណ៍, ហិរញ្ញវត្ថុ

• 19/06/2024

អ្នកជំនាញហិរញ្ញវត្ថុប្រាប់ពីវិធីសាស្ត្រក្នុងការប្រើប្រាស់លុយកម្ចី ឬឥណទានពីធនាគារ និងគ្រឹះស្ថានមីក្រូហិរញ្ញវត្ថុ ឱ្យមានប្រសិទ្ធភាព ហើយវិធីសាស្ត្រទាំងនេះរួមមានការផ្តោតលើការប្រើប្រាស់កម្ចីឱ្យចំគោលដៅ

គម្រោង​វិនិយោគ​ពាក់ព័ន្ធនឹង​អគារ​ជាប់គាំង​​នៅខេត្ត​ព្រះសីហនុ​ទទួលបានការលើក​ទឹកចិត្តផ្នែកពន្ធដារ​ ៨ ​ចំណុច​សំខាន់ៗ

ព្រឹត្តិការណ៍, អចលនទ្រព្យ

• 19/06/2024

រាជរដ្ឋាភិបាល​បានលើកទឹកចិត្ត​ផ្នែកពន្ធដារ​ជាច្រើន​ដល់​វិនិយោគិនណាដែលមានបំណងមក​វិនិយោគ​នៅខេត្តព្រះសីហនុ ជាពិសេស​លើ​គម្រោងអគារ​ជាប់គាំង​

ទីផ្សារប្តូរប្រាក់រុស្ស៊ី MOEX ផ្អាកការជួញដូរជាប្រាក់ដុល្លារ និងប្រាក់អឺរ៉ូ ដោយសារទណ្ឌកម្មពីសហរដ្ឋអាមេរិក

ព្រឹត្តិការណ៍, អាជីវកម្មថ្មី និងនវានុវត្ត

• 19/06/2024

ទីផ្សារប្តូរប្រាក់រុស្ស៊ី Moscow Exchange (MOEX) បានផ្អាកការជួញដូរជាប្រាក់ដុល្លារ និងប្រាក់អឺរ៉ូចូលជាធរមាននៅថ្ងៃព្រហស្បតិ៍ ដោយសាររតនាគារសហរដ្ឋអាមេរិកបង្ហាញពីទណ្ឌកម្មថ្មីមកលើប្រទេសនេះ